Mami Dekhenez Chawngthu
SAVE THE LAST DANCE FOR ME
"Dancer's meet a kan hmuh kha a ni lawm ni?" ka thiannu Mimtei chuan mit tla dawn in alo thlir ngawih ngawih a. Ka va hawi phei ve a,a ni chiang mai. A chhiat loh zia leh zanhnih lai ka manglama ka man chu hrilh pawh ka tum chuang lo va. A hmeltha in a pian a in phut mawi em em mai a. Ngo puak nisi lo in a hang lo va, a nuih zawnga a mit a han ti zim san thin te chu en a man hla ani tawp mai. High school kan kal lai atang tawhin lam kan tui em em a, kan thianho pawh veng aiawh ten kan chhuak ve fo thin. Hetiang taka mipui hmaah te in lan ve thin e ti lo hian ka zak zum hle a. Ka thiante pawh hian i chut lutuk tiin min hau ve fo a, college te kan han kal a, ka zak zum lutuk te pawh reh chho ve ta zel a. Tunah chuan thianho zingah pawh hmahruaitu ber ka ni ta a ni. Dancer's Meet Lunglei ah Special item kan neih tumin he hmeltha pa hi judge a ni a, chiang takin ka hmu tawh a. A hnu deuh ah Charity show ah ani he mipa hmeltha tak, a hming pawh kan hriat loh hi kan hmuh leh a ka thinlunga thu a sawi tak tlat chu. A che leh hawiher kha kan thlir deuh thup ni mai hian ka hria a. A taksa hnehsawh taka a han che vel chuan tu mit pawh ala a ni ber.
Vanglai hmang chho mek ka ni a, khawvel hi a engzawngin ka hamchhawn thin a, ka nunah hian hmangaihna avanga inpumpekna tih vel hian ka ngaihtuahna hi ala luah pha lo hrim hrim bawk. Nitin hian hlimna thar chhar belh zel ka tum , ka chak lohna te hi inbawhbeh tir ka tum ngai lo. Ka thiante pawh ka fuihna ber ani thin. Eng kawng pawh zawh dawn ila hlawhtling tur chuan chhel angai a, mipa pakhat avanga kan khawvel hi hrehawm taka hman tur ani lo tiin ka sawi thin.
Chhun lama kan thil hmuh khan ka rilru chu a kam ve deuh a, theihnghilh tumin ka lu kan thing nar nar a, fiah zetin a hmel chu ka mitthlaah alo lang ta chuai chuai zawk a. Ka tho lawk a, computer hmaah thu in ka online ta daih a. Min 15 vel ka thut hnu chuan zinga tlan ka duh avangin mut hma deuh ka tum a, ka logout tep tih ah chuan friend request ka dawnga, ka phu loh in friend ka ngah a, confirm sen loh an awm ve a. Mahse ka bih chiang lo phal ngang lo a ni e, ka han en chiang a, karei!! Lalhmelthaa kha a lo ni! A hming chu vawi thum lai ka chhiar nawn a, "Zonunsanga Chhakchhuak Kop" ka mumang ani mai ang tih chu ka hlau ber, ka in sik nawk nawk a, a tak ngei a ni e, ka confirm ta. Ka khur deuh reuh lehnghal a! Mu ta mai lo chuan a wall ah lutin kan check kual chiam pek a, a thlalak pawh ka en tam hman viau. A tuk lama en zawm leh hisapin ka mu ta a.
Ka thiannu Mimtei pawh ka computer hmaah a thu leh vang tawh a, a bialpa kan member zinga mi tho David nen an intihthiamloh avangin keimah min rawn ankhum leh vak a, a dan ve reng ani. Ka chungah lo inhrikthlakna tur nei miau hek lo le! A ang hlawih hlawih a, "Hmelthatea khan fren request min lo thawn asin" ka han ti thut a, a thin rimna te chu vawm bo ang duak ani, ka bulah a rawn thu sawk sawk a, "Mate tak tak em? Awi... avan nuam chiang! Be ngei ngei rawh aw" a ti nghal chul a. Ka nuih a za kher mai, a profile chu a han check vel a, a then reng ringawt. Zanah pawh chuan tih tur nei chuang lovin ka online a, dar 9 velah chuan chat list ah a rawn hring ve ta vat vat a, chu ringawt pawh chu nuam ka lo ti. Mut ka tum a, ka mut hma chuan status ho deuh tak hi ka han update hram a, Zonunsanga chuan alo like nghal a. Ka hlim lutuk chu ka zuang vak vak ringawt. Hetiang tak hian mipa pakhat laka ka luanliam ka in ring ngai lo asin. Mahse a thleng tlat si.
SAVE THE LAST DANCE FOR ME-II
Ka cousin Papuian movie ka download sak nual tawh che lo lam rawh a tih avangin ka kal a, ka thlen chuan amah chauh in a awm lo tih an thawm atang ka hre mai a. Ka va pawh peih loh avangin sitting room thutthlengah mu pahin tv ka en a, an rei tak phian avang leh tlai lamah tih tur ka neih bawk avangin room ah chuan ka va lut ve a, kilkhata Zonunsanga lo thu reng chu ka va hmu thut mai a, chiang zetin min rawn melh ve nghal a, ka hmel inthlak danglam chu a hmuh hman loh hram ka beisei. Papuia hi mi zei tak a nih loh bakah han ti bawrh bawrh chi a ni lo bawk a, tute nge a thiante chu min inhmelhriattir pawh a tum lem lo niin a lang. Ka thil tur chu a thun mawlh mawlh a, tu min hriatpui si loh chuan kei lah chu ka lo khur ru der der a. Nakinah chuan Papuia bul chiaha thu mipa chuan min rawn en a, Papuia chu a en leh a, "Hei mi i cousin chu?" A han ti a, Papuia chuan ngaihsam zet hian," Aw ni e" ti ve mai a. Chutah a harh chhuak ve te pawh ni mahna, min rawn en a, a thiante melh kual pah chuan,"Hei ka cousin Zualtei anih hi" a bula thu chu a kawk a,"Hei Michaela ania, turhverh nghenga thu saw Mathana, chuan" lalhmelthaa chu a kawk a,"Hei Zonuna anih hi" a han ti leh hnuhnawh a. Min han chibai vei liam a, Zonunan ka kut a hum chiah chu thawk pawh ka thaw ngam lo. Engtia Papuia te nen inkawm ngawt nge an nih chu ka hre chak kher mai. Haw leh vat tuma kal kha an haw hun chu ka nghak ta zawk a, Papuia hnen atang eng engemaw ka hre duh miau a! Mahni in lo na na na chu an haw ve ta a, Papuia hnenah chuan athiante chu ka hriat ngai loh thu chu ka han sawi a, a ni chuan,"Sikkim a kan awm lai a ka thiante an nih kha. Zonuna tak phei kha chu ka roommate ania, kan inkawm nasa bik lehzual a. Mahse lam lamah hian a tui lutuk a tunah chuan kan inkawm lutuk tawh lo" a ti a. Sawi zawm zel se ka duh viau a a duhtawk leh ta daih a, han zawh vakin ka rilru a hrethiam ang tih ka hlau bawk si, duh khaep lo takin ka haw ve ta a. Zanah chuan rin loh leh beisei loh takin min rawn inbox tehmial a, ka thinphu chu a rang leh kher mai.
"Papuia unaunu...."
"Haha.. papuia thianpa enge"
"Ka hriatna che a rei tawh"
"Engtin"
Min lo hre tak tak emaw ni dawn chu ka tih rilruk lai chuan
"Lunglei ah khan ka hmu che... "
"Heh.. keipawh ka hmu che"
A reh ta daih a.. kan inbiakna tawite chu ka chhiar nawn ka chhiar nawn a, ka hlim veng beng ringawt.
Kan inbiak atang karkhat a liam leh tawh a, inbiak zawmna emaw engmah kan nei lo. A reh zui hmak si a, han biak ka ngam bik bawk si lo. A khat tawkin a wall ah ka lut leh ngawt zel a, a lut vak ngai lo anih ka ring han hmuh thar tur a vang khawp mai. Zankhat chu Papuian kan leng a, kan rawn kawi dawn atih avangin mu lovin ka lo nghak a. An rawn thlen chuan Zonuna nen an lo ni a, ka zak ru hle a, ka lawm bawk si. Mahse ka hlim rei vak lo, Papuia chuan"Hei Zonuna chhass kan rim a, a chhungte an lo awm vek a kan awm rei peih lo a" a tih chuan arukin ka lo na veng veng. Eng engemaw kan sawi a, kan titi luam a, mahni tui na zawng kan sawi chuan Papuia chuan sawi tur a hre ve lo, a ning leh hman hle tih a hmelah ka hmu a ka nuih a za kher mai. Thingpuite an in hnu chuan an haw ta a. A vawikhat nan mipa duh em em ka nei a, bialnu alo la nei zui. Ka ngaihven zui tur a ni lo tiin keimah leh keimah chu ka infuih mawlh mawlh a.
Ka rilru ah chuan thi chiah lo mah se a hma ang chuan ka vei tawh lo, ka nitin hun hman pawh a pangngaiin ka hmang ve zel a, ka chhungten zir zawm leh tura min tih avangin admission ti turin ka chhuak a, ka va thlen chuan mi an lo la tam viau a, pawn thingkung bula thutna an siam ah chuan ka thu chawl a. Min kotu awma ka hriat chuan kan hawi kual a, Zonuna chu ka va hmu a, alo nui var var a. A hmel hi chu a tha thlawt alawm! Ka bulah chuan a rawn kal a,"Enge i tih a?" a ti a,"Hei admission tih ka tum a, nang zawk?" Ka ti a. Thut pah chuan,"Keipawh hetah zawm ka tum a, Papuia hi chhuk leh a tum em" a ti a. A tum thu te ka sawi chuan,"I lo awm hlauh chu a lawmawm hle mai. Thian ka neiloa ka huphurh lutuk a" a ti a. Dik tak chuan thian ang maia en chu ka huphurh ani, mahse ka ti lang chuang lo a. Ka phone number te la in a no.min pe bawk a, hlim awm tak ka nih laiin ka hlim der lo. Ka ta chauh nise ka duh a, mahse midang a nei tih chiang takin ka hre si. Hmeltha leh lar chu tu pawhin kan kawm chak thin a Zonuna pawh karlovah thian a ngah hman khawp mai. Kan inkawm ve reng tho a, kan haw rual ziah bawk a. Tam tak chuan kan inngaizawng emaw an ti thin a, a tak tak nise tiin ka suangtuah fo thin. Mahse a bialnu hi a duh ve hle in ka hria a, chuti mai chuan an inthen ka ring hek lo. Keipawh in rilru dang put chu ka tum ve tan a. Kan class ami rei tak atanga min lo beisei ve tu Bawiha nen chuan kan inkawp ve ta a. Chutatang chuan Zonuna nen pawh kan inkawm vak ta lo a, Bawiha chuan min thlah haw ziah tak avangin Zonuna pawhin min sawm tawh ngai lo. Bawiha chu ka duh ve em avanga chhang ka nilo a, ka duh ber Zonuna ka chan loh rau rau chuan a ni aia thlan ka neih loh vang ani a. Min care a, a nuam pawh ka ti chho ve viau. A chang chuan Zonuna hian min lo thlir ve vung bung zel a, amaha a awm ka hmuh phei hi chuan kal ve mai hi ka duh thin. Thil ni thei a ni choah bawk silo a, ka melh ve vang vang thin.
Nikhat chu Bawiha a nuamsam lo a, class a kal peih lo avangin keimahin ka kal a, canteen ah ka thu a, zing chaw ka ei loh avangin inhnawhpuar ka tum a ni. An rawn ri huk a, Zonuna chu a thiante nen an rawn in zui lut dam dam a. Ka piah ah an thu a, ka thil ei lai chu ka ei mawlh mawlh a, "Lo thut ve i phal em?" Ka bulah Zonuna chu alo ding leh reng tawh,"Lo thu rawh" ka lo tawlh phei a, alo thu ve nghal a. Sawi tur kan hre lo kan ngawi reng a, a hnu deuh ah chuan,"Changtupa akal lo mi?" "Hah.. kal lo nih hi" a chhan pawh ka hrelo ka chhang hmuk a, ka inthiam leh chiah lo, a dar a chhin ak a,"Vawiin chu ka bulah i awm thei tihna nimai alawm" a ti leh hmiah. Pawi ka ti hran lo, kan inzui leh ta nge nge a. Tlaiah pawh chuan in thleng min thlah leh thlap a, abulah chuan nuam ka ti a, ka va hlim thin si em! Zanah msg min rawn thawn a,"Vawiin ang kha ni reng se ka ti" ka chhiar nawn leh a, ka man thiam chiah lo. Enge awmzia tiin ka zawt a,"I hriatthiam hunah chuan a fiah viau lawi si ang" tih chauhin min chhang. Ka zawt zui tawh lo, rilru ah erawh a awm ve reng a, Bawiha pawh ka hre chang lek lo tih ka hrechhuak a, rang takin ka va call ta vat a
SAVE THE LAST DANCE FOR ME-III
Ka thiannu Mimtei birthday anih avangin present lei turin Bawiha nen kan chhuak a, kan duh ang kan hmuh mai loh avangin MC ah kan lut a. Kawr kan duh ang tak kan lei hnu chuan kan chhuak a, dawr atang kan chhuak chiah tih ah Zonuna leh a bialnu kan hmu a, an hlim hmel kher mai. Ka rin loh deuhin Bawiha nen chuan an lo inhria chu niin, an inbe ta hlut a. Kan kal chhan te Zonuna pawh chuan min zawt a, kan kal ta a. Ka zawi nghal vekin ka hria, Bawiha lakah pawh a ruk tak chuan inthlahrunawm ka ti, midang duh nei reng chunga hetia awm hi hrehawm ka ti a ni. Mahse ka rilru min lak pensak ve ber tu a ni si,"Zonuna bialnu kha engtinnge in inhriat a?" zawh ka tum lo zet na a ka zawt leh ta tho a. "School kan kal tlang char char alawm, Marini chu Zonuna hian a duhna rei ve tawh high school kan kal lai atang khan a bem ve ngat ngat a, higher atang chiah an ni" awi leh! Ka beisei nawn tawh lul lovang! Kum 5 zet lo inkawp tawh chu tumah hian an pawh then theih ka ring lo. Zana Mimtei birthday party pawh chu nuam taka hman ka tum lui a, BAwiha chu ka theihtawpa duh chu ka tum bur a ni. A harsa maithei, mahse midang ngaihtuah lo na atan chauh a ani hman hi ka phal bik lo.
1st semester exam kan zo a, karkhat vel chawlh kan nei ve a. Dancing competition a tel tum ka thian te chu an jam naah ka kal ve thin a, tel chu chak viau mah ila class chawlh angaih dawn avangin rilru dam zan lovin ka tel ve lo a ni. Zonuna nen pawh a hming mai chauhin kan inbe tawh a, inbiak loh hi ka tan chuan a tha zawk in ka hria a ni. Class kan tan leh chuan a hmel ka hmu lo va, a tuka pawh ka la hmuh loh fo avangin a damlo anih ka ring a, ka call ta nge nge a. A pickup theih loh avangin msg chu ka hnutchhiah ta ringawt a. A hnu deuh ah min rawn call back a, competition ah judge turin an rawn sawm a, Kolasib ah akal daih thu a sawi a. Class ngai pawimawh tura ka tih chuan,"Ka tuina ber in dal tir nan chuan ka zirlai hi a ropui vak lo" a ti a. Ka la hau hrep zui! Inpawh ru angreng takin kan inbiaa, thil min lo hawn ang che ka tih chuan hawn ngei in tiam chungin kan in mangtha ta a. Bawiha mizia chu ka lo chik ngai lem lo va, mahse zankhat erawh ka thiannu Mimtei chuan hmeichhe pakhat nen an inphur ka hmu Dawrkawna ka thut laiin ati a, ka ngaihtuah a a awmdan chu danglam deuha hriatna ka nei vat a. Amah ka zawh erawh chuan a nau nen an chhungte inah an kal angin a sawi thung a. Ngaihthat loh na em em ka nei zui ta chuang lo. Zonuna pawh alo haw tawh a, t-shirt nalh deuh mai hi min rawn hawn a, ka lawm kher mai. A zin rawn haw atang erawh a hmel a ngui deuh reng in ka hriaa, han zawh dawt erawh ka ngam lo. Chutiang chuan hun kan hmang chho ve zel a. Krismas pawh a lo ni ve dawn ta reng mai. Urlawk zan chu Mimtei te inah hman kan rawt a, Bawiha pawh lokal ngei a tum a. Ar kan tu pawh chhun lamah kan ngaihtuah lawk vek a. Inlhawm banah chuan min rawn lam mai turin ka ti a, inkhawm an hnu pawh chuan ala reh ta fo avang chuan ka call a, a pickup thei lo. A hnu deuh ah min rawn fon a, "Zanin chu ka tum ngial na a ka chhuak theilo, min hrethiam la kumhlui thlah zan chuan chhuak ngei ngei ang" a ti a. Pawi ka ti vak lo, thianho a hman a tu mitmei mah ven ngai lo hi nuam ka ti mah zawk. Ei tur vel chu siam hmasak a, ride mai mai kan tum avangin ar te chu talin kan buaipui a, kan tifel zo vel chiah tih ah ka fon alo ri a. Bawiha anih ka ring a, mahse Zonuna zawk a lo ni a,
"In pa chu tinge i zui loh a?"
"A chhuak theilo a, i hmang nuam em?"
"Haha... nang te reuh hi bum i va awl awm ve a"
Teh ngawt chuan, a sawi awmzia ka man thiam lo ti a hria a,
"Armed veng thlanmual an cheimawiah khan tunah rawn kal ru, tunah" fon adah nghal a. ka thiante bula thil awmzia ka sawi chuan kan kal ta nghal a. Kan thlen chuan mi an lo tam khawp mai. Zonuna ka biaa, kan awmna lai ka sawi chuan rawn chhuk leh deuh rawh u ati a, kan chhuk zel a, a bike bulah chuan alo ding a. Min hmuh veleh min lo hui zeuh a, ka hnar ah a piai zeuh a,"Mawl leh lutuk mai" a ti sap a. A kal a, ka zui nghal a, ka thiante eawh motor a lo awm turin ka ti a. Ka bialpa ngei mai chu hmeichhe pakhat nen inhmangaih hmel zetin an lo inkuah a, midang an mamawh loh hmel hle. Ka en a reng a, awu ha ka ti. Mipaah chuan ka rin pawl ve tak a ni asin, phatsan ka nih a, buma ka awm chu na ka ti ve a ni. Ka fon ka phawrh a, Bawiha chu ka call a, a fon ala chhuak te ka hmu reng a,
hmeichhia chuan a en ve a, engemaw an sawi a, a ak leh ta daih. Chu chuan ka thin a ti rim lehzual a, kal ka tum a, Zonuna chuan min lo dang a, "Mi pakhat avanga i mualpho ka duh lo. Chutiang mi i nilo" a ti sap a. A kuta min vawnna chu a thlah riai riai a,"Enge ti tura min duh? He thil hi min hmuh tir a, sawifel tura kal ka tum min dang leh si, enge a awmzia?" ka ti ta tawp a. Muangchangin a gloves chu a phelh a, "A finfiahna hi hmu la ka duh mai chauh a ni. Vawi thum lai ka phawk tawh, hrilh ngawt che ila i awiloh ka hlau si a, ti hian ka ti ta mai anih hi" a ti a. Ka kut vawt ngiai mai chu a khawih a, a kutkawr min pek pah chuan,"Bun rawh, i vawt lutuk" a ti a. Ka thinrim a zual sauh a, "Vawi 3lai i hmu a tunah min hrilh chauh amaw.. ? A ruk chuan min lo nuihzat ngawt ang chu, ni e ka mawl lutuk ti mai hi ka ni. Bum a ka awm reng thin lai pawhin min en liam a, haha... a tha vel vek e" ka tah a chhuak ngut ngut ringawt. A kutkawr chu pek let pahin kal ka tum a, min lo dan a tum erawh a hlawhchham ve chiang. A ngal ah ka pet ri pawp a, ka nem sawk a ka tlan ta vang vanga. Hawilet miah lo in ka tlan zel a, Mimtein min hmuh veleh min lo kuah vat a, ka mittui hi tla tur pawh a awm lo, ka thinlung erawh a tap a ni. Kan boruakin a zir ta ngang lova, min thlah haw mai turin ka ti a, min ui der viau na a min chelh ngam bik lo. In ka thlen chuan ka room ah ka tlan lut a, ka tap ta hawm hawm a. Bawiha min phatsan na chu ka tahpui hauh lo, hmangaihna an tih fo ah hian ka la zuang lut lova, duh lah ka duh heklo. Mahse Zonuna avangin ka mittui a tla mek a ni si. Min nuihzathmel taka min en chu tuar har ka ti ber a ni. Ka lo muhil tlang daih chu niin, ka fon riin min tiharh a, Bawiha alo ni a, ka reject a ka phone chu ka switchoff ta hmak a. Ka muhil zawm leh ta mai a. Zingah chuan hma takah ka harh a, ka phone chu ka on a, Bawiha msg alo awm nual a, Bawiha chuan engmah thleng lo ang maiin min rawn wish a, "Nizan i awmdan avang khan engkim a tawp tawh. Min lo biak a tulna a awm tawh lo" ka ti a. A men pawh ka ring tawh lo, a rawn online nghal a, thil awmzia a rawn in la hre lo khawp mai. Sawi ngai pawh ka ti lo a, ka chhang let tawh lo. Mipa rinawm lo hi ka haw hluah hluah. Ka tho a, Krismas hlim takin ka hmang tur a ni, mi pakhat vang mai mai in ka hlimna ka hloh lo vang.
Zanah chuan inkhawm tum in ka insiam mek , Papuia chuan min rawn biaa rawn kal an thu leh lo awm turin min ti a. Inkhawm chu ka lo tum tawh em avangin ka kal ta tho a. Banah chuan ka haw nghal a, ka thlen chuan Papuia leh Zonuna chu an lo thu reng tawh a. Ka inyhlak fel hnu chuan ka va pawh phei ve a. Papuia chuan ka computer a mi thil kal duh chhuanlamin ka room ah akal daih a. Urlawk zan bak kha Zonuna nen hian kan inbe miah lo a, sawi tur chu vang ve tak a ni. A tawpah chuan a rawn tawng hmasa ta nge nge a,"Zualte, hman zan kha.. ka tihpalh aw.." a ti a,"Engmah ngaihdam dil chhan tur a awm hleinem, min hrilh har kha ka thinrim chhan ber zawk ania" ka ti a. Ka bulah a rawn insawn a,"Ka hriat sual mai ani ang tih ka hlauh lutuk vang ania, pawi ka ti khawp mai." Inthiam lo deuh chuan a han ti a, "A ho lutuk inthiam lo duh suh. Kha ka hre tawh a, engkim a tawp vek tawh tho alawm" ka tih chuan min melh zawk a, ka lo en ve reng avang chuan a hawisan leh nghal a. A ruk tak chuan bula a rawn thu chu ka zam tha leh riau a, hepa huang hi ka zo thlawt lo a ni! Kumthar class tan hma in guwahati ah show an neih tur thu te a sawi a, kan titi a rual chho leh viau a. Kan titi kar lakah chuan chiang zet hian ka mitah a en thin a, ka lai thei hle,"Bawiha nen in inthen hi pawi k ti miah lo" a rawn ti chhuak phawng a. Ka lo melh kawk ,"Engvang chuan maw?" ka ti let hu a,"Zualte... ka duh che " a ti ta a, mak ka ti ngei mai. Ka melh a, athutak riau bawk si,"I ho emai a.. fiamthu na chu pawh ani lo" ka lo ti ve mai . Bawiha sawi danah pawh a bialnu nen an inzui nghet viau a ni si, "Bialnu chhelo tawk nei chung khan maw?" Ka han ti ve ngat a, ka kut chu a laa, a hum vang vang a, "Marini maw?.... Krismas hma khan kan inthen daih alawm. Midang duh zawk a nei a.. chuan kei pawhin" a ti leh a, "I lunglen vang nai mai anih dawn chu. Keimah hi... engvangin nge min duh ngawt a?" ka ti bah niai a, "Anihna takah chuan Lungleia ka hmuh atang daih tawh che khan.." ka ngawi reng a, amah vek chuan,"Papuia cousin ilo ni leh zel te kha nuam ka ti asin" a tih zawm a. A bialnu in keimah ang bawkin mipa dang alo ck pui vanga inthen an nih thu te chu a sawi kai zel a,"Marini chu kan inkawp thei tak tak lo. Ka dawh a, ka tuar hram hram zel vanga in kawp rei kan ni zawk a, hetia a awm pawh hi ka lawm mah zawk. Han inthen thin mah ila kan lo inkawp rei ve tawh a, min rawn tahkhum hi chuan ka lo ngaidam veleh mai zel a.. mahse tunah chuan engkim a tawp vek tawh" a ti charh charh a. Ka thaw chu a veng ve hawk mai, mahse ka rilru hi hriattir nghal chu ka duh bik lo,"Tiang zawng hian kan awm ang tih pawh ka la ngaihtuah ngai miahlo" ka ti a. "Ka hria alawm, i duh hun hunah min chhang rawh, ka lo nghak reng ang che. Ka zin ka lo haw leh hunah erawh hre hman ila ka duh dawn a" a tih chuan keipawhin ka rem ti a. Kan boruak rit tak pawh a ziaawm ve ta huai a. An haw hnupawh chuan kan thusawi te chu ka ngaihtuah let a, ka khi var var a.
SAVE THE LAST DANCE FOR ME-IV
Nitin zantin kan inbe ta ziah a, ka duh ve zia chu hrilh mai ka tum thin a, mahse he ka pride tei vet hi! An zin dawn tlaiah alokal a, a phur khawp mai a zin tur chu. Thil tha deuh ka lo hawn ang che tiin a chhuak ta a, a tlan liam thlengin ka thlir reng a, a ngaihawm veng veng. An thlen chin te chu min hrilh zel a, kan inbe deuh reng mai a ni. An thlen ni te chuan bazar na hun nei a inrin vak loh avangin a bazar a, thil min leisak thute sawiin kan hlim ve hle a,"Ka lo haw hunah chuan official takin ka bialnu i nih tawh ngei ka beisei" te a ti a. Thu ho te te kan sawi pawhin kan hlim pui vek mai a ni. Ni thum an cham hnu in an rawn haw dawn a, kan inbia in chanchin kan inhrilh reng a,motor an chuan tan tawh vangin kn inbe tawh lo a. Tluang taka an lo thlen beisei tak chungin keipawh ka mu ve a siai siai a. Ka fon ri ral ral chun ka mu tu lai chu min ti harh chiang kher mai, Papuia alo ni a, "Zual, Zonuna te an accident, hei ka hre chiah" ka in perh tho nghat awt a, engthilnge thleng hi,"Chuan engtin zel..zonuna a tha em?" Ka thin chu phu dup dup a,"Thi chu an awm lo a, mahse an in sawh na ve deuh a niang chanchin kan ngaichang mek, an inah kan phei dawn a ka lo hrilh le ang che ati ta a. Ka khum bulah chuan ka thingthi hnawk a, ka tawngtai ta mawlh mawlh a. Papuia chu ka ngaichang reng a, chanchin a rawn sawi har si, ka mangang kher mai. Nakin deuh ah chuan min rawn be leh taa,"Silchar thlen hma deuhin driver kha lo muthlu sek ni awm e. Zonuna pawh harh tawh , a hnungzang na a ti viau a, a che hleithei lo an ti a" a rawn ti a. Min rawn hrilh zel tura tiin kan inbiakna kan ti tawp ta a.
Zonuna te accident atangin thla khat a liam tawh a, khatia an accident khan Mizoram lama rawn haw pui lovin guwahati ah an phur let leh a, a lo serious hle alo ni. A spinal cord a sawh ngeiin an hria a, kal pawh ala kal thei lo tih chu a chanchin thar ber a ni rih. Ka ngaihtuah em em a, a phone theih bawk silo a, ral atang phei chuan hrehawm ka ti em em a, a chhungte han zawh ka inthlahrung ve laklawh bawk si. Hetiang tur tih hria ila a kal hma ngei khan ka duh zia hi ka hrilh ngei ang. An kal atanga thla khat leh karkhat na ah chiah an rawn thlawk haw dawn tih ka hriaa, hmuh ka chak rualin ka huphurh kher mai. An lo thlen veleh Papuia nen kan kal nghal a, ka hmu chiah chu ka insum zo lo teuh khawp mai. A cher hman em em a, a lo muhil bam bawk si, a hmai hliam pawh a then chu ala dam fel lo tih a hriat hle a. Chutiang taka na a a awm chu hmuh a hrehawm ka ti takzet. Kan awm laiin a harh lo a, kan hawsan ta a. Engdangmah ka rilru ah a awm thei lo; Zonuna chauh lo chu. A kal dawn a kan inhmuh te khan a hlim em em ani si a, beisei loh thil a chunga lo thleng chu hriatthiam har ka ti takmeuh a ni. A tukah chuan kan va kal leh a, mahse tumah min lo hmu duh lo, beidawng zetin kan haw leh ta ringawt a. Engvanga chutianag awm chu nge ni ang tih ka ngaihtuah a, ka khawngaihna leh lainatna a zual sauh a. Min hmu duh lo mah se hmuh ngei chu ka tum ruh ve tlat a ni. Mahni chauh a an in va kal chu huphurh viau mah ila midang kal pui sawm ka inthlahrung ve tawh si a, ka kal ta a. A nu in alo awmpui a, a lo fel hle a ka hmingte ka sawi chuan,"Zualtei maw i nih? Bawiha hian a harhchian hma khan vawi tam tak i hming chu a lam asin. A harh chian hnua ka zawh leh chuan a sawi duh ta miah lo a" a ti a. A room ah chuan min hruai a, min kalsan leh nghal mai a. Zonuna chuan tukverh lam a thlir a, min hmu ang pawhin a awm lo,"Zonun...." a che eih lo, a ai ringin ka han ko leh a, muangchangin min rawn melh a, mahse a hawisan leh nghal, a bulah chuan ka thu a, "Tinge min biak duh miah lo a.. ka ngaihtuah lutuk che asin" ka ti a, ka tah chu a chhuak ngawih ngawih. Tap lo turin ka insehruh tang tang a, "Zualte.. min khawngaih suh.. khawngaih nih ka duh lo" a in her a, lehlam a hawi ta daih a. Ka hrilhhai kher mai, ka kal chhan berin min be duh tawh bawk silo, ka chhuak ta ringawt a. A nu chuan min lo ko vat a, "Zualte, Bawiha hi a rilru lam a nghawng tlat in ka hria. Keizawng ka rilru a na emai" a mittui chu alo tla zung zung a, keipawh ka insum hman lo, " "A kal thei tawh lo maithei doctor te chuan an ti asin" a han ti leh a. "Ka pi, a tha leh em em ang" ka han ti tak na a kei ngei pawh hian chu chu ka chiang bik lo, rilru nuam lo takin ka hawsan ta a. Kumkhuaa kal thei tawh lo tura ka ngaihtuah ringawt pawhin ka rilru a ti na em em a, a dream te kha engtikahmah a hlawhtling ve dawn ta lo em ni le? Eng dinhmunah pawh ding se, a bula awm zel hi ka duh a. Mahse a phal kher angem ka hre silo.
A khat tawkin ka kal fo a, a chang chuan ka beidawng lek lek thin. Nilenga ka awm pawha ka biakna min chhan duh loh chang pawh a nei fo a, mahse taksa hliam ai chuan a rilru hliam hi a thuk zawkin ka hriaa, beidawnsan ka duh lo a ni. Class kal a ngai ve reng bawk si a, ka duh angin ka tlawh hman bik ta lo a. Inrinni vawikhat chu bazara chhuah pahin Zonuna chu ka tlawh kawi a, an inchungah ni lum a lo ai a, ka han kal pawh chu hre awm jmel a pu chuang lo. Wheelchair a hringnun a hmang lai mek chu ka thlir reng a, ka mittui chu alo tla a, ka hre vat a, ka va pan hnai a,"Zonun...." min rawn melh zawk a, min chhang dawn lo emaw ka tih lai takin,"Zualte, ka kal leh theih hi i ring em?" a rawn ti chhuak hlawl a. Thu pangngai tak a rawn sawi chhuah vang hrim hrim pawh chuan ka lawm a, a darah ka vuana,"Pathian zarah i kal leh thei em em ang" ka ti a, ni e ka sawi mai mai lo va, a thlen ngei beisei chungin ka sawi zawk a ni. A thaw halh a,"Ka suangtuah thin te kha ka thleng zo lo vang tih ka hlau a ni. Ka tuina ber pawh ka zawh thei zel angem a hriat si loh..." beidawn hmel zetin a ti a. Ka khawngaih kher mai,"Zonun.. i beidawng mai tur a ni lo, tha takin i perform leh thei vat dawn alawm. I rilru kha ti paukhauh tlat la" ka han ti ve a. Tha taka kan inbiak theih avang chuan ka lawm ru viau a, "Zualte, ka zin hmaa ka thusawi zawng zawng kha chu theihnghilh vek rawh aw.. " ka hlauh ang ngei a ni,"Zonun, ka duh che asin, i lo haw hun pawh ka nghakhlel em em a, ka hrilh chak che a, hetianga i awm avang hian ka rilru ka thlak lo" ka ti a. Chiang deuhin min en a, "Kei chuan ka rilru kha ka pu ve tawh lo, chuvangin nang pawhin rilru dang pu zawk rawh. Chu chu a tha kan pahnih tan" "Enge a thatna chu?" Ka rilru chu ana ngawih ngawih a, min chhang tawh lo, hmun hla tak a thlir ngawt ngawt a. Ka en reng a, enge a ngaihtuah tih a hmelah chuan ka hre thei lo a a mitmeng chu ka chhiar thiam lo.
Ka thinlung hian zui tlat duh mah se min mamawh miah lo tu bulah hun hman reng theih a ni si lo va, alak a thu nei turin ka ngaihzawng ani lo a, chu mawlh chuan harsatna min siam a. Engvanga min duh thu min hrilh laia ka rilru kha lo sawi lo nge ka nih tih chu nitin ka in zawt fo thin. Nikhat chu kan class ho in va kan ila tiin an rel a, chawhnu lamah class thulh in kan kal a, kan va thlen chuan a nu alo awm a, room lamah kal mai tura min tih avangin kan inzui lut dam dam a, Zonuna chu alo mu a, abulah Marini alo awm a, a ke vel chu a lo hmeh sak a, ka hmu chiah chu ka thinlung hi vih ang maiin a na a. Ka thiante chuan an fiam deuh nak nak lehnghal a, hrehawm ka tih zia tuman min hriatpui si lo. Ka mualpho mai ka hlauh avangin ka chhuak ta ringawt a, bathroom lam ka pan a, ka tap tawp a. Mak ka in ti zawk, hmangaihna hi ka lo hrethiam ngai lova, hei hi hmangaihna an tih chu ani mai lo maw? Hetiang tak hian tu lakah mah ka thinlung ka pek hi ka ring ngai lo. Ka rin loh karin hmangaih ka nei a, engtikahmah ka ta ni ngai lo tur lakah ka thinlung chu ka lo hlan fel der tawh tih ka hria. Bathroom atanga ka chhuah chuan Zonuna nu chuan min lo chik hle in ka hria, min lo ko a, abulah chuan ka thu ve nghal a. Papuia cousin ka nih thu ka sawi chuan alo hre hle a, kum 3 chhung ngawt college khata kal a, in roommate an ni bawk a. An pahnih chanchin nuihzatthlak tak tak te chu a sawi kai zel a, kan nui nasa hle. Kan thiante pawh an rawn chhuak a, kan haw ta a. In ka thleng chu ka bei hi a dawng ngawih ngawih a, Marini zawng alo hmangaih em anih hi tih rilru ka pu ve ta. Kawng thar ka zawh ve anga, min hmangaih taktu zawng ka la tawng mahna!
SAVE THE LAST DANCE FOR ME-V
NE dance competition Shillong a neih turah tel ve ngei tumin keini pawh kan inbuatsaih nasa ve hle a. Ka zirlai ai maha ka tui miau avangin ka chhungte pawhin min khap ngaihna an hre tawh lo a. National dance competition a tel hi ka dream a ni a, tel ve theih tluka chak leh duh ka nei ngai lo. Ka mumangah vawi tam ka manghnan tawh a, chu chuan ka chakna a ti zual thin. Ka rilru ah Zonuna alo lang a, kan tui zawng a in ang em em a, kan dream pawh a in ang, engtikah emaw chuan he kan dream hi ala hlawhtling ngei ang kan ti thin kha a ni a. Ka in ring hman lo, ka mittui a lo tla zawih a, lam chu sawi loh, a kal leh thei angem tih pwh chu hriat a ni silo. Wheelchair atang a khawvel chu a hmang a, vawi engzatnge abiangah a mittui chu a luan ve ang? Hmangaih dang nei mah se kei chuan ani hi ka la thlang tlat a, engvanga mipa dang thlang lova min hmangaih ve lotu hi thlang lui tlat nge maw ka nih le? Ka in hrethiam thei lo, thiante pawh fuih thin tu ber kha mi pakhat avangin ka rilru a na mek a ni si a. Ka fon ri ral ral ah chuan ka ngaihtuahna khawvel atang ka harh zawk a, jam turin ka chhuak ta nghal a.
Nikhat chu Zonuna nu Nu Tluangi nen Zarkawtah kan inhmu hlawl mai a, min lo ko vat a, mahnia kal ka ni bawk a, scooty chuan ka thlah a. An kawt ah chuan a chhuk a, kal leh nghal mai ka tum a, thingpui in tura min sawm luih tlat avang chuan ka zui lut ve ta nge nge a. Tlangval pakhat hian tv alo en a, Nu Tluangi chuan, "Zonuna u chiah a nih hi, Mamuana ania, Zualtei anih hi" tiin min han inhmelhriattir a. Lo inhre thang tawh ang maiin min be ve bawrh bawrh a, doctor niin Serchhip ah a awm a, anau hetiang anih tak ah chuan transfer an dil a, a rawn awm tawh dawn thu te a sawi a. A pa hi ka lo zawt ngai miah lo va, a chanchin ka la hriat lo bakah ka hmu ngailo. Han zawh tawp chu nuam ka tih chiah loh avangin ka ngawi ta mai mai a. Zonuna chanchin te chu ka han zawt khaw mawi ve a,"Room ah hian a tawm ngawt ngawt a, lehkhabu chhiar khi a ching thar ve a. Vawiin pawh ka lei thar kha a chhiar a a muhil ta in ka hria" a ti a, amah vek chuan,"I hming hi chu ka hre daih tawh alawm. Thil hi min hrilh ve nasa thin a" a tih chhunzawm a. Ka lo nui mai a, min melh leh zawk a,"Ka nau hi a tha leh ngei ang tih hi beiseina nung ka nei tlat a, amah hi a bei a dawng em em a. Lo fuih ve thin la ka duh a ni" a han ti leh a. Keipawh hian ka duh alawm, mahse biak pawh min be tha duh lo a ni si a. A nu chu thingpui leh chhang chawiin a rawn phei a, "Zualte, rawn leng fo rawh aw.. i lokal hian ka thla hi a muang ve viau a nia" Zonuna nen kan boruak hre miah lo chuan a han ti veleh a,"Ni e ka lokal fo dawn nia" ka ti liam ve mai a, Mamuana chuan album hi a rawn la chhuak a, an naupanlai vel chu ka en a, ka hnuk a ti ulh lek lek thei nia. An inchhungah ngei ka awm a, ka ngai vawng vawng mai chu mak ka ti, hmuh pawh ka chak em em, mahse ka rilru a na thlawn ani leh mai dawn si. Muangchangin haw tumin ka tho a, Nu Tluangi te nufa chuan min thlah a, kal nawn leh tawh lo tura in tiam rilru mawlh mawlh chuan ka tlan liam ta a.
Intihsiakna te pawh kan zo ta a, Most Original award kan hum ve ran a, kan tan thil thar anih avangin kan lawm hle. Rilru a Zonuna hrereng chungin kan lawmman chu ka laa, "Zonun, i tan ka hlan e" ka ti sap a. Ka hlimni leh lungngaih ni te hian engvanga amah hi hrechhuak hmasa ber zel nge ka nih? Ka phu lo a min duh ve tu te pawh hnar zel a, wheelchair a a hringnun an mektu, min hmangaih let ve hauh lo tu chu engvanginnge ka la beisei tlat fo? A mak a ni, hmangaihna hi! Kan haw hma ni chuan Ward's lake ah kan leng a, ka hlim ve kher mai. Kan Mizo unaute nen kan han inhmu ve nawk nawk a, in hre ngailo mah ni ila hmun hranah chuan kan lo inpawh viau zel mai. Ka thiante lawng chuan lai chuan an thla te ka lo la a, mi hrang hrang thla pawh chu ka hmet kual a, thian rualkhat hian an camera min pek pah chuan an thla chu min han laktir ve a. An kal leh mai a, pakhat erawh a tawi muang hret a, ka bula rawn din pah chuan,"Hai!... Zomuana ka nia" ka phu zawk a, Zonuna hming ava ang teuh ve tih ka rilru ah lo lang hmasa ber a, ka hmingte chu kan sawi ve a. Ka ngaihsak lo viau na a, a kalsawn mai duh bik loh avang chuan ka thu a, a rawn thu ve a,"Heta awm ve tho i ni em?" Chiang zetin ka han melh a, a hmel chu alo tha phian mai. Ka awm loh thu leh kan kal chhan te chuka hrilh a,"Nang lehkha i zir em ni?" Ka han ti let ve a. A nui sak a, "Aw, Nehu ah M.Sc zir leh mek a nih hi" a ti a. A tawngkam leh chezia chu a fel thlap a, mipa dang ang lo takin ka mil zawng tak a ni. Aizawl a kan awmna te chu min zawt a, ka hrilh ve zel a, "Ka lo haw tep tawh a, lo len i phal em an chu maw?" a nui var var a. A ngainatawm takzet a ni. Mimtei chuan min rawn pawh tak avangin thildang kan sawi kual ta daih a, a ruk tak chuan a bula awm kha a hahdam thlak hle in ka hria. Ka hlauh ruk ang ngeiin Mimtei chuan min han chhaih leh sawr sawr a, ka han haw der viau na a ka lawm ru mah zawk. Min duh let ve miah lo tu buaipuia hun reng ai chuan kawng thar zawh chu a phur awm in ka hre ve tlat a. Zomuana chu a thianten an rawn koh chuan a lehkhabu a phawrh a, engemaw hi a ziak mawlh mawlh a, a pawtthlaah, min rawn pe zeuh a,"Ka fon number ang, khawngaih takin min lo be rawh aw... ka lo ngaichang reng ang" tih pahin a kal ta a. Ka han en chuan fon no.chu alo inziak a, ka kekawr ipteah chuan ka ak ta hmak a.
Zanah chuan uluk takin Zomuana no.chu ka fon ah ka han save a, biak mai chu ka hreh ve deuh avangin whatsapp a a dp vel chu ka en ta mai mai a. Hmel tha em em ti a han sawi tur chu ni chiah in ka hre lo, a lian a, a ngo lo na in a fresh em em a, a zaidam hle in a lang bawk a. A bula reilote ka awm khan thlamuang hle in ka in hre bawk. Dar 9 vel chuan whatsapp ah msg chu ka han thawn ta nge nge a,
"Hei ka no.ve thung aw.. zualtei"
Ka thin chu a phu dup dup a, min la reply mai lo lehnghal. Ka insik ru nasa hle a, dar 10 ah pawh min la reply loh fo avang chuan zahthlak ka ti kher mai. Engvanga bia nge ka nih ngawt ka ti a, ka han inhau leh rih a. Mut tumin ka inbuatsaiha, ka fon chu a rawn ri ta ral ral mai,
"ka inbuala, chaw kan ei leh nghal dai a, ka hmu chiah. Ka lom lutuk aw min lo be duh lo ang tih ka lo hlau viau ania"
Ka nui ta ver ver a. Eng engemaw kan sawi a, dar 12 pelh rak thleng kan inbiaa, kan in mangtha ve ta a. Ka muhil chu mumang ka lo nei a, Zonuna nen kham sang deuh ah hian kan lo lawn a, lawn leh zel kan tum lai takin ka thil rah chu apelh a, ka tla lek lek a, Zonuna chuan min kai zel a, hmun him ka rap chiah tih in amah zawk chu a tla leh ta, ka lo au vak vak a, Mimtei'n min rawn sawi dawt dawt ah chuan ka harh zawk a, ka thu chhuak ta hlawl a. Ka lo au chhuak chu niin , ka thlan te chuan min lo bual huh zeih zuih a, Mimtei chu mu turin ka ti a, a muhil leh nghal mai a. Bathroom lamah inbual turin ka lut ta nghal a. Mut leh ka tum chuan zing dar 3 lo ri chiah chiah a, ka rilruah Zonuna chu a awm reng a, a tha lo zual em ni ang tih te ka ngaihtuah a. ka muhil thei ta der lo.
SAVE THE LAST DANCE FOR ME-VI
Zomuana nen pawh chuan kan inbe ve reng a, a fel na chuan min hneh ani ber. Kohhranah inhmang tak ka ni lem lo a, ktp inkhawm erawh ka thulh zen zen lo thung. Zomuana erawh a phk ang tawkah a i hmang hle tih ka hre thei a, kawng engkimah min fuih kal ber tu ani. Zankhat chu ka nu leh pa thenawm mo nei tur ah an leng a, keimahin in ka nghak a, tv ka en a. Kan doorbell a rik chuan peihlo zetin kang ka va hawng a, Zomuana lo ding reng ka hmuh chuan mak ka ti hle a, lut tura sawmna chang pawh ka hre lo,"Surprise" a tih chuan ka harh zawk , lut turin ka ti a, a rawn lut ta a. Kan inbe reng a, engmah a rawn haw tur chungchang a sawi loh avangin ka hre lo hrim hrim a, min surprise chu alo tum ve ran alo ni. Sana nalh deuh mai min rawn hawn a, ka duh zawng tak ani lehnghal a, ka lawm kher mai. Rei tawk fang a len hnu chuan a haw ta a, in a thlen chuan a rawn in report leh thlap a, inngaihzawn chungchang hi kan la sawi miah lo a, zanin erawh a thu sawi a dang ve ta tlat a, Zonuna chungchang te ka hrilh vek tawh avangin a chanchin te chu min zawt a, ka tlawh tawh ngailoa ka hriat loh thu te ka sawi chuan,
"Zualte, Zonuna chu tunge tih hre lo mah ila i nunah a pawimawh viau in ka ring, mahse chutiang chu in inkar anih takah chuan lo nghah zel chu i tum em?" a ti a. Chhan vak ngaihna pawh ka hre lo, dik tak chuan Zomuana hi ka ngaina ve takzet tih chu ka hria, thinlung taka ka hmangaih hmasak ber Zonuna erawh ka theihnghilh tak tak thei lo a. Ngaihzawng dang nei ringawt pawh ni ila ka rilru a la inpeih zan loh chuan an rilru tihnat ka hlau a ni. Chuvang chauh chuan Zomuana pawh hi a chezia leh tawngkam te k haidwrvlui ve ngar ngar a. Mahse haider theih loh chin alo awm ve si. Ka chhang ta lo. Kartawp ah alo leng leh a, zawhna ngai bawk chu min zawt leh a,"Zomuan, ka ngainat ve zia che chu i hre ve tho ang. Mahse.. tunah mai chuan ka la inringtawk lo a ni" ka ti t tawp a. Min hrethiam khawp mai,"I inpeih zan hun chu kalo nghak ang. I thian nih ringawt pawh hi ka lawm tawk em em a, mahse ka hmangaih che tih hi min hriatsak la ka duh. Midang duh lawr chi i ni lo tih pawh ka hre chiang che a, ka lo nghak reng ang che" a tih chuan ka bu nghat a. Ni e, ngaihzawng ka nei leh dawn anih chuan Zomuana aia thlan tur ka nei lo. Hun reilo te ah chuan ka inpeih ve maiin ka ring.
Papuia pawh exam chawlh hmangin a rawn haw a, a nungchang a rawn thlak ve hle a, ahma ngawi chuah chuah thin kha a tawng duh ve ta hle a, kan in lamah a rawn leng deuh reng a, Zonuna nen kan inkar chu a hre chiah lo bawk a, ka lawm ru zawk hle. Nikhat a rawn leng erawh Zonuna a tha vak lo a, thla hmasa lama insawhna vang anih an ring a tih chuank zin laia ka mumang ka hrechuak thut a, "Pui, engtia insawhna maw?" Ka ti vat a, "Thla hmasa thla tir khan a chair atang a chesual deuh a, damdawiin ah karkhat vel an awm alawm" a ti a. Ka mumanga ka hmuh vel lai kha tih ka hria, a mak ka ti hle. Kan ve pawh chu ka duh viau a, ka inthlahrung deuh si a. Ka unaupa bulah hian ka rilru te hi han phawrh vek ila chuan ka thawl hawk te ka ring a, mualphothlak ka ti bawk si. Rilru nuam lo zet chuan ka kan ta lo va. Durtlang ah kan chhungte damlo min kan pui rawh a tih avangin Zomuana nen chuan a bike in kan in phur chho a, rin ai takin damlo pawh chu alo tha tawh a, rei vak lo kan thut hnu in kan chhuak a bike dahn lam pana kan kal lai chuan Zonuna leh Mamuana chu an motor bulah an lo awm a, han hel na hun a awm tawh silo, lai angreng tak chuan,"U Mamuan, Zonuna chu a tha vak nange?" Ka han ti a. Zonuna chuan min melh zawk a, Zomuana chu a melh leh a, lei lam chu a bih leh ta daih, Mamuana chuan,"Aw..hei checkup a hun leh tawh a vawiin lam chu.. enge in tih zawk a?" A ti a. Kan kal chhan te ka sawi a, tichuan kan hawsan ta a. Ka rilru chu a nuam thei lo, Zonuna hmel kha ka mitthlaah a cham reng a, ka awmdan danglam thut chu Zomuana'n a hai hauh lo, engmah min zawt lo a, kan inah min dah a, awm hahdam tura min tih hnuah a haw ve nghal a, inthiarfihlim hun hi a hre riau zel.
Durtlanga kan inhmuh atanga karkhat chiah ah Mamuana nen Chanmari ah an inhmu a, Zonuna chanchin te ka zawt a, "A tha ve zel e. Thla tharah phai ah kan kal leh ang, Zualte, lo leng phei la ka nu in a ngai viau che ania" a ti a. Ka inthiam chiah loh avang chuan ka leng ta nge nge a. Nu Tluangin min lo hmuh chuan a lawm hle a, engvanga min ngaina ve em em nge anih pawh ka hre lo. Ei tur kan siam ange tih leh thawh a rual a, Zonuna pawh alo awm a, tv alo en a, ka kal chu hre awm ang pawhin a awm lo. A thutna bula chuan ka va kal a, "Zonun.. i tha zel em?" Ka ti a. Min en chuang miah lo chuan,"Aw.. k tha ve zel e" a ti a. Han biak zui zel dan tur ka hre siloa, tv chu ngawi rengin kan en a. Nu Tluangi chu ei tur nen a rawn phei a, a titi bawrh bawrh a, a hlim hmel hle in ka hria. Enge ka tih thin tih te min zawt a, ka sawi a, ka zawh hreh theih em em Zonuna pa chanchin chu ka zawt ta nge nge a,"Nu Tluang, Zonuna pa hi khawnge a awm? Ka la hmu miah lo a, zawh che hi ka inthlahrung deuh thin, sawi nuam lo anih chun sawi pawh ngai ka ti chuang lo nia" ka han ti a. A ngawi deuh vang vang a, "Bawiha pa hian min dam rei pui lo hle , Bawiha thla nga anih hian khawsikpuiin a thi a. Bawiha te unau hi ka retheih pui ve viau asin. Mamuana lah kum 5 mi chauh ala ni si a, eizawnna mumal kan ni bawk silo. Bawiha paw chung hian chawhmeh te ka zuar kual thin a, Mamuana hi sikul kan kal tan tir ve tawh a. Sikul form te hi a thar pawh kan nei zo lo fo mai a, ka khawngaih thin asin" thingpui chu a in a,"Bawiha pa khan bank ah pawisa tlem azawng alo dah toh a hnu daih ah kan hrechhuak a, chumi hmang chuan dawr te reuh te ka siam ve a, mipa ve ve an ni si, han buaithlak chang pawh a tam thin asin. Mahse Pathianin mal min sawm a, ka dawr pawh a lian ve telh telh a, mite ang pui pui nilo mah ila tun dinhmun kan thleng ta a ni" a ti a. Pasal dang pawh nei lova a fate tul pui thak chu ka ngaisang hle. Ka haw dawn chuan pawn thleng min thla a,"Zualte, ka inthlahrung viau na a, i hman chang chuan lo kal thin rawh aw. I lokal hi chuan Zonuna pawh a hlim ve viau thin a nia" a ti a. Ka haw ta a, Zonuna chuan ka kal hi nuam alo ti tak tak emaw ni dwn chu tih ka ngaihtuah a. Mahse tawngkam tha a min thlahnaah ka ngai leh ta zawk a.
Ho taka nung ve mai thin kha kohhran leh khawtlangah ka in hmang chho ve ta hle a, Zomuana vang ani pakhat a. Min kaihruai hneh em em a, a bula awm a hahdamthlak zia ka hriat atang hian mi piangthar dik tak te chu an nunah a lang chhuak thin an tih hi ka hrethiam ve in ka hria. Chu chuan keipawh nasa takin min hneh a, a nun dan chu ka aat ve ta hial reng a ni. In nghah tir reng chu ni thei bik in ka hre lo va, zankhat a rawn leng chu full moon anih avangin kan kawt ah kan thu a, kan zai mai mai a, "Ka duh che in ka hria" ka han ti thut a. Mak tih hmel zetin min en a,"In ka hria tih chu enge awmzia?" A ti a,"Ka duh che tihna aniang" ka ti a, a guitar chu leiah a dah , min pawm a,"Ka lawm e aw..." a ti a. Kei hi lawm zawk tur ka ni, hetiang taka min duh ve tu ka tawng hi.
SAVE THE LAST DANCE FOR ME-LAST
Hun hlimawm tak ka hmang chho ve tan tawh dawn niin ka hria a, kan hun tawn ang apiang hi paltlang zel alo ngai a lo ni. Zomuana chu a zirna hmun lam pan a hun leh twh a, bazar ah a mamawh vel lei turin kan chhuak a, kan kal kual fe hnuah kan in lei fel a, kan haw tur chu Marini leh mipa pakhat bike a rawn in phur chu ka hmu a, ka rilru alo na zawk mai. Zonuna thusawite kha ka ngaituah let a, midang a kawpsan a, a tawpah ngaihdam adil leh thin tih te kha. Tunah pawh a bialpa kal theilo in a awm mek a, midang alo ngaizawng kual leh ngei niin ka hriaa, ka thin a rim kher mai. Rilru nuam lo deuh run chuan kan haw ta a. Zonuna hian a hmangaih ve takzet niin ka hre tlat a, hetianga a awm pawh hi hria se a riru a na viau in ka ring a ni. In kan thlen hnu pawh chuan ka rilru ah a awm reng a, ka awm a ti nuam lo zo vek.
Ka kawr duh alo thlen thar avangin bazarah ka thiannu dawr ka pan vang vang a, ka thlen hma deuh in Marini chu Zomuana nen kan chuah a ka hmuh tuma mipa nen khan ka hmu leh ta, ka insum hman lo ka va kuai her sawk a, ka kai dawr dawr a, a bialpa chuan min lo dan a tum na a,"Tah khan lo nghak rawh, hmeichhe buainaah lo inrawlh suh" ka ti a, thuawih takin a ding ve mai a. Mi awm lohna hmun kan thlen chuan ka ding a,"Engvanginnge hetiang hi Zonuna chungah i tih?" Ka ti khawl a, a nuih deuh suk a, min run ngei mai,"I buaipui viau chuan khatia leng mai mai lo khan va awm ta che" a ti a, a zamlo kher mai. A hmaiah ka beng sawk a, ka inthunun hman lo ani,"A rilru tihnat sak suh" tih pahin kal ka tum a, "Hetia thlir liam tawp chung hian ka duh che te i lo ti ve amaw?" Ka ding chawt a, k va hawi let a,"Hetiang bak hian i hmangaih thiam lo em ni? Theih se chuan nitin hian a kianga hun hman a, abula awm hi ka chak asin. Mahse.. kei ni lo in nang hi a hmangaih tlat si che a" a mittui chu a far ta zawih zawih a. A ngaihna ka hre lo kher mai, ka va pan hnai a,"Eng thu nge i sawi? Marin.. i sawi awmzia kha ka hre duh?" Zawhna hlirin ka khat. A mittui chu a hru a,"Ka kal dawn, ka sawi loh tawp tur ani ka sawi" a kutah ka vuan bet a, ka thingthi rawp a,"Khawngaih takin ka ngen a che, Marin..." ka ti mawlh mawlh a. A tawpah chuan min kai tho a, lungremah kan thu a, hmun hla tak a thlir a, "Zonuna hian a hmangaih em em che a, mia lerh tak anilo bawk a, kei lo hi chu ngaihzawng pawh ala neilo. Vawi tam tak a rilru ka ti na tawh a, mahse ngaihdam ka dil a, min ngidam leh mai thin. Krismas dawn khan kan inthen leh a, tah chuan hmangaih a neih thu te, thinlung taka a hmeichhe hmangaih awmchhun nih tu te min hrilh nghe nghe a. Kan pahnih hi chuan inkawp tur chi kan nilo tih ka hre tawh a, keipawhin ka lawmpui khawp mai. Chu hmeichhia, a hmangaih em em chu nangmah hi i ni" ka lo melh zawk a, hmel danglam miah lo chuan a sawi zawm zel a,"Khatia accident a tawh takah chuan i tan tling zo in a inhre tawh lo a, nitin mittui nen a hun a hmang thin asin. I duh thu i hrilh ni te khan min rawn biaa, a lawm em em a mahse phurrit mai nih a duh loh avangin khatiang khan alo ti che anih kha. In class ho in in kan ni a min rawn hmuh pawh khan a hriat veleh min rawn fon a, ka va leng phei anih kha, i theihnghilh a, amah i huat theih nan. I rin phak bakin a hmangaih ang che, Durtlanga mipa pakhat nen in kal a in inhmuh te khan a tap asin!" Ka mittui chu alo tla zawih zawih a, "I len te hian a hlim em em thin, nang hi a hmangaih takzet che ani" a ti a. Kan pahnih chuan kan mittui a tla zawih zawih a. K thil tih tum pawh ka hre chang tawh lo, ka tlan a, chak takin ka tlan zel a, Zonuna hmuh vat ka duh a ni.
Zonuna te in ka va thlen chuan Nu Tluangi chu pawnah alo thu a, min hmuh veleh a lo ding a, "Nu Tluang, Zonuna awm em?" Ka hmel pawr fap chu mak ti hmel tkin min en , "Zualte, i tha maw?" Min ngaihtuah hmel takin ti a, ka insum hman lo, ka tap chhuak phawng a, Nu Tluangi chuan min lo kuah vat a, inchhungah min luh pui a, ka lungchhe zual a reh chuan,"Engkim i hria tiraw Nu Tluang" ka ti tawp a, a bu nghat a,"Bawihan engmah swi a phal silo ati ni" a ti a. Marini sawi dan ang deuh chiah chuan a sawi veleh a, min kuah a, kan tap dun ta a. Ka hmai te ka phih a, Zonuna room lamah chuan ka kal a, a lo muhil bam a, ka khwngaih ngei mai. A lu chu ka chul heuh heuh a, rei vak lo ka nghah hnu chuan a raan meng ve chat chat a, min hmuh chuan mak ti deuh a, a mit a nuai leh a, "Enge i rawn tih dawn?" a ti nghal chat a, ka tah a chhuak ngut ngut, tukverh ah chuan ka dak vang vang a, a mut ngaiin ani pawh a mu reng a, a tawp ah chuan,"min lo pui lawk ta che" dam thlap hian a han ti a. Ka va hawi vat a, wheelchair ah thut alo tum mek a, ka va pui vat a, a in her rem a,"Zual...." "Ummm.." min en vang vang a, "I bialpa kha a fel hmel khawp mai, ka lawm pui lutuk che nia aw.." a ti a. Ka va kuah thlawp a, ka insum thei tawh lo,"Engvanginnge hrehawm min tuar tir reng a? I va sual ve" a ngaihna a hriat loh hmel a, "Ka rilru i tih nat zia hi i hria em?" Ka mittui chu a kutin a hru a,"Enge maw i hriat le? Nula ve uaih tawh tahbelh lutuk..." a ti sap a. "Engkim ka hre vek tawh" ka tih chuan min thlah a, a ngawi ta reng a. Reife kan ngawih hnu chuan,"Marini ani maw hrilh che, theihnghilh vek rawh" a ti leh a, "Zonun.. ka hmangaih che. Eng dinhmunah pawh ding la, ka hmangaih reng che asin" ka ti a. A mittui chu a rawn tla ta zawih zawih a, ka kuah bet tlat a, min kuah ve ta nge nge a, ngher lehzualin min kuah a, "Mi mawl nu.. Min kalsan hi i tana tha zawk" "Chutiang sawi suh" ka lo ti vat a. Kan lungchhiat zualpui a reh hnu chuan inhma tawnin kan thu a, "Zual, heti mai hi ka ni a, min hmangaihzia ka hria, ka lawm lutuk, mahse tah hian duhtawk zawk ang" a ti a. Tun maiah chuan engmah sawi belh ka tum tawh lo. Ka chhuahsan a, Nu Tluangi bulah chuan,"Ka lo kal leh vat ang" tiin an in chu ka chhuahsan ta a.
Zanah chuan Zomuana chu engkim ka hrilh vek a, min hrethiam kher mai. Tin, theihtawp chhuaha enkawl turin min la fuih tawk tawk zawk a. Hetiang mihring rilru tha tak an lo piang hi ka lawm a ni. Zirtawpni ah chuan Zonuna te in lam panin ka inkhalh chhuak a, ka va thlen chuan a room ah lehkhabu alo chhiar a, min hmuh chuan a lo nui ve suk a, ka lawm hle. A lehkhabu chu ka khup sak a,"Ka kalsan dawn lo che chu chu hrilh tur che in ka lokal ani" ka han ti nghal phawng a. Ka kutah a vuan a,"I inchhir ang tih hi ka hlau ani" a ti a, thil danga min hnial lo chu ka lawm hle. Min vawnna chu ka hmer salh a,"Ka inchhir na tur thil ka ti ngai lo min ring tawk la, nghet takin min vuan tlat la, ka thlah lo vang che" ka ti a, a mittui chu alo luang ngiai a, ka kutin ka hru a, min pawm ta thlawp a, "Ka tan hian i va han hlu tak em! Zualte.. ka hmangaih lutuk che" a ti ta a. Ka lo kuah hle hle a,"Ka hmangaih lutuk che Zonun..tute nge i lo kawp tawh a, eng harsatnge i lo tawh tih ka ngaihtuah lo, a tawpna erawh nih ka duh. I kal thei emaw, kal thei lo emaw, i hmangaih hnuhnung ber nih a, i kianga ka khawvel hi hman ral ka duh a ni" ka ti a. Kan mittui chu a far zung zung a, lawmna mittui a ni ta thung a.
Zonuna pawh nitin beiseina nen hun a hmang ve thei ta, kal thei tawh lo tura in ngaiin beidawng takin a in dawm kun thin a, beiseina thar anei ve ta. A theih ang angin exer te ala a, ka hman remchan apiangin ka tlawh ve bawk a. Phaiah in checkup tura an kal dawn tlai chuan chaw ka ei a, ka hlim ve hle. Mamuana leh a nu pawh ka chungah an tha em em reng a, kan chanchin atirte atangin an hre bawk a, min lawmpui ve hle a ni. Karkhat vel zet an thang tawh a, ka ngai thin khawp mai. Kan inbe reng a, hospital ah an admit thu ka hriat chuan ka hlauthawng deuh a, mahse Mamuana chuan hlauhthawn tur a awm lo a, test result pawh doctor in a that an rin thu te a sawi chuan ka thawveng huai a. Result chhuah tlai chuan min be har ka ti em em a, ka hlauthawng ani; a ruk tak chuan. Zan dar 7 velah Zonunan min rawn biaa, "Zual... ka kal leh thei dawn" a hnuk a ulh a, a sawi zawm thei lo, Mamuana'n fon alo la nghal vat a,"Zualte, Pathianin kan tawngtaina a chhang a ni. Bawiha pawh a spinal cord sawh chhe ngeia an hriat kha alo sawh chhelo tih a result ah kan hmu a, reiloteah ke in a kal leh thei ang" a rawn ti a. Kan va hlim tak em! Ka chhungte pawh ka hrilh a, lawmthu sawi tawngtaina kan nei nghal a. Nu Tluangi chuan min rawn be bawk a, kan hlimna chuan van a tawng hial ang. Lengpui airport ah ka pa hovin kan lo hmuak a, kan inhmu khawm chu kan hlim tlang hle.
Thla hnih aliam leh meuh chuan Zonuna pawh zawi zawiin a kal ve thei tawh a, a phak tawkin exer ala reng bawk a. Rei tak chhung a kal tawh loh avangin a la harsat deuh a mahse a tha chho ve telh telh ani. Hun alokal zel a, kea kal thei tawh pawha kan rin loh chu Pathianin a ti dam leh ta a. Tunah chuan a tuina ber lam pawh a ti leh thei tan ta. Kan hlim a, kan lawm a, a changin kan lawm luat ah kan mittui hial a tla thin. Alo suangtuah thin chu ataka dai turin National huap intihsiakna Bangalore a awm tur lam chu panin an chhuak ta vang vang a. A lo haw leh hunah zawng kan inhmangaihna hi tihpuitlin in a awm tawh anga, hlimna leh lungngaihnaah pawh kan pahnihin kan khawvel ni hi kan chhiar dun zel tawh ang
~The end~
(Min chhiarsak tute, like leh comment petute, ka tan in hlu- ka lawm vek e)
SAVE THE LAST DANCE FOR ME
"Dancer's meet a kan hmuh kha a ni lawm ni?" ka thiannu Mimtei chuan mit tla dawn in alo thlir ngawih ngawih a. Ka va hawi phei ve a,a ni chiang mai. A chhiat loh zia leh zanhnih lai ka manglama ka man chu hrilh pawh ka tum chuang lo va. A hmeltha in a pian a in phut mawi em em mai a. Ngo puak nisi lo in a hang lo va, a nuih zawnga a mit a han ti zim san thin te chu en a man hla ani tawp mai. High school kan kal lai atang tawhin lam kan tui em em a, kan thianho pawh veng aiawh ten kan chhuak ve fo thin. Hetiang taka mipui hmaah te in lan ve thin e ti lo hian ka zak zum hle a. Ka thiante pawh hian i chut lutuk tiin min hau ve fo a, college te kan han kal a, ka zak zum lutuk te pawh reh chho ve ta zel a. Tunah chuan thianho zingah pawh hmahruaitu ber ka ni ta a ni. Dancer's Meet Lunglei ah Special item kan neih tumin he hmeltha pa hi judge a ni a, chiang takin ka hmu tawh a. A hnu deuh ah Charity show ah ani he mipa hmeltha tak, a hming pawh kan hriat loh hi kan hmuh leh a ka thinlunga thu a sawi tak tlat chu. A che leh hawiher kha kan thlir deuh thup ni mai hian ka hria a. A taksa hnehsawh taka a han che vel chuan tu mit pawh ala a ni ber.
Vanglai hmang chho mek ka ni a, khawvel hi a engzawngin ka hamchhawn thin a, ka nunah hian hmangaihna avanga inpumpekna tih vel hian ka ngaihtuahna hi ala luah pha lo hrim hrim bawk. Nitin hian hlimna thar chhar belh zel ka tum , ka chak lohna te hi inbawhbeh tir ka tum ngai lo. Ka thiante pawh ka fuihna ber ani thin. Eng kawng pawh zawh dawn ila hlawhtling tur chuan chhel angai a, mipa pakhat avanga kan khawvel hi hrehawm taka hman tur ani lo tiin ka sawi thin.
Chhun lama kan thil hmuh khan ka rilru chu a kam ve deuh a, theihnghilh tumin ka lu kan thing nar nar a, fiah zetin a hmel chu ka mitthlaah alo lang ta chuai chuai zawk a. Ka tho lawk a, computer hmaah thu in ka online ta daih a. Min 15 vel ka thut hnu chuan zinga tlan ka duh avangin mut hma deuh ka tum a, ka logout tep tih ah chuan friend request ka dawnga, ka phu loh in friend ka ngah a, confirm sen loh an awm ve a. Mahse ka bih chiang lo phal ngang lo a ni e, ka han en chiang a, karei!! Lalhmelthaa kha a lo ni! A hming chu vawi thum lai ka chhiar nawn a, "Zonunsanga Chhakchhuak Kop" ka mumang ani mai ang tih chu ka hlau ber, ka in sik nawk nawk a, a tak ngei a ni e, ka confirm ta. Ka khur deuh reuh lehnghal a! Mu ta mai lo chuan a wall ah lutin kan check kual chiam pek a, a thlalak pawh ka en tam hman viau. A tuk lama en zawm leh hisapin ka mu ta a.
Ka thiannu Mimtei pawh ka computer hmaah a thu leh vang tawh a, a bialpa kan member zinga mi tho David nen an intihthiamloh avangin keimah min rawn ankhum leh vak a, a dan ve reng ani. Ka chungah lo inhrikthlakna tur nei miau hek lo le! A ang hlawih hlawih a, "Hmelthatea khan fren request min lo thawn asin" ka han ti thut a, a thin rimna te chu vawm bo ang duak ani, ka bulah a rawn thu sawk sawk a, "Mate tak tak em? Awi... avan nuam chiang! Be ngei ngei rawh aw" a ti nghal chul a. Ka nuih a za kher mai, a profile chu a han check vel a, a then reng ringawt. Zanah pawh chuan tih tur nei chuang lovin ka online a, dar 9 velah chuan chat list ah a rawn hring ve ta vat vat a, chu ringawt pawh chu nuam ka lo ti. Mut ka tum a, ka mut hma chuan status ho deuh tak hi ka han update hram a, Zonunsanga chuan alo like nghal a. Ka hlim lutuk chu ka zuang vak vak ringawt. Hetiang tak hian mipa pakhat laka ka luanliam ka in ring ngai lo asin. Mahse a thleng tlat si.
SAVE THE LAST DANCE FOR ME-II
Ka cousin Papuian movie ka download sak nual tawh che lo lam rawh a tih avangin ka kal a, ka thlen chuan amah chauh in a awm lo tih an thawm atang ka hre mai a. Ka va pawh peih loh avangin sitting room thutthlengah mu pahin tv ka en a, an rei tak phian avang leh tlai lamah tih tur ka neih bawk avangin room ah chuan ka va lut ve a, kilkhata Zonunsanga lo thu reng chu ka va hmu thut mai a, chiang zetin min rawn melh ve nghal a, ka hmel inthlak danglam chu a hmuh hman loh hram ka beisei. Papuia hi mi zei tak a nih loh bakah han ti bawrh bawrh chi a ni lo bawk a, tute nge a thiante chu min inhmelhriattir pawh a tum lem lo niin a lang. Ka thil tur chu a thun mawlh mawlh a, tu min hriatpui si loh chuan kei lah chu ka lo khur ru der der a. Nakinah chuan Papuia bul chiaha thu mipa chuan min rawn en a, Papuia chu a en leh a, "Hei mi i cousin chu?" A han ti a, Papuia chuan ngaihsam zet hian," Aw ni e" ti ve mai a. Chutah a harh chhuak ve te pawh ni mahna, min rawn en a, a thiante melh kual pah chuan,"Hei ka cousin Zualtei anih hi" a bula thu chu a kawk a,"Hei Michaela ania, turhverh nghenga thu saw Mathana, chuan" lalhmelthaa chu a kawk a,"Hei Zonuna anih hi" a han ti leh hnuhnawh a. Min han chibai vei liam a, Zonunan ka kut a hum chiah chu thawk pawh ka thaw ngam lo. Engtia Papuia te nen inkawm ngawt nge an nih chu ka hre chak kher mai. Haw leh vat tuma kal kha an haw hun chu ka nghak ta zawk a, Papuia hnen atang eng engemaw ka hre duh miau a! Mahni in lo na na na chu an haw ve ta a, Papuia hnenah chuan athiante chu ka hriat ngai loh thu chu ka han sawi a, a ni chuan,"Sikkim a kan awm lai a ka thiante an nih kha. Zonuna tak phei kha chu ka roommate ania, kan inkawm nasa bik lehzual a. Mahse lam lamah hian a tui lutuk a tunah chuan kan inkawm lutuk tawh lo" a ti a. Sawi zawm zel se ka duh viau a a duhtawk leh ta daih a, han zawh vakin ka rilru a hrethiam ang tih ka hlau bawk si, duh khaep lo takin ka haw ve ta a. Zanah chuan rin loh leh beisei loh takin min rawn inbox tehmial a, ka thinphu chu a rang leh kher mai.
"Papuia unaunu...."
"Haha.. papuia thianpa enge"
"Ka hriatna che a rei tawh"
"Engtin"
Min lo hre tak tak emaw ni dawn chu ka tih rilruk lai chuan
"Lunglei ah khan ka hmu che... "
"Heh.. keipawh ka hmu che"
A reh ta daih a.. kan inbiakna tawite chu ka chhiar nawn ka chhiar nawn a, ka hlim veng beng ringawt.
Kan inbiak atang karkhat a liam leh tawh a, inbiak zawmna emaw engmah kan nei lo. A reh zui hmak si a, han biak ka ngam bik bawk si lo. A khat tawkin a wall ah ka lut leh ngawt zel a, a lut vak ngai lo anih ka ring han hmuh thar tur a vang khawp mai. Zankhat chu Papuian kan leng a, kan rawn kawi dawn atih avangin mu lovin ka lo nghak a. An rawn thlen chuan Zonuna nen an lo ni a, ka zak ru hle a, ka lawm bawk si. Mahse ka hlim rei vak lo, Papuia chuan"Hei Zonuna chhass kan rim a, a chhungte an lo awm vek a kan awm rei peih lo a" a tih chuan arukin ka lo na veng veng. Eng engemaw kan sawi a, kan titi luam a, mahni tui na zawng kan sawi chuan Papuia chuan sawi tur a hre ve lo, a ning leh hman hle tih a hmelah ka hmu a ka nuih a za kher mai. Thingpuite an in hnu chuan an haw ta a. A vawikhat nan mipa duh em em ka nei a, bialnu alo la nei zui. Ka ngaihven zui tur a ni lo tiin keimah leh keimah chu ka infuih mawlh mawlh a.
Ka rilru ah chuan thi chiah lo mah se a hma ang chuan ka vei tawh lo, ka nitin hun hman pawh a pangngaiin ka hmang ve zel a, ka chhungten zir zawm leh tura min tih avangin admission ti turin ka chhuak a, ka va thlen chuan mi an lo la tam viau a, pawn thingkung bula thutna an siam ah chuan ka thu chawl a. Min kotu awma ka hriat chuan kan hawi kual a, Zonuna chu ka va hmu a, alo nui var var a. A hmel hi chu a tha thlawt alawm! Ka bulah chuan a rawn kal a,"Enge i tih a?" a ti a,"Hei admission tih ka tum a, nang zawk?" Ka ti a. Thut pah chuan,"Keipawh hetah zawm ka tum a, Papuia hi chhuk leh a tum em" a ti a. A tum thu te ka sawi chuan,"I lo awm hlauh chu a lawmawm hle mai. Thian ka neiloa ka huphurh lutuk a" a ti a. Dik tak chuan thian ang maia en chu ka huphurh ani, mahse ka ti lang chuang lo a. Ka phone number te la in a no.min pe bawk a, hlim awm tak ka nih laiin ka hlim der lo. Ka ta chauh nise ka duh a, mahse midang a nei tih chiang takin ka hre si. Hmeltha leh lar chu tu pawhin kan kawm chak thin a Zonuna pawh karlovah thian a ngah hman khawp mai. Kan inkawm ve reng tho a, kan haw rual ziah bawk a. Tam tak chuan kan inngaizawng emaw an ti thin a, a tak tak nise tiin ka suangtuah fo thin. Mahse a bialnu hi a duh ve hle in ka hria a, chuti mai chuan an inthen ka ring hek lo. Keipawh in rilru dang put chu ka tum ve tan a. Kan class ami rei tak atanga min lo beisei ve tu Bawiha nen chuan kan inkawp ve ta a. Chutatang chuan Zonuna nen pawh kan inkawm vak ta lo a, Bawiha chuan min thlah haw ziah tak avangin Zonuna pawhin min sawm tawh ngai lo. Bawiha chu ka duh ve em avanga chhang ka nilo a, ka duh ber Zonuna ka chan loh rau rau chuan a ni aia thlan ka neih loh vang ani a. Min care a, a nuam pawh ka ti chho ve viau. A chang chuan Zonuna hian min lo thlir ve vung bung zel a, amaha a awm ka hmuh phei hi chuan kal ve mai hi ka duh thin. Thil ni thei a ni choah bawk silo a, ka melh ve vang vang thin.
Nikhat chu Bawiha a nuamsam lo a, class a kal peih lo avangin keimahin ka kal a, canteen ah ka thu a, zing chaw ka ei loh avangin inhnawhpuar ka tum a ni. An rawn ri huk a, Zonuna chu a thiante nen an rawn in zui lut dam dam a. Ka piah ah an thu a, ka thil ei lai chu ka ei mawlh mawlh a, "Lo thut ve i phal em?" Ka bulah Zonuna chu alo ding leh reng tawh,"Lo thu rawh" ka lo tawlh phei a, alo thu ve nghal a. Sawi tur kan hre lo kan ngawi reng a, a hnu deuh ah chuan,"Changtupa akal lo mi?" "Hah.. kal lo nih hi" a chhan pawh ka hrelo ka chhang hmuk a, ka inthiam leh chiah lo, a dar a chhin ak a,"Vawiin chu ka bulah i awm thei tihna nimai alawm" a ti leh hmiah. Pawi ka ti hran lo, kan inzui leh ta nge nge a. Tlaiah pawh chuan in thleng min thlah leh thlap a, abulah chuan nuam ka ti a, ka va hlim thin si em! Zanah msg min rawn thawn a,"Vawiin ang kha ni reng se ka ti" ka chhiar nawn leh a, ka man thiam chiah lo. Enge awmzia tiin ka zawt a,"I hriatthiam hunah chuan a fiah viau lawi si ang" tih chauhin min chhang. Ka zawt zui tawh lo, rilru ah erawh a awm ve reng a, Bawiha pawh ka hre chang lek lo tih ka hrechhuak a, rang takin ka va call ta vat a
SAVE THE LAST DANCE FOR ME-III
Ka thiannu Mimtei birthday anih avangin present lei turin Bawiha nen kan chhuak a, kan duh ang kan hmuh mai loh avangin MC ah kan lut a. Kawr kan duh ang tak kan lei hnu chuan kan chhuak a, dawr atang kan chhuak chiah tih ah Zonuna leh a bialnu kan hmu a, an hlim hmel kher mai. Ka rin loh deuhin Bawiha nen chuan an lo inhria chu niin, an inbe ta hlut a. Kan kal chhan te Zonuna pawh chuan min zawt a, kan kal ta a. Ka zawi nghal vekin ka hria, Bawiha lakah pawh a ruk tak chuan inthlahrunawm ka ti, midang duh nei reng chunga hetia awm hi hrehawm ka ti a ni. Mahse ka rilru min lak pensak ve ber tu a ni si,"Zonuna bialnu kha engtinnge in inhriat a?" zawh ka tum lo zet na a ka zawt leh ta tho a. "School kan kal tlang char char alawm, Marini chu Zonuna hian a duhna rei ve tawh high school kan kal lai atang khan a bem ve ngat ngat a, higher atang chiah an ni" awi leh! Ka beisei nawn tawh lul lovang! Kum 5 zet lo inkawp tawh chu tumah hian an pawh then theih ka ring lo. Zana Mimtei birthday party pawh chu nuam taka hman ka tum lui a, BAwiha chu ka theihtawpa duh chu ka tum bur a ni. A harsa maithei, mahse midang ngaihtuah lo na atan chauh a ani hman hi ka phal bik lo.
1st semester exam kan zo a, karkhat vel chawlh kan nei ve a. Dancing competition a tel tum ka thian te chu an jam naah ka kal ve thin a, tel chu chak viau mah ila class chawlh angaih dawn avangin rilru dam zan lovin ka tel ve lo a ni. Zonuna nen pawh a hming mai chauhin kan inbe tawh a, inbiak loh hi ka tan chuan a tha zawk in ka hria a ni. Class kan tan leh chuan a hmel ka hmu lo va, a tuka pawh ka la hmuh loh fo avangin a damlo anih ka ring a, ka call ta nge nge a. A pickup theih loh avangin msg chu ka hnutchhiah ta ringawt a. A hnu deuh ah min rawn call back a, competition ah judge turin an rawn sawm a, Kolasib ah akal daih thu a sawi a. Class ngai pawimawh tura ka tih chuan,"Ka tuina ber in dal tir nan chuan ka zirlai hi a ropui vak lo" a ti a. Ka la hau hrep zui! Inpawh ru angreng takin kan inbiaa, thil min lo hawn ang che ka tih chuan hawn ngei in tiam chungin kan in mangtha ta a. Bawiha mizia chu ka lo chik ngai lem lo va, mahse zankhat erawh ka thiannu Mimtei chuan hmeichhe pakhat nen an inphur ka hmu Dawrkawna ka thut laiin ati a, ka ngaihtuah a a awmdan chu danglam deuha hriatna ka nei vat a. Amah ka zawh erawh chuan a nau nen an chhungte inah an kal angin a sawi thung a. Ngaihthat loh na em em ka nei zui ta chuang lo. Zonuna pawh alo haw tawh a, t-shirt nalh deuh mai hi min rawn hawn a, ka lawm kher mai. A zin rawn haw atang erawh a hmel a ngui deuh reng in ka hriaa, han zawh dawt erawh ka ngam lo. Chutiang chuan hun kan hmang chho ve zel a. Krismas pawh a lo ni ve dawn ta reng mai. Urlawk zan chu Mimtei te inah hman kan rawt a, Bawiha pawh lokal ngei a tum a. Ar kan tu pawh chhun lamah kan ngaihtuah lawk vek a. Inlhawm banah chuan min rawn lam mai turin ka ti a, inkhawm an hnu pawh chuan ala reh ta fo avang chuan ka call a, a pickup thei lo. A hnu deuh ah min rawn fon a, "Zanin chu ka tum ngial na a ka chhuak theilo, min hrethiam la kumhlui thlah zan chuan chhuak ngei ngei ang" a ti a. Pawi ka ti vak lo, thianho a hman a tu mitmei mah ven ngai lo hi nuam ka ti mah zawk. Ei tur vel chu siam hmasak a, ride mai mai kan tum avangin ar te chu talin kan buaipui a, kan tifel zo vel chiah tih ah ka fon alo ri a. Bawiha anih ka ring a, mahse Zonuna zawk a lo ni a,
"In pa chu tinge i zui loh a?"
"A chhuak theilo a, i hmang nuam em?"
"Haha... nang te reuh hi bum i va awl awm ve a"
Teh ngawt chuan, a sawi awmzia ka man thiam lo ti a hria a,
"Armed veng thlanmual an cheimawiah khan tunah rawn kal ru, tunah" fon adah nghal a. ka thiante bula thil awmzia ka sawi chuan kan kal ta nghal a. Kan thlen chuan mi an lo tam khawp mai. Zonuna ka biaa, kan awmna lai ka sawi chuan rawn chhuk leh deuh rawh u ati a, kan chhuk zel a, a bike bulah chuan alo ding a. Min hmuh veleh min lo hui zeuh a, ka hnar ah a piai zeuh a,"Mawl leh lutuk mai" a ti sap a. A kal a, ka zui nghal a, ka thiante eawh motor a lo awm turin ka ti a. Ka bialpa ngei mai chu hmeichhe pakhat nen inhmangaih hmel zetin an lo inkuah a, midang an mamawh loh hmel hle. Ka en a reng a, awu ha ka ti. Mipaah chuan ka rin pawl ve tak a ni asin, phatsan ka nih a, buma ka awm chu na ka ti ve a ni. Ka fon ka phawrh a, Bawiha chu ka call a, a fon ala chhuak te ka hmu reng a,
hmeichhia chuan a en ve a, engemaw an sawi a, a ak leh ta daih. Chu chuan ka thin a ti rim lehzual a, kal ka tum a, Zonuna chuan min lo dang a, "Mi pakhat avanga i mualpho ka duh lo. Chutiang mi i nilo" a ti sap a. A kuta min vawnna chu a thlah riai riai a,"Enge ti tura min duh? He thil hi min hmuh tir a, sawifel tura kal ka tum min dang leh si, enge a awmzia?" ka ti ta tawp a. Muangchangin a gloves chu a phelh a, "A finfiahna hi hmu la ka duh mai chauh a ni. Vawi thum lai ka phawk tawh, hrilh ngawt che ila i awiloh ka hlau si a, ti hian ka ti ta mai anih hi" a ti a. Ka kut vawt ngiai mai chu a khawih a, a kutkawr min pek pah chuan,"Bun rawh, i vawt lutuk" a ti a. Ka thinrim a zual sauh a, "Vawi 3lai i hmu a tunah min hrilh chauh amaw.. ? A ruk chuan min lo nuihzat ngawt ang chu, ni e ka mawl lutuk ti mai hi ka ni. Bum a ka awm reng thin lai pawhin min en liam a, haha... a tha vel vek e" ka tah a chhuak ngut ngut ringawt. A kutkawr chu pek let pahin kal ka tum a, min lo dan a tum erawh a hlawhchham ve chiang. A ngal ah ka pet ri pawp a, ka nem sawk a ka tlan ta vang vanga. Hawilet miah lo in ka tlan zel a, Mimtein min hmuh veleh min lo kuah vat a, ka mittui hi tla tur pawh a awm lo, ka thinlung erawh a tap a ni. Kan boruakin a zir ta ngang lova, min thlah haw mai turin ka ti a, min ui der viau na a min chelh ngam bik lo. In ka thlen chuan ka room ah ka tlan lut a, ka tap ta hawm hawm a. Bawiha min phatsan na chu ka tahpui hauh lo, hmangaihna an tih fo ah hian ka la zuang lut lova, duh lah ka duh heklo. Mahse Zonuna avangin ka mittui a tla mek a ni si. Min nuihzathmel taka min en chu tuar har ka ti ber a ni. Ka lo muhil tlang daih chu niin, ka fon riin min tiharh a, Bawiha alo ni a, ka reject a ka phone chu ka switchoff ta hmak a. Ka muhil zawm leh ta mai a. Zingah chuan hma takah ka harh a, ka phone chu ka on a, Bawiha msg alo awm nual a, Bawiha chuan engmah thleng lo ang maiin min rawn wish a, "Nizan i awmdan avang khan engkim a tawp tawh. Min lo biak a tulna a awm tawh lo" ka ti a. A men pawh ka ring tawh lo, a rawn online nghal a, thil awmzia a rawn in la hre lo khawp mai. Sawi ngai pawh ka ti lo a, ka chhang let tawh lo. Mipa rinawm lo hi ka haw hluah hluah. Ka tho a, Krismas hlim takin ka hmang tur a ni, mi pakhat vang mai mai in ka hlimna ka hloh lo vang.
Zanah chuan inkhawm tum in ka insiam mek , Papuia chuan min rawn biaa rawn kal an thu leh lo awm turin min ti a. Inkhawm chu ka lo tum tawh em avangin ka kal ta tho a. Banah chuan ka haw nghal a, ka thlen chuan Papuia leh Zonuna chu an lo thu reng tawh a. Ka inyhlak fel hnu chuan ka va pawh phei ve a. Papuia chuan ka computer a mi thil kal duh chhuanlamin ka room ah akal daih a. Urlawk zan bak kha Zonuna nen hian kan inbe miah lo a, sawi tur chu vang ve tak a ni. A tawpah chuan a rawn tawng hmasa ta nge nge a,"Zualte, hman zan kha.. ka tihpalh aw.." a ti a,"Engmah ngaihdam dil chhan tur a awm hleinem, min hrilh har kha ka thinrim chhan ber zawk ania" ka ti a. Ka bulah a rawn insawn a,"Ka hriat sual mai ani ang tih ka hlauh lutuk vang ania, pawi ka ti khawp mai." Inthiam lo deuh chuan a han ti a, "A ho lutuk inthiam lo duh suh. Kha ka hre tawh a, engkim a tawp vek tawh tho alawm" ka tih chuan min melh zawk a, ka lo en ve reng avang chuan a hawisan leh nghal a. A ruk tak chuan bula a rawn thu chu ka zam tha leh riau a, hepa huang hi ka zo thlawt lo a ni! Kumthar class tan hma in guwahati ah show an neih tur thu te a sawi a, kan titi a rual chho leh viau a. Kan titi kar lakah chuan chiang zet hian ka mitah a en thin a, ka lai thei hle,"Bawiha nen in inthen hi pawi k ti miah lo" a rawn ti chhuak phawng a. Ka lo melh kawk ,"Engvang chuan maw?" ka ti let hu a,"Zualte... ka duh che " a ti ta a, mak ka ti ngei mai. Ka melh a, athutak riau bawk si,"I ho emai a.. fiamthu na chu pawh ani lo" ka lo ti ve mai . Bawiha sawi danah pawh a bialnu nen an inzui nghet viau a ni si, "Bialnu chhelo tawk nei chung khan maw?" Ka han ti ve ngat a, ka kut chu a laa, a hum vang vang a, "Marini maw?.... Krismas hma khan kan inthen daih alawm. Midang duh zawk a nei a.. chuan kei pawhin" a ti leh a, "I lunglen vang nai mai anih dawn chu. Keimah hi... engvangin nge min duh ngawt a?" ka ti bah niai a, "Anihna takah chuan Lungleia ka hmuh atang daih tawh che khan.." ka ngawi reng a, amah vek chuan,"Papuia cousin ilo ni leh zel te kha nuam ka ti asin" a tih zawm a. A bialnu in keimah ang bawkin mipa dang alo ck pui vanga inthen an nih thu te chu a sawi kai zel a,"Marini chu kan inkawp thei tak tak lo. Ka dawh a, ka tuar hram hram zel vanga in kawp rei kan ni zawk a, hetia a awm pawh hi ka lawm mah zawk. Han inthen thin mah ila kan lo inkawp rei ve tawh a, min rawn tahkhum hi chuan ka lo ngaidam veleh mai zel a.. mahse tunah chuan engkim a tawp vek tawh" a ti charh charh a. Ka thaw chu a veng ve hawk mai, mahse ka rilru hi hriattir nghal chu ka duh bik lo,"Tiang zawng hian kan awm ang tih pawh ka la ngaihtuah ngai miahlo" ka ti a. "Ka hria alawm, i duh hun hunah min chhang rawh, ka lo nghak reng ang che. Ka zin ka lo haw leh hunah erawh hre hman ila ka duh dawn a" a tih chuan keipawhin ka rem ti a. Kan boruak rit tak pawh a ziaawm ve ta huai a. An haw hnupawh chuan kan thusawi te chu ka ngaihtuah let a, ka khi var var a.
SAVE THE LAST DANCE FOR ME-IV
Nitin zantin kan inbe ta ziah a, ka duh ve zia chu hrilh mai ka tum thin a, mahse he ka pride tei vet hi! An zin dawn tlaiah alokal a, a phur khawp mai a zin tur chu. Thil tha deuh ka lo hawn ang che tiin a chhuak ta a, a tlan liam thlengin ka thlir reng a, a ngaihawm veng veng. An thlen chin te chu min hrilh zel a, kan inbe deuh reng mai a ni. An thlen ni te chuan bazar na hun nei a inrin vak loh avangin a bazar a, thil min leisak thute sawiin kan hlim ve hle a,"Ka lo haw hunah chuan official takin ka bialnu i nih tawh ngei ka beisei" te a ti a. Thu ho te te kan sawi pawhin kan hlim pui vek mai a ni. Ni thum an cham hnu in an rawn haw dawn a, kan inbia in chanchin kan inhrilh reng a,motor an chuan tan tawh vangin kn inbe tawh lo a. Tluang taka an lo thlen beisei tak chungin keipawh ka mu ve a siai siai a. Ka fon ri ral ral chun ka mu tu lai chu min ti harh chiang kher mai, Papuia alo ni a, "Zual, Zonuna te an accident, hei ka hre chiah" ka in perh tho nghat awt a, engthilnge thleng hi,"Chuan engtin zel..zonuna a tha em?" Ka thin chu phu dup dup a,"Thi chu an awm lo a, mahse an in sawh na ve deuh a niang chanchin kan ngaichang mek, an inah kan phei dawn a ka lo hrilh le ang che ati ta a. Ka khum bulah chuan ka thingthi hnawk a, ka tawngtai ta mawlh mawlh a. Papuia chu ka ngaichang reng a, chanchin a rawn sawi har si, ka mangang kher mai. Nakin deuh ah chuan min rawn be leh taa,"Silchar thlen hma deuhin driver kha lo muthlu sek ni awm e. Zonuna pawh harh tawh , a hnungzang na a ti viau a, a che hleithei lo an ti a" a rawn ti a. Min rawn hrilh zel tura tiin kan inbiakna kan ti tawp ta a.
Zonuna te accident atangin thla khat a liam tawh a, khatia an accident khan Mizoram lama rawn haw pui lovin guwahati ah an phur let leh a, a lo serious hle alo ni. A spinal cord a sawh ngeiin an hria a, kal pawh ala kal thei lo tih chu a chanchin thar ber a ni rih. Ka ngaihtuah em em a, a phone theih bawk silo a, ral atang phei chuan hrehawm ka ti em em a, a chhungte han zawh ka inthlahrung ve laklawh bawk si. Hetiang tur tih hria ila a kal hma ngei khan ka duh zia hi ka hrilh ngei ang. An kal atanga thla khat leh karkhat na ah chiah an rawn thlawk haw dawn tih ka hriaa, hmuh ka chak rualin ka huphurh kher mai. An lo thlen veleh Papuia nen kan kal nghal a, ka hmu chiah chu ka insum zo lo teuh khawp mai. A cher hman em em a, a lo muhil bam bawk si, a hmai hliam pawh a then chu ala dam fel lo tih a hriat hle a. Chutiang taka na a a awm chu hmuh a hrehawm ka ti takzet. Kan awm laiin a harh lo a, kan hawsan ta a. Engdangmah ka rilru ah a awm thei lo; Zonuna chauh lo chu. A kal dawn a kan inhmuh te khan a hlim em em ani si a, beisei loh thil a chunga lo thleng chu hriatthiam har ka ti takmeuh a ni. A tukah chuan kan va kal leh a, mahse tumah min lo hmu duh lo, beidawng zetin kan haw leh ta ringawt a. Engvanga chutianag awm chu nge ni ang tih ka ngaihtuah a, ka khawngaihna leh lainatna a zual sauh a. Min hmu duh lo mah se hmuh ngei chu ka tum ruh ve tlat a ni. Mahni chauh a an in va kal chu huphurh viau mah ila midang kal pui sawm ka inthlahrung ve tawh si a, ka kal ta a. A nu in alo awmpui a, a lo fel hle a ka hmingte ka sawi chuan,"Zualtei maw i nih? Bawiha hian a harhchian hma khan vawi tam tak i hming chu a lam asin. A harh chian hnua ka zawh leh chuan a sawi duh ta miah lo a" a ti a. A room ah chuan min hruai a, min kalsan leh nghal mai a. Zonuna chuan tukverh lam a thlir a, min hmu ang pawhin a awm lo,"Zonun...." a che eih lo, a ai ringin ka han ko leh a, muangchangin min rawn melh a, mahse a hawisan leh nghal, a bulah chuan ka thu a, "Tinge min biak duh miah lo a.. ka ngaihtuah lutuk che asin" ka ti a, ka tah chu a chhuak ngawih ngawih. Tap lo turin ka insehruh tang tang a, "Zualte.. min khawngaih suh.. khawngaih nih ka duh lo" a in her a, lehlam a hawi ta daih a. Ka hrilhhai kher mai, ka kal chhan berin min be duh tawh bawk silo, ka chhuak ta ringawt a. A nu chuan min lo ko vat a, "Zualte, Bawiha hi a rilru lam a nghawng tlat in ka hria. Keizawng ka rilru a na emai" a mittui chu alo tla zung zung a, keipawh ka insum hman lo, " "A kal thei tawh lo maithei doctor te chuan an ti asin" a han ti leh a. "Ka pi, a tha leh em em ang" ka han ti tak na a kei ngei pawh hian chu chu ka chiang bik lo, rilru nuam lo takin ka hawsan ta a. Kumkhuaa kal thei tawh lo tura ka ngaihtuah ringawt pawhin ka rilru a ti na em em a, a dream te kha engtikahmah a hlawhtling ve dawn ta lo em ni le? Eng dinhmunah pawh ding se, a bula awm zel hi ka duh a. Mahse a phal kher angem ka hre silo.
A khat tawkin ka kal fo a, a chang chuan ka beidawng lek lek thin. Nilenga ka awm pawha ka biakna min chhan duh loh chang pawh a nei fo a, mahse taksa hliam ai chuan a rilru hliam hi a thuk zawkin ka hriaa, beidawnsan ka duh lo a ni. Class kal a ngai ve reng bawk si a, ka duh angin ka tlawh hman bik ta lo a. Inrinni vawikhat chu bazara chhuah pahin Zonuna chu ka tlawh kawi a, an inchungah ni lum a lo ai a, ka han kal pawh chu hre awm jmel a pu chuang lo. Wheelchair a hringnun a hmang lai mek chu ka thlir reng a, ka mittui chu alo tla a, ka hre vat a, ka va pan hnai a,"Zonun...." min rawn melh zawk a, min chhang dawn lo emaw ka tih lai takin,"Zualte, ka kal leh theih hi i ring em?" a rawn ti chhuak hlawl a. Thu pangngai tak a rawn sawi chhuah vang hrim hrim pawh chuan ka lawm a, a darah ka vuana,"Pathian zarah i kal leh thei em em ang" ka ti a, ni e ka sawi mai mai lo va, a thlen ngei beisei chungin ka sawi zawk a ni. A thaw halh a,"Ka suangtuah thin te kha ka thleng zo lo vang tih ka hlau a ni. Ka tuina ber pawh ka zawh thei zel angem a hriat si loh..." beidawn hmel zetin a ti a. Ka khawngaih kher mai,"Zonun.. i beidawng mai tur a ni lo, tha takin i perform leh thei vat dawn alawm. I rilru kha ti paukhauh tlat la" ka han ti ve a. Tha taka kan inbiak theih avang chuan ka lawm ru viau a, "Zualte, ka zin hmaa ka thusawi zawng zawng kha chu theihnghilh vek rawh aw.. " ka hlauh ang ngei a ni,"Zonun, ka duh che asin, i lo haw hun pawh ka nghakhlel em em a, ka hrilh chak che a, hetianga i awm avang hian ka rilru ka thlak lo" ka ti a. Chiang deuhin min en a, "Kei chuan ka rilru kha ka pu ve tawh lo, chuvangin nang pawhin rilru dang pu zawk rawh. Chu chu a tha kan pahnih tan" "Enge a thatna chu?" Ka rilru chu ana ngawih ngawih a, min chhang tawh lo, hmun hla tak a thlir ngawt ngawt a. Ka en reng a, enge a ngaihtuah tih a hmelah chuan ka hre thei lo a a mitmeng chu ka chhiar thiam lo.
Ka thinlung hian zui tlat duh mah se min mamawh miah lo tu bulah hun hman reng theih a ni si lo va, alak a thu nei turin ka ngaihzawng ani lo a, chu mawlh chuan harsatna min siam a. Engvanga min duh thu min hrilh laia ka rilru kha lo sawi lo nge ka nih tih chu nitin ka in zawt fo thin. Nikhat chu kan class ho in va kan ila tiin an rel a, chawhnu lamah class thulh in kan kal a, kan va thlen chuan a nu alo awm a, room lamah kal mai tura min tih avangin kan inzui lut dam dam a, Zonuna chu alo mu a, abulah Marini alo awm a, a ke vel chu a lo hmeh sak a, ka hmu chiah chu ka thinlung hi vih ang maiin a na a. Ka thiante chuan an fiam deuh nak nak lehnghal a, hrehawm ka tih zia tuman min hriatpui si lo. Ka mualpho mai ka hlauh avangin ka chhuak ta ringawt a, bathroom lam ka pan a, ka tap tawp a. Mak ka in ti zawk, hmangaihna hi ka lo hrethiam ngai lova, hei hi hmangaihna an tih chu ani mai lo maw? Hetiang tak hian tu lakah mah ka thinlung ka pek hi ka ring ngai lo. Ka rin loh karin hmangaih ka nei a, engtikahmah ka ta ni ngai lo tur lakah ka thinlung chu ka lo hlan fel der tawh tih ka hria. Bathroom atanga ka chhuah chuan Zonuna nu chuan min lo chik hle in ka hria, min lo ko a, abulah chuan ka thu ve nghal a. Papuia cousin ka nih thu ka sawi chuan alo hre hle a, kum 3 chhung ngawt college khata kal a, in roommate an ni bawk a. An pahnih chanchin nuihzatthlak tak tak te chu a sawi kai zel a, kan nui nasa hle. Kan thiante pawh an rawn chhuak a, kan haw ta a. In ka thleng chu ka bei hi a dawng ngawih ngawih a, Marini zawng alo hmangaih em anih hi tih rilru ka pu ve ta. Kawng thar ka zawh ve anga, min hmangaih taktu zawng ka la tawng mahna!
SAVE THE LAST DANCE FOR ME-V
NE dance competition Shillong a neih turah tel ve ngei tumin keini pawh kan inbuatsaih nasa ve hle a. Ka zirlai ai maha ka tui miau avangin ka chhungte pawhin min khap ngaihna an hre tawh lo a. National dance competition a tel hi ka dream a ni a, tel ve theih tluka chak leh duh ka nei ngai lo. Ka mumangah vawi tam ka manghnan tawh a, chu chuan ka chakna a ti zual thin. Ka rilru ah Zonuna alo lang a, kan tui zawng a in ang em em a, kan dream pawh a in ang, engtikah emaw chuan he kan dream hi ala hlawhtling ngei ang kan ti thin kha a ni a. Ka in ring hman lo, ka mittui a lo tla zawih a, lam chu sawi loh, a kal leh thei angem tih pwh chu hriat a ni silo. Wheelchair atang a khawvel chu a hmang a, vawi engzatnge abiangah a mittui chu a luan ve ang? Hmangaih dang nei mah se kei chuan ani hi ka la thlang tlat a, engvanga mipa dang thlang lova min hmangaih ve lotu hi thlang lui tlat nge maw ka nih le? Ka in hrethiam thei lo, thiante pawh fuih thin tu ber kha mi pakhat avangin ka rilru a na mek a ni si a. Ka fon ri ral ral ah chuan ka ngaihtuahna khawvel atang ka harh zawk a, jam turin ka chhuak ta nghal a.
Nikhat chu Zonuna nu Nu Tluangi nen Zarkawtah kan inhmu hlawl mai a, min lo ko vat a, mahnia kal ka ni bawk a, scooty chuan ka thlah a. An kawt ah chuan a chhuk a, kal leh nghal mai ka tum a, thingpui in tura min sawm luih tlat avang chuan ka zui lut ve ta nge nge a. Tlangval pakhat hian tv alo en a, Nu Tluangi chuan, "Zonuna u chiah a nih hi, Mamuana ania, Zualtei anih hi" tiin min han inhmelhriattir a. Lo inhre thang tawh ang maiin min be ve bawrh bawrh a, doctor niin Serchhip ah a awm a, anau hetiang anih tak ah chuan transfer an dil a, a rawn awm tawh dawn thu te a sawi a. A pa hi ka lo zawt ngai miah lo va, a chanchin ka la hriat lo bakah ka hmu ngailo. Han zawh tawp chu nuam ka tih chiah loh avangin ka ngawi ta mai mai a. Zonuna chanchin te chu ka han zawt khaw mawi ve a,"Room ah hian a tawm ngawt ngawt a, lehkhabu chhiar khi a ching thar ve a. Vawiin pawh ka lei thar kha a chhiar a a muhil ta in ka hria" a ti a, amah vek chuan,"I hming hi chu ka hre daih tawh alawm. Thil hi min hrilh ve nasa thin a" a tih chhunzawm a. Ka lo nui mai a, min melh leh zawk a,"Ka nau hi a tha leh ngei ang tih hi beiseina nung ka nei tlat a, amah hi a bei a dawng em em a. Lo fuih ve thin la ka duh a ni" a han ti leh a. Keipawh hian ka duh alawm, mahse biak pawh min be tha duh lo a ni si a. A nu chu thingpui leh chhang chawiin a rawn phei a, "Zualte, rawn leng fo rawh aw.. i lokal hian ka thla hi a muang ve viau a nia" Zonuna nen kan boruak hre miah lo chuan a han ti veleh a,"Ni e ka lokal fo dawn nia" ka ti liam ve mai a, Mamuana chuan album hi a rawn la chhuak a, an naupanlai vel chu ka en a, ka hnuk a ti ulh lek lek thei nia. An inchhungah ngei ka awm a, ka ngai vawng vawng mai chu mak ka ti, hmuh pawh ka chak em em, mahse ka rilru a na thlawn ani leh mai dawn si. Muangchangin haw tumin ka tho a, Nu Tluangi te nufa chuan min thlah a, kal nawn leh tawh lo tura in tiam rilru mawlh mawlh chuan ka tlan liam ta a.
Intihsiakna te pawh kan zo ta a, Most Original award kan hum ve ran a, kan tan thil thar anih avangin kan lawm hle. Rilru a Zonuna hrereng chungin kan lawmman chu ka laa, "Zonun, i tan ka hlan e" ka ti sap a. Ka hlimni leh lungngaih ni te hian engvanga amah hi hrechhuak hmasa ber zel nge ka nih? Ka phu lo a min duh ve tu te pawh hnar zel a, wheelchair a a hringnun an mektu, min hmangaih let ve hauh lo tu chu engvanginnge ka la beisei tlat fo? A mak a ni, hmangaihna hi! Kan haw hma ni chuan Ward's lake ah kan leng a, ka hlim ve kher mai. Kan Mizo unaute nen kan han inhmu ve nawk nawk a, in hre ngailo mah ni ila hmun hranah chuan kan lo inpawh viau zel mai. Ka thiante lawng chuan lai chuan an thla te ka lo la a, mi hrang hrang thla pawh chu ka hmet kual a, thian rualkhat hian an camera min pek pah chuan an thla chu min han laktir ve a. An kal leh mai a, pakhat erawh a tawi muang hret a, ka bula rawn din pah chuan,"Hai!... Zomuana ka nia" ka phu zawk a, Zonuna hming ava ang teuh ve tih ka rilru ah lo lang hmasa ber a, ka hmingte chu kan sawi ve a. Ka ngaihsak lo viau na a, a kalsawn mai duh bik loh avang chuan ka thu a, a rawn thu ve a,"Heta awm ve tho i ni em?" Chiang zetin ka han melh a, a hmel chu alo tha phian mai. Ka awm loh thu leh kan kal chhan te chuka hrilh a,"Nang lehkha i zir em ni?" Ka han ti let ve a. A nui sak a, "Aw, Nehu ah M.Sc zir leh mek a nih hi" a ti a. A tawngkam leh chezia chu a fel thlap a, mipa dang ang lo takin ka mil zawng tak a ni. Aizawl a kan awmna te chu min zawt a, ka hrilh ve zel a, "Ka lo haw tep tawh a, lo len i phal em an chu maw?" a nui var var a. A ngainatawm takzet a ni. Mimtei chuan min rawn pawh tak avangin thildang kan sawi kual ta daih a, a ruk tak chuan a bula awm kha a hahdam thlak hle in ka hria. Ka hlauh ruk ang ngeiin Mimtei chuan min han chhaih leh sawr sawr a, ka han haw der viau na a ka lawm ru mah zawk. Min duh let ve miah lo tu buaipuia hun reng ai chuan kawng thar zawh chu a phur awm in ka hre ve tlat a. Zomuana chu a thianten an rawn koh chuan a lehkhabu a phawrh a, engemaw hi a ziak mawlh mawlh a, a pawtthlaah, min rawn pe zeuh a,"Ka fon number ang, khawngaih takin min lo be rawh aw... ka lo ngaichang reng ang" tih pahin a kal ta a. Ka han en chuan fon no.chu alo inziak a, ka kekawr ipteah chuan ka ak ta hmak a.
Zanah chuan uluk takin Zomuana no.chu ka fon ah ka han save a, biak mai chu ka hreh ve deuh avangin whatsapp a a dp vel chu ka en ta mai mai a. Hmel tha em em ti a han sawi tur chu ni chiah in ka hre lo, a lian a, a ngo lo na in a fresh em em a, a zaidam hle in a lang bawk a. A bula reilote ka awm khan thlamuang hle in ka in hre bawk. Dar 9 vel chuan whatsapp ah msg chu ka han thawn ta nge nge a,
"Hei ka no.ve thung aw.. zualtei"
Ka thin chu a phu dup dup a, min la reply mai lo lehnghal. Ka insik ru nasa hle a, dar 10 ah pawh min la reply loh fo avang chuan zahthlak ka ti kher mai. Engvanga bia nge ka nih ngawt ka ti a, ka han inhau leh rih a. Mut tumin ka inbuatsaiha, ka fon chu a rawn ri ta ral ral mai,
"ka inbuala, chaw kan ei leh nghal dai a, ka hmu chiah. Ka lom lutuk aw min lo be duh lo ang tih ka lo hlau viau ania"
Ka nui ta ver ver a. Eng engemaw kan sawi a, dar 12 pelh rak thleng kan inbiaa, kan in mangtha ve ta a. Ka muhil chu mumang ka lo nei a, Zonuna nen kham sang deuh ah hian kan lo lawn a, lawn leh zel kan tum lai takin ka thil rah chu apelh a, ka tla lek lek a, Zonuna chuan min kai zel a, hmun him ka rap chiah tih in amah zawk chu a tla leh ta, ka lo au vak vak a, Mimtei'n min rawn sawi dawt dawt ah chuan ka harh zawk a, ka thu chhuak ta hlawl a. Ka lo au chhuak chu niin , ka thlan te chuan min lo bual huh zeih zuih a, Mimtei chu mu turin ka ti a, a muhil leh nghal mai a. Bathroom lamah inbual turin ka lut ta nghal a. Mut leh ka tum chuan zing dar 3 lo ri chiah chiah a, ka rilruah Zonuna chu a awm reng a, a tha lo zual em ni ang tih te ka ngaihtuah a. ka muhil thei ta der lo.
SAVE THE LAST DANCE FOR ME-VI
Zomuana nen pawh chuan kan inbe ve reng a, a fel na chuan min hneh ani ber. Kohhranah inhmang tak ka ni lem lo a, ktp inkhawm erawh ka thulh zen zen lo thung. Zomuana erawh a phk ang tawkah a i hmang hle tih ka hre thei a, kawng engkimah min fuih kal ber tu ani. Zankhat chu ka nu leh pa thenawm mo nei tur ah an leng a, keimahin in ka nghak a, tv ka en a. Kan doorbell a rik chuan peihlo zetin kang ka va hawng a, Zomuana lo ding reng ka hmuh chuan mak ka ti hle a, lut tura sawmna chang pawh ka hre lo,"Surprise" a tih chuan ka harh zawk , lut turin ka ti a, a rawn lut ta a. Kan inbe reng a, engmah a rawn haw tur chungchang a sawi loh avangin ka hre lo hrim hrim a, min surprise chu alo tum ve ran alo ni. Sana nalh deuh mai min rawn hawn a, ka duh zawng tak ani lehnghal a, ka lawm kher mai. Rei tawk fang a len hnu chuan a haw ta a, in a thlen chuan a rawn in report leh thlap a, inngaihzawn chungchang hi kan la sawi miah lo a, zanin erawh a thu sawi a dang ve ta tlat a, Zonuna chungchang te ka hrilh vek tawh avangin a chanchin te chu min zawt a, ka tlawh tawh ngailoa ka hriat loh thu te ka sawi chuan,
"Zualte, Zonuna chu tunge tih hre lo mah ila i nunah a pawimawh viau in ka ring, mahse chutiang chu in inkar anih takah chuan lo nghah zel chu i tum em?" a ti a. Chhan vak ngaihna pawh ka hre lo, dik tak chuan Zomuana hi ka ngaina ve takzet tih chu ka hria, thinlung taka ka hmangaih hmasak ber Zonuna erawh ka theihnghilh tak tak thei lo a. Ngaihzawng dang nei ringawt pawh ni ila ka rilru a la inpeih zan loh chuan an rilru tihnat ka hlau a ni. Chuvang chauh chuan Zomuana pawh hi a chezia leh tawngkam te k haidwrvlui ve ngar ngar a. Mahse haider theih loh chin alo awm ve si. Ka chhang ta lo. Kartawp ah alo leng leh a, zawhna ngai bawk chu min zawt leh a,"Zomuan, ka ngainat ve zia che chu i hre ve tho ang. Mahse.. tunah mai chuan ka la inringtawk lo a ni" ka ti t tawp a. Min hrethiam khawp mai,"I inpeih zan hun chu kalo nghak ang. I thian nih ringawt pawh hi ka lawm tawk em em a, mahse ka hmangaih che tih hi min hriatsak la ka duh. Midang duh lawr chi i ni lo tih pawh ka hre chiang che a, ka lo nghak reng ang che" a tih chuan ka bu nghat a. Ni e, ngaihzawng ka nei leh dawn anih chuan Zomuana aia thlan tur ka nei lo. Hun reilo te ah chuan ka inpeih ve maiin ka ring.
Papuia pawh exam chawlh hmangin a rawn haw a, a nungchang a rawn thlak ve hle a, ahma ngawi chuah chuah thin kha a tawng duh ve ta hle a, kan in lamah a rawn leng deuh reng a, Zonuna nen kan inkar chu a hre chiah lo bawk a, ka lawm ru zawk hle. Nikhat a rawn leng erawh Zonuna a tha vak lo a, thla hmasa lama insawhna vang anih an ring a tih chuank zin laia ka mumang ka hrechuak thut a, "Pui, engtia insawhna maw?" Ka ti vat a, "Thla hmasa thla tir khan a chair atang a chesual deuh a, damdawiin ah karkhat vel an awm alawm" a ti a. Ka mumanga ka hmuh vel lai kha tih ka hria, a mak ka ti hle. Kan ve pawh chu ka duh viau a, ka inthlahrung deuh si a. Ka unaupa bulah hian ka rilru te hi han phawrh vek ila chuan ka thawl hawk te ka ring a, mualphothlak ka ti bawk si. Rilru nuam lo zet chuan ka kan ta lo va. Durtlang ah kan chhungte damlo min kan pui rawh a tih avangin Zomuana nen chuan a bike in kan in phur chho a, rin ai takin damlo pawh chu alo tha tawh a, rei vak lo kan thut hnu in kan chhuak a bike dahn lam pana kan kal lai chuan Zonuna leh Mamuana chu an motor bulah an lo awm a, han hel na hun a awm tawh silo, lai angreng tak chuan,"U Mamuan, Zonuna chu a tha vak nange?" Ka han ti a. Zonuna chuan min melh zawk a, Zomuana chu a melh leh a, lei lam chu a bih leh ta daih, Mamuana chuan,"Aw..hei checkup a hun leh tawh a vawiin lam chu.. enge in tih zawk a?" A ti a. Kan kal chhan te ka sawi a, tichuan kan hawsan ta a. Ka rilru chu a nuam thei lo, Zonuna hmel kha ka mitthlaah a cham reng a, ka awmdan danglam thut chu Zomuana'n a hai hauh lo, engmah min zawt lo a, kan inah min dah a, awm hahdam tura min tih hnuah a haw ve nghal a, inthiarfihlim hun hi a hre riau zel.
Durtlanga kan inhmuh atanga karkhat chiah ah Mamuana nen Chanmari ah an inhmu a, Zonuna chanchin te ka zawt a, "A tha ve zel e. Thla tharah phai ah kan kal leh ang, Zualte, lo leng phei la ka nu in a ngai viau che ania" a ti a. Ka inthiam chiah loh avang chuan ka leng ta nge nge a. Nu Tluangin min lo hmuh chuan a lawm hle a, engvanga min ngaina ve em em nge anih pawh ka hre lo. Ei tur kan siam ange tih leh thawh a rual a, Zonuna pawh alo awm a, tv alo en a, ka kal chu hre awm ang pawhin a awm lo. A thutna bula chuan ka va kal a, "Zonun.. i tha zel em?" Ka ti a. Min en chuang miah lo chuan,"Aw.. k tha ve zel e" a ti a. Han biak zui zel dan tur ka hre siloa, tv chu ngawi rengin kan en a. Nu Tluangi chu ei tur nen a rawn phei a, a titi bawrh bawrh a, a hlim hmel hle in ka hria. Enge ka tih thin tih te min zawt a, ka sawi a, ka zawh hreh theih em em Zonuna pa chanchin chu ka zawt ta nge nge a,"Nu Tluang, Zonuna pa hi khawnge a awm? Ka la hmu miah lo a, zawh che hi ka inthlahrung deuh thin, sawi nuam lo anih chun sawi pawh ngai ka ti chuang lo nia" ka han ti a. A ngawi deuh vang vang a, "Bawiha pa hian min dam rei pui lo hle , Bawiha thla nga anih hian khawsikpuiin a thi a. Bawiha te unau hi ka retheih pui ve viau asin. Mamuana lah kum 5 mi chauh ala ni si a, eizawnna mumal kan ni bawk silo. Bawiha paw chung hian chawhmeh te ka zuar kual thin a, Mamuana hi sikul kan kal tan tir ve tawh a. Sikul form te hi a thar pawh kan nei zo lo fo mai a, ka khawngaih thin asin" thingpui chu a in a,"Bawiha pa khan bank ah pawisa tlem azawng alo dah toh a hnu daih ah kan hrechhuak a, chumi hmang chuan dawr te reuh te ka siam ve a, mipa ve ve an ni si, han buaithlak chang pawh a tam thin asin. Mahse Pathianin mal min sawm a, ka dawr pawh a lian ve telh telh a, mite ang pui pui nilo mah ila tun dinhmun kan thleng ta a ni" a ti a. Pasal dang pawh nei lova a fate tul pui thak chu ka ngaisang hle. Ka haw dawn chuan pawn thleng min thla a,"Zualte, ka inthlahrung viau na a, i hman chang chuan lo kal thin rawh aw. I lokal hi chuan Zonuna pawh a hlim ve viau thin a nia" a ti a. Ka haw ta a, Zonuna chuan ka kal hi nuam alo ti tak tak emaw ni dwn chu tih ka ngaihtuah a. Mahse tawngkam tha a min thlahnaah ka ngai leh ta zawk a.
Ho taka nung ve mai thin kha kohhran leh khawtlangah ka in hmang chho ve ta hle a, Zomuana vang ani pakhat a. Min kaihruai hneh em em a, a bula awm a hahdamthlak zia ka hriat atang hian mi piangthar dik tak te chu an nunah a lang chhuak thin an tih hi ka hrethiam ve in ka hria. Chu chuan keipawh nasa takin min hneh a, a nun dan chu ka aat ve ta hial reng a ni. In nghah tir reng chu ni thei bik in ka hre lo va, zankhat a rawn leng chu full moon anih avangin kan kawt ah kan thu a, kan zai mai mai a, "Ka duh che in ka hria" ka han ti thut a. Mak tih hmel zetin min en a,"In ka hria tih chu enge awmzia?" A ti a,"Ka duh che tihna aniang" ka ti a, a guitar chu leiah a dah , min pawm a,"Ka lawm e aw..." a ti a. Kei hi lawm zawk tur ka ni, hetiang taka min duh ve tu ka tawng hi.
SAVE THE LAST DANCE FOR ME-LAST
Hun hlimawm tak ka hmang chho ve tan tawh dawn niin ka hria a, kan hun tawn ang apiang hi paltlang zel alo ngai a lo ni. Zomuana chu a zirna hmun lam pan a hun leh twh a, bazar ah a mamawh vel lei turin kan chhuak a, kan kal kual fe hnuah kan in lei fel a, kan haw tur chu Marini leh mipa pakhat bike a rawn in phur chu ka hmu a, ka rilru alo na zawk mai. Zonuna thusawite kha ka ngaituah let a, midang a kawpsan a, a tawpah ngaihdam adil leh thin tih te kha. Tunah pawh a bialpa kal theilo in a awm mek a, midang alo ngaizawng kual leh ngei niin ka hriaa, ka thin a rim kher mai. Rilru nuam lo deuh run chuan kan haw ta a. Zonuna hian a hmangaih ve takzet niin ka hre tlat a, hetianga a awm pawh hi hria se a riru a na viau in ka ring a ni. In kan thlen hnu pawh chuan ka rilru ah a awm reng a, ka awm a ti nuam lo zo vek.
Ka kawr duh alo thlen thar avangin bazarah ka thiannu dawr ka pan vang vang a, ka thlen hma deuh in Marini chu Zomuana nen kan chuah a ka hmuh tuma mipa nen khan ka hmu leh ta, ka insum hman lo ka va kuai her sawk a, ka kai dawr dawr a, a bialpa chuan min lo dan a tum na a,"Tah khan lo nghak rawh, hmeichhe buainaah lo inrawlh suh" ka ti a, thuawih takin a ding ve mai a. Mi awm lohna hmun kan thlen chuan ka ding a,"Engvanginnge hetiang hi Zonuna chungah i tih?" Ka ti khawl a, a nuih deuh suk a, min run ngei mai,"I buaipui viau chuan khatia leng mai mai lo khan va awm ta che" a ti a, a zamlo kher mai. A hmaiah ka beng sawk a, ka inthunun hman lo ani,"A rilru tihnat sak suh" tih pahin kal ka tum a, "Hetia thlir liam tawp chung hian ka duh che te i lo ti ve amaw?" Ka ding chawt a, k va hawi let a,"Hetiang bak hian i hmangaih thiam lo em ni? Theih se chuan nitin hian a kianga hun hman a, abula awm hi ka chak asin. Mahse.. kei ni lo in nang hi a hmangaih tlat si che a" a mittui chu a far ta zawih zawih a. A ngaihna ka hre lo kher mai, ka va pan hnai a,"Eng thu nge i sawi? Marin.. i sawi awmzia kha ka hre duh?" Zawhna hlirin ka khat. A mittui chu a hru a,"Ka kal dawn, ka sawi loh tawp tur ani ka sawi" a kutah ka vuan bet a, ka thingthi rawp a,"Khawngaih takin ka ngen a che, Marin..." ka ti mawlh mawlh a. A tawpah chuan min kai tho a, lungremah kan thu a, hmun hla tak a thlir a, "Zonuna hian a hmangaih em em che a, mia lerh tak anilo bawk a, kei lo hi chu ngaihzawng pawh ala neilo. Vawi tam tak a rilru ka ti na tawh a, mahse ngaihdam ka dil a, min ngidam leh mai thin. Krismas dawn khan kan inthen leh a, tah chuan hmangaih a neih thu te, thinlung taka a hmeichhe hmangaih awmchhun nih tu te min hrilh nghe nghe a. Kan pahnih hi chuan inkawp tur chi kan nilo tih ka hre tawh a, keipawhin ka lawmpui khawp mai. Chu hmeichhia, a hmangaih em em chu nangmah hi i ni" ka lo melh zawk a, hmel danglam miah lo chuan a sawi zawm zel a,"Khatia accident a tawh takah chuan i tan tling zo in a inhre tawh lo a, nitin mittui nen a hun a hmang thin asin. I duh thu i hrilh ni te khan min rawn biaa, a lawm em em a mahse phurrit mai nih a duh loh avangin khatiang khan alo ti che anih kha. In class ho in in kan ni a min rawn hmuh pawh khan a hriat veleh min rawn fon a, ka va leng phei anih kha, i theihnghilh a, amah i huat theih nan. I rin phak bakin a hmangaih ang che, Durtlanga mipa pakhat nen in kal a in inhmuh te khan a tap asin!" Ka mittui chu alo tla zawih zawih a, "I len te hian a hlim em em thin, nang hi a hmangaih takzet che ani" a ti a. Kan pahnih chuan kan mittui a tla zawih zawih a. K thil tih tum pawh ka hre chang tawh lo, ka tlan a, chak takin ka tlan zel a, Zonuna hmuh vat ka duh a ni.
Zonuna te in ka va thlen chuan Nu Tluangi chu pawnah alo thu a, min hmuh veleh a lo ding a, "Nu Tluang, Zonuna awm em?" Ka hmel pawr fap chu mak ti hmel tkin min en , "Zualte, i tha maw?" Min ngaihtuah hmel takin ti a, ka insum hman lo, ka tap chhuak phawng a, Nu Tluangi chuan min lo kuah vat a, inchhungah min luh pui a, ka lungchhe zual a reh chuan,"Engkim i hria tiraw Nu Tluang" ka ti tawp a, a bu nghat a,"Bawihan engmah swi a phal silo ati ni" a ti a. Marini sawi dan ang deuh chiah chuan a sawi veleh a, min kuah a, kan tap dun ta a. Ka hmai te ka phih a, Zonuna room lamah chuan ka kal a, a lo muhil bam a, ka khwngaih ngei mai. A lu chu ka chul heuh heuh a, rei vak lo ka nghah hnu chuan a raan meng ve chat chat a, min hmuh chuan mak ti deuh a, a mit a nuai leh a, "Enge i rawn tih dawn?" a ti nghal chat a, ka tah a chhuak ngut ngut, tukverh ah chuan ka dak vang vang a, a mut ngaiin ani pawh a mu reng a, a tawp ah chuan,"min lo pui lawk ta che" dam thlap hian a han ti a. Ka va hawi vat a, wheelchair ah thut alo tum mek a, ka va pui vat a, a in her rem a,"Zual...." "Ummm.." min en vang vang a, "I bialpa kha a fel hmel khawp mai, ka lawm pui lutuk che nia aw.." a ti a. Ka va kuah thlawp a, ka insum thei tawh lo,"Engvanginnge hrehawm min tuar tir reng a? I va sual ve" a ngaihna a hriat loh hmel a, "Ka rilru i tih nat zia hi i hria em?" Ka mittui chu a kutin a hru a,"Enge maw i hriat le? Nula ve uaih tawh tahbelh lutuk..." a ti sap a. "Engkim ka hre vek tawh" ka tih chuan min thlah a, a ngawi ta reng a. Reife kan ngawih hnu chuan,"Marini ani maw hrilh che, theihnghilh vek rawh" a ti leh a, "Zonun.. ka hmangaih che. Eng dinhmunah pawh ding la, ka hmangaih reng che asin" ka ti a. A mittui chu a rawn tla ta zawih zawih a, ka kuah bet tlat a, min kuah ve ta nge nge a, ngher lehzualin min kuah a, "Mi mawl nu.. Min kalsan hi i tana tha zawk" "Chutiang sawi suh" ka lo ti vat a. Kan lungchhiat zualpui a reh hnu chuan inhma tawnin kan thu a, "Zual, heti mai hi ka ni a, min hmangaihzia ka hria, ka lawm lutuk, mahse tah hian duhtawk zawk ang" a ti a. Tun maiah chuan engmah sawi belh ka tum tawh lo. Ka chhuahsan a, Nu Tluangi bulah chuan,"Ka lo kal leh vat ang" tiin an in chu ka chhuahsan ta a.
Zanah chuan Zomuana chu engkim ka hrilh vek a, min hrethiam kher mai. Tin, theihtawp chhuaha enkawl turin min la fuih tawk tawk zawk a. Hetiang mihring rilru tha tak an lo piang hi ka lawm a ni. Zirtawpni ah chuan Zonuna te in lam panin ka inkhalh chhuak a, ka va thlen chuan a room ah lehkhabu alo chhiar a, min hmuh chuan a lo nui ve suk a, ka lawm hle. A lehkhabu chu ka khup sak a,"Ka kalsan dawn lo che chu chu hrilh tur che in ka lokal ani" ka han ti nghal phawng a. Ka kutah a vuan a,"I inchhir ang tih hi ka hlau ani" a ti a, thil danga min hnial lo chu ka lawm hle. Min vawnna chu ka hmer salh a,"Ka inchhir na tur thil ka ti ngai lo min ring tawk la, nghet takin min vuan tlat la, ka thlah lo vang che" ka ti a, a mittui chu alo luang ngiai a, ka kutin ka hru a, min pawm ta thlawp a, "Ka tan hian i va han hlu tak em! Zualte.. ka hmangaih lutuk che" a ti ta a. Ka lo kuah hle hle a,"Ka hmangaih lutuk che Zonun..tute nge i lo kawp tawh a, eng harsatnge i lo tawh tih ka ngaihtuah lo, a tawpna erawh nih ka duh. I kal thei emaw, kal thei lo emaw, i hmangaih hnuhnung ber nih a, i kianga ka khawvel hi hman ral ka duh a ni" ka ti a. Kan mittui chu a far zung zung a, lawmna mittui a ni ta thung a.
Zonuna pawh nitin beiseina nen hun a hmang ve thei ta, kal thei tawh lo tura in ngaiin beidawng takin a in dawm kun thin a, beiseina thar anei ve ta. A theih ang angin exer te ala a, ka hman remchan apiangin ka tlawh ve bawk a. Phaiah in checkup tura an kal dawn tlai chuan chaw ka ei a, ka hlim ve hle. Mamuana leh a nu pawh ka chungah an tha em em reng a, kan chanchin atirte atangin an hre bawk a, min lawmpui ve hle a ni. Karkhat vel zet an thang tawh a, ka ngai thin khawp mai. Kan inbe reng a, hospital ah an admit thu ka hriat chuan ka hlauthawng deuh a, mahse Mamuana chuan hlauhthawn tur a awm lo a, test result pawh doctor in a that an rin thu te a sawi chuan ka thawveng huai a. Result chhuah tlai chuan min be har ka ti em em a, ka hlauthawng ani; a ruk tak chuan. Zan dar 7 velah Zonunan min rawn biaa, "Zual... ka kal leh thei dawn" a hnuk a ulh a, a sawi zawm thei lo, Mamuana'n fon alo la nghal vat a,"Zualte, Pathianin kan tawngtaina a chhang a ni. Bawiha pawh a spinal cord sawh chhe ngeia an hriat kha alo sawh chhelo tih a result ah kan hmu a, reiloteah ke in a kal leh thei ang" a rawn ti a. Kan va hlim tak em! Ka chhungte pawh ka hrilh a, lawmthu sawi tawngtaina kan nei nghal a. Nu Tluangi chuan min rawn be bawk a, kan hlimna chuan van a tawng hial ang. Lengpui airport ah ka pa hovin kan lo hmuak a, kan inhmu khawm chu kan hlim tlang hle.
Thla hnih aliam leh meuh chuan Zonuna pawh zawi zawiin a kal ve thei tawh a, a phak tawkin exer ala reng bawk a. Rei tak chhung a kal tawh loh avangin a la harsat deuh a mahse a tha chho ve telh telh ani. Hun alokal zel a, kea kal thei tawh pawha kan rin loh chu Pathianin a ti dam leh ta a. Tunah chuan a tuina ber lam pawh a ti leh thei tan ta. Kan hlim a, kan lawm a, a changin kan lawm luat ah kan mittui hial a tla thin. Alo suangtuah thin chu ataka dai turin National huap intihsiakna Bangalore a awm tur lam chu panin an chhuak ta vang vang a. A lo haw leh hunah zawng kan inhmangaihna hi tihpuitlin in a awm tawh anga, hlimna leh lungngaihnaah pawh kan pahnihin kan khawvel ni hi kan chhiar dun zel tawh ang
~The end~
(Min chhiarsak tute, like leh comment petute, ka tan in hlu- ka lawm vek e)
No comments:
Post a Comment