THUCHAH HNUHNUNG (Part - 8_)

THUCHAH HNUHNUNG {Part - 8)


mahse a nu leh pa te an awm vang chuan a ngam lo, tichuan Thlawhna chhunglam pan chuan a kal ta a, a kal bo hma chu kan thlir eng a, a rawn hawi let tlem lo, a ban a rawn vai lauh lauh a. Ka duati chuan Phairam hmun hla takah min thlawhsan ta a.



    Mawizuali te chhungkua hi rethei an ni lo a, Aizawl vengkhat a Pa hausa leh awmthei ve tak an ni, an chhungkua pawh Kristian chhungkaw diktak an ni a, an fate hi Pathian thu  nen a thanlen tir a, an unau zingah kawhmawh bawl leh tlang rel an awm ngai lo, Mawizuali u te zawng zawng pawh Phai ramah Zirna an chhhunzawm vek a, a then phei chu Hna nei in India ram khawpui ah an awm tawh a, , an Unau pali zing a upa ber  hmeichhia pawh hian Bank pakhat ah Manager hna thawkin Delhi ah a awm mek ani, an upa ber dawttu Mipa hian Engenering a zirchhuak chiah a, Company lian tak pakhat ah hna a hmu ve chiah bawk a ni. A chhang chiah Rampui paw`n Mizoram University ah M.Sc a zir ve mek bawk.


    Mawizuali a kal hnu chuan ka lung a leng thei hle a, ka khawhar chuan kan School hlui ah te kalin kan sulhnu te chu ka fang a, Phone tak ngial pawh a kan inbiak theih tak loh ah chuan hreawm kati thei hle College kal ve tawh chuan Phone neih ve ngei tul in ka hria a chu lo pakhat ah Mawizuali nen a inbiak theih loh chu hreawm ka tih thin em vang in a kal tang a Thla khat lai a liam hnu chuan Ka sum dahkhawl tawh chu la chhuakin kan lei leh mai mai thei dawn silo a tiin Phone tha ve tawk tak Man tam lutuk lo hi ka lei a, Phone ka lei tirh zan a, Mawizuali ka Phone chu Ka aw a hriat chuan a lungleng lutuk chu a tap ta pur mai a.


    “Ka ngai lutuk che..”
    “Ka hria lawm.. keipawn ka ngai lutuk che lawm, hei ka pawisa dahkhawl kha ka lachhuak a Phone hi ka lei ringawt mai a sin, i lo inenkawl tha em..”
    “Nang zawk i lo inenkawl tha em.. chawte kha i lo ei teuh teuh em.. i cher palh ang e aw. chaw ei loh te kha ching suh ang che..”
    “E he... chawei loh i ching a ni maw.. ? ngaiti nge chutiang te chuan i awm a,, puitling i nih ve tawh kha.. naupang chhia thin lutuk..”
    “Ka lung a leng lawm chaw ka ei thei hleinem..” a tap ring sauh a. keipawh insum harsa kati hle.
    “Bangalore chu a nuam em..?”
    “Nuam lo..” ti tau aw tih hriat tak hian.
    “Nakinah nuam i la ti mai ang..”
    “I awm ve lohna hmun hi nuam ka tih i ring a amw.. i tello a awm hi nuam ka tih thei i ring a,...”
    “Kumkhua in kan awm hrang dawn hleinem hun reilote chauh a tan lawm kan in then..”
    “MBBS bak hi ka zir zawm tawh lo ang aw..”
    “Tehreng mai kha chiah kha i zir ang a, chuan i zirchhuah ve leh ka bulah i awm daih dawn nia..”


    Kan inngai thei hle a, nitin kan inbia a, Balance a hek duh thei khawp mai, mahse Phone ka khawih tam hnu chuan Facebook te ka hmang ve ta a, Inbox tang te pawn kan i be ta fo a, a ni pawh rei a awm hnu chuan ngai ah a nei ve tawh a, a awm tirh a a lunglen ang em em kha chu a ni bik tawh lo, Thiante pawh a siam ve zel a, an class ah Mizo dang awm ve lo mahse Vai ho te pawh thian ah a siam thei zel a, Vaiho pawn an ngaina thei hle, an Class ah pawh chuan a thiam thei pawl a zu ni ta zel a, Mizo hming ti tha tu tak a zu ni ta hial a ni.


    Keipawh College kan tan tawh Vangin nitin Class ka kal ve ta thin a, zanlamah hna thawkin zinglamah chanchinbu ka sem a, Chhun ah Class ka kal hmaih ngai chuang lo, thian thar ka siam a, mahse  thian ka kawm tam lo hle, an awm ang ang a awm thei ka nih loh zia ka hria a, zing leh zanah lehkha zir hun ka neih loh vangin Off period chu Library ah lehkhazir nan  ka hmang ta ziah a, ka hunawl zawng zawng chu Lehkhazir na hun a tan ka hmang thin. Lehkha han zir em em tur a awm loh chang chuan thawnthu ngaihnawm tak tak hi ka chhiar thin a, Mizo ziakmi tamtak ka hmelhriat phah a, Lehkhabu tamtak ka chhiar a, chuta tang chuan thawnthu ziak lamah ka phur nasa zual a, Hun thawl ka neih chang phei chuan thawnthu tawi te te hi ka ziak ve thin.


    Rambuai lai chanchin te chu ngaihnawm kati thin hle a, Mizo Love Story te pawh ka chhiar nasa khawp mai, a chang chuan ka hawh chhuak a, inrinni zan hi kan hna chawlh zan a nih vangin Inrinni zan leh Sunday inkhawm banah te hian ka chhiar ve thin. kan chanchin chu kan inhrilh tlem lo a, mahse hunawl ka neih tlem vangin duh ang a tam erawh kan in text tam thei lo, a ni pawh a zirna beih nasat ngai chi a lo ni bawk a, kan i be tam thei lo hle mahse nitin in kan inbe ziah tho a.


    Kan Colleg ah chuan Political Science ka ka core a, a tir chuan subject dang ho nen kan thu ho thin a, kan Class bik pawh kan in hre kim mumal lo, Mahse kan senior ten Dept Pinic an huaihawt ni tang chuan kan Batch ho chu kan inhre kim thawkhat thei ta chauh a, kan Class ah chuan tawng thei lo, leihrui chak loh vang a tawng thiam lo zaizir a biak ngai  thin hi a awm a, Tawng thei lo leh Zaizir a biak ngai thin mahnise a hmelthat em vang chuan tupawh mai hian ngaihzawn an chak thin a, an star rawn luai luai thin, keipawh chuan hmeltha ka ti reuh hle a, mahse ka star ve lemlo, Mawizuali`n ka thinlung a luahtlat tawh vang chua hmeichang tumahin ka nunah thu an sawi thei tawh lo.


    Tumkhat chu Lunch break lai in College Canteen ah ka chawl a, keimah te chauh hian dawnkan pakhat  ka kil a tukverh bulah a ni a, thil ei pah chuan ka lo hawi chhuak leh vang vang thin hi a lo ni a, Thla hnih zet Class ka kal ve hnu pawh chuan thian kawm mumal em em hi ka nei lo a, mahni hian ka tal ve tawp zel mai thin a, Library hi ka thian tha ber a ni thin.  chutia keimah chauh a ka lo thut lai chuan Kan class a tawng thei lo leh a thiante Pahnih chuan ka Table chu an rawn kil ve a, Tawngtheilonu chuan kut ziazir hian min bia a,  mak ti tak hian ka hawi lawl lawl mai a, a thiante pahnih chu chhanna beisei tak hian ka en ta ran mai ani.


    A thian te chuan kut zaizir a a tawng thin thu min hrilh a. “Engvang neg nagmah chauh  a awm thin nge i nih?” min tih na hi a  ni a, kei chuan kan home Tawngtheilo naupang an awm ve vang hian zaizir a mi biak chu ka hre ve nual a, hming te kan inzawt a, a hming chu “Malsawmzeli” a ni tih ka hria a, zaizir chuan kut dinglam kut zungte tih pir a, hnar leh hmui chunglam inkarah dah a hui zeuh zeuh tur ani. ka hming chu sanga a nih thu ka hrilh ve bawk a. chumi ni chuan Library ah kan awm ho a, zaizir a inbiak dan chu a thiante chuan min zirtir belh ngawrh  hle a kan haw dawn phei chuan a tlangpui chu ka thiam tawh ka haw hnu pawh chuan ka zir zawm zel a a, zan a ka hnathawhna hmunah te ka zir a.


    Chumi ni a ka thil tawn zawng zawng chu Mawizuali hnenah ka hrilh ve vek a, Malsawmzeli chu ka khawngaih thu leh a hmelthat thu te kan college mipa tamtak chuan hmeichhe pangai ai a an star zawk thin thu te chu ka hrilh a thian thar ka nei ve ta tih a hriat chuan Mawizuali pawh chuan min lawmpui thiam hle a, min rintawk em avang chuan thik en pawn a en lo, hmuh a chak ve thu leh hmelhriat a chak thu te a sawi ta zawk a.


    A tuk khua a lo var chuan ka thian thar te Sawmzeli leh a thiante pahnih chuan Treasury ah min lo nghak a kan College bus chuan Kan collge chu kan pan ho ta a, chu chu kan college kal chhung zawng a kan hun hman dan tur a lo ni dawn ta a ni. Sawmzeli nen chuan zaizir hlirin kan in be ta a, kar lo ah a mah ang mai in kut zaizir chu ka thiam nal ta em em a, mipa dang in an thiam ve lem loh vang chuan a thiante nen pawh chuan min ngaina ve hle, Mipa dang ho kha chuan an star tehmeuh a alawm mahse a tawng ve dan a kut zaizir kha an hrethiam ve tlat lo a, a hmelthatna chauh kha an hmu thiam a, kei erawh chuan kut zaizir pawn ka be thiam a, a thian dang te ang bawkin min ngaina ve ta em em a ni.


    Ka vanneih vang nge ka hre lo, Hmeichhia zingah pawh star tu leh Bem tu hial ka nei a,mahse ka bawhzui lem chuang lo bakah Mawizuali ka nei tawh a midang tan tel ve a rem tawh lo.


    Sawmzeli leh a thiante nen a kan in hmelhriat hnu chuan thian kawm tur mumal ka lo nei ve ta bawk a, mahni chauhin Library ah pawh ka kal tawh lo, class off apiang in kan pali chuan college park velah te kan kal ho thin a, Lunch break ah kan chawl ho thin bawk a, Tiffin hi an rawn pai thin a, kei erawh chuan ka pai peih lem lo min rawn pai kep ru hi ka ti mai thin. Sawmzeli hi  tawng theilo mah nise a Hmelthatna hian mipa tamtak a tibuai thin a, a zun a uai pawh an tam mai, a chanchin chu Kan college mipa zawng zawng titi a tling a, kawm an chak vang a kut zaizir hman dan zir pawh an tam mai, mahse mipa dang ho chu ka hlau a ti a, ka bulah hian a awm tlat zel thin.


    A nui mawi em em a, a tawngthei lo tih hre lo tamtak phei chuan an ralkhat hmuh a, an lo star ngawih ngawih thin, a tawngtheilo tih an hriat chuan an khawngaih a belchian lehzual an chak a, mahse a ni tereuh chuan a lo uksak ngai chuang lo, a tawng thei lo na a a hlei reuh khawp mai, kan thianho ziangah pawh a tawngthei lo ber hi a aharh ber zel a, class lak lai pawn a hlei thin em vang hian Lecture ten min hrem chang a tlem tawh lo, a sam hi hnunglamah sakawr mei ang mai hian a tawn kawh lah zel a, a sam buang rangkachak rawng lampang, a incheina pawh hmeichhe dang ango takin a simple thei hle a, Hmeichhe bag nilo in Mickey Mouse lem chuang Bag hi a rawn ak thin a, a chang chang hian Scooty in a rawn kal thin a, a chang erawh thung chuan Treasury Bus stand ah hian min lo nghak thin, min hmuh  hian a lo nui saih saih thin a, kut zaizir hian “Good Morning” a han ti ngei thin a, a hawihhawm in a tlawmngai em em e, Tar upa tawh lam kawngkan tur han puih mai te hi a ching reuh a, a nun a hlim em em a, Kutdawh dawhbawm a Pawisa nawi han thlak mai te pawh hi a hreh lo thin hle.


    A dinhmun thlir chuan chutiang em em a nun hlim tur a ni lo a sin hi kati thin mahse a chang chuan a nun chu ka awt hle thin a, a hlim lo hmel hi kan hmu ngai lo, a ei ai pawh midang tan chuan a phal a, a chanchin sawi ai in a thiante leh a unaute chanchin sawi nuam a ti zawk a, chuchuan ama tanghma a hai loh zia leh midang a ngaihtuah zawk hmasak zawk zia a ti lang thin, kut zaizir a min hrilh ka hriatthiam theih thlawt loh chinah hi chua pencil a hmawr a nawhreh awm leh Notebook hi a phawrh a ziak hian min hrilh leh nge nge thin.


    A thlawnin mi thil hmansak a duh ngai lo a, mahse tumah man nei a thil hawh leh pek a duh ngai lo thung, a huaisen em em a, dawt sawi a hreh em em bawk a nungchang mawi leh thinlung thianghlim em em ka hriat hnu chuan ka ngaina in chutiang thian tha ka nei chu manhla kati hle a, a thiante diklohna leh chet mawina lohna tepawh hi kan bulah a sawi tawp mai thin a, chu chu entawn tlak hle in ka hria.