MY LOVE – WEST LIFE

MY LOVE – WEST LIFE

             My Love tih hla West Life in lungkuai zet a an sak hi mi pali zetin an inphuah tawm a, Jorgen Elofsson, Per Magnusson, David Kreuger leh Pelle Nylen te khawharna rawn phawrh chhuah tang a  rawn piang chhuak kan ti thei ang, he hla hi june 2000 khan an record a, kum 2000 30 October thla a an Album pahnihna tur Coast to Coast ah an single album pahnihna ang a an release tang khan ngaihhlut a rawn hlawh nghal ta em em mai a ni. UK  Single chart ah pakhatna a rawn hauh nghal thei a, Single ang a tih chhuah a ni a,”35^th best selling single of the year” a rawn hauh ta bawk a, Copy 300,000 zet an hralh chhuak thei a ni.

            Kan naupanlai a a thu awmzia pawh hre map lo leh kan lung pawh a tih len phak loh lai a, keini naupang hawkdak ve hrim hrim in nileng leng a Westlife ho hla kan ngaihthlak a kan lo en ve thin lai te khan he hla hian hetiang khawp hian kan lunglenna thu hi a sawi chhuak thei a ni maw tih hi kan lo ngaihtuah pha ngai lo a, mahse D ngaih a lunglen chang a piang hian he hla hi inhnem nan ber a hmang leh lunglen belhchhah zual nan a hmang an lo tam tawh khawp mai.

            An empty street, an empty house

            A hole inside my heart

            I`m all alone, the rooms are getting smaller.

            Ka ngaihtuahna zingphui mup chu a van ruai hian ka hria, kim lo riau a inhriatna leh riang bik riau ni a inhriatna chuan min zem a, engkim mai chuan min phatsan zo ta vek ni hian ka hria, chu zantlai reh tak hnuai ah chuan thawm ri va leh bengchheng siam reng reng an awm tawh lo, uipa huaisente tak ngial pawh thin thi diai in an mu tawh a, kei erawh mawlhtu nei niawm tak hian ngawi rengin ka pindan chhung a dawhkan hlui tawh tak bawhin ka hun liamta te ka ngaihtuah let a lung a leng kher mai. Boruak dai duih hnuai ah chuan ka pindan tukverh hawngin ka han hawi chhuak a, Pawnlam chu a lo reh dup mai a, chu khawpui muhil mek ah chuan zantir a eng te pawh an thim zo ta a, kawngpui lun tak thin pawh chu a reh hian a reh tlawk tlawk mai a ni, chu ka awmna in lian ve tak pawh chu a ruak riau hian ka hria a, chaichim bengchheng chimawm em em thin pawhin thawm a rawn nei duh tawh ta bik lo, Ka thinlung ruak leh kawrawng em em mai, in hnakfakna mamawh em em leh chawlhhah damna zawng ruai tawng silo chu sahalin a so buan buan a. keimah chauh ni mahila ka pindan ah chuan ka leng tha thum lo, a te zo ta vek emaw kati leh thin.

            I Wonder how, I wonder why,

            I wonder where they are

            The days we had, the songs we sang together.

            Kan hun liamta zozai te kha ka ngaihtuah let a, tudang reng ngai lo leh midang ngaihtuah chang tawh lo lek in inthlahlel em em a kan in ngaih ngawih ngawih thin lai te, insialrial a thu a arsi pe un mai kan thlir dun thin lai zawng zawng te kawngpui tluan a banah inkai a, kan then heuh heuh lai te kha ka mitthla ah a thar ang mai hian an rawn lang leh zut zut thin, a nui hmel pawisawi lo tak te a tawngri te chu ka bengah hian an rawn ri nawn leh thin, Zanin ang ah hian a ni lawm ni arsi zat min chhiar tir phet a tum kha. a chhan ka zawng a chhan na ka hmu si lo, eng tih ti a hetia in hal ta mai nge kan nih a, engvang a lungchim tak a in kuah vawng vawng thin kha lamkawi a in tawn chang ni te hian mihrang ang mai a in kalpel ta nge maw kan nih le, khawiah nge lungsi em em leh lungthlu zet a kan hlan biahthu te kha an bo zawh tak khaw nge kan nunhlui kha an thamral ta vek em ni. Zai nuam ti mi tak a ni a, kan zaidun fo thin kha kan hla sak thin te ka ngaihthlak leh a piang hian ka hrechhuak ziah a, mahse zaidun tik ni reng ka nei leh thei tawh silo.

            And all my love, I`m holding on forever

            Reaching for the love that seem so far.

            Hun leh nit e an liam a hring chan chhung a tawi tial tial ang hian D zun ngaih a ka tahkhua hi liam ve ang maw. Kan thuthiam leh hmangaihna zawng te kha kei chuan ka vawng nung reng a ka tan chuan hmangaihna ngelnghet a ni kumkhua tawh ang, hun in a liam pui ve loh nikhua a danglam pawh a danglam ve ngai lo ka rilru a cham reng thin chuan ka bawihtei thinlung hmangaihna laimu chu a hlat em em thung si, Thamral mai tur chuan kan nun te kha ka phal lo a heti mai a tawp turin ka pawm mai thei hek lo. Theihtawp chhuah a ka lo rinawm ve na leh ka lo at pui ve thin na zozai pawh khan hmangaih let ve hi a phu a sin.

            So I say a little prayer

            And hope my dreams will take me there

            Where the skies are blue to see

            You once again, My love.

            Over seas from coast to coast

            To find the place I love the most

            Where the fields are green to see

            You once again.

            Khartiang sawn a min liamsan ni a tang kha chuan nangmah ngai reng rengin hun leh ni ka chhiar thin a, intawn leh hun tur nghakin beiseina nen ka thlir reng thin che a, ka tawngtai thupui I ni reng thin beiseina chu beiseibo ni fo  mahse kan intawng leh ngei hi ka ring tlat a.  luiruam leh tlang tin te hrutin ka zawng ruai thin che a, phul hmun hring dup ah van dumpawl ruih hnuai a lungsi tak a kan intawn leh ngei theihnan chung khuanu malsawmna ka dil thin.

            I try to read, I go to work

            I`m laughing with my friends

            But I can`t stop to keep myself from thinking.

            Lunglen a hnem mahna, ka mangnghil ve mial maithei a sin tiin lehkhabu te ka han chhiar a, mahse lehkhabu chhung a thu te chuan ka thluak hi an thleng pha thlawt lo, hna te ka han thawk lui ve thin takna ah ka ngaihtuahna ang hian nang bawk hi I rawn lang leh thin, thiante zingah hlimzai han vawr ve chang pawn ka suangtuahna chhungril ber hi I luahkhat tlat a, ka lo ngaihtuah leh veng veng thin che a, keimah ah hian kimlo a awm a ni tih ka hre thar leh thin. Eng chen nge nang ngai reng reng hian ka awm dawn le.

            To hold you in my arms,

            To promise you my love,

            To tell you from the heart,

            You`re all I`m thinking of.

            Ka ngaihtuana a awm reng thin leh ka suangtuahna luahkhat vek thin tu chu nang hi I la ni reng a, hmangaih loh che ka harsat tluk zet hian theihnghilh che hi ka harsat em em thin, khawvel a hmangaihtu leh hmangaihte tamtak zingah nang chauh hi ka thinlung chhungril tak tang a chhuak a ka hmangaih che I ni asin ti biahthu hlan leh che hi ka duh thin, thamral ngai lo hmangaihna chu hlan che ka duh a, ka ang chhung awm kumkhua turin nang chauh lo chu ka lunglai luah tu an awm lo, kuah vawng vawng che hi ka van chak take m.