TEENAGE DREAM

TEENAGE DREAM  By LALPIANPUII RALTE







''Dad, Zualtei pass lawmna ah ka kal dawn nia aw'' tih pahin scooty chahbi chu ka la a. ''Nimin ah Zualtei a fail leh tawh, i ti sia'' ka pa in a lo tih tak boh ah chuan nuih tlawn ver ver pahin ''Ih.. a fail kan lawm dawn a!'' Ka pa chu a nui hawk a '' Lo haw har lo la aw. I riak leh ringawt ang e ''



''AWK E, lutuk tlat''



Zualtei te in lam panin ka inkhalh chhuak vat a, ka thlen chuan mi an lo awm nuaih nuaih tawh a. Music ring tak in an play a. Mipui lam hut hut karah chuan kan su ve nghawng nghawng phawt a, Zualtei ka zawng kual a. Kei ai in kum thum laiin a upa a, kan in mil em em tho. An chhungkua hi an hausak bakah a nu leh pa te hi an strick lem lo va, party hi chu a throw reng mai. Vawithum lai matric a fail tawh pawh hi a mak lo ve! Engtiang pawh in fail ngun in , pawl sawm pass san tawh mah ila ka Bff a nihna hi a danglam chuang lovang.



Amah lah chu hmuh a har hrep leh nghal a, ka zawn kualna lamah ka ex ka hmu zui. John hi chu a hmeltha a, a fel bawk. A fel mah mah zawk, ka thu a awih lutuk te kha buaithlak thin teh e. Amah zawk care a ngai fo te kha ka ning tlats. Bible hi ngaina em em lo mah ila hmeichhe lu chu mipa tih ka hre ve kur. Misual tawk thut mah ila chhan zawk a ngai ang tih tur vel kha ania, then lo pawh ni ila nangni tal chuan in then hrim hrim.



Min renew na hun remchang a zawng leh dawn tih ka hriat kur avangin a rang a rangin ka kalsawn nghal a. Ka let leh ten ka auhla 'PUIPUII NEVER BACK TO EX-MAN' tih hi ka bawhchhe dawn asin..

Ex-man mai mai kan duh loh hnu huhu....



Room kil lam deuh ah chuan Zualtei chu a bialpa Witsel a nen an lo in dut ngawng ngawng laiin ka va hmu ta hram a. Min rawn pan vat a ''Min va nghaihsak lo ve'' ka lo ti a.

''Eng maw?''

''Min ngaihsak lo ka ti anih chuuuu''



A la hre thei chuang lo aniang chu, zaizir in pawnlam a kal turin min ti a. Pawn a kan chhuah hnu chuan '' I duh tak tak lo anih hi, min ngaihsak loh danah'' ka ti vel hmak a. Thinrim der hi chu a nuam em... '' Duh duh duh, chuan ka ngaihsak bawk che. I phone kha en mai teh'' Kan in a a thi theihnghilh chu pek pahin ka phone chu ka check a. 26 miss call. Ka nui vur vur ringawt a, he thi hi chu a duh ve thlawt mai, 'RZ' tih in kher na lai tak chu a fawp zeuh a.



Beer chu ka in leh pawp a, ka bulah chuan bur hnih a let leh der tawh. ''Red hi i in ve duh lawm ni?'' ti a min rawn be tu chu kan melh a. OMG! OMG! A hmelthat dan chu sawi lo ila in hrethiam zawk ang! A hairstyle, a pian, a engkim mai chu a fuh vel vek. ''Ehem'' a rawn tih leh takah chuan ka harhchhuak zawk. '' Duh lo mai ang''tiin ka lo chhang a. Min rawn hnaih a, ka hmui ah tak mai chuan min rawn kiss ta mai a! Ka phu zawk mai, ka * in min kiss ringawt nia! Ka bialpa nazawng pawhin min fawp mai mai ngai lo asin le. '' Tlem tal te chu in ve la?''.



No hnih lai ka in leh takah chuan kai tha tawh tak ka ni, tunge maw chhuat chu lo sawi che ziah lee?? Lal hmelthaa lah chu a lo kal bo daih tawh lehnghal a. Pawi lutuk, a hming tak ngial pawh ka hre lo asin le... Ka hmui chu ka khawih zauh a, ka nui ta sak a.



Kal pai chhet chhet in ka scooty lam chu ka pan a. Zualtei chuan min ngaihtuah hmel takin

''I khalh thei dawn ami? Riak mai la?'' a ti a. A ni pawh a kal ngil bik leu haha. ''Dad in lo haw ngei ngei rawh a ti sia, bye phawt aw''

''bye''



Ka luhai nen scooty chu ka khalh hleithei thak lo. Lal Hmelthaa vang vek! Savawm mai mai te chu ka rui tawh ngai lo asin le... Tinge min fawh ngawt le??? Lerh lutuk mai.... Ui! Ka van hmu leh chak e. Chutiang vel ka ngaihtuah lai chuan ka hma a thing lo ding chu ka su ta dawt a..



Mi dang te ang in 'engmah ka hre zui ta lo' tih ka duh viau a. Mahse ka hre kur si! Ka scooty in min delhna ka ke chu a ulh avangin kan char khawng bur mai a. Ka lu chu tlem in a kak bawk a. Ka thing sut kha a lian vak lo va, hliam dang ka tuar lo hlauh. Mahse ka pa chu a mangang tawps, ka zu ruih te chu min hauh duh viau mahse kei lah ka lo na ve bawk si. Natna pawh hlawkna haha..



Party kal leh ride dad in a khap chu a pawi lai ber ani ta nih chu. Kar khat vel laiin School ka tan tlai dawn bawk a, pawi lutuk. School hi a nuam ber mai, h/w kan neih loh ni hi chuan! Zualtei erawh chu a pa a beidawng ve tawh ngang aniang chu, sumdawnna tan sak a intiam ta ngawt a. A ti tha thlawt alawm, kan Lal Zualtei hian engtik ah mah high school hi a pass lawng e.



Ka chet hleihtheih loh avangin awmpui kan la a, Zualtei pawn nitin deuhthaw min rawn kan thin . A sakhming ka hriat loh Lalhmelthaa chungchang ka zawh chuan tunge anih a hre maithei bik si lova.

''Pui, a pawi vak ami? Kan thenawma mi i arsi deuh khan 'min lo biak rawh' a ti che a nia'' a ti ta ringawt a. '' Naa.. Kha pa ai kha chuan Lalhmelthaa ka duh fiiii'' Pawi lo ve, khawvel hi in let thawk mahse ka la zawng hmu tho tho ang.



Ka ke chu a dam tha var tawh a, ka pa pawhin a tuk atanga school ka kal ve theih tawh thu a sawi a. Mahse Zualtei tel lo a school kal chu ka hreh reuh tawp .Tlai ni tla tur chu ka thlir veng veng a, ka rilru ah chuan ka nu a rawn lang a, mahse ka nu chanchin hi eng mah ka hre lo! Ka nu chungchang ka pa ka zawh apiang in lungngai hmel a pu ziah a, ka zawt ngam ta lo a ni.



Ka tleirawl chhuah tirh vel kha chuan nungchang tha tak ka la ni a, mahse thurawn lakna tur NU ka nei ve miau lo va.Ka pa hian min hmangaih lutuk , demna tur ka nei lo. Mahse hmeichhe rilru a hre lo va, ka nu a ni hek lo. Theihtawp chhuah mahse ka ngaihzawng chungchang buaina leh ka tleirawl rilru a hrethiam lo a ni.



Ka thut ngawih veng veng lai chuan Zualtei a lo lut a. ''ehemz..Lunglen hmel vee''

''nia'' tih ringawt in ka lo chhang a. '' Nimin ah kan picnic a. kan thlalak i en ve duh em?''

''Ka ke a dam tawh tho sia, min hruai ve pawh i tum lo...''



Titau der leh tlat teng..

''I pa hi a dead em alawm haha. Kha en mai mai teh''. Ka la tûm der hmak. '' Pui, ih maw.. In kiss hi hrehawm ka ti e''

Rang zetin ''Timaw?'' ka lo ti a. '' Ka thaw a chham ziah a haha'' ''Naa''

''Witsel a hi alawm, a thaw hi a chham har bik e. Kha thlalak chu en tawh rawh'' tih pahin a phone min pe a.



''Nawm hmel em?''

'' Awk e'' Savawm mawlh mai chu. Thlalak pakhat ka en lai chuan ka tawp chawt a, thlalak ah chuan mipa leh hmeichhe in kuah lai hi a lang a ''Zual, he pa hi tunge??''



Thlalak chu a en a ''Kan picnic na farm neitu a anih kha'' a aw chu a pangngai zan lo. Min rawn melh takah chuan ka hmel ah dik lo a awm tih a hre nghal a. '' Pui, he pa hi a ni lo tih min hrilh rawh..'' Lalhmelthaa'n hmeichhia duat hmel tak a a kuah chu ka en ngawih ngawih a.''LALPIANPUI!''



Mak ka ti lutuk ringawt, Zuali'n ka hmingpum in min koh vawikhat na. Ka thin chu a rim lo , mahse ka lai a na.. ''Eng nge he pa hi ka duh a pawina ??''

''A chhan hre lo la i tan a tha zawk ang, theihnghilh ang che. Mipa dang an tam lutuk''



Chutia a sawi zawh vel ah chuan kan in atangin a chhuak nghal a. Eng vangin nge Zualtei khan he pa hi a huat em em? A chhan min hrilh duh lo mahse ka la zawng chhuak tho tho ang. Chuan Lalhmelthaa hi ka ta a la ni ngei bawk ang.



A tuk ah chuan school ka kal tan ve ta a, a hma ni thil thleng atang khan Zualtei nen kan in be leh ta miah lo. Ka bula thu Zothani chu a tawng bawrh bawrh a, kei erawh chu Zualtei thusawi vel vang khan ka awm a nuam lo va, a rul tawk te in ka lo chhang ve a.



Zothani thil sawi atang chuan he school ah hian thil langsar tak pahnih an awm tih ka hre thar a. Pakhat na- Ricky a, cl-XII B. School volleyball captain. A lerh tluk zeta luck, thuawih vak lo. Pahnih na-Tluangpuia ,XII A . Football captain. Fel leh hmeltha bakah lehkhathiam.



School milar te chanchin chu ngaipawimawh tehchiam lo mah ila ka nun zawng zawng thlak danglam vek tu tur an lo ni reng si.



Lut tlai bik ka nih avang chuan min rawn be ve sap sap hlawm a. An polite hlawm phian, keimah ang lo tak in! Ka lo thut ngawih veng veng laiin Zothani chuan min rawn nghawk zauh a, kawngka lam a kawk zeuh a. A kawhna lam chu ka hawiphei a ''Tluangpuia a nih saw, Ricky ai chuan ka duh daih zawk'' a lo ti leh hmanhmawh a. Tluangpuia chu Johna type a ni maiin ka hria. ''Fel hmel leh inla pawisawilo'' ka ti sap a. Aww..kei tak hi chuh. Mi fel deuhte ka ngaihtheih loh thin chhan hi ka thik vang a ni tih in hre kur mah ila ka kâ hian a support duh bau si lo..



Friday chawhnu lam hi activities hrang hrang tih ni a ni a. Teacher incharge, pa challang (chal thui!) deuh, tawhkhirh hmel zet hian eng lampang ah nge ka awm duh ang tih min rawn zawt a. A aw chu rin ai takin a nem phian. Activities chi hrang hrang awmna paper chu min pe nghal bawk a.



Music - Dad leh Zualtei takngial pawhin zaithiam min ti lo. Guitar pawh D key chiah ka thiam.

Football- Manchester United leh West Ham inkhel ka en chuan ka duhtawk viau. A tak ram phei chu Nahi.

Swimming- Tui chen a! Ka tla hlum nghal a ni mai!

Volleyball- aw le, hei ngei mai hi. Serve kai te chu ka hneh ve lutuk alawm haha.



Kan in thlak fel hnu chuan volleyball court lam kan pan a. Chuta ka thil hmuh chuan min va thawng si em! Ricky a chu luck tih hriat tak hian hmeichhe ho chuan an lo hual thap a. Chu thil chu mak ka ti hran lo, ka mak tih ber zawk chu Lalhmelthaa a lo ni tlat chu a ni. A rawn kal phei zel a, awi! Min rawn pan bik tlat a ka hriat chu.



Ka bul a lo thlen chuan a ding chawt a, min nuih seih a. A hmelthat dan hi ka sawi fiah zo lo. Ka dar a rawn khawih a, ka thaw ngam tawh lo. Ka thi! Ka thi!



''Member thar i ni maw? Good luck..''



Ka chhanna pawh nghak lo in hmeichhe dang ho bulah a kal leh nghal daih a. Shalla, Ralte thikthu chhia a kaitho tlat. Ka zahna te chu rapbet vek in a lampan chuan ka pen ta hlawk hlawk a.



'' Hey! Ricky ,min hre tawh nange?'' ka va ti thawr a. ''Oh dear. Ka va hre mai lo che aw'' He pa tak hi chu aw...ka insum thei tawh bik thak lo ''Hman zan party naa min fawh uluk nen'' tih pahin ka kalsawn hmak a. Dik tak chuan min rawn umzui se ka la ti hram, tinge hepa hian hipna a ngah em em le..?



Ka duh ang ngei chuan min rawn zui a, min kuai her lawp a. ''Thiani, party boruak te chu i hriatthiam ve ka ring, haider mai rawh. Tha deuh in kan in kawm zawk dawn nia aw''



He pa tak hi chu aw, ka chhanna pawh a nghak lehpek lo. Engtin nge ka duh em em in min kiss te chu ka haider theih tehlul ang ni. Korean serial pawh a nih loh hiii...



Kan volleyball practise pawh chu ka ngaihsak thei thlawt lo. Ricky a chu chimawm viau mahse ka la duh tho si. School banah chuan ka bag ka la a, gate lam ka pan chhet chhet a. ''Puipui, min lo nghak teh'' tih ri ka hriat chuan ka hawi let vat a. Rickya bawk chu. Tinge ka thin hi a phut dup dup le?



Ka bul a lo thlen chuan

'' Ka hming te i lo hria a, min va ngaipawimawh awm ve" nui sang in ka lo ti a. '' Ani maw? Ka fawhna che kha i ngaipawimawh zawk daihin ka hria'' Ka van hnek chak tak.

''Ka phalna la lova min fawh vang khan ngaihdam min dil ang chu ka lo ti deuh a'' ti fuh inti deuh in ka melh kar a. A rawn kun hniam a, ka thaw tha ngam leh pek lo. ''Hei hi ngaihdam dil nan chuan a tawk mai em?'' tih pahin min rawn fawp a.



Ka meng phawk chiang lutuk ringawt. A kalsawn leh nghal nal nal a ''Hey, i chak lo ang aw. Ding teh..Ricky'' Hawi pawh a rawn hawi let lo hrim hrim, he pa hi mi kalsan a hrat viau a mi le..

 

Taxi ka la a, In ka thlen chuan luh pahin ka phun deuh mawlh mawlh a ''Eng nge maw a hriat le? Mipa ve si a van tawngthei eee.. Eng tin nge ka duh...''

''Tei, tu chungchang nge i sawi mawlh mawlh a?''

''Pa, i lo va hawng hma ve a''

''Nia, thil pawimawh deuh sawi tur ka nei a. School chu a nuam bawk em?''

''50% in hehe. I rawn haw hma danah a pawimawh viau aniang a..''

''Va inthlak phawt la zanriah ei pahin kan sawi dawn nia''

''Awk e''



Ka in bual a, ka inthlak fel hnu chuan Zualtei ka call a. ''Zual, Ricky a kha a sual vangin a mi i huat? Nge a lerh vang zawk?''

"Engtin nge Ricky a ani tih i lo hriat hmanhmawh?'' a aw chu a ring tha kher mai.

''Kan luhna a inang a lawm, tinge ani hi i huat em em?''

''Nang leh kei hian ngaihzawng sual leh lerh engzat nge kan neih tawh pawh ka hre lo ve! Chutiang mai mai vangin hlat rawh ka ti dawn che a mi?''

''A chhan sawi ve mai la''

''Ka rui ania, ka thinrim dawn tlat. Nidang ah kan la inbe leh dawn nia''

'' Dah suh, Zualte. Zuali..Lalhmangaihzual''



Van mak thin tak e aw.. Chaw ei turin ka room ka chhuahsan a. ''Erin, i lo leng elaw?'' tih pahin ka va pan a. Erin hi ka pa secretary a ni a, ka nu rual daih mah nise aman ''Erin'' min ti dawn nia a ti miau a. ''Nia, hei i pa in zanriah ei turin min sawm a'' a nui leh sang tawh. Tu te tan pawh hian a ngainat awm vek mai.



Chaw ei lai chuan Erin nen kan titi melh melh a. Dad in a aw a rawn thian kharh kharh a ''Tei, Erin nen hian inneih kan tum a..''



Ka pa leh Erin chu ka melh tawn zak zak a. Ka ngaihdan an hre duh tih ka hre mai. ''In ti tak tak em?''

''Tei, tunge inneih chungchangah dawt sawi ang. Chuan ,eng ang in nge i ngaih?''

''Ropui lutuk! Dad , Erin congrats''



An rin loh dan daihin ka chhang emaw ni, an meng phawk hra a. ''Kan inneih chu i remti tak zet amaw?'' tiin Erin chuan min zawt a. '' In inneih na tur chungchang ah thu ka nei ve lo nachungin ka lawm takzet a ni'' tia ka lo chhan chuan a hlim hle in ka hria. Keipawh engvang in nge ka hlim loh ang, NU ka nei ve tawh dawn miau a.



A tukah chuan zanlam thil thleng vang khan mood on deuh in school ka kal a. Break lai chuan waiting shed ah ka thu mai mai a. Tluangpuia hi ka bulah a rawn thu ve hlawl a. ''Puipui, i pa te innei tur chu eng angin nge i ngaih?'' He pa hian engtin nge a hriat le?

''Ka hlim lutuk chuan engtin..'' ka sawi zawh hma hma in ''I pa nupui tur hi ka ni ania. I hlim tak tak maw?''



Chu thu pawh chu tinge min zawh ziah le? ''Umm.. Ka pa hian amah enkawl tu a mawmawh a ni. Kei a fanu tlaw zet lo deuh hi hehe. Chu bakah nu ka nei ve tawh dawn bawk a''



'' I tlaw ka ring lo'' tih pahin a nui sak a, a hmeltha reuh tawp. Nilo, he pa hi ka duh Ricky a nen a tehkin chuan engmah a ni lo. A hmel dur khup ka hmuh rual chuan ka lo tawng chhuak ani tih ka hre nghal a. ''Tluangpui..ih.. Aaa'' sawi tur avan vang tak em. ''Tinge Ricky a hi i duh?''

''Chulam pawh ani lo..'' a ner nung a , awih awm loh ve bawk tak em ani.



''Ricky'n a tihnat hma chein ka hnenah rawn kal ang che'' . A in her vut a, classroom lam min pansan nal nal a. Van mak thin tak '' Hey, eng nge maw in hriat hlawm le. Lalrintluang''



Kei pawh hi ka insum thei thin lo, a thusawi kha eng nge a awmzia ni ang le? ''Eng thil nge Tluangpuia nen khan in lo sawi dun vel a?'' Ricky a ve ngawt ngawt pawh chu a. ''Chhungkaw thil ania..''

''Chutiang sawi tur khawp chuan in lo inhnaih a ni maw? Inneih lam te in sawi kai tawh em?''



Ka thin a sa ve phat ''Aw ni e. Inneih chungchang kan sawi alawm'' . Dawt ka sawi bik lo tlat. Ricky a chu a thinrim hmel kher mai, ka banah min rawn hmer vak a. Hnai tak ah min rawn melh a, tinge he pa bulah hian ka thawk theih loh ziah le?



''School ani bawk si a, ka insum hrih ang e. Tlai ah gate ah ka lo nghak ang che'' Ka ban a hmer na chu a thlah a, a thip kher mai, ka tuai deuh vut vut a. ''Chuan i ban kha tihpalh takzet. Tlai chu theihnghilh lo la aw''

a kal leh nghal daih. ''RICKY...'' He school ami te hi tinge an chimawm em em kher le.



''Tinge Ricky leh Tluangpuia te kha kha tia an awm?'' Zothani bawk chu. '' Ka hre bik nang. I hre zawk daih ang chu'' tiin ka lo vin let hrep a. A la nui vur vur zui ''Ricky an a tihnat hunah che chuan ngaiah i la nei mai ang. Keini ang hian''

''Maw?''

''Ni e, chutih hun chuan Tluangpuia kan pan thin. A ni chuan thian angin min lo hnem thin''

Tinge he school hi thil awm ang lo deuh deuh a thlen thin ni. Min ti å hlawm takngial dawn. Ricky leh Tluangpuia ringawt pawh tih tawh nak laiin.



''Awlsam taka na tur chi ka ni lo'' ka ti ve ngat a ''Kan la thlir zel ang chu, Rickya chunga phuba ka lak tirh kha chuan nuam ka ti asin. Tluangpuia min chhuhsak chuan i chungah pawh ka ti ve lo ang tih ka sawi thei lo'' Ka melh kur ringawt, ka hlauh vang ani lo. A thusawi awmzia kha ka man lo em zawk a ni.

''Tak tak ah, ka ti fiam anih kha. Eng ah mah ngai suh" A mit siai zauh pahin a kalsawn a, ka awm a tinuam lo telh telh.



Ban dar a rik chuan ka thaw huai a. School gate ka thlen rual chuan ka awm tinuam lo zual tu ka la hmu zui. ''Mi innghahtir i thiam khawp mai'' min lo ti tu Ricky a chu ka melh let hrep a. '' Kha tia min melh te chuan thaibawih ka ang zo vek ania'' Tinge hepa hi a mizia a thlak thut thut thin le?



'' Ka chau deuh a, ka lo va kal mai ang e'' 'awle' a tih mai ka hlauh si zia kha aw! ''Keiman ka thlah ang che'' a ti ta hlauh zawk a. Ka'n be tha duh lo der vel teng...

''Puipui, i van induh ve''

''Tuman min duh ve si lo va,mahni tal kan induh loh ten''

''Keiman ka duh che alawm''



Ka leng lawpin ka hria.. Min fiam aniang, mahse dawt ni turin ka phal si lo. ''Ngawi vung vung lo la'' ''Aah, nia'' Sawi mai tur a awm lo tlat. ''Ka duh che tih ka sawi zo chiah a, engtin nge min chhan dawn le?''



He mipa lerh zet, ka thinlung in a duh em em si hi engtin nge ka chhan dawn le?



Engtin nge ka hnawl phal tehlul ang ni. '' Kei pawn ka duh che alawm'' tia ka chhan hnu chuan kan infawp leh ta vawng vawng a. Tun tum chu a dan a dang ta, ka vawi thum infawhna ni tawh mahse ka hlim ber tum a ni. School kan kal rual a, banah min thlah pahin kan leng dun leh thin. Friday chawhnu a volley ball practise te chu a nuam thar thut bawk a.



Thik tu lam lo awm ve zel mahse min la tibuai pha rih tlat lo. Zualtei erawh chuan ''Pui, inveng tha ang che'' min ti ringawt a. Thinrim hmel pawh a pu tawh lo. A pa in lehkhabu dawr ber kher a la hawn sak zui a. Zualtei hian a zirlaibu chu sawi loh, a lehkhabu ngainat ber 'Romeo and juliet' tak ngial pawh chhiar chhuak peih lo kha ania. Engtin nge a lehkhabu dawr chu a enkawl zui ang tih vawng vawng tham a ni.



Ka pa te inneihni pawh a lo thleng ve ta reng mai. Zualtei nen chuan a monu ai ai in kan in chei rei lehnghal. Ricky an a cousin damdawiin a a awm avangin a lo kal ve theih loh thu min rawn hrilh a. Ka lungawi lo ve det, mahse damloh na thil a ni tlat sia. Pawi chai lo e, a tel lo in kan par ang a nimai lawm.



Ka pa ten 'Tiam tlat e' an tih hnu chuan thlalakna te kan nei a. Tluangpuia pawh a rawn kal ve hlawl mai, taka a ni a nih thu a sawi kha mawle.Zualtei leh Tluangpuia te nen chuan kan inzui nileng a ni ber mai. Tlai ah chuan kan pathumin kan leng kual a, savawm kan lei a. Tluangpuia chuan a in ve duh thak lo, inti fel vel tawp.



Zualtei chu Witsel an a rawn call a, a phone a dah rual chuan ''Witsel a chu ka va hmu lawk ang e'' a ti zawm zat a. ''Ti maw, naktuk ah i hmu thei mai lo ami?'' ka lo ti vat a. ''Tun ah ka then duh alawm'' tih leh kal a rual a. He nu tak hi chu aw..



Tluangpuia chuan kan in thleng min thlah a , in chhung ka luh dawn chuan ''Puipui, engtik ah emaw chuan Ricky a hian a la tina dawn che. Chutih hun chuan i tan ka awm reng ang, ka lo nghak reng ang che'' a ti leh ringawt a, a haw ta a. A thusawi chuan ka awm a tinuam lo, eng emaw riau hi a awm. Ka khawngaih ve deuh thut, Ricky a nen a kan awmdun lai nitin min hmuh angai sia. Kei chu ni ila ka thei miah lo ang. Awi!.. Ka in beng nawk nawk a, eng nge maw ka ngaihtuah thin ni.



A tuk ah chuan nidang ang bawkin Ricky an school kal turin min rawn sawm a. Ka lungawi lo deuhin a hria aniang ''Duat, nimin kha chu pawi ka ti lutuk. Min hrethiam rawh aw'' tiin min thlem a. ''Chupawh nise tinge zanah tal min rawn call loh?'' ka la ti hram a. ''Kan buai em alawm. Min ngaidam dawn lo ami?'' Ka thin lah chu a tirim telh telh zui, huiham. ''Ka hrethiam che lawm'' ti mah ila ka la lungawi zan lo. Ka chal ah a rawn fawp zeuh a.



School kan thleng a, kan class room lam ve ve kan inpan san a. Zothani chuan min rawn pan vat a ''News i hre ve em?'' a ti nghal thawr a. ''Eng news ber? News te chu a tam alawm'' ka sual thiam ve ngawt mai. Min melh kur a ''Tluangpuia'n school a chhuahsan kha i hre ve miah lo ami?'' a ti ta a.

''Tak tak maw? Eng vangin? Khawiah nge a luh dawn?'' Ka khawvel chu ??????? hlir in a khat zo ta.



''Tluangpuia chu i va ngaihsak leh si ve'' min deuh hmel lutuk chu ka kek hrep chak! ''I ngaihdan a nih chu. School news te ani ve bawk sia, ka'n zawt ve mai mai che ania'' Ka zawt mai mai pawn ka inhre hauh lo. ''Hmm.. Football lama insawrbing deuh a duh aniang. Mumbai ah lehkhazir pahin a awm dawn a''



Tluangpuia'n zanlama a thil min hrilh te kha ka hrechhuak a. 'I tan ka awm reng ang' ti ve si min van kalsan hma tak. Kei pawh chu ka inhre thiam lo, Tluangpuia awm loh vang maiin tinge ka lo lungngaih ve ringawt le?



Rickya nen a kan inngaihzawnna pawh a rei ve ta hle mai. Mahse kan nih tirh ang reng kha a ni hauh lo, in hnial leh in hauh chang kan nei tam tial tial a. Kan inthen teuh thin! Inthen hi ka zuam lo mai pawh a.



Chhungkaw lam erawh kan tluang viau, ka suangtuahna te chu a tak ram ah a chang ve ta a ni ber mai. Chhungkuaa chaw ei ho te, bazar tlan bakah film en tlan te chu a nuam tih piah lam a ni. Nangni chuan ngaiah in nei tawh pawh a ni ang, ka tan erawh chuan thil thar vek a ni si a. Ka harh ang a, ka mumang mai a lo ni ang tih ka hlau thin.



Tluangpuia erawh a reh vang vang, engmah sawi lova a kal daih chu ka thinrim. A tel lo chuan school hi a reh ruih in ka hria. Zothani pawh chu Tluanpuia chungchang sawiin a iak a iak a. Ngaihthlak a nawm viau chang te pawh a awm. Naa.. Tinge bialpa ka nei tih hi ka theihnghilh thin ni.



Tlai khat chu kan haw kawngah Ricky a nen ice-cream kan ei dun a. ''Zualte, chocolate ice-cream hi chu i duh ngawt mai'' a rawn ti hlawl mai a. ''Eng maw? Zualtei ka nih loh hi '' ka lo ti a. '' Ah! Ka sawi sual palh anih kha ,ka duat'' a ti leh thuai a. Zualtei, aw ni tak. Zualtei chuan chocolate ice-cream hi a ngaina lutuk tlat. ''Ricky, Zualtei nen hian in in karah eng nge awm?''

''Eng mah'' a ti hmak a.

''Eng mah a? Hah, sawi mai teh.. Eng vangin nge Zualtei hian a huat em em che?''

''Iau! Chuti chu kan mi tenawmnu chuan i bulah chhe thei ang berin min lo sawi thin a ni maw?''

''Tenawmnu a!? Chutiangin ka best friend sawi chhe hlek suh aw''

''Best friend! I best friend chuan a thuruk pawh a hrilh ngai lo che ami? Nge a chet dan tenawm tak chu thup bo a tum zawk? I hriat duh chuan amah va zawt la ti nia''



Ricky chu a thinrim hmel kher mai, kei erawh chuan mak ka ti. Eng nge Ricky leh Zualtei te inkarah hian awm ang le, ka hriatchhuah ngei a ngai a ni. In ah pawh haw ta lo chuan Zualtei dawr ka pan nghal a. Min hmuh rual chuan min rawn pan chuk chuk a. ''Pui, Hei hi ka chhiar chhuak ve ania. Ka lehkhabu chhiar chhuah hmasak ber'' tih pahin 'Chicken soup for teenage soul' hi a rawn lekchhuak a. ''Ropui lutuk, mahse chu aia pawimawh sawi tur kan nei ania'' ka lo ti a. ''I va thutak ve, eng lampang?''

''Ricky a nen a in in zawmna diktak min hrilh rawh'' Zualtei hmel nasa taka inthlak danglam chu ka hmu reng a. ''Chutiang a pawimawh lo'' a rawn ti ta bauh a.



''A pawimawh lo amaw? Ka Bff i nia, Ricky hi ka bialpa a ni bawk a. In in zawmna hriat ve hi ka phu lo maw?'' ka aw chu a ring tha hle mai.

''Pui, insum deuh teh. Miin an hria ang asin''

''Hria se eng nge pawi? I thian anin min lo ngai miah lo anih hi''



A dawr chhuahsan tumin ka inher a. Zualtei chuan ka kutah a rawn man a '' I hre duh tak zet a nih chuan ka hrilh ang che. Ricky a hi ka first love a ni..

 

Ka ding chawt a, a hma in Zualtei leh Ricky a te inngaihzawn chungchang hi ka la hre ngai lo. Zualtei chu melh in "Chuti chu i first love anih vang mai in Ricky a nen a kan inngaihzawn chu i phal lo amaw?" ka ti ve ngat a. "Chu choh pawh chu a ni lo asin" Zualtei mittui chu haider in "Anih chuan sawi vek law law mai la" tiin ka lo tur a. "Ka thei lo"

"I sawi thei lo amaw? A tha alawm, tikhan zep hlen ang che" tih leh kal ka rual a. Ka rilru a nuam bik lo, mahse ka thin a rim laklawh em a ni.



A tuk school kal kawng ah chuan ka ngawi rûn a. Ricky a zawk chuan a hma tlai thil thleng chu a rawn sawi chhuak a "I thiannu chuan engkim a lo hrilh che em?"

"Aih, i ex anih thu chiah ka hriat belh"

"Ex a? A tenawmzia a la thup a ni maw?"

"Tikhan sawi ziah suh, thil thup anei anih pawn nang tal chuan sawi la"

"Khatiang mi tenawm, hmangaihna pawh infiamna ang lek a ngai chanchin kha ka sawi tui nek lo ve"



Kan class room lam ka pansan nal nal a, ka luh dawn chiah chuan Zothani'n min lo bia a. "Tun ah khan in in hau tihna em ni?"

"I hriat ve kher a tul lo" Thil engkim a a lo in rawlh hi ka kham a ni. Ka thut fel hnu pawh chuan ka bulah a rawn thu veleh a. "A lo kawp che anih chuan phuba lak dan tha deuh ka hria"

"Min kawp lo a, i thurawn ka mamawh hek lo" ka ti chang fak a. "I hre lo"



Ni e, ka hre lo tak tak! A ngaihzawng dang te ngaihtuah chuan kan ni rei tawh mah mah zawk. "A hmangaih hmasa ber nena ka in then tir te kha a pui ania aw.. Haha, kha nu vang khan min then awt awt a. An chawh asin" tih pah chuan a nui awr awr a, a rap awm lek lek.



Zanah chuan kan chhungkua in 'Savdhan India' kan en thap a. Ka pum in Fanta leh cake a rawn ngen tak tlat ah chuan dawr a kal turin ka chhuak a. Ka let leh lam chuan kan in atanga hla vak lo, street light hnuai ah hian Ricky a hi a bike bulah a lo ding vang mai a. Mahse amah chauh in a nilo, hmeichhe pakhat a tel ve tlat. Ka rin loh deuh in an in fawp ta mai a. Ka thil khai te chu ka thlauh darh vek a,ka insum theihna ka hloh ta vek emaw ni, an bulah chuan ka va kal a.



"Ricky, nang baka mi tenawm an awm chuang lo" tih pahin nidang a ka lo tih chak em em thin ang chuan ka hnek ta pawp mai a! Ka kut zawk chiah chu a na a mi le ,Ricky chuan thinrim hmel pawh pu chuang lo in "Ka lerh zia hre vek chungin min ngaizawng a ni lawmni" a la ti ta deuh deuh a. "Ti hian kan inkar chu tawp rawh se" tih pahin ka kalsan ta a. Ka rilru chu a na miah lo, ka thawveng hawk in ka in hria. Mipa lerh over lak atangin ka fihlim ta..



Ricky a nena kan inthen ta chu ka mut hi a'n tui em em khawp a! Kan inthen chu sawi loh, kan inngaihzawn thleng a phal lo bur tu ka thiani chu va hmuh ngei ngaiin ka hria. A dawr ka luh rual rual chuan "Zualte, News news" ka va ti nghal phawr phawr a. Dawrtu a lo neih lai tak a ni zui nen, ka lei chu ka'n control leh phawt a.



A dawrtunu chhuah rual rual chuan "Kan inthen" ka ti nghal a. "Eng maw?"

"Ricky a nen kan inthen ka ti anih chu"

Mak tih hmel tak hian "Tinge in inthen? Hrehawm i ti em?" a ti mawlh mawlh a.



"Kan inthen chhan chu a pawimawh ami? Nang te chuan kan inngaihzawn pawh i duh lo bur a nih kha. Hrehawm te chu sawi loh, nuam sing khaw" ka tih khum nghek a.



Chuta a thu sawi chuan min deng dawt mai "Pui, Ricky a hi ka...ka virgin killer a ni asin". Ka thu hnawk a, mak ka ti lutuk chu ka ngawi reng ringawt a. "Ka hmangaih em avangin ka thianghlimna ka hlan a. Ricky a khan min hmangaih ve emaw ka tia; mahse min lo kawp reng tih ka hrechhuak ta a. Khatih laia ka rilru nat dan kha i hrethiam ngai lo ang'' a ti leh a.



Zualtei chu ka va kuah a, "Zual, pawi ka ti lutuk"

"Pawi tihna chhan tur i nei hleinem" tih pahin a mittui chu a hru hul a.

"I tan sawi a harsat tur zia ka hria alawm, ka tihpalh takzet"

"I nat ka hlauh vang in alawm ka hrilh ngam loh che. Nge, nangni pawh in lo in..."

"Teuh lo mai! Anih leh Ricky a hi i la hmangaih em?"



"A... Dik tak chuan eng tik lai mah khan ka theihnghilh ngai lo. 'Ka hmangaih hmasa ber i ni' min tih hnu lawkah min phatsan leh si a" a tap tha leh rih. Ka va kuah a. Thil eng emaw ka hre chhuak zawk.



"Zual, engtin nge a phatsan che tih i hriatchhuah?"

"Min kawpna nu in an in kiss lai thlalak ngei min hmuh alawm. Ka thianghlimna ka hlan atanga kar khat lek pawh a ral hma in! Ricky chu ka va call a, awlsam taka inthen a lo duh ve mai vang khan min phatsan tih a chiang takzet. Chuan, ka chunga a tih ang kha i chung ah a tih ve ka hlau em aa.."

"Chu nu chu Zothani a ni em?"

"Engtin nge i hriat a?"



Ka chiang ta kuarh mai, finfiahna tlem ka la mamawh. Rang takin Zualtei dawr chu ka chhuahsan a, min rawn auh na chu ka chhang let hman tawh lo.



Ricky chu ka call vat a. "Min ngai hman der elaw duat?" a rawn ti nghal a, lerh a hi chu aw..

"Chu lam ani lo. In hmuh kan ngai, in in ah lo awm ngei ngei ang che"

Phone ka dah nghal hmak a.



An in ka thlen chuan a lo awm ve tehmial a. "Zan khat lek inthen pawh i thei na nge?" min deuh hmel a pu lek lek. Eng pawn nise ka hau hman rih tlat lo "Zualtei nen khan ti nge in inthen?"

"Amah zawt la ti nia"

"Ani chuan min hrilh tawh. I ka atang ngei a hriat ka duh"

"Chutih chu min hmangaih awm deuh a a awm vel lai a min lo kawp ruk dan zawng zawng kha a hrilh vek tawh che amaw?"



Ka rin sa deuh tho nimahse awih har ka ti tho. "Zualtei khan a kawp lo che.."

"A chetsualpui pa ngeiin min hrilh a. Zualtei ngei pawhin min then duh thu arawn sawi nen. Ani kha ka hmangaih takzet asin, amah vangin ka nun in a chhiat phah ta anih hi" Ricky chu a thinrim tih a hriat ngawih ngawih.

"Ricky, hriatthiam a har ang tih ka hria alawm. Zualtei pawh khan i phatsan amaw ati ve tho asin"

"Dawt anih chu"

"Dawt anih leh nih loh chu fiah ila?"



Kei, Zualtei leh Ricky a chu kan thu ho thap a. Ka ex leh a ex ve leh chhawng te in renew nana ka buai chiam mai te chu ka nuih a za deuh roh a, mahse nuihna hun a ni si lo.



Ricky chuan Zualtei chu a phatsan loh zia leh Zothani nen a infawp lai thlalak te chu amah nen a an inngaihzawn hmaa mi daih a nih thu a sawi a. Zualtei pawh in ani lo mipa dang a la mutpui loh zia a sawi ve bawk a. In rin an duh, mahse an in ring lo! Khatih lai khan an rilru a na dun em a ni. Zothanpuii vang vek..



An in hnial reng bawk si, an sawi fel hleithei dawn in ka hre ngang lo. "Ngawi teu" ka ti ta ringawt a, min melh dun hraw leh nghal a. "Zothani ka be dawn a, lo tawng hlek suh ang che u. A bam vek dawn ania" tih pahin Zothani chu ka call a. Anni pawh chu thuawih ber awm ang maiin an lo ngawi kar a.



"Hello" Loud speaker ah ka dah vat a

"Zothan, keimah ka nia Puipuii"

"Ve teh mial che chuan, eng nge ni ta?"

"Ui! Ka rilru a na lutuk. Ricky a khan min lo kawp a" Ka'n tap der vel phawt a, Ricky a te lah chu an lo ner nung a. An tan ka tider ve sauh sauh a, shalla

"Ka tih reng kha"

"Nâ i tih dan tur zia kha ka hre chiah. Ih.. Ricky a chung a phuba i lak dan kha min hrilh teh, ka tibuai ve dawn khawp mai"

"Va sual sawt ve, haha. Ricky a bialnu hnen ah khan kan nih laia kan infawh na thlalak ka pe a, kan inngaihzawn mek thu ka hrilh a. Ricky a bulah ve thung chuan ka bro ka tir a, a bialnu a lo chetsualpui thu te a hrilh ve bawk a. Tichuan, an in then ta phak mai a ni.. Ka thiam ti raw? Haha, ka tihdan chiah chiah kha chuan ti ve suh aw. E.. chuan, tuma bulah sawi suh ang che"

"Awk e" van mawl tak, ka sawi ngai lo in an ngaithla reng alawm haha. Phone chu ka dah a, anni pahnih pawh chu ka chhuahsan nghal a. Khati chung a an lo in sawi fel thei lo anih chuan ka thiamloh a ni tawh bik lo ang.



In ka thleng chu ka hahdam huai mai. Zanah chuan Zualtei nen kan inbia a"Pui, ka lawm lutuk aw, ka lawm tak tak" a ti mawlh mawlh a. "Lawthu sawi hlek suh. Ka duh loh hnu mai mai" ka lo ti a.

"Kei in ka duh chuan a tawk. I duh leh vaih"

"Nahi. Ani chauh kha mipa awm mahsela ka duh tawh chuang lo ang. I duata nen chuan in be tawh ru"



Kar khat vel aliam leh tawh a, Zualtei leh Ricky a chu an la tluang viau. An in then tawh mai mai in ka ring lo. Zothani kha chu ngaihdam zai an rel ta anih kha, ka va chhuang em!



Zan khat chu ka pa hi ka room ah a rawn lut a. "Tei, i upa ve tawh a. Thudik hi ka zep hlen thei dawn chuang lo va, i nu chanchin hi i hriat ve a hun tawh a ni" a rawn ti ta mai a. Ka tawngchhuak lawk thei lo "I nu chanchin chu i hre duh hrim hrim em?"

"A.. Aw pa, chu bak bak a thil hriat duh ka nei hleinem"



"I nu kha ka hmangaih em em a. Mahse fahrah anih avangin ka chhungte khan kan inneih an remti lo va, lehkhazir turin phai ah min dah ta daih a. Kum hnih a liam hnu chuan ka haw ve thei ta hram a, phur takin kan khuaah ka let vat a" a chawl det a, a thawk lak chhung pawh chu rei ka lo ti hman. "I nu in nau a pai thu ka hriat chuan ka nghing dawt a ni ber, ka haw hma thla nga vel liam ta khan mipa pahnih in an lo pawngsual rawn a lo ni a. Mi hausa fa an nih avangin jail ah pawh an tang rei lo hle leh nghal a. Ka rilru a nat rual rualin i nu kha ka la hmangaih hle si. Eng tik ah mah ka chhungte khan inneih an remti dawn chuang lo va. I nu nen khan kan tlanbo ta ringawt a, mahse a hrin rual che khan rai cheh in a thi zui ta a ni."



Ka thu hriat chu eng nge ni ngai, ka pa hi ka pa tak tak a ni lo maw? Ka tap zawih zawih a, ka pa in min rawn kuah a tum chuan a kut ka lo thing per lawp a. Theih tawpa chak in kan in atang chuan ka tlan chhuak ta a.



Pan lam tur ber pawh hre lo in ka tlan vak ringawt a. Kawng kawi a ka kual tur chiah chu tu emaw hian min lo pawt ding chawt a. Ka thinrim sa nen, min lo pawt ding tu chu hauh vak tumin ka'n melh a. Ka meng phawk leh ta hru mai "Tluangpui.." ka ti ta sap a.



Tluangpuia chu kuah in ka insut deuh hlap hlap a. "Puipui, tinge i tah a? I tha em?" tiin zawhna min zawt zui mawlh mawlh a. Ka tah lah chu a chhuak telh telh a. "Hawh, in in ah ka hruai haw ang che" tih pahin min kaih a tum a. "Ka haw dawn lo" tiin ka lo tang ve tlat a. "I in ha pan ropui si. I damlo mai ang, kal ang le" "Aih, min kalsan mai rawh" "Ka kalsan dawn lo che. Anih chuan saw lai step ah sawn thu ila, thil awm zia min hrilh dawn nia" Step ah chuan insi rial in kan thu dun a, ka khur deuh bap bap a. A jamper chu phelin min haktir a, van romantic tak. Mahse ka thawl mah mah. "Vawt i ti ve lo ami?" ka lo ti a. "Ti ve tho e. Min kuah la, ka lum mai ang" "Phakar suh aw" "Nih leh, i haw duh loh chhan chu sawi tawh la.. Ka hriat ve chi te anih chuan" Ka thaw hawk a "Tluanpui, ka sawi ang. Mahse min hmuhsit phah suh aw..." "Teuh lo mai. Ehe, tah i tum leh ringawt alaw?" Ka mittui chu min rawn hruk hul sak a. Ka chanchin chu ka sawi tan ta a, Ricky a leh Zualtei atangin ka tan phawt a. Kan nui dun bawk bawk a. Ka nu chanchin ka sawi lai chuan ka insum zo leh pek lo, ka tap leh ta zawih zawih a. Tluangpuia chuan min rawn kuah a "I duh tawkin tap rawh. A pawi reng reng lo, i thiamloh na a awm hleinem" tiin min hnem a. "Tikhan ka haw duh loh chhan i hre tawh em? An fa tak tak pawh ka ni si lo a, hrehawm ka ti lutuk" "Puipui, ka hrethiam che alawm. School waiting shed a i pa leh ni Erini te inneih tur chungchang kan sawini kha i la hre reng em?" "Um" "Khami ni khan nu i neih ve tawh dawn vanga i hlim thu i sawi anih kha. Khatiang chiah khan i awm leh thei lo ami? Pa i neih loh avangin pa thar i nei turah ngai ta la, hlim loh chhan tur a awm ami?" Ka ngaihtuah chiang a, Tluangpuia thil sawi chu a dik lutuk ,mahse. "Nia, mahse...an lakah ka inthlahrungin hrehawm ka ti reng dawn asin. An fa tak ka ni si lo a" "I pa hian hmangaih takin a enkawl seilian che a. Nang in i pa tak tak anih lo tih i hriat vanga i kalsan mai chuan nâ a ti daih zawk ang. Ni Erin i pawhin a fa tak tak i ni lo chungin a duat em em tho che a. An laka hrehawm tih thut chhan tur a awm lo, eng nge i ngaihdan" "Umm.. A dik alawm" Min rawn kuah a "Puipui, i tap lo vang tih ka tiam thei lo che. Mahse malin i tap lo ang tih erawh ka tiam a che" Ka lo nui ver ver a "Haw turin ka inpeih e" In kan thlen chuan ka pa in min lo kuah vat a . "Tei, ka mangang hman lutuk alawm. Khaw nge i kal daih a" "Pa , ka tihpalh. Kha tia awm tur kha ka ni lo asin" "Tei, eng thil pawh thleng se kan fanu i ni reng ang" Kan vai chuan tap lo kan awm lo, kan chhungril erawh a hlim theuh si a. Hlimna tluk a thil hlu hi chhungkua ah a awm thei chuang lo a ni. Thla khat liam hnu chuan... Kan chhungkua leh ka thiante- Zualtei , Ricky a leh Tluangpuia te chu picnic turin kan chhuak a. Kan hlim dar dar khawp mai. Tlaiah chuan ka nu leh pa in rawng an bawl a. Tluangpuia nen dil kamah kan vak dun mai mai a. Ricky a leh Zualtei te erawh chu bûk kawt ah an thu thung a. Tluangpuia chuan "Ka hmangaih hmasa ber i ni tih i in hria em?" tiin min zawt a. "Aw. Mahse ka hmangaih hmasa ber i ni ve em aww" Chiang zetin min en a "I hmangaih hmasa ber nih ai chuan, i hmangaih hnuhnung ber nih ka thlang zawk fo ang" a ti ta a. Hepa hi chu ka van duh chiang tak em... Kan in fawp vawng vawng a, in kai rial in kan bûk awmna kan pan ta a.



>



(Like leh comments min pe tu zawng zawng te leh, ka thawnthu ziaha min phurpui em em tu ka thiante chungah lawmthu ka sawi tak meuh meuh e)