Mami Dekhenez Chawngthu
BENJAMIN
"Chelsea ve hi .. an sum sen hnem ngaihtuah in an tha lo, an nep emai, hetiang club lo tan ve te chu aaa" rum tawkin ka melh nghal kawk a, tu fa teh chai nge ka hmangaih Chelsea sawichhetu chu tiin ka hmaa thu mipa pathum chu ka melh kual nghal a, "Eng club nge i tan ve a?" min melh thup a. A sawitu ber chuan chiang takin min melh ran a,"Man utd fans ngat le...." "hah!... Ani maw? Tunah table ah engzatnange in nih a?" chhan ngaiah min ruat lo pawh ni mahna, a ngawi ta daih a. Ka bula thu pakhat chuan,"Nangpawh i va ruh awm ve aw?" Nui sangin alo ti a. Ka inthiamlo ru hle, ka in thunun theih lohna hian vawi engzatnge min tih mualpho dawn, ka nui ve tawp a,"Thisenah hian alo bet ve tawh a" kan ti ve mai a. Min chibai tumin a kut a rawn lek chhuak a,"Benjamin Lalmuanpuia ka nia, Bena tiin min ko mai thin a" a tih chuan ka kut la chhuakin kan in chibai a,"Kei hi Lalrinmawii ka nia, Bawihi tiin min ko mai thin a" ka lo ti a. Tlaitin he restaurant ah hian ka chawl thin a, a neitu Mapuii te nen pawh kan innel tawh hle. Tlem lai deuh atang khan ka bula thu Bena hi ka hmu ve zeuh zeuh a. Mipa cool tak a ni ang tih ka ring mai a, midang rawn hruai anei ngailoa, amahin a rawn kal thin. Min thlek vang vang a, ka inchei dan te chu uluk takin min en a, a khi suk a. Enge a rilru ah awm tih ka ngaihtuah thiam lo. Hmeichhe pa chi emaw min ti ni maiin ka hria a, nuam ka tih loh avangin ka chhuak ta daih a.
Nu lian tak nilo mah ila ka nihdanah chuan ka lungawi ve hle a, hmeltha ti a sawi ni lem lo mah ila chhe lutuk chu ka ni bik lo. Tlem chuan a pa deuh em aw an tih tur chi ka ni a, ka nu tehchiam lo. Thian kawm hi nuam ka ti hle a, mahse ka hrisel loh em avangin kawm theiin la awm ngailo. Vawi tam tak thi lek lekin ka awm fo thin. Ka zirlai pawh chhunzawm lo mai tura tih ka ni a, mahse ka nu hian a zirtirtu hna chawlhsanin in lamah min zirtir tawp a, exam hunah ka exam ve mai thin. Ka pa in ka tan library room min siamsak a, lehkhabu tha hrang hrang min leisak a, ka chhiar thin. Ka in chhiar peih em avangin kan zir lai pawh ka hre ve viau zel a, pawl pawh ka sawn ve zel a, ka graduate ve ta hial a. Kan chhungkaw tan chuan thil ropui tak a ni, pawl ruk chauh ka la nih laia doctor ten zirna chawlhsan tura an tih tan chuan a ropui lutuk mah a ni. Ka upa telh telh a ka hrisel ve telh telh a, ka chhungte pawh an lawm hle. Mahse lehkhabu chhiar a ina awm ai chuan thian kawm chu nuam ka ti ta viau mai a. Unau pali kan ni a, ka u te hi mipa vek an ni a, a upa pahnihin nupui neiin an indang tawh a, min chhangtu chiah erawh phaiah lehkha zirin a awm thung. Unaute mipa vek chu keipawh an neih ang apiang chu ka ngen thin a, ka pa tak deuh chhan pawh hi anih ka ring.
Ka chhungte hian ho mai maia kal chhuah an phal ngailoa, ka u te pawh hi tumah han hir ha deuh an awm lo. Kei hmeichhe awmchhun ber hi ka nghal em em a, ka luhlul in ka ti deuh ngalh zel hi ka miziaa a chhe lai a ni a. Ruihtheihthil leh zuk leh hmuam lamah erawh ka fihlim hmak thung a. Ka thianten beer vel an in pawhin ka in ngailo. Pawisa an neih loh erawh chuan ka thawh ve mai a, nuam ti ber berah ka tang thin. Kan lo tum lawk tawh angin kan thianho pawh Ruati te inah kan kim leh thap tawh a, Hmuifangah kal kan tum leh tawh a ni. Kan car chu ka pa hriat lohin ka la chhuak a, ka park vel vang tawh a, Chama leh Andrew chuan bike an rawn keng bawk a, kan leng tawk viau. A hmun kan thlen pawh chuan kan hlim tlang lwh hle a, eng engemaw an in a, ka thiante pawh an bengchheng leh hle tawh a. Kei erawh engtakin nge min mawlh ka hrelo, ka cool deuh ruih a, car ah thu in hla ka ngaithla a. Mapuii te dawra thu tlangval, min nuihzattu ni ngeia ka hriat kha ka mitthlaah alo lang chuai chuai a. Engvanginnge ani ber kher chu ka ngaihtuahnaah a awm? Chung thil ka ngaihtuah lai chuan ka thiannu Eli chuan min rawn pawt chhuak dawrh a, an awm khawmna lamah min hruai phei a. Ka hmel an hmuh chuan nidang ang lo min ti deuh hlawm aniang, haw mai an rawt a. Ka hnial hran bik lo, nidang angin nuam ka ti thei tlat lo. In ka thlen chuan ka nu chauh alo awm a, min hmuh veleh,"Bawihi i nundan hi thlak ve deuh teh. I pa kamkhat ila tawk ngei ngei ang" alo ti nghal a, ka nui tawp a. Nidang ang chu nise ka nu chu ka chhang leh anga atawpah ka mittui atla leh pur ang. Ka nu bulah chuan ka thu a, "Nu, ka pa nen hian engtinnge in in tawn?" Mak tih hmel deuhin min en a,"Kan naute hian chutiangte a ngaihtuah ve tan ta ni maw?" alo ti a. Chhang tawh lem lo chuan ka nu malah ka mu a, ka lu chul heuh heuh pah chuan,"Bawihte i pa nen hi chuan Khuanu samsuih kan ni, i pa hi ka first love ania, a first love ka ni bawk a. Kan vannei asin hetiang hi an tam vak ka ring lo. I pa hi kan veng thenawma awm an ni a, kan in bulah hian thian anei a, arawn kal thin. Kan han tleirawl chhuak kha ka hmel tha ve hle a, rimtu pawh ka ngah ve thin asin. I pa in min lo duh reng tih ka hriat ni a ka hlim zia chu... khami ni atanga vawiin ni thleng hian kan inhmangaihna hi ala chuai lo a, a zual zel a ni" a ti a. Ka nu leh pa te chu ka awt ngei mai. Hmangaih ka la nei lova, ka tan chuan mipa te hi chu thian satliah ang chauh an ni thin. Mahse tunah chuan suangtuah zui tur mipa ka tawng ta tlat a!
Ka mu chu ka lo muhil a, ka harh meuh chuan khua alo thim der tawh. Mapuii te dawr lam chu ka hawi vang vang a, tlaiah khan thil ei tura chhuah ka duh viau a, Bena ka hmu ang tih ka hlau a, ka kal ta lo anih kha. Engvanga pumpelh duh viau nge ka nih ka hre bik lo. Ka nu in chawei tura min rawn koh takah chuan inhnuai lam chu ka pan ta a. Chaweikham veleh ka room a lut lovin library room lam ka pan a, ka lehkhabu te chu ka bihkual a, chhiar tur ber pawh ka hre lo. Ka thinlung kilkhat hi ruak a awm a, hnawhkhattu ka mamawh a ni.
"Min hlat sawt riau mai, Bawih, enge i hriat a? I thiante hi kan lawm lo ania" Eli chuan a ti hlaih hlaih a, ni e a dik ang. Ka chan loh tur mipa ngaihtuahin ka hun ka hmang nasa mah mah, "Chutiang engmah a awm lo, kal rawh leng chhuak ang" kan ti ve a. Hlim hmel takin min en a, ka thulh leh mai ang tih hlau awm fahranin ka motor chahbi a la a, a chhuak nghal a. Ka nuih aza kher mai. Mapuii dawr kan tlan pelh dawn chiah chuan ka va hawi a, Mapuii leh Bena inbe mawlh mawlh chu ka va hmu thuak a, ka rilru a na ve tawp! Engatinge hepa hian heti taka ka rilru alak buai buai em em,"shalla....." ka lo phun chhuak pek a, Eli chuan mak tih hmel deuh hian,"Ava mak thei bui bui ve.. bawih, star te hi i nei nilo maw?" "Engtinnge i hriat.. ah. A... teuh lo" ngaihtuah chiang lo taka thil chhan hi ka ching reng reng a. Tifuh inti deuha min melh pah chuan,"Nang ai experience ka ngah, inzep buai duh suh.. min hrilh la kawng chu i hmu zawk ang" an tih zawm nghal a. Ka chhang buai peih ta lo a. Siami te in kan thleng a, Ruati nen an lo awm a, min hmuh chuan an lo au chul a. Karkhar zet min hmu tawhloa, an lo vui ve nuah nuah a. Thian dangte pawh an lokal zel a, kan kim leh der tawh. Siami chuan,"Bawihi hi min reh san rei bawk a, fine angai" an ti a. Ka lo hrethiam mai a, ka ipte ka zen a, 500 chu phawrhin kan theh phei a, an hlim leh hle. Ruihtheihthil dang chu an ti ngai miahlo na in savawm hi an tleipui ve hlawm viau a. Hlim taka kan nuih bawk bawk lai chuan Bena nui hmel pa hrak mai chuan ka nui lai chu min ti tawp chawt a. Veranda thlang lamah chuan thlifim dawng turin ka chhuk ta daih a. Dar 5 velah ka haw a, Mapuii te dawr ah chuan luh loh kan tum zet na in ka motor chu ka ti ding a, ka lut leh ta nge nge a. Mapuii chuan min lo hmuh veleh,"I damlo nge i zin? I va han vang em em ve" alo ti nghal a. Ka seat a thut pah chuan,"Nia in lamah ka tawm ve e ka tia lawm mawle" ka ti ve mai a. A tlai tawh avang chuan coffee chiah ka lam a, hmanhmawh lo zetin ka in a, Bena nen kan inbiak laia a thutna chu ka en a, tian tak hian tumah ka la vei ngai lo. Minute 10 vel ka thut hnu chuan ka haw ta a.
Inkhel en hi ka tan chuan thil thar ani lo, Lammual ah kan veng Chanmari leh Bethlehem an inkhel dawn a, ka thiante pawh sawm lem lovin ka inkhalh chhuak a. Kan veng pa Pa Mawian min lo ko vat a, ani hi ka au rin pui thei deuh a, ka pan ta a. Ka thu fel chiah tih ah chuan ka bulah Bena chu a rawn thu ve hlawl a, ka hmu thut bawk nen ka thin chu a phu leh ta zeih zeih mai. A nui sang a, a hmeltha thlawt ani hepa hi,"Inkhel en hi chu i peih ve ngawt mai" a ti a, "Dam chhan hi a awm ve alawm" ka lo ti nghal a. Field lam chu a hawi a, a meng zim san a,"In veng ho chu vawiin chu ka tan ve riau mai" "Heta i thut dawn chuan i tan angai alawm" ka tih chuan min melh zawk a,"Ni mai rawh se" a ti duh lek chauh a. Biak zawm chi a ka ngaih chiah loh avang leh inkhel an tan tawh avang chuan ka rilru chu field chhung lamah ka dah ta a. Hun a tawp a, kan veng chu 1-0 n an chak a, ka au nasa bawk a, ka hrawk chu ana leh vek tawh. Bena chuan,"I rualin ka lo haw ve ang chu, rem i tih chuan" a ti a. Ka lai chhe leh der tawh, mipa hmaah ka la zam ngai lo, a vawikhat nan ka mipa duh tak bulah ka lai chhe hle. Ka khur ru der der tih chu a hriat ka hlau kher mai, ka kut te chu a thlan dap a, "Motor khalh i thiamna a rei tawh em?" "Maw.. e..aw.. kum 3 vel ani tawh" ka va han zeilo uluk thei tak. A nui sak a, "Kum chanve vel chu bike ka khalh thei tawh lo" a ban chu min hmuh a, "Ka accident a, a tliak a, ka khup ah hian thir an phum bawk a, a fuh hlei theilo a" a tih zawm leh a. Zah chuih na hun ani tawh lo tih ka hria,"A va zia lo ve aw... khawi vengah nge in awm reng reng?" ka zam lutuk pawh a zia sawt,"Champhai khua kan nia, hetah ka hna avangin ka rawn awm a, Ramhlun south ah.. in ka luah" " ehe.. tinge kan vengah kher thil ei tura i rawn chhuah phei thin a" van atthlak tak, ka sawi zo vek tawh si. Adar a chhin ak a,"Ka ngainat zawng tak ania" eng thil nge a sawi, Mapuii hi a duh tihna em ni, ka tawng hma chuan amah bawk chuan,"an siam thiam khawp mai, nangpawh tui i ti niang chu i chawl ziah lawm" a tih chuan ka thaw hawk. Chanmari kawn ah chuan a chhuk a, "Ka lawm e aw Bawihi" min siai zeuh a, a kal ta a. Ka hminga min ko te chu nuam ka ti em em a, a aw dam thlap mai te, a engkim mai kha ka duh zawng vek a ni.
Karhnih lai a liam a, tlaitin Mapuii te dawr ah ka lut leh tawh a. Bena hmel erawh hmuh tur a awm ngai lo. Ka beidawng ru em em a, inbe lo pawh ni ila a hmel ka hmuh ringawt pawh khan ka duh tawk em em si a. Beidawn tawp lamah tlai khat chu a rawn kal hlawl mai a, ka lawm lutuk chu mak ka in ti zawk. Ka bulah chuan a rawn thu a, thian ang hian min en ve deuh chuan ka hria, engvanga rawn kal ngailo nge anih tih te chu zawh ka chak em em a, ka ngam silo. Ka va en a, min lo melh reng tih ka hriat chuan ka mit ka la sawn vat a, "Kolasib ah ka zin a, rin aiin ka thang rei zek a" a tih chuan hre tura min duhna ringawt pawh chu ka lawm tawk a tling leh viau,"I vang ka ti reng a ni" ka ti a. Nui pah chuan,"Chutianga i ti duh pawh hu ka tan chuan lawmawm tak a ni" a ti a. Capital one cup a Chelsea champion vel chu kan sawi kai chho a, ka sawi tui leh pek hle. Min ngaithla reng a, duhtawka ka pawlte ka fak zawh hnu chuan,"Ngaihzawng pawh i neih ka ring lo" min en miah lo chuan a ti a, ka chhang tawh lo. A nui put put a,"I nei tha lutuk zawk anih ka ring leh si" a hnungah chuan ka chum chawrh a. A eu zawt a, a scoring loh thei teh e! Ka fon no.min dil a, min pe hmasa turin ka ti tlata, min pek hnuah ka no.chu ka pe ve a. Ka haw dawn chuan ka lo thlah ang che a tih tlat avang chuan ka aw ve mai a, kan in leh Mapuii te dawr hi inhlat loh tak a ni a, kan in kan thlen dawn chuan ka kawk a, ka hrilh a, "In in ka hre tawh bawk a, zanah ka lo leng ang, i phal chuan" a ti a. Ka phal thu sawiin kan inthen ta a. Kan ngaihtuah thin a, inleng vawikhatmah la nei ngai lo ka ni a, engtinnge inleng neih a awmdan tur pawh ka hre silo. Chaweikham atang ka phi sek a, ka room leh sitting rolm ka kar tawn chhen a. Dar 7:30 a rik chuan kan doorbell alo ri a, ka nu in alo chhawn bat a, ka lungphu te chu a in thum rawn dup dup in ka hria, Bena le a thianpa chu an rawn in zui lut a. Sitting room lamah ka hruai a, a thianpa Dika nen chuan min han inhmelhriattir hmasa a. Tawng duh deuh mai hi a ni a, ka lawm khawp mai. Awm lo se chuan Bena nen chuan sawi tur pawh kan hre tawp lo ang. Ka nu te chu an mu vat a, eng engemaw kan sawi a, kan titi tui lai chuan Dika chu a tho thurh a,"En duh ka nei a tv ka va en teh ang" tih leh phei a rual a, Bena chu ka bulah a rawn in sawn a,
"Thianpa Dika hi chu a ngaihawm ania" a ti a, "A bula awm a nuam khawp mai" ka lo ti let ve a. Amah vek chuan,"Bawih, ka hmuh hmasak ber atang khan ka rilru ah i cham reng a. Kha dawr kha ka hriat ngai pawh ani lo, i lut lai ka hmuh khan ka lut ve tawp a. A neitute nen in innel danah khan i kal fo anih ka ring a, chuvanga rawn kal ve ta fo ka ni" mak ka tia, ka lawm bawk si, "A chang chuan min duh ve ni ten ka hre ve thin a, mahse ka ring chiah bawk silo. Ka kut chu a la a, a hmer a,"Ka rin hi a dik em min duh ve em?" "I hriat reng chu" ka tih chuan,"I ka ngei atanga hriat ka duh" a ti ta tlat a. Zak deuh chung chuan,"Ka duh che alawm" ka ti a. Maimitchhing rawh atih chuan ka lo maimitchhing ve mai a, ka biang lehlam lehlamah a kut in a dawm a, ka hmuiah chuan afawp a, ka phu zawk a, tihdan tur pawh ka hre lo, ka lo dawh tawp. Ka zak lutuk chuan a nakah ka sik hlawk a, min thlah rang hle. Kan in en a, kan nui a, min kuah ta hle hle a,"Ka rawn confi ve viau sia, minlo duh lo la ka zak awm" a ti a,"Ni reng e.. i vannei ngawt mai" ka ti a,"Kan inbiak hmasak ber ni khan min nuihzat in ka hriaa" ka ti leh a, a nui hak hak a,"Mipa i ngaihsak loh hmel lutuk kha ka mangang zawk anih kha. Kei hian patil ka lo ngaizawng reng em ni ka tia ka buai teh asin aw...." a ti a. Amah vek chuan,"I chezia engkim hi ka duh vek, inthlak danglam turin ka ti kher dawn lo che a mahse..." a ngawi daih a, "enge mahse?" Ka lo ti vat a. Ka bianga min piai zauh pah chuan,"I thinchhiat i sim ve deuh chu ngai maithei. Mipa titi naah va in rawlh ve talh loh tur" a nui sun sun a. Ka zak leh thar riau mai, khami tlaia ka in thunun thei lo kha ka thinrim hle a. Haw an tum a, thlah turin ka chhuak ve a, Dika chuan kan in chhak deuha a motor dah chu a han la a, akal veleh Bena chuan min kuah a, a vawihnihna atan min fawp leh a, tlemin ka hrethiam ve ta deuh a, a thlum dep dep in ka hria. Hehe... In a thlen chuan min lo text a,"Ka hlim takzet.. boih.. engkim vang khan ka lom e" a ti a. Rei vaklo kan in text hnu ah kan mu ta a.
Ka tan chuan engkim hi thil thar ani vek a, ngaihzawng hi ka neih ve theih pawh ka inring lo kha ani a, a vawikhat nan duh tak mai ka tawng a, chu chu ka bialpa a ni leh nghal a. Vamnei ka in ti in nuam ka ti kher mai. Ho taka ka hun ka hman thin te pawh sim ka duh ve tial tial a, ka awmdan danglam chu ka chhungte pawn an hai lo, a phena mi pakhat awm pawh hi an hai hauh lovang! Bena chu a office ban apiangin a hman phawt chuan min tlawh kawi thin a, a changin ka nu dawr ka nghah chhawk a, chutiang hunah chuan min nghak a, kan haw rual thin. Tawng duh ti a sawi tur ani lo na a a nelawm tawk velin a awm thiam a, ka thiante pawhin an nel thuai reng a ni. Ruihtheihthil ah a fihlim a, a dawhthei in thil a ngaihtuah peih a. Ka hlimna tur a hriain min duat a, hei bak chu tu lakah mah ka beisei lo. A chang chuan engvanga kei min thlang hi nge maw a nih tih ka ngaihtuah fo thin a, kei aia hmeltha duhtu a hmuh dawn tehlul nen, ka vanneihna tura Pathian ruat anih pawh ka ring rum rum mai. Kawng lehlam erawh kei hi thikthu chhe em em ka ni a, ka thiante lakah pawh ka thikthu a chhiaa, duat leh ngaihsak duh tak mai ka ni. Bena hi miten an ngaina a, a bula awm nuam an ti a, thik zeuh erawh ka nei nual. Huata han lak tham em ni silo ka rilru ti hrehawm tawk vel hi chu ka nei a. Ka sawi lang ngai lem lo.
Kan thianpa Chama birthday lawm turin kan thianho pawh kan inbuatsaih nasa lehpek hle a, ka thiante chuan Bena an sawm ve a, a tirah chuan a pha deuh na in kal chu a tithlu leh ta tho a. Min rawn sawm a, Chama te in Khatla lam chu kan pan ta a. Kan va thlen chuan keimahni chauh min lo nghak tawh a. Ruati leh Eli chuan min hmuh veleh min lo kaihrang vat a, Ruati chuan,"Oiii !! Bena hi a rawn kal dawn lo i tiin ka hre sia, engtinnge niang kan la hnem ropui sia... min hmu khawlo viau ange" a ti a. Eli chuan,"Ho e.. savawm chauh alawm , a rilru a zim viau lo turah ngai ang" a ti a, "Nia veng thawng suh u.. nuam ti deuhin awm ru u" ka lo ti ve vat a. Bena thutna lam pan chuan ka kalsan ta a. Music kan play a, kan lam a, Bena chu lam ve turin ka han sawm a, a duh tlat loh avangin ka lam san a. Mahse nuam ka tih tak tak loh avangin reilote ah a bulah ka va thu a,"Va lam rawh, ka lo en che alawm. Ka la lam ngai miahloa ka zaka" alo ti a. Mahse abula awm chu nuam ka ti zawk. Ka thiante ho chuan an savawm lei chu an rawn phawrh a, Bena chu pek ve ngial an tum na a a duh lo. Fanta kan in a, kan pahnih chuan kan hlim tawk ve hle. Dar 9 pelh chuan haw a rawt a, midang chu an la tui em avangin kan hawsan ta a. Kan haw kawngah chuan Bena chu a ngawichawi riau in ka hria, ka ngaihbel nge chu ka hre chiah lo a, ka thiante awmdan kha a lawm vak lo in ka hria. Kan in kan thlen chuan gate bulah kan ding a, "Bawih, hna ka la nei sia ka lo kawi tawh lo mai ang" a ti a. Ka hmuiah chuan min rawn fawp zeuh a, kan in mangtha ta a. Zan rei tak thleng lehkhabu ka chhiar a, Bena msg chu hmuh ka beisei viau a, dar 11 thleng pawh chuan ala reh a. A whatsapp last seen ka en chuan tun mai ah a online tih a lang chiang si. Ka thinrim em em a, ka lehkhabu ka dah tau a, ka mu ta daih a. Zingah chuan tum burin ka tho a, ka fon chu kan melh hram a, ka hmuh chak ber Bena msg chu alo awm ran a, ka han chhiar a, zing lam dar 2 velah,"ka mu ve hman chiah, muttui boih.." ka nui leh ta ver ver a.
Basketball en ve chu ka chak em avangin ka pa ka dil a, ka cousin Lunglei ami Opa lo zinlai ani a, kan pahniha en chu kan tum a ni. Bena chu an office thilah Kolasib lamah an zin a, hnaa a zin hi chuan an buai thei hle a, zanreiah bak kan inbe thei ngai lo. Ka kalna tur pawh chu ka hrilh chuang lova, hrilh kan tum zet na a kan in biak huna hrilh ah ka ti leh ta zawk ani. Kan thlen chuan mi pawh an lo tam tawh hle a, motor atanga ka chhuak chiah chu Bena thianpa Dika leh mipa pakhat hi min tawk zawngin an rawn kal a, min kalpel zet na in a rawn hawilet a,"Bawihi, changtupa tellova zan chhuah chu a chi ber dawn mi?" tih pah chuan a nui suk a. An kal ta daih a. Ka awm a ti nuam lo zo vek. Dika hi zankhat a rawn len bak kha Bena hian a rawn hruai leh ta miah lo a, kan inhmuh leh vawikhatna ani a. Min ngaina tehchiam lo niin ka hria. Nuam pawn ka en theilo, Opa bulah chuan ka nawmloh chhuanlam in haw ka rawt a, pawn kan thleng chiah chu ka fon a rawn ri a, Bena alo ni,"hello" "Khawnge i awm?" a rawn ti nghal hrawk a. Ka chil ka lem khawlh a,"Basketball kan en a...mahse hei kan haw dawn" ka ti a,"In i thlen veleh min rawn hrilh ang che. Khawiahmah leng kawi suh ang che" tiin fon a dah nghal a. Dika khan a hrilh a ni chiang, avan tawngthei tak!
In kan thlen chuan ka nu leh pa an lo meng a, an rin ai kan haw hma a, mak an lo ti zawk hle. Ka room ah ka lut nghal a, Bena chu ka thlen tawh thu ka hrilh a, zep lo chuan ka hlau ve deuh tlat nia! Min rawn call nghal a,"I chhuah dawn te chuan min hrilh ve ka lo beisei ve viau a...?" a awki chu a zawi sap a, "Nia... i buai ka ring a, chuvang ania" ka lo ti ve mai a,"Tu nen nge in kal?" "Ka cousin Lunglei ami a rawn zin a, kan pahnih in kan kal" ka tih chuan a thaw huai in ka hria,"A tha nih chu. Ole dah phawt ang aw, mut dawnah ka lo be leh ang che" tiin kan inbiakna chu kan ti tawp ta a. Thawk ka la vang vang a, in phih fai turin bathroom lam chu ka pan ta a.
Karkhat an cham hnuah Bena pawh a lo haw leh tawh a, nidang ang bawkin kan inah a rawn chuang kai tam leh hle tawh a. Nikhat chu holiday ani a, a in luah a leng ve reng reng tur chuan min sa a, ka nu te ka dil chuan an lo phal ve mai a, kan in phur phei ta a. A in luah chu a lian vak lo na a a nuam tawk khawp mai. A fel faiin thil reng reng a awm fel thlap a, a che fel hle ani tih a hriat theih. Room ah kan awm a, a laptop a thlalak chu kan en a, a chhungte thlalak te, an in te chu min hmu a, min hrilh pah zel a. A nau in nupui anei tawh a, an naute thlalak te chu min hmuh a, a duat ve hle anih ka ring. Kan hma hun te kan sawi a, ka hriselna a that chhoh chuan MA kal leh ka tum thu ka sawi a, ngai a ti vak lo na a min hnial bur chuang lo. Inhmangaih tak awm dun reng ta chu kan in fawp leh vawng vawng thin a, a duhthawh tan riau in ka hria. Hetiang tak hian ala awm ka hre ngai loa ka hlau ru deuh hle. Mahni bialpa te han hlauh chu zialo ka ti ve deuh si a, ka lo inveng ru hram hram a. Nakin deuh ah chuan min fawh pah chuan ka kawrhnuai chu a kilhna a phelh tih ka hre thei, rang takin ka inher a, a hmaiah chuan ka ham ta vak mai a, a tre thawt a, nasa tih hmel zetin min melh kawk a, min thlah nghal a. Ka ham na lai chu a thi viau lehnghal, ka inthiam lo kher mai. Thupha chu ka chawi mawlh mawlh a, a ngawi reng a, bathroom ah a lut ta daih a. Hrehawm ka ti takzet! Reife a awm hnuah a rawn chhuak a, a laptop a la a sitting room ah a phei ta daih a. Chutah zet chuan ka luhlulna a kai chhuak ve ta tlat, ngaihdam pawh ka dil reng a,tawngkam khat pawha min chhang duh lo chu ka ngaihdan ani biklo, ka tho a, a awmna lamah pheiin kawngkhar ka nam hawng sawk a,"Ka haw" tih leh chhuah ka rual ta nghal a.
Zan thleng chuan engmah a rawn sawi lo, a reh vang vang a. Keilahin ngaihdam ka dil lawm lawm a, chutiang hrep hnua va biak leh kha tlawm ah ka la bawk si. Rilru nuam lo zetin ka mu a, kan inngaihzawn tirh atanga kan inbiak loh hmasak ber a ni a, hrehawm ve ngaih ngaih tak chu a ni. A tuk zingah chuan ka fon chu ka en vat a, engmah a awm lo. A last seen leh status te ka check a, a status ah chuan thinrim hmaisen vek lem kha a hmang a, ka run tawk viau! Ka be bik lo ang tiin ka rilru ka siam a, Eli te in lam panin ka chhuak ta daih a. Ka thiante bula ka awmlai chuan ka hlim viau a, mahse in ka thleng a, Bena chu ka ngai em em a. Kan pahniha kan thlalak te chu ka en a,ka mittui chu alo tla tawp a. Ka inthiam lo zawk, mipa vang hian ka mittui ka ti tla lo vang ka lo tih thin vei nen, alo ni lo tawp mai. Ni li lai kan inbe tawh lo a, ka a thei takngial dawn in ka hria. Inrinni a ni a, ka nu pui turin dawr lam ka pan a, Mapuii te dawr chu ka va melh zawk a, Bena ka ngai ngei mai. Dawr ka thlen chuan thawmhnaw alo thleng thar a, ka nu chu alo buai viau maia, ka pui nghal thuai thuai a. Kan dawr ka thlen tawh hi chuan Hi-five ah thil ka ei ngei ngei thin. Chhunah pawh chuan thil ei leh tumin ka chhuk a, ka va thleng phei tep tih ah chuan Bena leh hmeichhe pakhat nuam tih hmel taka lo thu chu ka va hmu thut a, ka in ring hman lo, lehlam ka hawi a ka mittui a tla zawih zawih a. Ka mualpho dawn takngiala hria in motor awmna lam ka pan a, ka haw ta daih a. Ka nu chu fon in ka nawmsam loh vanga haw ka ni tiin dawt ka hrilh ta ringawt a. In ka thlen chuan tumah an lo awm lo va, ka room ah ka tlan lut a ka tap ta hlawp hlawp a. Ka thiannu Eli ka fon a, kan ina lokal nghal turin ka ti a, rei vakloah alo thleng a, ka hmuh chuan ka insum theilo, ka tap zawih zawih a. Min kuah a, a ngaihna ahriat loh hmel hle. Ka lungchhe zualpui a reh hnu chuan thil awmzia chu ka hrilh ta vek a, ka sawi zo chu a nui ta uar uar a, ka thinrim chu ka hawisan hmak a. Min kuah a, "Bawih.. mipa te chu an ni vek alawm. An tum vang pawh ni kher lo in khati khan an awm thin alawm. Khawih chhiat che a tum tihna ani chuang hleinem" a ti a. A nui leh nghek a. Ka manthiam ve ta deuh, mahse hmeichhe pakhat nen ka hmuh dan chungchangte chu ka hrilh a,"A bialnu ani kher lo ang, alo nih tak leh lungngai suh, kan vel ang" a tih chuan kan nui dun hawk hawk a. Ka pangngai leh deuh hnu chuan bazar kal aduh avangin haw a tum a, gate a pelh dawn chuan a rawn hawilet a,"Bawih, i pride kha dah bo ve zeuh zeuh a ngai ania" tih pah chuan min nuih seih a, a kal liam thleng chuan ka thlir a.
Karkhat zet kan inbe ta lo, ka ngai a, biak pawh ka chak em em. Mahse be hmasatu nih ka hreh bawk si, mahse kan inkar hi tawp tura ka duhlo anih chuan chet lak ka ngai toh ka hria. Fon atanga sawi ai chuan tiin Bena te in lam chu ka va pan a, ka huphurh khawp mai. Ka va thlen chuan kawngkhar tlem alo in hawng a, va luh tumin ka kut ka lek kang chiah tih ah MC a a hmeichhe kalpui nu kha ka va hmu ta mai a, ka insum hman lo ka tlan a, ka mittui hi a luang nghal zawih zawih. Car kawngka ka hawng dawn chiah tih ah ban chak zet hian min kuai her lawp a, Bena alo ni. A kut chu paih ka tum a, tah hawm hawm chu ka chak ber. Ngawi rengin min thut luh tir a, amah chuan motor chu a khalh a. Khawi lamah nge kan kal dawn pawh ka hrelo, ngawi renga kan tlan zel hnu chuan Zemabawk dai ah kan ding tih ka hria. Bena chu a chhuak a, kei erawh chu ka la thu reng thung. Kawngkhar a hawng a, ka hmaah chuan a thingthi a,"Bawih.. min ngaidam rawh aw?" a ti dam thlap a, "Bialnu thar i neih vang khan maw?" Ka mittui chu a luang nghal zawih zawih a, phawk zetin min en a,"Eng bialnu thar maw?" a ngaihna hriat loh hmel takin a ti a..
Ka thin a rim tulh tulh a,"MC a i kal pui leh nachin lawkah pawh i ina lo awm hmeichhia kha" a nui ta hawk hawk mai. Ka nam sawn dawrh a, ka thinrimna pawh min nuih duh ania, haw san tumin a chahbi ken lai chu lak mai ka tum a, min kuah thut a, talchhuah tumin a kut ka laa,"Ka nau a nih kha" ka melh chuan chiang fe hian min lo melh reng a,"Kan naupang ber" chutah zet chuan a awma beiin ka tap zawih zawih a,"Misualpa, engvanginnge minlo biak loh?" Ka hnung chu a chul heuh heuh a. Motor ngheng chuan kan thu a, a hmai ka hamna chu chiang deuhin ka han en a, a lo ser kalh a, ka fawp zauh a, ani chu a nui ver ver a,"A la dam lo ania aw" ka lo nuih let suk a,"Tihpalh aw...." "Ka thiam loh alawm Bawih, mahse i ngaihdan ang khan engtinmah tih che ka tum lo nia" alo ti a. A darah ka lu ka nghat a,"Ka hria alawm, ka hlauthawng lutuk a, ka inthunun hman lo ani" ka ti a, "Ka zak lutuk a rawn be tur che pawhin ka huaisen tawk lo ani. A dam fel hunah ka hmu ang che ka lo tia" a ti dam diai a. Ka khawngaih reuh ngei mai, inthiam lo takin hun alo hmang ve reng chu ni si a. Muangchangin kan haw a, a in ah chuan ka kawi a, a nau chuan min hmuh veleh a u chu alo ko vat a, Matlani anih thute sawiin min lo be ve bawrh bawrh a. A fel ka ti ngei mai. Guwahati ah lehkha a zir a, a rawn haw chho tur a u in alo chelh vanga la awm anih thute a sawi a. Kan innel nghal viau. Rei tawk fang ka len hnuin ka haw ve ta a.
Bena nen pawh kan hlim leh hle tawh a, an khuaah karkhat cham in a haw a, hrehawm ka ti hman em em a. Ani pawh sunday cham tuma kal ni mah se saturday ah a rawn haw leh hial a, kan in thlahlel takzet a ni. Ka pa chuan ka zirna chhunzawm turin ka college luhna tur te chu alo be kual a, Delhi ah ka u bula awm turin engkim alo tifel vek a. A tirah kha chuan ka phur in ka chak em em a, mahse tunah chuan hmundanga awm ka hreh ngawih ngawih tawh. Bena hmu lova rei tak ka awm tur chu ka huphurh hle a. Mahse chuvang ngawta thulh theih a no bawk silo. Ka kal dawn zan chuan kan in chungah kan thu a, ka tah a chhuak ngawih ngawih a, mahse tah chi a ni si lo. Bena zawk chuan,"Bawih ka ngai dawn khawp mai che. Kal lo mai la tih te ka duh rum rum, mahse chuvang ringawta zir zawm loh chu ka ui bawk si. Engpawhnise i zir anga, kan dam chuan kum te chu a ral ve zung zung a, i zir zawh hunah chuan keipawh nupui nei thei turin ka dinhmun te pawh alo tha tawh anga, rinawm takin kan awm dawn nia aw.." a ti a. Zankhat pawh inhmu loa awm hrehawm kan ti a, ka ngaihtuah ngam lo,"Ben.. ka ngai dawn lutuk che" "Keipawh ka ngai dawn lutuk che. Fel deuhin awm la, buaina te kha siam miah lo la aw..." kan nui dun hawk hawk a. Rinawm taka awmdun turin kan in tiam a, in ngai tak chungin kan in mangtha ta a.
Thla hnih a liam a, lungleng leh khawhar reng rengin nitin hun ka la hmang a. Tap pur chunga Bena ka biak lah a tam, min hnem a, nasa takin min fuih thin. Hriat loh chhungin hun pawh lo kal ve zel a, Krismas hmang tur chuan ka haw a, ka haw tuk lawk chu Bena an khuaah a haw hun alo ni bawk si. Ka hreh in haw lo mai se ka duh a, mahse Krismas hmundanga hman chu a pa in a phal lo a, krismas leh kumthara lo chhuk tur chuan min tiam a, a haw ta a. A tello chuan engmah a lo nuam tak tak thei lo. Ka thiante bulah han awm ve bawk thin mah ila ka hlim tak tak theilo. Ka mizia chu a dang an ti em em a, keipawhin hrehawm ka ti zawk. Bena nen chuan kan inbe deuh reng a, kan lunglenna chu kan inhrilh tawn thin. Urlawk zanah Eli te ina hman kan tum avangin tlai atang ar kan zawng a, keipawh khawhar taka hman ai chuan tiin phur takin ka kal ve a. Zanah pawh chuan chanchinte inhrilh in kan inbe reng a. KTP in programme an neih naah kal atum thute min hrilh a, zanlaiah inbe leh turin kan inbiakna chu kan titawp a. Ina awm tawp ai chuan tiin len chhuah kan rawt a, phur takin kan inphur chhuak hlawm a. Kalna tur ber pawh kan hrelo, Chama chuan world bank road ah mi enthla ang u atih chu phur takin kan pawm vek a, kan kal ta a. Kan va thlen chuan an lo tam hle a, an lo beng chheng bawk si a, nuam kan tih hlawm chiah loh avangin hmundanga kal kan tum ta zawk a. Ruati chu a hmelhriat pakhatin alo koh avangin kan ding a, chutia kan din lai chuan Dika chu ka hmu leh ta hlawl mai. Engvanga hetiang nikhuaa inhmu thei viau nge kan nih ka ti rilru neuh neuh a. Ka rindan chiah in min rawn dinchilh a, motor chhung chu a rawn bih kual dun dun a,"In va happening awm ve ..." a rawn ti ta kher a, ka sa kher mai,"I buaina tur a awm lo" ka lo ti ve hmak a. Ala duhtawk ta mai lo,"Ka buaina tur chu ni ve tho e, ka thianpa bialnu i nia. Hetianga ka hmuh fo che chuan ka thianpa tan hian ka duh hauh lo ang che. Ka la zep pui hram hram che a" a tih chuan ka ze hlui kha a chhuak leh a, motor atan chuan ka chhuak a, kan indinchilh ta ran mai,"Hetia ka awm hian i pawi enge ka sawi a, engvanga hetianga min tawngkhum fo nge i nih?" Ka ti chang fak a. Ka zah peoh tawh biklo ani, min tham loh hmel zetin min melh a,"Hmeichhe nikhua lo tak hi ka thianpa tan ka duh ngai reng reng loh vangin mawle" a ti a. Ka thiannu Siami chu a rawn chhuak a, Dika chu a rawn kek ta hrep a,"Zaktheilopa, ka thiannu hi khatiang khan i ti ngam elaw.." atia kan ri ta hlut a. Chama leh Andrew chuan an rawn thelh vat a, thinrim zetin Dika chuan min kawk a,"Hmeli, hmeichhia in nih vang chauhin ka khawih let lo ang che u. Mahse i la hre khawp ang" a ti a, akal ta a. Ka thinrim chu ka mittui a tla pur a, "Thian mipa ka nei che u emaw ka tia, Chama leh Andrew hi mipa pawh in lo nilo, mi chhan pawh in tum lo" ka ti a. Motor ah ka lut a ka tlan ta daih a, min rawn umzui nghal tih ka hria, keimah vanga kan boruak chhia ani tih ka hriaa, tlemin ka inthlahrung leh ta deuh a. Hmundangah pawh kal tawh chuang lo chuan kan haw a, Eli te inchungah mei kan chhem a, kan zai ta hrep a.
"Urlawk zan khan world bank road ah engthil chiah nge in tih?" Bena ani. Dika ka ngei na chu a zual sauh a.
Ka hrilh ta vek a, ngawi rengin a ngaithla a, ka sawi zawh hnu chuan,"A tir ah hian min hrilh ve thin la, zawh chawp zel ngai lo hian" a ti a. Ni e adik reng. Keipawhin enge a tih dawn tih te hi min hrilh thin se ka duh ang bawk in. Tun tum chu ka thiam loh a ni. Tha takin kan inbe zo a, thinrimna lang miah lova min bia chu mak ka ti hial zawk.
Ka zirna chhunzawmin ka kal leh tawh a, Bena nen kan inkar pawh ala tha a, kan la hlim ve zel a. An hnaah zin chhuah chang an ngah a, thingtlanga an kal phei chuan signal neih loh changte pawh anei fo a, chung hun ber chu hrehawm ka ti thin. Chutianga kan awm tak fo hnu chuan tlem in Bena chu a dang deuhin ka hre thin a. Ka chhuk thlak leh atang kum chanve a liam leh tawh a, min biak loh chu a ching ta zeuh zeuh a. Hrehawm ka ti thei em em a, han biak chhen ka inthlahrung a, min lo ning ang tih ka hlau thin si. Ka reh ve tawp mai a ni. Zankhat chu lehkha ka chhiar a, ka in chhiar tui ve viau lai chuan ka fon alo ri a, ka hriat ngai pawh ani lo, ka pickup chuan Bena nau Matlani alo ni a, ka dam leh dam lohte min zawt a, kan inbiak luam hnu chuan,"U Bawih, hrilh che ka hreh lutuk, mahse.. ka khawngaih bawk si che a" a ti a, ka thisen hi a lum nghal puat in ka hria. Eng thil nge tih ka zawh chuan,"U Bena hi tunlai a awmdan a mak lutuk, hmeichhe pakhat hi bike in a rawn phur haw fo mai a, in in then ka hre bawk silo a, engw thil awmdan hi?" a ti ta a. Sawi tur pawh ka hre lo, ka melh ngai chu ka melh ngawr ngawr a, "hello, u Bawih, ila awm tiraw" thei leh thei lo chuan,"Aw.. Matlan.. ka hria e" ka ti a. Amah vek chuan,"In chanchin ka zawh lahin engma a sawi duh bawk silo. Biak pawh kan inbe mang ngai lo, naktuk hian ka chhuk leh tawh dawn sia, ka mangang lutuk, zu te hi a in em ni aw ka tia. Khawngaih takin ka u chu lo be chhin la ka duh a" a ti a. Engtin chiah nge ka chhan pawh ka hre chiang ta lo. Ka rilru na lutuk chu tah pawh ka tap chhuak thei lo. Ka na a ni, heti em em hian ka la na ngai lo. Ka lehkhabu ken lai chu ka vawm darh vek a,'Aw! Ben.. ka thinlung i va han ti na tehreng em' ka ti vawng vawng a. Ka fon ka laa, biak tumin a no.ka hmetchhuak a, ka ngam lo. Ka be ngam hlawl lo, inthenna mumal pawh awm loa hetiang a ka chunga a ti hi ka hriatthiam theih ngai loh tur thil a ni. Ka sim card ka phawrh a ka seh chhe ta vek a. Engmah ka ei thei lo a, ka u thei hek lo. Ka roommate mangang chuan ka u alo ko tawp a, damdawiin ah min dah ringawt a. Chutiang taka ka rilru na chu ka hrisel na in alo tlin lova, rei tak chhung damdawiin ah ka awm zui ta a ni. Ka zak ngawih ngawih a, ka pasal atana ka lo thlan, ka hmangaih hmasak ber chu kan inkar hlat luat ah ka chan ta niin ka ngai a. Ka muthilh in ka mangah amah chu ka hmu a, ka harh lah in ka mitthlaah chiang em em in ka hmu si. Ben, min va ti rethei ve!
Ka nu leh pa chuan Aizawl lama haw mai turin min ti a, mahse ka duh lo. Haw chhan tur neiin ka inhre lo a ni. Ka lo in rin dan thin ang khan kei chuan ngaihzawng hi ka nei ve thei tak tak ngai dawn lo niin ka hria. Ka theihtawp ka chhuah chung pawhin a tawpah rilru nat bak ka hlawh chuang silo. Harsa mahse theihtawpin ka zirlai chu ka zir ve tang tang a, thiam thei lo bawk, thinlung dam bawk silo chu a hahthlak ngei mai! Beiseina tlem te ka la neih ve chuan hmalam pan turin min nawr hram hram a. Ka chau a, ka tlu lek lek fo a, mahse hei ka kawng tura duan lawk alo nih chuan paltlang tur pawhin chakna ka nei ang tih ka ring tlat thin. Mahni in tanpuite hi Pathianin a tanpui thin an tih kha alo dik ngei e; ka zirlaiah ka hlawhtling miau a.
Mizoram lama haw tura ka inbuatsaih ni chuan ka chhungte leh ka thiante hmuh ka thlakhlel rualin Bena avanga ka tawrhna te kha ka paltlang tawh ngei em tih ka la hre lo a. Ka chunga thil lo thleng hi a rang teh thut em a, in rin lawk dan pawh ka thiam lo atin ni. Hlim takin he khawpui hi ka pan a, ka haw dawn erawh chuan thinlung phurrit phur chungin ka chhuahsan angai leh si. A tawp nan tiin Bena nen kan thlalak chu ka en a, 'Ben.. ka lo haw dawn asin. Hrehawmna khura min hnutchhiah in i hlimna lam chu i pan ta si. Ka thlah tawh ang che kumkhua atan' tiin ka phun sap a. Kan thlalak chu ka delete ta vek a. Hmalam pan turin ka chhuak ta a. Lengpui airport ah ka thiante ho in min lo hmuak a, ka tan an ni tluk hi an lo awm tak tak lo. Ka hrehawm tuar te chu an hre vek a, min hnem a, min fuih a, ka tan an va hlu em!
Dawr nghak tur chuan ka chhuak a, Mapuii te dawr ka thlen chuan ka tlanpel thei lo, ka ding a, ka va lut ta ngawt a. Min lo hmuh veleh min lo ko a, ka thutnaah chuan a rawn thu ve nghal a. Ka lung a leng thlawt a ni, ka thil tuar kha ka la paltlang lo ani tih pawh ka hre chiang. Mapuii chuan,"I thianpa Bena kha vawi tam tak hrtah a rawn kala, i thutnaah hian a thu thin a. Vawikhat phei chu a mittui tla ka hmu nghe nghe asin. In inkar chu ka hre lo na a in inhmangaih hle anih ka ring" a ti a. Ka tah loh nan ka heh ka pet fan fan a, sawi duh chu ka nei, ka sawi chhuak thei silo. Ka tlan chhuak ta ringawt a.
Motor chhungah chuan ka mittui a tla zawih zawih a. In ka pan chuan ka haw leh ta ringawt a. Chutiang reng reng chuan karhnih zet ka awm a. Min duhlo tu laka chutiang teh hrepa ka na chu ka tlawm ngai em em a. Ka induh tawkna te kha la letin hma lam pan ka tum ve ta.
Bazar lamah chakkhai lei turin ka kal a, ka mamawh ang ka lei hnu chuan ka motor dahna lam ka pan a, ka motor bula Bena lo ding reng chu chiang takin ka han hmu a, ka thin chu a phu leh ta dup dup mai. Rem leh rem lovin dawr bula kuhva rah bag lo awm cju ka in phen tir a, ka khur zawih zawih bawk a. Ka en reng a, a sana chu a bih leh zauh thin. Van lam a en a, kawngpui lam chu a thlir leh a. A beidawng ta ani ang, muang changin a bike chunga chuangin a kal ta a. Ka thlir reng a, a kal liam ta. Vawikhat min tohnat mai kha duhtawk lovin min lo chang leh anih ngei dawn kha. Hmanhmawh takin ka tlan haw ta a. Ka pumpelh ta phawt a, engtia rei nge ka pumpelh theih an tih erawh ka hre lo.
Ka thiannu Siami pasal nei tur chu thianho in thil tha ve tak present ila kan ti a, lei tur chuan kan chhuak a. Kan duh ang tak kan lei hnu chuan MC ah inhnawh puar ila kan ti a, kan inzui tham tham hlawm a. Kan ei tur kan order chhung chuan inthiar turin toilet lam ka pan a, ka thleng tep tih chuan Bena alo lang thut mai, tlan chhiatna hman a awm tawh silo. Min hmu chu a ni pawh a phu zawk chuan ka hria, han kal pelh mai ka tum a,"I dam thin maw..?" ati a. Ka lei te chu a khawng zo vekin ka hria,"La dam ve chu nih hi" ka lo ti a, satliah taka biak chu ka duh ani. Ka khur ru der der chu a hmuh ka hlau takzet a,"Pasal i la nei em lo maw?" hetiang khawpa na a min siam hnu pawhin min la diriam duh anih chu! Hmeichhe pakhat hi a rawn chhuak a, "Ben, kal ang le" a rawn ti nghal a. Ka sa vek, chu u chu ka en a, hei hi maw kei aia a lo thlan tak chu, ni e a hmel pawh a tha zawk a, a duhawm thlawt alawm. Bena chuan min melh zawk a, sawi tur nei ni aem takin a ka a ang zuau a, rang takin toilet ah chuan ka lut nghal a. Ka mittui chu a buak hian a rawn baw zawih zawih a, engvanginnge hetiang em em a ka tawrh bik? Min hmangaih let ve miah lo tu avanga hrehawm tuar tur ka ni em ni? Engtia rei nge ka awm pawh ka hre lo, ka thiannu Eli min ko ri ka hriaa, ka hmai chu ka phih sawk sawk a, ka chhusk nghal a. Eli chuan thil awmzia chu a man vat a, min kuah a, engmah kan sawi lo. Ka pangngai deuh hnu chuan kan thiante awmna lam kan pan a, khatia ka kal kha ka let leh mai loh avang leh Bena a hmuh vanga min ngaihtuaha lokal vat anih thu a sawi a. Ka lawm takzet a ni.
Ruah a sur cherh cherh reng a, engtihmah a peih awm loh viau na a ka pa in hna tlem min pek avangin library room lam ka pan a. Chawhmaah chuan ka zo fel ta mai a, an office a dah tura min tih avangin ka in ha lum a, ka chhuak ta nghal a. Ka pa room ka va luh chuan tlangval pakhat leh ka pa chu an lo in kawm a, min hmuh veleh min lo ko vat a, ka pa chuan chu tlangval lam chu a hawi a,"Ka fanu anih hi, Bawihi kan ti mai thin a.. bawihi hei kan SDC thar Pu Hruaitea anih hi" a ti a. Kan han in chibai lawp lawpa, a fel phian reuh a. Mahse Bena ang bawk kha ani, ka incheina chuan a mit ala hmasa leh ber a, kekawr lian leh jacket puar zet ka ha a, ka hmuhnawm viau nge ka hre lo! Rei vak lo ka thut hnu chuan ka haw ta a. Motor khalh pah chuan , 'THe girl from yesterday' Eagles sak chu ka ngaithla a. Ka dinhmuna ding chung chuan thinlung takin ka ngaithlaa, ka insum hman leh ta pek lo, ka thinlung hi a na a ni- Duh vang reng nilo in ka dinhmunin a zir em vang zawkin ka mittui chu alo luang thla ngiai ngiai a. Ka induh tawkna leh luhlul nate kha vawm bo ang hmak an ni a, aw! Ka va tlawm si em!
Hruaitea chu alo leng ve ta zeuh zeuh a, ka pa chu a rawn len chhan emaw ka lo ti mai a, a rawn kal pawhin room ah ka awm reng thin. Zankhat erawh ka nu leh pa thenawm damlo tlawhin an kal a, keimah chauh chuan ka awm a. Ka pawlte inkhel ka lo en lai chuan Hruaitea chu alo leng leh a, inkhel chanchinte chu sawiin kan titi tui hle a, phatsan ka nih hnuah ka tui zawng te an bo zoa mahse zanin erawh chuan tui takin ka sawi leh thei ta. Thingpuite kan ina ka nu leh pa pawh an lo haw ve a, ka room lamah ka chhohsan ta a. Mal leh khawhar in ti takin ka hun ka hmang a, engtikahnge ka nat na te hian min kiansan anga, hahdam taka ka nun ve theih ang? Ka thiante pawhinin hnem zo mawlh silo. Zankhat erawh ka mal bik lo ani tih ka hre thar a, rilru erawh a buai ve map mai. Hruaitea chuan ka laka a rilru put dan te min rilh a, min lo duh ru reng anih chu. Mak ka ti a, lawm awm ka ti bawk a. Mahse ka rilru a lo lang hmasaber erawh Bena tho a ni. Theihnghilh ve a, hlim taka ka nun hman ve pawh hi ka chak thin. Hruaitea chu ka ngaina ve em em a, chutih rualin midang ngaihtuah reng chunga ani nena inkawp chu ka thei lo. "Bawih,, i inpeih hun chu ka nghak thei reng che ania aw..." min titu Hruaitea lamah ka rilru hi pek theih ka duh ngawt mai, mahse ..
In hmu tam a in be tam na na na chu Hruaitea pawh ka ngaina ve hle tawh a, mahse ka in rintawkna te ka neih let leh hma chuan ani nena bul tan erawh ka duh lo. Chutiang chung chuan ka mamawh hunah ka tan a awm reng a, hetiang taka ka tana awm tur hian alakah engmah tih ka nei ve lo. Ka hun tawn te pawh min hriatthiam pui em em a, hmalam pan turin min fuih thin. He ka thinlung khawilaiah emaw hi zawng a hming hi a chuang ve ngei tawh ang. Bena pawh ka rilru ah a thi ve telh telhin ka hria a, ka nundan pangngai ka zawh leh mekin ka hre ve bawk. Nikhat chu Hruaitea nen chuan tihtur kan neih avangin inhmuh kan tum a, bazarah ka kawi hmasa a, ka thiannu Eli chuan an dawr alo nghah avang chuan ka va lut leh hram a. Kan inhmuh khat deuh avangin sawi tur pawh alo ngah leh tawh hle a. Hruaitean a hman tawh thu arawn sawi chuan chhuah mai ka tum a, kawngka ka pel fel chiah tih ah Bena ka hmu leh ta hlawl mai. Tun tum ah chuan a mah chauh in a ni a, min hmu ve lo niin a lang. Min hmu hman ang tih hlau tak chuan ka kal zel a, ka pangngai leh a lo tawp mai! Hmanhmawh taka motor a ka lut tir chu ka hnung lam atang min rawn ko hman leh ta hram a, ka paltlang tawh emaw tiin a hma lam ka pan mek a, engvanga rawn lang leh nge a nih fo? A rawn kal hnai zel a, ka in hum ruh sauh sauh a,"Bawih... thil sawi pui duh che ka nei a, i hman lawk em?" a ti a. Ka hnial tur a ni tiin ka in fuih a, a kianga awma abula titi chu ka chak ber al ni tho tho,"Ka hmanhmawh deuh a ka kal phawt mai ang" motor ah ka lut nghal a, ka tlansan ta. Side glass atang ka va melh hram a, min lo la enzui reng chu ka va hmu thei a. Min va ching rethei tak em hepa zet hi chuan. Kha leh chen rilru na leh hrehawm reng rengin min siam a, tunah ka hlimna tur kawng ka zawh chho ve tawh dawn chauh a, a rawn lang leh tlat si. Thildang ka ngaihtuah thei lo, ka inher a, in lam panin chak takin ka tlan ta vang vang a. In ka thlen chuan room ah ka tlan lut a, ka thinlung hi a na a, ala dam lo ani, chu chu ka pawm a ngai. Hruaitea chu fon in ka nawmsam loh avanga ka haw leh thu ka hrilh ta ngawt a. Min ngaihtuah em em a, zanah te rawn kal in min awmpui a. Hetianga ka awm chhan hi hria se min dem awm mange ka ti a. Mahse hmangaihna hi chu alo chak em a, ka hneh ngang lo a ni.
Thla hnih a liam leh hnu chuan Hruaitea nen pawh kan in zui ngun hle tawh a. Keipawhin ka duh ve tih ka hria, hmangaih pawh muangchang chuan ka la hmangaih chho ve ang chu. Ka nu hriselna a that tawk loh avangin dawr ah nitin ka awm a, ka nun pawh a hlim ve ta hle. Kan thianho pawh inhmuhkhawm kan nei ta mang lo a, Chama pawhin nupui te a nei a, Siami lahin pasal a nei tawh bawk si. Kim tak tak kan nei thei ta lo. Zankhat chu fon call ka dawng a, ka han pickup chuan Bena nau Matlani kha alo ni a. Engtinnge ka no.chu aneih tih pawh ka hre lo, no.thar vawihnih lai ka hmang leh tawh si a,"U Bawih, ka u in nupui anei dawn" teh tawp chuan, ka chhan hma in amah vek chuan,"I hmangaih ve tak tak thin tih ka hria, ka u pawh hian a hmangaih takzet che asin" a ti leh a, "Matlan, ni e kan inhmangaih thin ngei alawm. Mahse.. i u nen chuan inkawp tur kan lo ni lo aniange, hlim takin awm se ka duhsak lutuk ania" ka ti a. Ni e thinlung takin ka sawi, a hlim phawt chuan chu chu alawm ka duhsak ber,"I kal tir tak tak dawn mi, u Bawih, hetiang ngawt chuan in awm theilo ang, khawngaih takin vawikhat chiah inbe leh rawh u" "Engmah sawi thr ka nei tawh lo Matlan, nupui hial neih a tum tawh a, enge ka sawi ang" ka mittui chu a far ngiai ngiai a, "U Bawih, anih leh heng i thlalak te hi a dik a, chuan nang hian i lo phatsan tih hi a lo dik chiah ani maw?" A rawn ti ta a. A ngaihna ka hrelo hle,"Eng thlalak nge i sawi chu" ka ti tuar a. "Fon dah la whatsapp ah ka rawn thawn ang che , in inthen tirh khan zantin ka u hian he thlalak hi a tah pui asin" a ti a. Ka thlalak chu min rawn thawn hun ka nghak ta ran a, chutah a rawn thleng ta. Ka khur ta zawih zawih a; thinrim avangin. Delhi a kan thianpa Sama nena uang thuang taka thla kan lak, ka bianga min fawh na te, thingpui sen red wine lem a kan siam no a kan dah kan in lai te, Sama'n thingthi a min proposed der vel lai te ani. Rang em em in Sama chu biak ka tum a, a no.ka lo nei tawh lo. Ka thian dangte ka zawh kual fe hnu chuan ka hre thei ta, ka fon a, Aizawla a awm lai alo nih tho avang chuan a tuka hmuh ka tum ta a. Dawt avangin kan inkar a tawp a, hetiangthil thleng hi hria ila chuan thudik sawiin kan inkar hi a chhe lo tur. Mahse min rinna chhete pawh lo nei ve lo tu chu ka dem em em bawk.
Sama te in atanga ka chhuak chu mak tihna hlirin ka khat a, Dika cousin alo ni a, Dikan kan thlalak vel a lo hmuh chuan alo laa, Bena chu a pe tih ka hre thei mai. Engang thian nge a nih a mahni thiante pawh dawt hrilh thei chu? Ka rilru lo nat tawhna te chu thinur na in a thlak a, Bena chu ka hua. Nupui chu nei mawlh se, ka lak atang hian bo vang bang rawh se. Vawikhat tal min zawt ve se, thudik chu a hre mai tur. A tha e, engkim hi tawp vek rawh se. Dika chu va hmuh emaw chhuahchhal emaw ka tum lo, nidang ang chu nise kutthlak hial pawh ka duh leh ngei ang! Mahse engkim lo awih nghal vektu Bena zawk hi a ni ka huat tak ni.
Damdawiin ah kan chhungte tlawh in ka kal a, ka han hawi kual chuan Dika ni awm tak hi ka hmu a, mahse ka va pawh ta lem lo. A zanah no.ka hriat loh atang call ka dawng leh a, Dika chhungte an lo ni a, damdawiina a awm thu leh kohsak tura an ngen vanga min fawn bia an an i tih an sawi a. Ka insiam zawh chuan Hruaitea a rawn kala, ka kalna tur ka sawi chuan min kal pui ta nghal a. Kan va thlen chuan Sama pawh alo awm a, min lo ko vat a. Kan lut ta a, Dika bula Bena lo thu ve reng ka hmuh chuan ka ding a, let leh mai ka duh, Hruaitean min lo kai vat a, min hruai phei ta a. Bena thutna lo lamah chuan ka thu a, Dika chu a na viau anih ka ring, a lu te chu an tuam deuh bur a, a rawn meng a, Bena leh keimah chiah awm tura min duh vang in midang chu an chhuak ta dial a, a mittui a tla a,"Ben, min ngaidam ru aw.. Bawihi nen in inkar tichhiaa pawt then tu chw u kha keimah hi ka ni" Bena chuan mak tih hmel zetin a en a, kei chuan mak ka ti lo. A sawi zawm a,"aorld bank road a kan intihthiam loh tum khan ka thin a rim em em a, sual in min luhkhung a ni ber, in inkar tihchhiat kha ka tum ta ran a. In lo inhmangaih ve em avangin remchang chu ka hmu ta lawk lo. Nikhat erawh ka cousin Sama hi a rawn haw a, ka va leng pheia, a fon a thlalak hrang hrang ka en naah chuan kha thlalak kha ka hmu ta hlauh mai a. Ka naua phei chuan an uan thil thu mai mai a an lak anih te chu a sawi bawk a, mahse kei erawh chuan thianpa Bena hnen thlen ka tum ruh hle thung" a chauh deuh avangin a chawl a, Bena chuan a melh ngai a melh tlawk tlawk a,"Dawt thu hrilhin i awmna lama i chetnatzia te ka hrilh ta chiam a, Kei hi ka lo sual em a ni, thiante u min ngaidam lul rawh u" a ti ta a. Damdawiin hnunglamah chuan ngawi rengin Bena nen kan thu a, darkar
chanve dawn kan thut hnu chuan ka tho a, kal ka tum ta a, "Engvangin nge engmah min zawh loh?" beidawng aw a ni. Ka ke pen chu ka ding a, ka inher thut a, Bena chu ka va hnek ta pawp pawp a. Ka pet a, ka ham a, a theih dan dan in ka che ni ber, a lo dawh tawp a, atawpah chuan ka tap chhuak ta hawk hawk a,"Min zawt zawk tur i ni asin, khatiang thil a thleng a, ngawi renga min kalsan kha engtinnge i theih zawk?" Ka ti a. Ka tlawm nawn leh ta. Min kuah a, ka thlakhlelh em em thin a tangah ka bei ta hle hle a. "Ka hriat tirh khan ka rilru a na em em a, kan inbe tlem ta deuh bawk nen khan rin dan tawk ka lo nei mai a. ka then theilo che tih ka hria, mahse ka biak loh che in min biak i tum silo, ka ti buai mai mai che niin ka inngai a, zu te ka in a ka hlim chuang silo. Nula ka kawp a, nangmah min theihnghilh tir thei an awm chuang lo. Chutianga awm reng ai chuan tiin rawn biak chea, kan inkar siam that leh ka tum a, ka hmangaih che avangin ka ngaidam vek che tih pawh hrilh che ka tum a, mahse i no.ah ka be tlang thei ta reng reng lo", ka sim card ka seh chhiat vek chu ka hrechhuak a, "Khata tang khan ka beiseina che a tawp vek a,rilru na reng reng in hun ka hmang ta a, biak leh che hi tul tihna pawh ka nei ta lo. I no.i thlak khan kan inkar a titawp chiangah ka ngai hmak a, theihnghilh theih na tur che a nih beiseiin ka nun chu ho takin ka hmang chho ta ani" a ti a. Dawt a sawi hauh lo vang tih ka ring, "ka rawn haw hlim khan ka motor bulah enge i tih?"ka ti a, "Min lo hmu reng ani maw?"a tih chuan,"Van lam i hawi te pawh hmu vek" ka lo ti a, "Pathian hnenah min pe let turin ka dil che anih kha" a ngawi dat a,"Bawih.. kei hi bul min tan pui leh duh angem?" a ti ta a. Hriatchhuah ka nei,"I nupui neih tur kha engtinnge?" Ka tih chuan,"Eng nupui nge ni leh ta pek? Nangpawh Matlani'n pasal anei dawn a ti chea" kan hrethiam ta. A nau hian kan tan theihtawp a lo chhuah ve a ni, kan inhmuh a, kan inbiak leh ngei theih nan. Hruaitea ka kalpui tih ka hrechhuak a, Bena min kuahna chu la thla in thil awmzia ka hrilh a, kan kal nghal a. mahse a hmel ka hmu hauh lo, ka fon ka la chhuak a, ka call dawn chiah a amah zawkin alo call a,"Bawih, hlim reng rawh aw.. i hlim hmel kha hmuh a nuam takzet a ni.. ka lawmpui lutuk che" a ti a, kan boruak chu alo hrethiam ani ngei ang.
Thlahnih a liam leh chuan harsatna chi hrang hrangin a pawh then te chu Khuanu samsuih an nih miau avangin Khuanun a in tawntir leh a, thihna in thla a zar hma loh chuan in hmangaih tawn tlat a, damchhunga innei turin Pathian leh Kohhran hmaah thu kan lo tiam ta. Kan chanchin te chu ka ziak malh malh a, tui taka mu ka hmangaih ka pasal ni ta Benjamin-a chu ka melh vawng vawng a, a chalah ka fawp zeuh a, tui takin ka muhil ve ta siai siai a.
~The end~
(Min chhiarsaktute in chungah ka lawm em em e.. story dang pawh min lo chhiarsak leh theuh dawn nia)
BENJAMIN
"Chelsea ve hi .. an sum sen hnem ngaihtuah in an tha lo, an nep emai, hetiang club lo tan ve te chu aaa" rum tawkin ka melh nghal kawk a, tu fa teh chai nge ka hmangaih Chelsea sawichhetu chu tiin ka hmaa thu mipa pathum chu ka melh kual nghal a, "Eng club nge i tan ve a?" min melh thup a. A sawitu ber chuan chiang takin min melh ran a,"Man utd fans ngat le...." "hah!... Ani maw? Tunah table ah engzatnange in nih a?" chhan ngaiah min ruat lo pawh ni mahna, a ngawi ta daih a. Ka bula thu pakhat chuan,"Nangpawh i va ruh awm ve aw?" Nui sangin alo ti a. Ka inthiamlo ru hle, ka in thunun theih lohna hian vawi engzatnge min tih mualpho dawn, ka nui ve tawp a,"Thisenah hian alo bet ve tawh a" kan ti ve mai a. Min chibai tumin a kut a rawn lek chhuak a,"Benjamin Lalmuanpuia ka nia, Bena tiin min ko mai thin a" a tih chuan ka kut la chhuakin kan in chibai a,"Kei hi Lalrinmawii ka nia, Bawihi tiin min ko mai thin a" ka lo ti a. Tlaitin he restaurant ah hian ka chawl thin a, a neitu Mapuii te nen pawh kan innel tawh hle. Tlem lai deuh atang khan ka bula thu Bena hi ka hmu ve zeuh zeuh a. Mipa cool tak a ni ang tih ka ring mai a, midang rawn hruai anei ngailoa, amahin a rawn kal thin. Min thlek vang vang a, ka inchei dan te chu uluk takin min en a, a khi suk a. Enge a rilru ah awm tih ka ngaihtuah thiam lo. Hmeichhe pa chi emaw min ti ni maiin ka hria a, nuam ka tih loh avangin ka chhuak ta daih a.
Nu lian tak nilo mah ila ka nihdanah chuan ka lungawi ve hle a, hmeltha ti a sawi ni lem lo mah ila chhe lutuk chu ka ni bik lo. Tlem chuan a pa deuh em aw an tih tur chi ka ni a, ka nu tehchiam lo. Thian kawm hi nuam ka ti hle a, mahse ka hrisel loh em avangin kawm theiin la awm ngailo. Vawi tam tak thi lek lekin ka awm fo thin. Ka zirlai pawh chhunzawm lo mai tura tih ka ni a, mahse ka nu hian a zirtirtu hna chawlhsanin in lamah min zirtir tawp a, exam hunah ka exam ve mai thin. Ka pa in ka tan library room min siamsak a, lehkhabu tha hrang hrang min leisak a, ka chhiar thin. Ka in chhiar peih em avangin kan zir lai pawh ka hre ve viau zel a, pawl pawh ka sawn ve zel a, ka graduate ve ta hial a. Kan chhungkaw tan chuan thil ropui tak a ni, pawl ruk chauh ka la nih laia doctor ten zirna chawlhsan tura an tih tan chuan a ropui lutuk mah a ni. Ka upa telh telh a ka hrisel ve telh telh a, ka chhungte pawh an lawm hle. Mahse lehkhabu chhiar a ina awm ai chuan thian kawm chu nuam ka ti ta viau mai a. Unau pali kan ni a, ka u te hi mipa vek an ni a, a upa pahnihin nupui neiin an indang tawh a, min chhangtu chiah erawh phaiah lehkha zirin a awm thung. Unaute mipa vek chu keipawh an neih ang apiang chu ka ngen thin a, ka pa tak deuh chhan pawh hi anih ka ring.
Ka chhungte hian ho mai maia kal chhuah an phal ngailoa, ka u te pawh hi tumah han hir ha deuh an awm lo. Kei hmeichhe awmchhun ber hi ka nghal em em a, ka luhlul in ka ti deuh ngalh zel hi ka miziaa a chhe lai a ni a. Ruihtheihthil leh zuk leh hmuam lamah erawh ka fihlim hmak thung a. Ka thianten beer vel an in pawhin ka in ngailo. Pawisa an neih loh erawh chuan ka thawh ve mai a, nuam ti ber berah ka tang thin. Kan lo tum lawk tawh angin kan thianho pawh Ruati te inah kan kim leh thap tawh a, Hmuifangah kal kan tum leh tawh a ni. Kan car chu ka pa hriat lohin ka la chhuak a, ka park vel vang tawh a, Chama leh Andrew chuan bike an rawn keng bawk a, kan leng tawk viau. A hmun kan thlen pawh chuan kan hlim tlang lwh hle a, eng engemaw an in a, ka thiante pawh an bengchheng leh hle tawh a. Kei erawh engtakin nge min mawlh ka hrelo, ka cool deuh ruih a, car ah thu in hla ka ngaithla a. Mapuii te dawra thu tlangval, min nuihzattu ni ngeia ka hriat kha ka mitthlaah alo lang chuai chuai a. Engvanginnge ani ber kher chu ka ngaihtuahnaah a awm? Chung thil ka ngaihtuah lai chuan ka thiannu Eli chuan min rawn pawt chhuak dawrh a, an awm khawmna lamah min hruai phei a. Ka hmel an hmuh chuan nidang ang lo min ti deuh hlawm aniang, haw mai an rawt a. Ka hnial hran bik lo, nidang angin nuam ka ti thei tlat lo. In ka thlen chuan ka nu chauh alo awm a, min hmuh veleh,"Bawihi i nundan hi thlak ve deuh teh. I pa kamkhat ila tawk ngei ngei ang" alo ti nghal a, ka nui tawp a. Nidang ang chu nise ka nu chu ka chhang leh anga atawpah ka mittui atla leh pur ang. Ka nu bulah chuan ka thu a, "Nu, ka pa nen hian engtinnge in in tawn?" Mak tih hmel deuhin min en a,"Kan naute hian chutiangte a ngaihtuah ve tan ta ni maw?" alo ti a. Chhang tawh lem lo chuan ka nu malah ka mu a, ka lu chul heuh heuh pah chuan,"Bawihte i pa nen hi chuan Khuanu samsuih kan ni, i pa hi ka first love ania, a first love ka ni bawk a. Kan vannei asin hetiang hi an tam vak ka ring lo. I pa hi kan veng thenawma awm an ni a, kan in bulah hian thian anei a, arawn kal thin. Kan han tleirawl chhuak kha ka hmel tha ve hle a, rimtu pawh ka ngah ve thin asin. I pa in min lo duh reng tih ka hriat ni a ka hlim zia chu... khami ni atanga vawiin ni thleng hian kan inhmangaihna hi ala chuai lo a, a zual zel a ni" a ti a. Ka nu leh pa te chu ka awt ngei mai. Hmangaih ka la nei lova, ka tan chuan mipa te hi chu thian satliah ang chauh an ni thin. Mahse tunah chuan suangtuah zui tur mipa ka tawng ta tlat a!
Ka mu chu ka lo muhil a, ka harh meuh chuan khua alo thim der tawh. Mapuii te dawr lam chu ka hawi vang vang a, tlaiah khan thil ei tura chhuah ka duh viau a, Bena ka hmu ang tih ka hlau a, ka kal ta lo anih kha. Engvanga pumpelh duh viau nge ka nih ka hre bik lo. Ka nu in chawei tura min rawn koh takah chuan inhnuai lam chu ka pan ta a. Chaweikham veleh ka room a lut lovin library room lam ka pan a, ka lehkhabu te chu ka bihkual a, chhiar tur ber pawh ka hre lo. Ka thinlung kilkhat hi ruak a awm a, hnawhkhattu ka mamawh a ni.
"Min hlat sawt riau mai, Bawih, enge i hriat a? I thiante hi kan lawm lo ania" Eli chuan a ti hlaih hlaih a, ni e a dik ang. Ka chan loh tur mipa ngaihtuahin ka hun ka hmang nasa mah mah, "Chutiang engmah a awm lo, kal rawh leng chhuak ang" kan ti ve a. Hlim hmel takin min en a, ka thulh leh mai ang tih hlau awm fahranin ka motor chahbi a la a, a chhuak nghal a. Ka nuih aza kher mai. Mapuii dawr kan tlan pelh dawn chiah chuan ka va hawi a, Mapuii leh Bena inbe mawlh mawlh chu ka va hmu thuak a, ka rilru a na ve tawp! Engatinge hepa hian heti taka ka rilru alak buai buai em em,"shalla....." ka lo phun chhuak pek a, Eli chuan mak tih hmel deuh hian,"Ava mak thei bui bui ve.. bawih, star te hi i nei nilo maw?" "Engtinnge i hriat.. ah. A... teuh lo" ngaihtuah chiang lo taka thil chhan hi ka ching reng reng a. Tifuh inti deuha min melh pah chuan,"Nang ai experience ka ngah, inzep buai duh suh.. min hrilh la kawng chu i hmu zawk ang" an tih zawm nghal a. Ka chhang buai peih ta lo a. Siami te in kan thleng a, Ruati nen an lo awm a, min hmuh chuan an lo au chul a. Karkhar zet min hmu tawhloa, an lo vui ve nuah nuah a. Thian dangte pawh an lokal zel a, kan kim leh der tawh. Siami chuan,"Bawihi hi min reh san rei bawk a, fine angai" an ti a. Ka lo hrethiam mai a, ka ipte ka zen a, 500 chu phawrhin kan theh phei a, an hlim leh hle. Ruihtheihthil dang chu an ti ngai miahlo na in savawm hi an tleipui ve hlawm viau a. Hlim taka kan nuih bawk bawk lai chuan Bena nui hmel pa hrak mai chuan ka nui lai chu min ti tawp chawt a. Veranda thlang lamah chuan thlifim dawng turin ka chhuk ta daih a. Dar 5 velah ka haw a, Mapuii te dawr ah chuan luh loh kan tum zet na in ka motor chu ka ti ding a, ka lut leh ta nge nge a. Mapuii chuan min lo hmuh veleh,"I damlo nge i zin? I va han vang em em ve" alo ti nghal a. Ka seat a thut pah chuan,"Nia in lamah ka tawm ve e ka tia lawm mawle" ka ti ve mai a. A tlai tawh avang chuan coffee chiah ka lam a, hmanhmawh lo zetin ka in a, Bena nen kan inbiak laia a thutna chu ka en a, tian tak hian tumah ka la vei ngai lo. Minute 10 vel ka thut hnu chuan ka haw ta a.
Inkhel en hi ka tan chuan thil thar ani lo, Lammual ah kan veng Chanmari leh Bethlehem an inkhel dawn a, ka thiante pawh sawm lem lovin ka inkhalh chhuak a. Kan veng pa Pa Mawian min lo ko vat a, ani hi ka au rin pui thei deuh a, ka pan ta a. Ka thu fel chiah tih ah chuan ka bulah Bena chu a rawn thu ve hlawl a, ka hmu thut bawk nen ka thin chu a phu leh ta zeih zeih mai. A nui sang a, a hmeltha thlawt ani hepa hi,"Inkhel en hi chu i peih ve ngawt mai" a ti a, "Dam chhan hi a awm ve alawm" ka lo ti nghal a. Field lam chu a hawi a, a meng zim san a,"In veng ho chu vawiin chu ka tan ve riau mai" "Heta i thut dawn chuan i tan angai alawm" ka tih chuan min melh zawk a,"Ni mai rawh se" a ti duh lek chauh a. Biak zawm chi a ka ngaih chiah loh avang leh inkhel an tan tawh avang chuan ka rilru chu field chhung lamah ka dah ta a. Hun a tawp a, kan veng chu 1-0 n an chak a, ka au nasa bawk a, ka hrawk chu ana leh vek tawh. Bena chuan,"I rualin ka lo haw ve ang chu, rem i tih chuan" a ti a. Ka lai chhe leh der tawh, mipa hmaah ka la zam ngai lo, a vawikhat nan ka mipa duh tak bulah ka lai chhe hle. Ka khur ru der der tih chu a hriat ka hlau kher mai, ka kut te chu a thlan dap a, "Motor khalh i thiamna a rei tawh em?" "Maw.. e..aw.. kum 3 vel ani tawh" ka va han zeilo uluk thei tak. A nui sak a, "Kum chanve vel chu bike ka khalh thei tawh lo" a ban chu min hmuh a, "Ka accident a, a tliak a, ka khup ah hian thir an phum bawk a, a fuh hlei theilo a" a tih zawm leh a. Zah chuih na hun ani tawh lo tih ka hria,"A va zia lo ve aw... khawi vengah nge in awm reng reng?" ka zam lutuk pawh a zia sawt,"Champhai khua kan nia, hetah ka hna avangin ka rawn awm a, Ramhlun south ah.. in ka luah" " ehe.. tinge kan vengah kher thil ei tura i rawn chhuah phei thin a" van atthlak tak, ka sawi zo vek tawh si. Adar a chhin ak a,"Ka ngainat zawng tak ania" eng thil nge a sawi, Mapuii hi a duh tihna em ni, ka tawng hma chuan amah bawk chuan,"an siam thiam khawp mai, nangpawh tui i ti niang chu i chawl ziah lawm" a tih chuan ka thaw hawk. Chanmari kawn ah chuan a chhuk a, "Ka lawm e aw Bawihi" min siai zeuh a, a kal ta a. Ka hminga min ko te chu nuam ka ti em em a, a aw dam thlap mai te, a engkim mai kha ka duh zawng vek a ni.
Karhnih lai a liam a, tlaitin Mapuii te dawr ah ka lut leh tawh a. Bena hmel erawh hmuh tur a awm ngai lo. Ka beidawng ru em em a, inbe lo pawh ni ila a hmel ka hmuh ringawt pawh khan ka duh tawk em em si a. Beidawn tawp lamah tlai khat chu a rawn kal hlawl mai a, ka lawm lutuk chu mak ka in ti zawk. Ka bulah chuan a rawn thu a, thian ang hian min en ve deuh chuan ka hria, engvanga rawn kal ngailo nge anih tih te chu zawh ka chak em em a, ka ngam silo. Ka va en a, min lo melh reng tih ka hriat chuan ka mit ka la sawn vat a, "Kolasib ah ka zin a, rin aiin ka thang rei zek a" a tih chuan hre tura min duhna ringawt pawh chu ka lawm tawk a tling leh viau,"I vang ka ti reng a ni" ka ti a. Nui pah chuan,"Chutianga i ti duh pawh hu ka tan chuan lawmawm tak a ni" a ti a. Capital one cup a Chelsea champion vel chu kan sawi kai chho a, ka sawi tui leh pek hle. Min ngaithla reng a, duhtawka ka pawlte ka fak zawh hnu chuan,"Ngaihzawng pawh i neih ka ring lo" min en miah lo chuan a ti a, ka chhang tawh lo. A nui put put a,"I nei tha lutuk zawk anih ka ring leh si" a hnungah chuan ka chum chawrh a. A eu zawt a, a scoring loh thei teh e! Ka fon no.min dil a, min pe hmasa turin ka ti tlata, min pek hnuah ka no.chu ka pe ve a. Ka haw dawn chuan ka lo thlah ang che a tih tlat avang chuan ka aw ve mai a, kan in leh Mapuii te dawr hi inhlat loh tak a ni a, kan in kan thlen dawn chuan ka kawk a, ka hrilh a, "In in ka hre tawh bawk a, zanah ka lo leng ang, i phal chuan" a ti a. Ka phal thu sawiin kan inthen ta a. Kan ngaihtuah thin a, inleng vawikhatmah la nei ngai lo ka ni a, engtinnge inleng neih a awmdan tur pawh ka hre silo. Chaweikham atang ka phi sek a, ka room leh sitting rolm ka kar tawn chhen a. Dar 7:30 a rik chuan kan doorbell alo ri a, ka nu in alo chhawn bat a, ka lungphu te chu a in thum rawn dup dup in ka hria, Bena le a thianpa chu an rawn in zui lut a. Sitting room lamah ka hruai a, a thianpa Dika nen chuan min han inhmelhriattir hmasa a. Tawng duh deuh mai hi a ni a, ka lawm khawp mai. Awm lo se chuan Bena nen chuan sawi tur pawh kan hre tawp lo ang. Ka nu te chu an mu vat a, eng engemaw kan sawi a, kan titi tui lai chuan Dika chu a tho thurh a,"En duh ka nei a tv ka va en teh ang" tih leh phei a rual a, Bena chu ka bulah a rawn in sawn a,
"Thianpa Dika hi chu a ngaihawm ania" a ti a, "A bula awm a nuam khawp mai" ka lo ti let ve a. Amah vek chuan,"Bawih, ka hmuh hmasak ber atang khan ka rilru ah i cham reng a. Kha dawr kha ka hriat ngai pawh ani lo, i lut lai ka hmuh khan ka lut ve tawp a. A neitute nen in innel danah khan i kal fo anih ka ring a, chuvanga rawn kal ve ta fo ka ni" mak ka tia, ka lawm bawk si, "A chang chuan min duh ve ni ten ka hre ve thin a, mahse ka ring chiah bawk silo. Ka kut chu a la a, a hmer a,"Ka rin hi a dik em min duh ve em?" "I hriat reng chu" ka tih chuan,"I ka ngei atanga hriat ka duh" a ti ta tlat a. Zak deuh chung chuan,"Ka duh che alawm" ka ti a. Maimitchhing rawh atih chuan ka lo maimitchhing ve mai a, ka biang lehlam lehlamah a kut in a dawm a, ka hmuiah chuan afawp a, ka phu zawk a, tihdan tur pawh ka hre lo, ka lo dawh tawp. Ka zak lutuk chuan a nakah ka sik hlawk a, min thlah rang hle. Kan in en a, kan nui a, min kuah ta hle hle a,"Ka rawn confi ve viau sia, minlo duh lo la ka zak awm" a ti a,"Ni reng e.. i vannei ngawt mai" ka ti a,"Kan inbiak hmasak ber ni khan min nuihzat in ka hriaa" ka ti leh a, a nui hak hak a,"Mipa i ngaihsak loh hmel lutuk kha ka mangang zawk anih kha. Kei hian patil ka lo ngaizawng reng em ni ka tia ka buai teh asin aw...." a ti a. Amah vek chuan,"I chezia engkim hi ka duh vek, inthlak danglam turin ka ti kher dawn lo che a mahse..." a ngawi daih a, "enge mahse?" Ka lo ti vat a. Ka bianga min piai zauh pah chuan,"I thinchhiat i sim ve deuh chu ngai maithei. Mipa titi naah va in rawlh ve talh loh tur" a nui sun sun a. Ka zak leh thar riau mai, khami tlaia ka in thunun thei lo kha ka thinrim hle a. Haw an tum a, thlah turin ka chhuak ve a, Dika chuan kan in chhak deuha a motor dah chu a han la a, akal veleh Bena chuan min kuah a, a vawihnihna atan min fawp leh a, tlemin ka hrethiam ve ta deuh a, a thlum dep dep in ka hria. Hehe... In a thlen chuan min lo text a,"Ka hlim takzet.. boih.. engkim vang khan ka lom e" a ti a. Rei vaklo kan in text hnu ah kan mu ta a.
Ka tan chuan engkim hi thil thar ani vek a, ngaihzawng hi ka neih ve theih pawh ka inring lo kha ani a, a vawikhat nan duh tak mai ka tawng a, chu chu ka bialpa a ni leh nghal a. Vamnei ka in ti in nuam ka ti kher mai. Ho taka ka hun ka hman thin te pawh sim ka duh ve tial tial a, ka awmdan danglam chu ka chhungte pawn an hai lo, a phena mi pakhat awm pawh hi an hai hauh lovang! Bena chu a office ban apiangin a hman phawt chuan min tlawh kawi thin a, a changin ka nu dawr ka nghah chhawk a, chutiang hunah chuan min nghak a, kan haw rual thin. Tawng duh ti a sawi tur ani lo na a a nelawm tawk velin a awm thiam a, ka thiante pawhin an nel thuai reng a ni. Ruihtheihthil ah a fihlim a, a dawhthei in thil a ngaihtuah peih a. Ka hlimna tur a hriain min duat a, hei bak chu tu lakah mah ka beisei lo. A chang chuan engvanga kei min thlang hi nge maw a nih tih ka ngaihtuah fo thin a, kei aia hmeltha duhtu a hmuh dawn tehlul nen, ka vanneihna tura Pathian ruat anih pawh ka ring rum rum mai. Kawng lehlam erawh kei hi thikthu chhe em em ka ni a, ka thiante lakah pawh ka thikthu a chhiaa, duat leh ngaihsak duh tak mai ka ni. Bena hi miten an ngaina a, a bula awm nuam an ti a, thik zeuh erawh ka nei nual. Huata han lak tham em ni silo ka rilru ti hrehawm tawk vel hi chu ka nei a. Ka sawi lang ngai lem lo.
Kan thianpa Chama birthday lawm turin kan thianho pawh kan inbuatsaih nasa lehpek hle a, ka thiante chuan Bena an sawm ve a, a tirah chuan a pha deuh na in kal chu a tithlu leh ta tho a. Min rawn sawm a, Chama te in Khatla lam chu kan pan ta a. Kan va thlen chuan keimahni chauh min lo nghak tawh a. Ruati leh Eli chuan min hmuh veleh min lo kaihrang vat a, Ruati chuan,"Oiii !! Bena hi a rawn kal dawn lo i tiin ka hre sia, engtinnge niang kan la hnem ropui sia... min hmu khawlo viau ange" a ti a. Eli chuan,"Ho e.. savawm chauh alawm , a rilru a zim viau lo turah ngai ang" a ti a, "Nia veng thawng suh u.. nuam ti deuhin awm ru u" ka lo ti ve vat a. Bena thutna lam pan chuan ka kalsan ta a. Music kan play a, kan lam a, Bena chu lam ve turin ka han sawm a, a duh tlat loh avangin ka lam san a. Mahse nuam ka tih tak tak loh avangin reilote ah a bulah ka va thu a,"Va lam rawh, ka lo en che alawm. Ka la lam ngai miahloa ka zaka" alo ti a. Mahse abula awm chu nuam ka ti zawk. Ka thiante ho chuan an savawm lei chu an rawn phawrh a, Bena chu pek ve ngial an tum na a a duh lo. Fanta kan in a, kan pahnih chuan kan hlim tawk ve hle. Dar 9 pelh chuan haw a rawt a, midang chu an la tui em avangin kan hawsan ta a. Kan haw kawngah chuan Bena chu a ngawichawi riau in ka hria, ka ngaihbel nge chu ka hre chiah lo a, ka thiante awmdan kha a lawm vak lo in ka hria. Kan in kan thlen chuan gate bulah kan ding a, "Bawih, hna ka la nei sia ka lo kawi tawh lo mai ang" a ti a. Ka hmuiah chuan min rawn fawp zeuh a, kan in mangtha ta a. Zan rei tak thleng lehkhabu ka chhiar a, Bena msg chu hmuh ka beisei viau a, dar 11 thleng pawh chuan ala reh a. A whatsapp last seen ka en chuan tun mai ah a online tih a lang chiang si. Ka thinrim em em a, ka lehkhabu ka dah tau a, ka mu ta daih a. Zingah chuan tum burin ka tho a, ka fon chu kan melh hram a, ka hmuh chak ber Bena msg chu alo awm ran a, ka han chhiar a, zing lam dar 2 velah,"ka mu ve hman chiah, muttui boih.." ka nui leh ta ver ver a.
Basketball en ve chu ka chak em avangin ka pa ka dil a, ka cousin Lunglei ami Opa lo zinlai ani a, kan pahniha en chu kan tum a ni. Bena chu an office thilah Kolasib lamah an zin a, hnaa a zin hi chuan an buai thei hle a, zanreiah bak kan inbe thei ngai lo. Ka kalna tur pawh chu ka hrilh chuang lova, hrilh kan tum zet na a kan in biak huna hrilh ah ka ti leh ta zawk ani. Kan thlen chuan mi pawh an lo tam tawh hle a, motor atanga ka chhuak chiah chu Bena thianpa Dika leh mipa pakhat hi min tawk zawngin an rawn kal a, min kalpel zet na in a rawn hawilet a,"Bawihi, changtupa tellova zan chhuah chu a chi ber dawn mi?" tih pah chuan a nui suk a. An kal ta daih a. Ka awm a ti nuam lo zo vek. Dika hi zankhat a rawn len bak kha Bena hian a rawn hruai leh ta miah lo a, kan inhmuh leh vawikhatna ani a. Min ngaina tehchiam lo niin ka hria. Nuam pawn ka en theilo, Opa bulah chuan ka nawmloh chhuanlam in haw ka rawt a, pawn kan thleng chiah chu ka fon a rawn ri a, Bena alo ni,"hello" "Khawnge i awm?" a rawn ti nghal hrawk a. Ka chil ka lem khawlh a,"Basketball kan en a...mahse hei kan haw dawn" ka ti a,"In i thlen veleh min rawn hrilh ang che. Khawiahmah leng kawi suh ang che" tiin fon a dah nghal a. Dika khan a hrilh a ni chiang, avan tawngthei tak!
In kan thlen chuan ka nu leh pa an lo meng a, an rin ai kan haw hma a, mak an lo ti zawk hle. Ka room ah ka lut nghal a, Bena chu ka thlen tawh thu ka hrilh a, zep lo chuan ka hlau ve deuh tlat nia! Min rawn call nghal a,"I chhuah dawn te chuan min hrilh ve ka lo beisei ve viau a...?" a awki chu a zawi sap a, "Nia... i buai ka ring a, chuvang ania" ka lo ti ve mai a,"Tu nen nge in kal?" "Ka cousin Lunglei ami a rawn zin a, kan pahnih in kan kal" ka tih chuan a thaw huai in ka hria,"A tha nih chu. Ole dah phawt ang aw, mut dawnah ka lo be leh ang che" tiin kan inbiakna chu kan ti tawp ta a. Thawk ka la vang vang a, in phih fai turin bathroom lam chu ka pan ta a.
Karkhat an cham hnuah Bena pawh a lo haw leh tawh a, nidang ang bawkin kan inah a rawn chuang kai tam leh hle tawh a. Nikhat chu holiday ani a, a in luah a leng ve reng reng tur chuan min sa a, ka nu te ka dil chuan an lo phal ve mai a, kan in phur phei ta a. A in luah chu a lian vak lo na a a nuam tawk khawp mai. A fel faiin thil reng reng a awm fel thlap a, a che fel hle ani tih a hriat theih. Room ah kan awm a, a laptop a thlalak chu kan en a, a chhungte thlalak te, an in te chu min hmu a, min hrilh pah zel a. A nau in nupui anei tawh a, an naute thlalak te chu min hmuh a, a duat ve hle anih ka ring. Kan hma hun te kan sawi a, ka hriselna a that chhoh chuan MA kal leh ka tum thu ka sawi a, ngai a ti vak lo na a min hnial bur chuang lo. Inhmangaih tak awm dun reng ta chu kan in fawp leh vawng vawng thin a, a duhthawh tan riau in ka hria. Hetiang tak hian ala awm ka hre ngai loa ka hlau ru deuh hle. Mahni bialpa te han hlauh chu zialo ka ti ve deuh si a, ka lo inveng ru hram hram a. Nakin deuh ah chuan min fawh pah chuan ka kawrhnuai chu a kilhna a phelh tih ka hre thei, rang takin ka inher a, a hmaiah chuan ka ham ta vak mai a, a tre thawt a, nasa tih hmel zetin min melh kawk a, min thlah nghal a. Ka ham na lai chu a thi viau lehnghal, ka inthiam lo kher mai. Thupha chu ka chawi mawlh mawlh a, a ngawi reng a, bathroom ah a lut ta daih a. Hrehawm ka ti takzet! Reife a awm hnuah a rawn chhuak a, a laptop a la a sitting room ah a phei ta daih a. Chutah zet chuan ka luhlulna a kai chhuak ve ta tlat, ngaihdam pawh ka dil reng a,tawngkam khat pawha min chhang duh lo chu ka ngaihdan ani biklo, ka tho a, a awmna lamah pheiin kawngkhar ka nam hawng sawk a,"Ka haw" tih leh chhuah ka rual ta nghal a.
Zan thleng chuan engmah a rawn sawi lo, a reh vang vang a. Keilahin ngaihdam ka dil lawm lawm a, chutiang hrep hnua va biak leh kha tlawm ah ka la bawk si. Rilru nuam lo zetin ka mu a, kan inngaihzawn tirh atanga kan inbiak loh hmasak ber a ni a, hrehawm ve ngaih ngaih tak chu a ni. A tuk zingah chuan ka fon chu ka en vat a, engmah a awm lo. A last seen leh status te ka check a, a status ah chuan thinrim hmaisen vek lem kha a hmang a, ka run tawk viau! Ka be bik lo ang tiin ka rilru ka siam a, Eli te in lam panin ka chhuak ta daih a. Ka thiante bula ka awmlai chuan ka hlim viau a, mahse in ka thleng a, Bena chu ka ngai em em a. Kan pahniha kan thlalak te chu ka en a,ka mittui chu alo tla tawp a. Ka inthiam lo zawk, mipa vang hian ka mittui ka ti tla lo vang ka lo tih thin vei nen, alo ni lo tawp mai. Ni li lai kan inbe tawh lo a, ka a thei takngial dawn in ka hria. Inrinni a ni a, ka nu pui turin dawr lam ka pan a, Mapuii te dawr chu ka va melh zawk a, Bena ka ngai ngei mai. Dawr ka thlen chuan thawmhnaw alo thleng thar a, ka nu chu alo buai viau maia, ka pui nghal thuai thuai a. Kan dawr ka thlen tawh hi chuan Hi-five ah thil ka ei ngei ngei thin. Chhunah pawh chuan thil ei leh tumin ka chhuk a, ka va thleng phei tep tih ah chuan Bena leh hmeichhe pakhat nuam tih hmel taka lo thu chu ka va hmu thut a, ka in ring hman lo, lehlam ka hawi a ka mittui a tla zawih zawih a. Ka mualpho dawn takngiala hria in motor awmna lam ka pan a, ka haw ta daih a. Ka nu chu fon in ka nawmsam loh vanga haw ka ni tiin dawt ka hrilh ta ringawt a. In ka thlen chuan tumah an lo awm lo va, ka room ah ka tlan lut a ka tap ta hlawp hlawp a. Ka thiannu Eli ka fon a, kan ina lokal nghal turin ka ti a, rei vakloah alo thleng a, ka hmuh chuan ka insum theilo, ka tap zawih zawih a. Min kuah a, a ngaihna ahriat loh hmel hle. Ka lungchhe zualpui a reh hnu chuan thil awmzia chu ka hrilh ta vek a, ka sawi zo chu a nui ta uar uar a, ka thinrim chu ka hawisan hmak a. Min kuah a, "Bawih.. mipa te chu an ni vek alawm. An tum vang pawh ni kher lo in khati khan an awm thin alawm. Khawih chhiat che a tum tihna ani chuang hleinem" a ti a. A nui leh nghek a. Ka manthiam ve ta deuh, mahse hmeichhe pakhat nen ka hmuh dan chungchangte chu ka hrilh a,"A bialnu ani kher lo ang, alo nih tak leh lungngai suh, kan vel ang" a tih chuan kan nui dun hawk hawk a. Ka pangngai leh deuh hnu chuan bazar kal aduh avangin haw a tum a, gate a pelh dawn chuan a rawn hawilet a,"Bawih, i pride kha dah bo ve zeuh zeuh a ngai ania" tih pah chuan min nuih seih a, a kal liam thleng chuan ka thlir a.
Karkhat zet kan inbe ta lo, ka ngai a, biak pawh ka chak em em. Mahse be hmasatu nih ka hreh bawk si, mahse kan inkar hi tawp tura ka duhlo anih chuan chet lak ka ngai toh ka hria. Fon atanga sawi ai chuan tiin Bena te in lam chu ka va pan a, ka huphurh khawp mai. Ka va thlen chuan kawngkhar tlem alo in hawng a, va luh tumin ka kut ka lek kang chiah tih ah MC a a hmeichhe kalpui nu kha ka va hmu ta mai a, ka insum hman lo ka tlan a, ka mittui hi a luang nghal zawih zawih. Car kawngka ka hawng dawn chiah tih ah ban chak zet hian min kuai her lawp a, Bena alo ni. A kut chu paih ka tum a, tah hawm hawm chu ka chak ber. Ngawi rengin min thut luh tir a, amah chuan motor chu a khalh a. Khawi lamah nge kan kal dawn pawh ka hrelo, ngawi renga kan tlan zel hnu chuan Zemabawk dai ah kan ding tih ka hria. Bena chu a chhuak a, kei erawh chu ka la thu reng thung. Kawngkhar a hawng a, ka hmaah chuan a thingthi a,"Bawih.. min ngaidam rawh aw?" a ti dam thlap a, "Bialnu thar i neih vang khan maw?" Ka mittui chu a luang nghal zawih zawih a, phawk zetin min en a,"Eng bialnu thar maw?" a ngaihna hriat loh hmel takin a ti a..
Ka thin a rim tulh tulh a,"MC a i kal pui leh nachin lawkah pawh i ina lo awm hmeichhia kha" a nui ta hawk hawk mai. Ka nam sawn dawrh a, ka thinrimna pawh min nuih duh ania, haw san tumin a chahbi ken lai chu lak mai ka tum a, min kuah thut a, talchhuah tumin a kut ka laa,"Ka nau a nih kha" ka melh chuan chiang fe hian min lo melh reng a,"Kan naupang ber" chutah zet chuan a awma beiin ka tap zawih zawih a,"Misualpa, engvanginnge minlo biak loh?" Ka hnung chu a chul heuh heuh a. Motor ngheng chuan kan thu a, a hmai ka hamna chu chiang deuhin ka han en a, a lo ser kalh a, ka fawp zauh a, ani chu a nui ver ver a,"A la dam lo ania aw" ka lo nuih let suk a,"Tihpalh aw...." "Ka thiam loh alawm Bawih, mahse i ngaihdan ang khan engtinmah tih che ka tum lo nia" alo ti a. A darah ka lu ka nghat a,"Ka hria alawm, ka hlauthawng lutuk a, ka inthunun hman lo ani" ka ti a, "Ka zak lutuk a rawn be tur che pawhin ka huaisen tawk lo ani. A dam fel hunah ka hmu ang che ka lo tia" a ti dam diai a. Ka khawngaih reuh ngei mai, inthiam lo takin hun alo hmang ve reng chu ni si a. Muangchangin kan haw a, a in ah chuan ka kawi a, a nau chuan min hmuh veleh a u chu alo ko vat a, Matlani anih thute sawiin min lo be ve bawrh bawrh a. A fel ka ti ngei mai. Guwahati ah lehkha a zir a, a rawn haw chho tur a u in alo chelh vanga la awm anih thute a sawi a. Kan innel nghal viau. Rei tawk fang ka len hnuin ka haw ve ta a.
Bena nen pawh kan hlim leh hle tawh a, an khuaah karkhat cham in a haw a, hrehawm ka ti hman em em a. Ani pawh sunday cham tuma kal ni mah se saturday ah a rawn haw leh hial a, kan in thlahlel takzet a ni. Ka pa chuan ka zirna chhunzawm turin ka college luhna tur te chu alo be kual a, Delhi ah ka u bula awm turin engkim alo tifel vek a. A tirah kha chuan ka phur in ka chak em em a, mahse tunah chuan hmundanga awm ka hreh ngawih ngawih tawh. Bena hmu lova rei tak ka awm tur chu ka huphurh hle a. Mahse chuvang ngawta thulh theih a no bawk silo. Ka kal dawn zan chuan kan in chungah kan thu a, ka tah a chhuak ngawih ngawih a, mahse tah chi a ni si lo. Bena zawk chuan,"Bawih ka ngai dawn khawp mai che. Kal lo mai la tih te ka duh rum rum, mahse chuvang ringawta zir zawm loh chu ka ui bawk si. Engpawhnise i zir anga, kan dam chuan kum te chu a ral ve zung zung a, i zir zawh hunah chuan keipawh nupui nei thei turin ka dinhmun te pawh alo tha tawh anga, rinawm takin kan awm dawn nia aw.." a ti a. Zankhat pawh inhmu loa awm hrehawm kan ti a, ka ngaihtuah ngam lo,"Ben.. ka ngai dawn lutuk che" "Keipawh ka ngai dawn lutuk che. Fel deuhin awm la, buaina te kha siam miah lo la aw..." kan nui dun hawk hawk a. Rinawm taka awmdun turin kan in tiam a, in ngai tak chungin kan in mangtha ta a.
Thla hnih a liam a, lungleng leh khawhar reng rengin nitin hun ka la hmang a. Tap pur chunga Bena ka biak lah a tam, min hnem a, nasa takin min fuih thin. Hriat loh chhungin hun pawh lo kal ve zel a, Krismas hmang tur chuan ka haw a, ka haw tuk lawk chu Bena an khuaah a haw hun alo ni bawk si. Ka hreh in haw lo mai se ka duh a, mahse Krismas hmundanga hman chu a pa in a phal lo a, krismas leh kumthara lo chhuk tur chuan min tiam a, a haw ta a. A tello chuan engmah a lo nuam tak tak thei lo. Ka thiante bulah han awm ve bawk thin mah ila ka hlim tak tak theilo. Ka mizia chu a dang an ti em em a, keipawhin hrehawm ka ti zawk. Bena nen chuan kan inbe deuh reng a, kan lunglenna chu kan inhrilh tawn thin. Urlawk zanah Eli te ina hman kan tum avangin tlai atang ar kan zawng a, keipawh khawhar taka hman ai chuan tiin phur takin ka kal ve a. Zanah pawh chuan chanchinte inhrilh in kan inbe reng a. KTP in programme an neih naah kal atum thute min hrilh a, zanlaiah inbe leh turin kan inbiakna chu kan titawp a. Ina awm tawp ai chuan tiin len chhuah kan rawt a, phur takin kan inphur chhuak hlawm a. Kalna tur ber pawh kan hrelo, Chama chuan world bank road ah mi enthla ang u atih chu phur takin kan pawm vek a, kan kal ta a. Kan va thlen chuan an lo tam hle a, an lo beng chheng bawk si a, nuam kan tih hlawm chiah loh avangin hmundanga kal kan tum ta zawk a. Ruati chu a hmelhriat pakhatin alo koh avangin kan ding a, chutia kan din lai chuan Dika chu ka hmu leh ta hlawl mai. Engvanga hetiang nikhuaa inhmu thei viau nge kan nih ka ti rilru neuh neuh a. Ka rindan chiah in min rawn dinchilh a, motor chhung chu a rawn bih kual dun dun a,"In va happening awm ve ..." a rawn ti ta kher a, ka sa kher mai,"I buaina tur a awm lo" ka lo ti ve hmak a. Ala duhtawk ta mai lo,"Ka buaina tur chu ni ve tho e, ka thianpa bialnu i nia. Hetianga ka hmuh fo che chuan ka thianpa tan hian ka duh hauh lo ang che. Ka la zep pui hram hram che a" a tih chuan ka ze hlui kha a chhuak leh a, motor atan chuan ka chhuak a, kan indinchilh ta ran mai,"Hetia ka awm hian i pawi enge ka sawi a, engvanga hetianga min tawngkhum fo nge i nih?" Ka ti chang fak a. Ka zah peoh tawh biklo ani, min tham loh hmel zetin min melh a,"Hmeichhe nikhua lo tak hi ka thianpa tan ka duh ngai reng reng loh vangin mawle" a ti a. Ka thiannu Siami chu a rawn chhuak a, Dika chu a rawn kek ta hrep a,"Zaktheilopa, ka thiannu hi khatiang khan i ti ngam elaw.." atia kan ri ta hlut a. Chama leh Andrew chuan an rawn thelh vat a, thinrim zetin Dika chuan min kawk a,"Hmeli, hmeichhia in nih vang chauhin ka khawih let lo ang che u. Mahse i la hre khawp ang" a ti a, akal ta a. Ka thinrim chu ka mittui a tla pur a, "Thian mipa ka nei che u emaw ka tia, Chama leh Andrew hi mipa pawh in lo nilo, mi chhan pawh in tum lo" ka ti a. Motor ah ka lut a ka tlan ta daih a, min rawn umzui nghal tih ka hria, keimah vanga kan boruak chhia ani tih ka hriaa, tlemin ka inthlahrung leh ta deuh a. Hmundangah pawh kal tawh chuang lo chuan kan haw a, Eli te inchungah mei kan chhem a, kan zai ta hrep a.
"Urlawk zan khan world bank road ah engthil chiah nge in tih?" Bena ani. Dika ka ngei na chu a zual sauh a.
Ka hrilh ta vek a, ngawi rengin a ngaithla a, ka sawi zawh hnu chuan,"A tir ah hian min hrilh ve thin la, zawh chawp zel ngai lo hian" a ti a. Ni e adik reng. Keipawhin enge a tih dawn tih te hi min hrilh thin se ka duh ang bawk in. Tun tum chu ka thiam loh a ni. Tha takin kan inbe zo a, thinrimna lang miah lova min bia chu mak ka ti hial zawk.
Ka zirna chhunzawmin ka kal leh tawh a, Bena nen kan inkar pawh ala tha a, kan la hlim ve zel a. An hnaah zin chhuah chang an ngah a, thingtlanga an kal phei chuan signal neih loh changte pawh anei fo a, chung hun ber chu hrehawm ka ti thin. Chutianga kan awm tak fo hnu chuan tlem in Bena chu a dang deuhin ka hre thin a. Ka chhuk thlak leh atang kum chanve a liam leh tawh a, min biak loh chu a ching ta zeuh zeuh a. Hrehawm ka ti thei em em a, han biak chhen ka inthlahrung a, min lo ning ang tih ka hlau thin si. Ka reh ve tawp mai a ni. Zankhat chu lehkha ka chhiar a, ka in chhiar tui ve viau lai chuan ka fon alo ri a, ka hriat ngai pawh ani lo, ka pickup chuan Bena nau Matlani alo ni a, ka dam leh dam lohte min zawt a, kan inbiak luam hnu chuan,"U Bawih, hrilh che ka hreh lutuk, mahse.. ka khawngaih bawk si che a" a ti a, ka thisen hi a lum nghal puat in ka hria. Eng thil nge tih ka zawh chuan,"U Bena hi tunlai a awmdan a mak lutuk, hmeichhe pakhat hi bike in a rawn phur haw fo mai a, in in then ka hre bawk silo a, engw thil awmdan hi?" a ti ta a. Sawi tur pawh ka hre lo, ka melh ngai chu ka melh ngawr ngawr a, "hello, u Bawih, ila awm tiraw" thei leh thei lo chuan,"Aw.. Matlan.. ka hria e" ka ti a. Amah vek chuan,"In chanchin ka zawh lahin engma a sawi duh bawk silo. Biak pawh kan inbe mang ngai lo, naktuk hian ka chhuk leh tawh dawn sia, ka mangang lutuk, zu te hi a in em ni aw ka tia. Khawngaih takin ka u chu lo be chhin la ka duh a" a ti a. Engtin chiah nge ka chhan pawh ka hre chiang ta lo. Ka rilru na lutuk chu tah pawh ka tap chhuak thei lo. Ka na a ni, heti em em hian ka la na ngai lo. Ka lehkhabu ken lai chu ka vawm darh vek a,'Aw! Ben.. ka thinlung i va han ti na tehreng em' ka ti vawng vawng a. Ka fon ka laa, biak tumin a no.ka hmetchhuak a, ka ngam lo. Ka be ngam hlawl lo, inthenna mumal pawh awm loa hetiang a ka chunga a ti hi ka hriatthiam theih ngai loh tur thil a ni. Ka sim card ka phawrh a ka seh chhe ta vek a. Engmah ka ei thei lo a, ka u thei hek lo. Ka roommate mangang chuan ka u alo ko tawp a, damdawiin ah min dah ringawt a. Chutiang taka ka rilru na chu ka hrisel na in alo tlin lova, rei tak chhung damdawiin ah ka awm zui ta a ni. Ka zak ngawih ngawih a, ka pasal atana ka lo thlan, ka hmangaih hmasak ber chu kan inkar hlat luat ah ka chan ta niin ka ngai a. Ka muthilh in ka mangah amah chu ka hmu a, ka harh lah in ka mitthlaah chiang em em in ka hmu si. Ben, min va ti rethei ve!
Ka nu leh pa chuan Aizawl lama haw mai turin min ti a, mahse ka duh lo. Haw chhan tur neiin ka inhre lo a ni. Ka lo in rin dan thin ang khan kei chuan ngaihzawng hi ka nei ve thei tak tak ngai dawn lo niin ka hria. Ka theihtawp ka chhuah chung pawhin a tawpah rilru nat bak ka hlawh chuang silo. Harsa mahse theihtawpin ka zirlai chu ka zir ve tang tang a, thiam thei lo bawk, thinlung dam bawk silo chu a hahthlak ngei mai! Beiseina tlem te ka la neih ve chuan hmalam pan turin min nawr hram hram a. Ka chau a, ka tlu lek lek fo a, mahse hei ka kawng tura duan lawk alo nih chuan paltlang tur pawhin chakna ka nei ang tih ka ring tlat thin. Mahni in tanpuite hi Pathianin a tanpui thin an tih kha alo dik ngei e; ka zirlaiah ka hlawhtling miau a.
Mizoram lama haw tura ka inbuatsaih ni chuan ka chhungte leh ka thiante hmuh ka thlakhlel rualin Bena avanga ka tawrhna te kha ka paltlang tawh ngei em tih ka la hre lo a. Ka chunga thil lo thleng hi a rang teh thut em a, in rin lawk dan pawh ka thiam lo atin ni. Hlim takin he khawpui hi ka pan a, ka haw dawn erawh chuan thinlung phurrit phur chungin ka chhuahsan angai leh si. A tawp nan tiin Bena nen kan thlalak chu ka en a, 'Ben.. ka lo haw dawn asin. Hrehawmna khura min hnutchhiah in i hlimna lam chu i pan ta si. Ka thlah tawh ang che kumkhua atan' tiin ka phun sap a. Kan thlalak chu ka delete ta vek a. Hmalam pan turin ka chhuak ta a. Lengpui airport ah ka thiante ho in min lo hmuak a, ka tan an ni tluk hi an lo awm tak tak lo. Ka hrehawm tuar te chu an hre vek a, min hnem a, min fuih a, ka tan an va hlu em!
Dawr nghak tur chuan ka chhuak a, Mapuii te dawr ka thlen chuan ka tlanpel thei lo, ka ding a, ka va lut ta ngawt a. Min lo hmuh veleh min lo ko a, ka thutnaah chuan a rawn thu ve nghal a. Ka lung a leng thlawt a ni, ka thil tuar kha ka la paltlang lo ani tih pawh ka hre chiang. Mapuii chuan,"I thianpa Bena kha vawi tam tak hrtah a rawn kala, i thutnaah hian a thu thin a. Vawikhat phei chu a mittui tla ka hmu nghe nghe asin. In inkar chu ka hre lo na a in inhmangaih hle anih ka ring" a ti a. Ka tah loh nan ka heh ka pet fan fan a, sawi duh chu ka nei, ka sawi chhuak thei silo. Ka tlan chhuak ta ringawt a.
Motor chhungah chuan ka mittui a tla zawih zawih a. In ka pan chuan ka haw leh ta ringawt a. Chutiang reng reng chuan karhnih zet ka awm a. Min duhlo tu laka chutiang teh hrepa ka na chu ka tlawm ngai em em a. Ka induh tawkna te kha la letin hma lam pan ka tum ve ta.
Bazar lamah chakkhai lei turin ka kal a, ka mamawh ang ka lei hnu chuan ka motor dahna lam ka pan a, ka motor bula Bena lo ding reng chu chiang takin ka han hmu a, ka thin chu a phu leh ta dup dup mai. Rem leh rem lovin dawr bula kuhva rah bag lo awm cju ka in phen tir a, ka khur zawih zawih bawk a. Ka en reng a, a sana chu a bih leh zauh thin. Van lam a en a, kawngpui lam chu a thlir leh a. A beidawng ta ani ang, muang changin a bike chunga chuangin a kal ta a. Ka thlir reng a, a kal liam ta. Vawikhat min tohnat mai kha duhtawk lovin min lo chang leh anih ngei dawn kha. Hmanhmawh takin ka tlan haw ta a. Ka pumpelh ta phawt a, engtia rei nge ka pumpelh theih an tih erawh ka hre lo.
Ka thiannu Siami pasal nei tur chu thianho in thil tha ve tak present ila kan ti a, lei tur chuan kan chhuak a. Kan duh ang tak kan lei hnu chuan MC ah inhnawh puar ila kan ti a, kan inzui tham tham hlawm a. Kan ei tur kan order chhung chuan inthiar turin toilet lam ka pan a, ka thleng tep tih chuan Bena alo lang thut mai, tlan chhiatna hman a awm tawh silo. Min hmu chu a ni pawh a phu zawk chuan ka hria, han kal pelh mai ka tum a,"I dam thin maw..?" ati a. Ka lei te chu a khawng zo vekin ka hria,"La dam ve chu nih hi" ka lo ti a, satliah taka biak chu ka duh ani. Ka khur ru der der chu a hmuh ka hlau takzet a,"Pasal i la nei em lo maw?" hetiang khawpa na a min siam hnu pawhin min la diriam duh anih chu! Hmeichhe pakhat hi a rawn chhuak a, "Ben, kal ang le" a rawn ti nghal a. Ka sa vek, chu u chu ka en a, hei hi maw kei aia a lo thlan tak chu, ni e a hmel pawh a tha zawk a, a duhawm thlawt alawm. Bena chuan min melh zawk a, sawi tur nei ni aem takin a ka a ang zuau a, rang takin toilet ah chuan ka lut nghal a. Ka mittui chu a buak hian a rawn baw zawih zawih a, engvanginnge hetiang em em a ka tawrh bik? Min hmangaih let ve miah lo tu avanga hrehawm tuar tur ka ni em ni? Engtia rei nge ka awm pawh ka hre lo, ka thiannu Eli min ko ri ka hriaa, ka hmai chu ka phih sawk sawk a, ka chhusk nghal a. Eli chuan thil awmzia chu a man vat a, min kuah a, engmah kan sawi lo. Ka pangngai deuh hnu chuan kan thiante awmna lam kan pan a, khatia ka kal kha ka let leh mai loh avang leh Bena a hmuh vanga min ngaihtuaha lokal vat anih thu a sawi a. Ka lawm takzet a ni.
Ruah a sur cherh cherh reng a, engtihmah a peih awm loh viau na a ka pa in hna tlem min pek avangin library room lam ka pan a. Chawhmaah chuan ka zo fel ta mai a, an office a dah tura min tih avangin ka in ha lum a, ka chhuak ta nghal a. Ka pa room ka va luh chuan tlangval pakhat leh ka pa chu an lo in kawm a, min hmuh veleh min lo ko vat a, ka pa chuan chu tlangval lam chu a hawi a,"Ka fanu anih hi, Bawihi kan ti mai thin a.. bawihi hei kan SDC thar Pu Hruaitea anih hi" a ti a. Kan han in chibai lawp lawpa, a fel phian reuh a. Mahse Bena ang bawk kha ani, ka incheina chuan a mit ala hmasa leh ber a, kekawr lian leh jacket puar zet ka ha a, ka hmuhnawm viau nge ka hre lo! Rei vak lo ka thut hnu chuan ka haw ta a. Motor khalh pah chuan , 'THe girl from yesterday' Eagles sak chu ka ngaithla a. Ka dinhmuna ding chung chuan thinlung takin ka ngaithlaa, ka insum hman leh ta pek lo, ka thinlung hi a na a ni- Duh vang reng nilo in ka dinhmunin a zir em vang zawkin ka mittui chu alo luang thla ngiai ngiai a. Ka induh tawkna leh luhlul nate kha vawm bo ang hmak an ni a, aw! Ka va tlawm si em!
Hruaitea chu alo leng ve ta zeuh zeuh a, ka pa chu a rawn len chhan emaw ka lo ti mai a, a rawn kal pawhin room ah ka awm reng thin. Zankhat erawh ka nu leh pa thenawm damlo tlawhin an kal a, keimah chauh chuan ka awm a. Ka pawlte inkhel ka lo en lai chuan Hruaitea chu alo leng leh a, inkhel chanchinte chu sawiin kan titi tui hle a, phatsan ka nih hnuah ka tui zawng te an bo zoa mahse zanin erawh chuan tui takin ka sawi leh thei ta. Thingpuite kan ina ka nu leh pa pawh an lo haw ve a, ka room lamah ka chhohsan ta a. Mal leh khawhar in ti takin ka hun ka hmang a, engtikahnge ka nat na te hian min kiansan anga, hahdam taka ka nun ve theih ang? Ka thiante pawhinin hnem zo mawlh silo. Zankhat erawh ka mal bik lo ani tih ka hre thar a, rilru erawh a buai ve map mai. Hruaitea chuan ka laka a rilru put dan te min rilh a, min lo duh ru reng anih chu. Mak ka ti a, lawm awm ka ti bawk a. Mahse ka rilru a lo lang hmasaber erawh Bena tho a ni. Theihnghilh ve a, hlim taka ka nun hman ve pawh hi ka chak thin. Hruaitea chu ka ngaina ve em em a, chutih rualin midang ngaihtuah reng chunga ani nena inkawp chu ka thei lo. "Bawih,, i inpeih hun chu ka nghak thei reng che ania aw..." min titu Hruaitea lamah ka rilru hi pek theih ka duh ngawt mai, mahse ..
In hmu tam a in be tam na na na chu Hruaitea pawh ka ngaina ve hle tawh a, mahse ka in rintawkna te ka neih let leh hma chuan ani nena bul tan erawh ka duh lo. Chutiang chung chuan ka mamawh hunah ka tan a awm reng a, hetiang taka ka tana awm tur hian alakah engmah tih ka nei ve lo. Ka hun tawn te pawh min hriatthiam pui em em a, hmalam pan turin min fuih thin. He ka thinlung khawilaiah emaw hi zawng a hming hi a chuang ve ngei tawh ang. Bena pawh ka rilru ah a thi ve telh telhin ka hria a, ka nundan pangngai ka zawh leh mekin ka hre ve bawk. Nikhat chu Hruaitea nen chuan tihtur kan neih avangin inhmuh kan tum a, bazarah ka kawi hmasa a, ka thiannu Eli chuan an dawr alo nghah avang chuan ka va lut leh hram a. Kan inhmuh khat deuh avangin sawi tur pawh alo ngah leh tawh hle a. Hruaitean a hman tawh thu arawn sawi chuan chhuah mai ka tum a, kawngka ka pel fel chiah tih ah Bena ka hmu leh ta hlawl mai. Tun tum ah chuan a mah chauh in a ni a, min hmu ve lo niin a lang. Min hmu hman ang tih hlau tak chuan ka kal zel a, ka pangngai leh a lo tawp mai! Hmanhmawh taka motor a ka lut tir chu ka hnung lam atang min rawn ko hman leh ta hram a, ka paltlang tawh emaw tiin a hma lam ka pan mek a, engvanga rawn lang leh nge a nih fo? A rawn kal hnai zel a, ka in hum ruh sauh sauh a,"Bawih... thil sawi pui duh che ka nei a, i hman lawk em?" a ti a. Ka hnial tur a ni tiin ka in fuih a, a kianga awma abula titi chu ka chak ber al ni tho tho,"Ka hmanhmawh deuh a ka kal phawt mai ang" motor ah ka lut nghal a, ka tlansan ta. Side glass atang ka va melh hram a, min lo la enzui reng chu ka va hmu thei a. Min va ching rethei tak em hepa zet hi chuan. Kha leh chen rilru na leh hrehawm reng rengin min siam a, tunah ka hlimna tur kawng ka zawh chho ve tawh dawn chauh a, a rawn lang leh tlat si. Thildang ka ngaihtuah thei lo, ka inher a, in lam panin chak takin ka tlan ta vang vang a. In ka thlen chuan room ah ka tlan lut a, ka thinlung hi a na a, ala dam lo ani, chu chu ka pawm a ngai. Hruaitea chu fon in ka nawmsam loh avanga ka haw leh thu ka hrilh ta ngawt a. Min ngaihtuah em em a, zanah te rawn kal in min awmpui a. Hetianga ka awm chhan hi hria se min dem awm mange ka ti a. Mahse hmangaihna hi chu alo chak em a, ka hneh ngang lo a ni.
Thla hnih a liam leh hnu chuan Hruaitea nen pawh kan in zui ngun hle tawh a. Keipawhin ka duh ve tih ka hria, hmangaih pawh muangchang chuan ka la hmangaih chho ve ang chu. Ka nu hriselna a that tawk loh avangin dawr ah nitin ka awm a, ka nun pawh a hlim ve ta hle. Kan thianho pawh inhmuhkhawm kan nei ta mang lo a, Chama pawhin nupui te a nei a, Siami lahin pasal a nei tawh bawk si. Kim tak tak kan nei thei ta lo. Zankhat chu fon call ka dawng a, ka han pickup chuan Bena nau Matlani kha alo ni a. Engtinnge ka no.chu aneih tih pawh ka hre lo, no.thar vawihnih lai ka hmang leh tawh si a,"U Bawih, ka u in nupui anei dawn" teh tawp chuan, ka chhan hma in amah vek chuan,"I hmangaih ve tak tak thin tih ka hria, ka u pawh hian a hmangaih takzet che asin" a ti leh a, "Matlan, ni e kan inhmangaih thin ngei alawm. Mahse.. i u nen chuan inkawp tur kan lo ni lo aniange, hlim takin awm se ka duhsak lutuk ania" ka ti a. Ni e thinlung takin ka sawi, a hlim phawt chuan chu chu alawm ka duhsak ber,"I kal tir tak tak dawn mi, u Bawih, hetiang ngawt chuan in awm theilo ang, khawngaih takin vawikhat chiah inbe leh rawh u" "Engmah sawi thr ka nei tawh lo Matlan, nupui hial neih a tum tawh a, enge ka sawi ang" ka mittui chu a far ngiai ngiai a, "U Bawih, anih leh heng i thlalak te hi a dik a, chuan nang hian i lo phatsan tih hi a lo dik chiah ani maw?" A rawn ti ta a. A ngaihna ka hrelo hle,"Eng thlalak nge i sawi chu" ka ti tuar a. "Fon dah la whatsapp ah ka rawn thawn ang che , in inthen tirh khan zantin ka u hian he thlalak hi a tah pui asin" a ti a. Ka thlalak chu min rawn thawn hun ka nghak ta ran a, chutah a rawn thleng ta. Ka khur ta zawih zawih a; thinrim avangin. Delhi a kan thianpa Sama nena uang thuang taka thla kan lak, ka bianga min fawh na te, thingpui sen red wine lem a kan siam no a kan dah kan in lai te, Sama'n thingthi a min proposed der vel lai te ani. Rang em em in Sama chu biak ka tum a, a no.ka lo nei tawh lo. Ka thian dangte ka zawh kual fe hnu chuan ka hre thei ta, ka fon a, Aizawla a awm lai alo nih tho avang chuan a tuka hmuh ka tum ta a. Dawt avangin kan inkar a tawp a, hetiangthil thleng hi hria ila chuan thudik sawiin kan inkar hi a chhe lo tur. Mahse min rinna chhete pawh lo nei ve lo tu chu ka dem em em bawk.
Sama te in atanga ka chhuak chu mak tihna hlirin ka khat a, Dika cousin alo ni a, Dikan kan thlalak vel a lo hmuh chuan alo laa, Bena chu a pe tih ka hre thei mai. Engang thian nge a nih a mahni thiante pawh dawt hrilh thei chu? Ka rilru lo nat tawhna te chu thinur na in a thlak a, Bena chu ka hua. Nupui chu nei mawlh se, ka lak atang hian bo vang bang rawh se. Vawikhat tal min zawt ve se, thudik chu a hre mai tur. A tha e, engkim hi tawp vek rawh se. Dika chu va hmuh emaw chhuahchhal emaw ka tum lo, nidang ang chu nise kutthlak hial pawh ka duh leh ngei ang! Mahse engkim lo awih nghal vektu Bena zawk hi a ni ka huat tak ni.
Damdawiin ah kan chhungte tlawh in ka kal a, ka han hawi kual chuan Dika ni awm tak hi ka hmu a, mahse ka va pawh ta lem lo. A zanah no.ka hriat loh atang call ka dawng leh a, Dika chhungte an lo ni a, damdawiina a awm thu leh kohsak tura an ngen vanga min fawn bia an an i tih an sawi a. Ka insiam zawh chuan Hruaitea a rawn kala, ka kalna tur ka sawi chuan min kal pui ta nghal a. Kan va thlen chuan Sama pawh alo awm a, min lo ko vat a. Kan lut ta a, Dika bula Bena lo thu ve reng ka hmuh chuan ka ding a, let leh mai ka duh, Hruaitean min lo kai vat a, min hruai phei ta a. Bena thutna lo lamah chuan ka thu a, Dika chu a na viau anih ka ring, a lu te chu an tuam deuh bur a, a rawn meng a, Bena leh keimah chiah awm tura min duh vang in midang chu an chhuak ta dial a, a mittui a tla a,"Ben, min ngaidam ru aw.. Bawihi nen in inkar tichhiaa pawt then tu chw u kha keimah hi ka ni" Bena chuan mak tih hmel zetin a en a, kei chuan mak ka ti lo. A sawi zawm a,"aorld bank road a kan intihthiam loh tum khan ka thin a rim em em a, sual in min luhkhung a ni ber, in inkar tihchhiat kha ka tum ta ran a. In lo inhmangaih ve em avangin remchang chu ka hmu ta lawk lo. Nikhat erawh ka cousin Sama hi a rawn haw a, ka va leng pheia, a fon a thlalak hrang hrang ka en naah chuan kha thlalak kha ka hmu ta hlauh mai a. Ka naua phei chuan an uan thil thu mai mai a an lak anih te chu a sawi bawk a, mahse kei erawh chuan thianpa Bena hnen thlen ka tum ruh hle thung" a chauh deuh avangin a chawl a, Bena chuan a melh ngai a melh tlawk tlawk a,"Dawt thu hrilhin i awmna lama i chetnatzia te ka hrilh ta chiam a, Kei hi ka lo sual em a ni, thiante u min ngaidam lul rawh u" a ti ta a. Damdawiin hnunglamah chuan ngawi rengin Bena nen kan thu a, darkar
chanve dawn kan thut hnu chuan ka tho a, kal ka tum ta a, "Engvangin nge engmah min zawh loh?" beidawng aw a ni. Ka ke pen chu ka ding a, ka inher thut a, Bena chu ka va hnek ta pawp pawp a. Ka pet a, ka ham a, a theih dan dan in ka che ni ber, a lo dawh tawp a, atawpah chuan ka tap chhuak ta hawk hawk a,"Min zawt zawk tur i ni asin, khatiang thil a thleng a, ngawi renga min kalsan kha engtinnge i theih zawk?" Ka ti a. Ka tlawm nawn leh ta. Min kuah a, ka thlakhlelh em em thin a tangah ka bei ta hle hle a. "Ka hriat tirh khan ka rilru a na em em a, kan inbe tlem ta deuh bawk nen khan rin dan tawk ka lo nei mai a. ka then theilo che tih ka hria, mahse ka biak loh che in min biak i tum silo, ka ti buai mai mai che niin ka inngai a, zu te ka in a ka hlim chuang silo. Nula ka kawp a, nangmah min theihnghilh tir thei an awm chuang lo. Chutianga awm reng ai chuan tiin rawn biak chea, kan inkar siam that leh ka tum a, ka hmangaih che avangin ka ngaidam vek che tih pawh hrilh che ka tum a, mahse i no.ah ka be tlang thei ta reng reng lo", ka sim card ka seh chhiat vek chu ka hrechhuak a, "Khata tang khan ka beiseina che a tawp vek a,rilru na reng reng in hun ka hmang ta a, biak leh che hi tul tihna pawh ka nei ta lo. I no.i thlak khan kan inkar a titawp chiangah ka ngai hmak a, theihnghilh theih na tur che a nih beiseiin ka nun chu ho takin ka hmang chho ta ani" a ti a. Dawt a sawi hauh lo vang tih ka ring, "ka rawn haw hlim khan ka motor bulah enge i tih?"ka ti a, "Min lo hmu reng ani maw?"a tih chuan,"Van lam i hawi te pawh hmu vek" ka lo ti a, "Pathian hnenah min pe let turin ka dil che anih kha" a ngawi dat a,"Bawih.. kei hi bul min tan pui leh duh angem?" a ti ta a. Hriatchhuah ka nei,"I nupui neih tur kha engtinnge?" Ka tih chuan,"Eng nupui nge ni leh ta pek? Nangpawh Matlani'n pasal anei dawn a ti chea" kan hrethiam ta. A nau hian kan tan theihtawp a lo chhuah ve a ni, kan inhmuh a, kan inbiak leh ngei theih nan. Hruaitea ka kalpui tih ka hrechhuak a, Bena min kuahna chu la thla in thil awmzia ka hrilh a, kan kal nghal a. mahse a hmel ka hmu hauh lo, ka fon ka la chhuak a, ka call dawn chiah a amah zawkin alo call a,"Bawih, hlim reng rawh aw.. i hlim hmel kha hmuh a nuam takzet a ni.. ka lawmpui lutuk che" a ti a, kan boruak chu alo hrethiam ani ngei ang.
Thlahnih a liam leh chuan harsatna chi hrang hrangin a pawh then te chu Khuanu samsuih an nih miau avangin Khuanun a in tawntir leh a, thihna in thla a zar hma loh chuan in hmangaih tawn tlat a, damchhunga innei turin Pathian leh Kohhran hmaah thu kan lo tiam ta. Kan chanchin te chu ka ziak malh malh a, tui taka mu ka hmangaih ka pasal ni ta Benjamin-a chu ka melh vawng vawng a, a chalah ka fawp zeuh a, tui takin ka muhil ve ta siai siai a.
~The end~
(Min chhiarsaktute in chungah ka lawm em em e.. story dang pawh min lo chhiarsak leh theuh dawn nia)
No comments:
Post a Comment