THUCHAH HNUHNUNG (Part - 16 )

THUCHAH HNUHNUNG (Part - 16 )


    Hun liam zung zung mai chuan ni leh thla tam a herliampui ve ta a, keipawhin ka lo tum ngar ngar thin MCS officer ka lo ni ve ta, kei chu Serchhip ah min dah a, Notei chu la sen hle in kum la tling rih lo mahse Serchhip lamah chuan kan chhungkuain kan in sawn phei ve ta rawih mai a. kan insawn tirh chuan awmdan kan thiam lo hle, mahse Kan nu Sawmzeli pa te hi Serchhip khawchhuak an lo ni hlauh a, Kan nu tan chuan mahni chhuahna lam a kir leh ang mai a ni, a pi leh pu te zawng zawng pawh an la awm a, keipawh mahni khua a haw ang mai kani.


                    CHRISTMAS HNUHNUNG BER

    Hun leh nite a liam a, kan vanglaini te zawng pawh zamual an liam zo ta, Chuailoparin chuaini anei a, Kumtluangpar meuh pawn Kumtluang a daih hek lo, hriatloh hlan in kan lo upa ve ta hle mai.

  

 


    “Kan nghahhlel Krismas eng a lo zam thar leh ta” tih hla an sak te chuan Lal pian champha chu a hnai ta hle tih a hriat theih a,  Vawikhat chu thenawmte in ah ka leng a, kan nuih ho deuh dar dar lai chuan kan nau pakhat hi hmanhmawh hmel tak a a rawn tlan lai hi tukverh atang chuan ka hmu a, inleng ka neih avang a min ko tur ah ka lo ngai nghal a, mahse rin loh leh beisei loh zawng tak a, Kan Nu nikhaw hre lo a a tluk thu min hrilh rual chuan hmanhmawh takin in lam pan chuan kan tlan ta nghal a, a taksa khawng vek rei ial mai kan hmeh sak a   tuilum hmang te a kan han chul hnu chuan ngai rawn awh chho in a harhchhuak ve leh ta hram a, chuti chuan hmanhmawh takin damdawiin lam kan pan pui ta ani.



    Test chi hrang hrang a paltlang hnu ah leh Xray te an han tih zawh hnu chuan Doctor  in hmunpui lam panpui tur a min tih avang chuan ngaihtha lo tak chungin chhungkhat laina te nen kan han in rawn khawm a hmunpui lam chu kan pan pui ta a ni. Phai a Doctor te pawh chuan beiseina an neih san tawh loh thu leh Kan nu natna hrik chuan a taksa a lo luah hneh tawh avangin tih dam sak lam ai mah a rei theih ang ber a nunna chelh sak chauh an tih theih tawk a nih tawh thu min hrilh ta zawk mai si a, ka hnuk a ulh nasa mai mahse ka mittui far tur erawh ka dang hram hram thung.



    Ka nupui an dah na pindan chhungah chuan ka lut a, Tukverh atang chuan pawn lam zau takin a hmuh theih a, Tlaini tla tur chuan vairam a inchhawng sang pui pui te chu a chhun sen put mai a, in sang tak tak karah chawngzawng leh Parva nupa in thlawh pel suau suau te chu a hmuh em em mai bawk a, Tukverh tang a thlifim rawn thaw lut chuan chau zawi tak a khua chuan mek ka Nupui biang vuai tawh tak chu a chhem heuh heuh a, a sam te chu a leng siau siau bawk, a sam dum tle sar thin chu rawn tuak zo tawh mahse a mawipui dan erawh a ngai reng.

    Ka thawm hria in ka lam a rawn hawi nghal vat a, thenawm khawveng te a ngaih thu min hrilh a, a lungleng chu a van ruai mai ani, Vairam chu hreawm a ti a, damdawiin chu a ning em em bawk a damrei theih nan a pui tu Doctor leh nurse rual te chu a haw em em a, an chiau chang te hian a ang nasa thei ve hle ani, mahse a tawng engmah an hriatthiam loh avang leh an fel em avang chuan duat takin an enkawl thung a, an test na result min zawt a, a dam vat tur thu leh lungngai lo tur in ka thiam ang tawk chuan hrilh mahila ka awrawl ah chuan ka thla a phang tih a hrethiam mai, beidawng leh hnual hmel tak hian lehlam a hawi sawn a, pawn lam a thlir ngawih ngawih a, a ngaihtuah thui hmel khawp mai.



    Ka duat zawh pauh leh thil awm dan chu a pangngai lo tih a hre nghal mai a, Hmelhriat lo awm ve ten an rawn awmpui chang a han nui ve thin pawh hi thinlung chhungril tak tang a rawn nuichhuak ani lo tih ka hria, kan nulat tlangval lai a kan college kal ho lai te, a tello a nikhat pawh ka tlei theih loh thin zia ka ngaihtuah let leh thin a, kha tih hunlai a kan rilru put thin ngei kha a thar in a rawn in lumlet leh ni hian ka hria, ka en in ka khawngaih tak zet a, kei ka in ngaihtuahin ka in khawngaih em em bawk, hman a kan lo nuih pui bawrh bawrh thin te chuan min ti nui zo ta lo a, tah na chuan a zui ta zel si, kan hun hlui a kan hlimna te chu min ti lungngai tu an ni  ta zawk a, harsatna kan lo tawh thin te pawh kan dinhmun ah chuan sawi nuam an ni ta zawk a. Chutia kan beidawn em em lai leh hun harsa tak kan hmachhawn lai chuan khawvel erawh  Lal krista pianni champha lawm turin an in puahchah mup mup thung si.



    Kan fa hmasa zawk n kum 2 mi lek a nih lai a kan Christmas hmang ka la theihnghilh thei lo,  duat pawh a hlawh na rawh. Chumi tum chuan kan nu in, inchhung cheina a lei teuh a, mami ta tur thil thar tam tak kan lei sak a, kan u leh naute hnenah thilpek kan pe vek bawk, Fahrah enkawlna home a ka awm thin na naupangte tan kawr thar kan leisak vek bawk a, kan chhungkua in ka naupanai a ka awm thinna Fahrah enkawlna home ah chuan christmas kan hmang a, thawmhnaw thar nalh tak nen Christmas ni a Biakin a thusawi kha chu Christmas khan ka tan awmzia a nei hle, tunah erawh chuan ngaihtuahna vakvel in kiltin kiltang a hrut vel a, nu leh pa nei lo chanhai fahrah te tan Christmas hi eng tak ni ang maw.? kannu tan ve thung hian eng nge a an tak ang, kei a tan hian eng nge ni ve ta ang le..



    kan nu hian min hmangaih em em a ni tih ka hria, kan inneih tirh a a chung a ka rilru put thin zawng zawng te chu min ngaidam vek a, a tuar hram hram thin. ka lungnih loh deuh chang te hian min tih lungawi a thiam em em a, min duat a thiam bawk a, a bul a awm chu nuam dangdai thin tak ani. Ka arsi ka damchhung a ka tan a eng reng thin chu amah ngei ani tih ka hriat hmaih lo, mual min liamsan ta reng pawh nise ka thinlung thuk tak chhungah hian a eng tawp thei ngai lo ang.


    Kum tamtak liamta a kannu tawngkam ka theihnghilh theih ngai loh chu, “ Thlasik a lo herhchhuah tawh hi chuan ka thil hriattheihna zawng zawng hian a au thin che asin” ti a min ngaih zia thu lehkha a min rawn thawn kha ani, Thuziak sei tak nilo mah se ka tan chuan awmzia a nei thui hle. Christmas thla nen hian a inrem kati thei em em a, thiante hian min awt thei hle, Pathian in ka phu loh nupui hmeltha leh fal hawihawm tak min pek avangin lawmthu ka sawi mawlh mawlh thin.



    A natna in thatlam ai mah a zual lam a pan zel tak si ah chuan in lam a a thih hun nghak turin Vairam atang chuan kan haw ta zawk a, han hnial nasa teh mahila kan nu berin haw a duh tlat avang chuan ka ti lui duh bik lo, ka hrechiang a mi chak tak ani tih ka hria, a nunna chuan rei a daih tawh dawn loh tih hi a pawm thiam thlap ani, kei erawh chuan pawm harsa kati hle thung.


    A natna chu tihdam theih ani ta loa, ngai a chelhdin theih lah ani ta hek lo, December 25 zingkar ka tho chu, tukverh ka hawng a ni chu a lo sang tawh hle a, kan nu hmel ka zu en leh chuan a lo harh daih tawh chu lo ni in, ka mutui lai min tih harh buai a duh lo hi a lo ani a. tui ka chhuang lum vat a kan nu chu tuilum chuan puante hmangin a taksa te chu ka hrukfai sak in thawmhnaw nalh tak ka bel tir bawk a, kei leh midangte pawh insilfai in kan thawmhnaw neih that ber ber te kan in bel a, kan in peihfel hnu chuan kan mutna pindan lam kan pan khawm dial a, chhung inkhawm nei tur kan ni.

  
    Kan nu Bible chang thlan ngei chu ka chhiar a, Luka 2:10-11 “Hlau suh ulang ngai rawh u, mi tin ta tur CHANCHIN LAWMAWM EM EM ka rawn thlen che u ani, Vawiinah hian in tan Davida khua ah Chhandamtu a piang ta, LAL Krista chu”. kan nu lo huaisen zia hi mak kati khawp mai, ka mittui a tla a, kan nu erawh chu ka en ngam ngang lo, ka mittui tla lai a hmuh hi ka duh ngai lo, ka tah zawm hlau in thudang ka sawi ta zawk a, kan nu hian min peih lo san hnu pawh a hlim turin min duh a, a Bible chang thlan pawh ropui kati hle, keini chhungkua thihna kotlang a ding, ka nupui ka duat ngawih ngawih boral mai thei, chutiang chhungkua tan, Chanchin lawmawm em em chu, Lal Krista lo piang ngei hi anih zia kan nu hian a hrechiang hle a, chu ngei chu hrethiam turin min duh bawk ani.



    Ka mittui tla chu ka hru mawlh mawlh a, kan nu chu ka en ngam lo, a biang a mittui far chuan min ti tap zual sauh ang tih ka hria, zai hun a lo ni ta a, hla han sak te pawh a harsa hle mai thei leh thei lo in kan han sa a, a thunawn “ Tap leh rum a lungngaihna khawvel a ka chen lai in, lungrualna zion tlang a len hun ka nghakhlel” kan sak lai chuan tiam lawk ang mai in kan tawp rual thap a kan sak zawm thei lo, kan nu in hmun hla tak a min kalsan tur chu ka phal thei lul lo, ka ngaihtuah ringawt pawh hian ka hlau ani. thlan hmukhat ah arual a zal a, lungrualna zion khawpui a hlim tak a lendun chu a let tamtak in ka thlang daih zawk ani, thih chu duh hle mahila ka thu ani silo.


  
    Kan nu chuan tawngtaina chu keiman ka nei ang e a tih avang in khumah chuan kan han thut rem tir ta a, lehkhaphekah tawngtaina thu a ziah chu a cousin Hriati chuan a chhiar chhuak ta a. ‘” Aw Lalpa ka pasal leh ka fanu hi kalsan ka va ngam lo teh lul em, ka ngai ngawih ngawih hlawm ani tih i hria e, Pa i remruatna chu sawisel thei kani silo a, ka kalsan hnu ah pawh nangman i enkawl zui dawn a nih tih ka hriat avangin ka thla a muang em em a, Pa vawiin atang hi chuan he khawvel a kan lungngaih leh beidawnna te hi min lak bo sak la, Chanchintha lawmawm em em hi kan chhungkua ta ang hrim a, lawm tak a chu chanchintha chu kan lo dawn ve theih nan kan rilru min sawi danglam sak ang che”  tiin.


    Mittui tih thlak a nuam ta lo a, khauh tak leh nghet tak  a ding reng turin min duh tih ka hre ta, inti  pachang tak a naute Christmas chibai buk chu tul niin ka hria a, Kan nu chuan a puan tha dah that te chu min lak chhuah tir a, tha tak a tuamin Christmas thilpek a tan min sem tir ta a( Kan nu hriatreng nan He Christmas hi kumdang ang lo takin hman kan tum ani, keini ai a pa chhe zawk leh keini ai a vanduai zawk tam tak an awm tih kan hre si a) a chhungah eng te nge awm tih pawh an hriat hma hauh pawhin an lawm thiam ve hle a, a chhung a mi an hmuh hnu phei chuan an lawm hle,a chhan chu kan duh lai ngawih ngawih kei ni pawh in a kan la hak phal loh te an ni hlawm a. In a ka haw chu kan nu chu a lo hlim hle a kei pawh ka hlim em em ani. kan naute thenkhat leh kan Fanu note-i  erawh chu nalh tak a incheiin biaklam lam panin an thiante an zui a, chutichuan Christmas chu lungawi takin kan hmang liamta.


    A tuk chawhma dar 11 vel ah kan nu chuan min boralsan ta a, zankhua a lo thim chuan mitthi sun khawhar thutpui turin thenawm khawveng tlawmngai an rawn kal khawm a, Kannu tello a hun leh ni ka hmang dawn tih ka han hriatchhuah chuan ka hriat loh hlan hian ka mittui a lo tla leh hman teuh hi a lo ni a. Thalai ten hla an han sa a, a thunawn “ Hla tak a rammawi ah chuan kan tan lunghlu kawngkhar chu hawn mek ani, Rangkachak khawpui mawi ah kan leng dawn e, Fakin au rawh u he lei ram mi kan ni lo”. Lairil a fan in rilru a na ngei mai, tah tur nge nuih tur tih pawh ka hrethiam lo hial a. Kan nu bul a thlen hlan chu ka nghakhlel em em ani.


    Ka suangtuahna mitthla ah te chuan kan in tawh leh hun tur ka hmu a, hmuh hlan mawlh mai ka nghakhlel ani, mi an haw zawh hnu chuan pawn ah ka chhuak a, van lam ka han hawi chho a kan chung zawnah tak chuan Siruk a hmuh theih a, kawlkil a ARSI eng tha em em mai ka hmu bawk a, ka en reng a, min rawn en let ve ngei ni a hriatna ka nei tlat bawk a, chu ngei chu kan nu nitur ah ka ngai ani, nuisang chung hian inchhungah ka lut a, ka fanu te chu a lo muttui tawh hle kei pawh ka khum ah ka muzal ve ta a.



    “Kan nunhlui liamta te ka dawn kir a lung a leng hle ka hriatloh hlanin ka mittui a lo far zung zung a,kan nu in min boralsan na pawh kum tam a liam ve ta reng mai, Kan nu in “ Thlasik a lo herhchhuah tawh hi chuan ka thil hriattheihna zawng zawng hian a au thin che asin””  a tih kha ka theihnghilh thei lo, Thlasik chu vawitam tak a herliam ta a, kan nu erawh chu a lo kir leh tawh lo. April par  pawh vawi tamtak a par nawn a, kan college luhna hlui a April par hnuai a thutna pawh kha zirlai eng emaw zatin an rawn luah ve tawh thin anga, kan thawnthu te hre silo hian an vanglaini chu an chen ve awm si a. Sawmzeli nen a kan thutdun thin na “Bil tree” hnuai leh April Par” hnuai ah te khan Batch engzat tak nge lo thu ve tawh ang le. Library chu a la ngai reng ang a. kan class room te erawh a danglam ve tawh ta ve ang.


    Ka nupui a boral hnu reilote ah chuan Serchhip tangin Aizawlah Education Department ah Under Secretary turin min sawn phei a, kan nu lu nghahna chhuahsan chu ka hreh hle thu neitu te leh CM hial ka biak hnu pawh chuan awmzia a nei ta silo a, kan mamawh che a lawm  bakah nangni ang officer tha te chu Aizawlah in awm ngei ngei a ngai ram tan chhawr tangkai theih in awm hi a tha “ tiin min transfer lui ta tlat a, ka lung a ni lo hle Aizawl chauh hi mizoram a ni lo, tihte ka rilru ah a awm neuh neuh a Mahse kawng lehlamah chuan mahni hmasial lutuk tepawn ka in hre ve deuh bawk si kan nu lunghahna hmun nih vang ringawt a chhuahsan hreh ka ang ve lawi bawk a.


    Serchhip tang chuan phurna nei map loin Aizawlah ka insawn chho ta a, Note-i leh kei chauh kan nih vang chuan ka khua a har ru thri hle, a chang changin Sawmzeli nu chuan min rawn awmpui thin a mahse a ni pawh in lam ngaihtuah a ngaih ve tho vangin kan mamawh ang a tam ang hu erawh chaun min awmpui thei lo, Sawmzelinu in min rawn awmpui chang chuan ka thla a muangin ka lunglen pawh a hnem thei hle a, mahse a haw chang hi chuan kan khua a har hle thung. lo theih lohin awmpui kan la a, nula fel takin min awmpui a Note-i pawn a ngaina hle. Sawmzeli unaute an rawn haw chang hian kan in ah chuan an awm chawt bawk a, kum khat vel kha chu ka lunglen pawh a hnem khawp mai mahse min rawn awmpui reng thei bik lo a, an hna vang leh zirna vangin min Phailamah min chhukthlaksan leh zel a, kum khatah thlakhat pumhlum pawh an awm hman meuh lo, chutihlai chuan ka khua a har thei hle a mahni a zu in keuh keuh ka ching tan ta a.


    Chutia zu lem keuh keuh ka chin tak ah chuan Notei-nu ka ngaihna leh ka lunglenna chu zu hmang a hnem ka tum ta fo a, a damlai a ka lo duat tawk lo kha ka inchhir a, ka indem a, ka inhua a, nun chu hreawm kati takzet ani. engkim hi a khawhar thlak a, khawvel hi a ruak huai hian ka hria a ni, inkhawm loh ka ching tan a, office ah ka tlem em em a, hna ka thawk tha thei lo a, Ka fanu ngei pawh chu ka ngaihtuah hman thin lo, School a la kal thei lo deuh a, kum 2 mi lek a la ni, Ka Fanu chuan min mamawh em em ani tih ka hria, engkimah min ring a keimah ah chuan a rinna zawng zawng chu a nghat tih pawh ka hei lo mahse keimah takngial pawh chu ka inringtawk tawh silo. mahni pawh a in ngaihtuah zo tawh lo chuan ka fanu chu engtin nge ka buaipui theih tehlul ang.


    Zankhat ka zurui chu ka Note-i chuan min rawn tiharh a, “A pa ka ril a tam” hi a rawn ti a, “Bawihte.. tlaichaw i ei lo mi..?” kati a. “Aw a pa chaw i ei lo a, keipawh ka ei duh lo”.. “Note kei chu ka ril a tam hleinem.. ngati nge chaw ka ei lo vang ngawt a chaw i ei loh a. ka siam sak ang che  ei rawh aw..” kati a. “A pa min ei pui rawh “ a ti tlat a. eng ang in zu in in rui thin mahila ka Fanu chu ka la hria, a lungawi nan chuan tiin zantlai tawh hnu ah chuan kan awmpui nula pawh chu kaitho chuang lo chuan choka ah eitur kan dap a, Note-i chu chaw ka ei pui ve ta a,. Chaw kan eikham a ka seng zawh hnu chuan khum lam chu kan pan leh ta a. khumah chuan kan thu dun ta a.


    Ka fanu hi min mamawh ang a tam a bulah ka awm lo tih ka hria, ka pawm a ka tangah chuan thlamuang takin a bei hle hle a, a khua a har in a lung a leng ngawih ngawih a ni ka hai lo. “Pa.. a nu i ngai ve em..?” chu thu chu zawh na chang a hria ang tih pawh ka ngaihtuah ngailo hrim hrim, a nu a lo ngai ve he dawn a nih hi, a khua a har in a lung a van leng ve thin dawn tehlul em..? kum khat leh chanve tehmeuh a liam tawh chuti chung chuan a nu hi a la hre reng a nih chu kum 3 mi lek tan chuan chu zawhna chu a ril mah mah ani, ka hrilh a hai hle. engtin nge ka chhan tak ang. ka ngailo kati dawn em ni, nge ka ngai lutuk tiin ka fanu rilru no tak chu ka tih no belhchhah tak ang, “Bwihte..  a nu pawn kan pahnih hian min ngai lutuk a lawm..” chu thu sawi ringawt pawh harsa kati tawh muhil tawh se ka va ti tehlul em, min zawh belh chuan ka tap chhuak thei hial ang. “A pa a nu in zu in a phal lo asin..” “Note mu tawh ila  a tlai tawh si a, mu tawh ang aw..”


    Note-i muthilh hnu chuan Bathroomah ka lut a tah rin hlau takin ka ka ka hup a ka tap ta hawm hawm a, Malsawmzel i fanu hian engkimah a chhun che a nih hi, kan inneih tirh a ka lo tih hreawm zia che leh keimah vang a i tah nasat zia kha engtikahmah ka in ngaidam thei tawh tawp lo ang, ka tan a i tawngtai nasat thin zia leh zu ka sim theih nan a Pathia i auh nasat thin zia kha ka hria sin, ka zurui chatthla luchungah kut nghat a min tawngtai lai pawh ka hre thin, mahse min ngaidam ang che ka ngai em che tin ni, engmah hian min hnem thei silo a, zu ka in hian ka chahthlak in engmah ka hre lo thin a chu chu nuam kati a ni, harhfim a ka awm chuan ka ngai em em che tin ni.


    Zu chu sim ka duh a, mahse zu in ka thisen a chiah hneh tawh em vang chuan keimah mai chuan ka sim thei tawh lo, min tanpui a hmangaih tak a min kilkawi reng tu awm sela chuan ka sim thei ngei ang, mahse keimah chauh chuan ka sim thei ta lo, Pathian hnenah pawh ka tawngtai fo “Ka pa zu ka nghei theihnan min pui rawh” tiin eng ang in tum nasa teh mah ila zu ngawlvei ka nih tawh miau vang chuan sim a hnekin zual lam ka pan zel si. ka thisen in zu a hmuh loh chuan ka tlu ta fo a, ka thih phah hial dawn thin.


    Ka fanu pawh chuan min hlau ta a, ka kiangah thlamuang takin a awm thei ta meuh lo, ka hna tang chuan suspend kani a, ka sum neih zawng zawng pawh ka chen ral ta, Ka Fanu khawvel a ka neihchhun pawh chu ka seilenna Fahrah enkawlna Home ah ngei khan Tlawmngai pawl ten an dah a, Keimah ang bawk a Fahrahin nun a hmang chho ve dawn ta anih chu. zu hrilh k ngaihtuah vang leh ka ruih reng vang chuan ka fanu chuan min hlau a ka hmuh pawh min phalsak tawh lo, tichuan kei chu zu vang a thih hmabakin ka awm ve ta a lo ni a.


    Tumkhat chu ka lung a leng hle a, Malsawmzeli nen a ka hun hman tawh na zawng zawng te ka fangkual a, April Par hnuai a thutna te, Bil tree” te, College Bus leh Library zawng zawng te nen, ka lungleng chu ka tapchhuak hiala, ka haw kawngah chuan ka rui hle a, chak takin Motor ka lo khalh hi a lo ni a, Vai Truck in min su a, nikhawhreloin ka awm zui ta a, engmah ka hre zui ta lo.


    Ni 7 zet mai nikhawhrelo a ka mut hnu leh ka thi emaw an tih hial hnu chuan ka harchhuak leh ta hlawl mai a, chutia ka han harhchhuah meuh chuan Damdawiin ah ka lo mu reng mai hi a lo ni a, ka mang a ang in mak kati a, pawi pawh kati hle ni sarih zet zu in lo a ka lo mut reng tawh vang chuan zu chakna pawh ka nei leh ta lo a, mahse ka ke dinglam tliak vang erawh chuan rei tak chhung chu ke in ka la kal thei dawn lo a, ka kal theih hnu ah pawh tiang hawl a ngai ngei dawn tih thu te ke hre leh ta zel a, Pathianin min zilhhau dan leh ka tawngtaina a chhan dan chu mak kati in lawmawm pawh kati hle.


    Ka harchhuah hma hret chuan mumang ka nei a, ka mumangah chuan Malsawmzeli ka lo hmu a, a lo hlim em em mai a, khati ang reng reng a a hlim kha ka la hmu ngai lo, a lawmna chu a famkim a a thlamuang hliah hliah ni ber hian ka hria. chutia “April Par” hnuai a kan thut reng lai chuan ka hmuiah duhthawh tak hian min lo fawp a, a nui ver ver a, minkuah a, min ngai ngawih ngawih a ni tih ka hria, min kuah nghet em vang chuan ka thaw a chham dawn hial a, “Bawihi . ka thaw a chham dawn nia ..” kati a.. min thlah a.. ka thaw chhuak a..” hmangaih luatah Min rek hlum dawn alawm,” kati a.. a lawm a ni tih ka hria, lawm avang a mittui far zawih zawih chung chuan min kuah leh a. tichuan Damdawiin ah kha ka rawn harhchhuak ta a nih kha.


    Kha ka mumang kha ka ngaihtuahlet pawh hian awmzia ka hrethiam loin mak kati thei hle, chutia damdawiin a ka harh ta chu ka bulah Doctor kawr ha hi ka khum bulah ah hian bawkin a lo muhil reng mai a, nurese rawn lut chuan ka harh tih a rawn hmu a, ka bul a thu Doctor muthlu chu a hrilh vat a, min buaipui nghal char char a, ka chauh em vang chua ka meng fiah lo ruai a, min buaipuitu doctor hmel pawh chu ka hmu fiah thei lo.


    Thlakhat zet damdawiin a ka awm hnu chuan ka keruh tliak pawh chu an zawm leh thei tawh a, ka taksa pawh a lo chak chho in ka tisa pawh a inhnawh khat ve ta a, hmel panngai ka lo pu ve leh thei ta, ka Car an suk chhiat vek tawh chu Insuarance lamin a tharin min thlak sak a, ka in enkawlna lamah ka Pawisa te chu kam hawk mahse Kan nu khan pawisa hman a thiam em vangin min lo khawl hnem sak hle hi a lo ni a. thiante leh thawhpuite tanpuina zawng zawng nen ka in enkawl senso chu ka pawisa khawl chu a che aih lo ang a ni.


    Min enkawltu Doctor chu Lalmawizuali a ni a, nikhawhrelo a ka awm chhung zawng leh Damdawiin khum a ka mut chhung zawng chuan a mah chuan min lo buaipui vek a, chhugkhat laina pun tur neilo ta fam chu ka accident tih pawh chu hria angaihventu pawh ka lo neilo hi a ni a, Ambulance in Damdawiin a min dahluh zan chu a Duty zan a lo ni hlauh a,  a mah chuan engkimah mawhphurhna a lo la nghal vek a lo ni a, ka lawm kher mai.ka thiante pawh a lo hrilh kual a, Sawmzeli chhungte pawh a lo hrilh a, a tir tak phei chuan ka thaw a tawp ti tih a, dam a ka chhuah leh theih pawh an ring tawh lo, mahse ka chungah Mawizuali beiseina a la neih tlat vang chuan darkarkhat zet ka lungphu a tawp hnu in ka thaw leh hlawl mai a mak pawh an ti tlang hle. a doctor puite sawi dan phei chuan tap chungin min lo au lawm lawm hi a lo ni a.


    Chutia ka han leikan ve deuh hnu chuan damdawiin a awm reng pawh chu ka ning ve ta bawk a, chhuah chu ka tum ve ta ani, ka chhuah dawn ni chuan Mawizuali chu amah chauhin ka khumah a rawn kal a, a in a haw ve mai turin min sawm a, mahse Mawizuali chung a ka inthlahrun em vang leh hmangaih tlak ni a ka inhriat tawh loh vang chuan ka hnar a, ka in haw zawk mai chu ka duh thu ka hrilh ta zawk a. mahse min hrilh leh dan chuan in ka lo nei tawh lo hi a lo ni a, ka inluah lai chu midangin an luah tawh a, ka bungrua tepawh ka Lawyer (Mawizuali min li rawih sak) in hmun himah min lo dahthat sak vek tawh hi a lo ni a. duhthlan tur ka neih loh vang chuan Mawizuali in lam a haw mai loh chu tih tur ka nei ta lo. khtaia a zirchhuah hnu khan a in indang ve a, mahni a in nei in clinic a hawng ve a, Doctor lar tak a lo ni tawh hi a lo ni a. mahni buai buai i kan buai a chanchin engmah ka lo hre lo a, mahse a ni chuan ka chanchin a lo ngaihven reng thin.


    Mawizuali inah chuan mikhual takin ka lawi lut ve ta a, Wheelchair a thu ngang ka nih si vang chuan chu mi ni chu awmdan thiam harsa ka ti ngang mai, Pasal neilo in a lo la leng char char hi a lo ni a, ngaihzawng te chu han nei ve lawp lawp thin mahse tumah thinlung takin a hmangaih thei lo a, chuvang chuan Pasal pawh a la nei lo, Nula hausa tak hi a lo ni ringawt mai a ni. chhun velah chuan Hmeichhe naupang uniform ha hi an awmpui nula nen chuan an rawn inzui lut bem bem a, chu hmeichhe naupang chu ka lo en reng a, a hmeltha in a felfai reuh ngei mai, Mawizuali chuan “Tu nge ka mikhualpa hi han en tehle a hmeltha em” a han ti a, chutah chu naupang te chuan min en reng a, tichuan ka lam hawi in a rawn tlan a, min kuah chawt a, “A pa tiin a tap ta hawm hawm a..” Ka fanu Note-i lo nirengin.


    Mawizuali chuan home tangin Note-i chu a lo lachhuak a, a fanu ang tak takin a lo enkawl hi a lo ni a, school te a lo kai tir a, nu hmangaihna chu a lo dawn tir reng thin. Mawizuali`n ka phatsatna min chhanlet dan chu ropui kati a, phulo pawh ka inti. ka chunga thatchhuah a la bansan miah lo leh ka tan a a la in pumpek thei hi hriatthiam har kati a, ka indem takzet ani.


    Zu ka nghei theih tak hnu chua ka hna zawm leh dan tur te ka gaihtuah a, mahse ka ke a ka la kal thei rih loh vang chuan chetsawn pawh harsa kati hle, ka ke chuan that lam a pan ve zel a, ka nun pawn awmzia rawn nei chho in mumal takin hun ka hmang chho zel a, in ah awm tlawk tlawk bak tih theih ka la nei rih si loh vang chuan ehkhabu chhiar lamah leh Lehkhabu ziah lamah te tan ka la ta zawk a, Computer hma ah thu in Facebook te chu ka kawm chawt a, Lehkhabu pawh kum khat chhungin Pathum zet ka tichhuak ve hman ta. “A tak ngei a ka tawn Hmangaihna thawnthu “April Par” tih te, Raltlan” leh “Pindan Khawhar” tih chu ka ziak zo ve hman a ni.


    Kum khat tehmeuh Mawizuali in a ka awm hnu chuan ka ke pawh chu a pangngai chho ve ta a, mahni in ka kal ve thei ta chutia ka han kal thei ta chu Mawizuali in a awm reng chu ka inthlahrung ve tawh bawk nen in indang ka tum ve ta a, chu thu ka hrilh chuan Mawizuali chu a ngui ruai mai a, “i thu thu lawm, i tih dan dan a ni mai” tih te chauhin min chhang a, a roomah a lut nghal daih a, chumi zan chu zankhua in a rawn chhuak leh tawh lo, zingah pawh chuan kan thawh ve hma in a Clinic ah a lo kal daih a, zing dangah chuti em em a a kal hma ngai pawh kan hre silo. a lungawi lo hle tih ka hria, mahse a lungawi loh chhan tur ka hre lo, kum khat tehmeuh kan awmchilh in kan tibuai nasa a a tan hnawksak mai pawh kan ni thin tunah chuan ngaihtuahawm pawn ka awm tawh lo a, rul dawn i la a sum zawng chuan dam a kan awm a nih chuan kan rul thei mai ang mahse a mi duhsakna leh a hmangaihna zozai te hi zawng kan rul let thei dawn hauh lo.


    Zanah chuan dar 10 ah a rawn haw a, a rawn rui haw deuh bawk a, nidang a a awm dan nen a in an loh em vang leh tet te tang a zu in ngai lo leh Fel famkim a an sawi thin rilru thianghlim em em in zu a in ve ta mai chu mak kati in ka hrilhhai hle. a  room ah a lut a khumah chuan a bawk nghal thlawp a, a tap nghal hawm hawm a, Note-i chu a mu tawh a Mawizauli khmun bulah chuan ngawi reng in ka thu a.

THUCHAH HNUHNUNG ( Part - 15 )

    THUCHAH HNUHNUNG ( Part - 15 )


    Sawmzeli ngawi reng a kun chu a khabe ah dawm chho in a mitah tak ka en a.

     “Tu fa nge....?”
    “Nangmah ...” in thlahrung zet hian a ti a.
    “Dawt sawi suh..” Hnuailam a en leh nghal vat a a hlau khawp mai. a kut a seh a. mahse a khabe ah chuan dawmin ka in entir leh nghal vat bawk.

    “I chhungten an hria em..?”
    “aih  ...”
    “I hrilh dawn em..?”
    “Aw...”


    A chhungten an hriat hunah engtin nge ni ta ang, tawngtheilo a nihna behchhan in an sual duh phei chuan Jail ah hial min tantir thei, a nih loh vek pawn mualpho tawpkhawk in kan mualpho ang, engtin nge ka tih tak ang Sawmzeli min hmangaihna hi khawvel in an hre vek bawk silo, Tawngtheilo a nih vang a pawngsual ah pawh min puh thei, Chanchinbuah leh Facebook ah tepawh min chhuah mualpho vak thei, ka rilru chu a baihvai kher mai, kan pahnih chauh chuan a rai tih kan hria,  ka rilru chuan tihtlak mai a duh ka fa tan ka pawm thei hlawl lo, Kafa a lo nih tak tak phei chuan a mualphothlak dawn lutuk.


    “Ti tla mai la..” Mak ti tak hian min en a.
    “Aih..”
    “I mualpho dawn lutuk a sin..”
    “Pawi lo..”
    “Ka mualpho tel ve dawn a sin, tufa ng enge an tih hunah engtin nge i chhan ang..”
    “Ka hre lo..”
    “Nih chuan ti tla awh..”
    “I duh loh chuan i hming ka sawi chhuak lo ang..mahse ka titla dawn lo..”
    “Engtin nge i chawm ang..?”
    “i duh loh pawn keiman ka enkawl seilian mai ang..mahse mahni fa ngei tih tlak te chu engtin nge i tih theih zawk, khawngaihna chhe te pawh i nei ve lo em ni, min hmangaih lo a nih pawn he naupang tal pawh hi i hmangaih lo em ni.” a tap zawih zawih a.


    Khumah chuan ka thu hnawk a, ka ngaihtuahna chu a zing phui mup mup mai, ka hun liamta te ka ngaihtuah kir a, Aizawl khawlai a nausen thimai tur a hnutchhiah ka nih lai te, Nu leh Pa tello a hreawm tak a ka seilen lai zawng zawng te nen, ka chan ang kha tumah hian chang ve lo se ka duh, Ka fate phei chuan tawng ve miah lo se ka duh, He naupang Sawmzeli pumchhunga awm pawh hian ka tawn ang hi a tawng ve thei, a tawng lo thei tho bawk, mahse chu chu keimah thuthlukna siam dan a zir chauh in a ni ang. chu mi ni chuan lunghnur zet hian Sawmzeli chu a haw a, a chhuahpah chuan a mittui chu a hrufai mawlh mawlh a, inthup a tum nasa ve ngei mai.


    Malsawmzeli a haw hnu chuan ka ngahtuahna chu a vak thui hle hmuntin kiltang a fang vel a, Piputen Uire leh sawnthlak thin nupui pasal a an lo nei duh ngai lo kha a dik thei dawn viau dawn a nih hi tih te ka ngaihtuah a, ka piandan kha ka mawh a ni lo kawnglai a thimai tur a hnutchhiah ka ni pawh kha ka thu a ni hek lo ka seilen dan pawh kha ka thu a ni lo a, mahse he naute piandan tur leh seilen dan tur erawh hi chu keima thuthlukna ngei ani. Nu Bm-i bulah chuan ka tlanthla vat a, ka thil tawn leh a harsatna zawng zawng chu chipchiar takin ka hrilh fai vek a, Nu Bm-i chuan ngunthluk tak a lo ngaithlain  harsa tak hian a rawn tawng chhuak a, “Ka fapa chuthil i chung a i thlen tir ta mai chuan min ti lawm lo kher mai, mahse i daibuak chu rut leh thei lo mahnila tihthei tlem tal i neih chuan ti lo in awm hauh suh ang che, chuvang chuan Malsawmzeli chu Nupuiah i nei ngei tur a ni, tunah hmangaih lo mahla fate in neih a, in awmdun hnem chuan i la hmangaih ve mai ang, Naktuk ah Palai kan tir nghal dawn nia “ tiin min lo chhang a. hreh tak chung chuan tih theih ka neih si loh vangin ka pawm ve ta a.


    Palite kan tir a, a chhungte pawn kan chanchin engkim chu an hriat ve tho vangin an lo hnar duh bik lo, tichuan Mawizuali neih nan a ka Pawisa khawl zawng zawng chu Sawmzeli neih nan ka hmang ral ta vek a, Kohhran dan thianghlim ka ngaihsan em em chu ka bawhchhe ta, Kristian chhungkua din tum ngar ngar thin in bul ka tan dan chu a kristian lo kher mai, kan inneih ni chuan nui hmel te han pu ve bawk mahila ka rilru rumin a tap a, Mawizuali chuan min phatsat tih hre tho mahila chu mi chuan Mawizuali ni zawk se ka ti kher mai, mahse ka tan khuanu dunlawk chu a ni si ka pawm thiam lo kher mai, mahse kei a dan rual lah a ni silo. Chumi ni chuan Mawizuali nu leh Pa leh a unau dang zawng zawng te pawh an rawn tel ve a, Tah hial ni ka duh ni, Biakin Birthroom ah chuan a rukin ka in hru mawlh mawlh ta reng a.


    Pathian hnenah chuan “Ngati nge Sawmzeli kher..? Ngati nge Ka nuapanlai tawh a min hrechiangtu leh ka hmangaih zawk daih Mawizuali kha a nih loh” tiin tih tak zet in ka zawt a mahse a chhanna pakhat mah ka dawng lo, Mawizuali u Rampuii ka hmuh mawlh chuan ka rilru a na zual, Ka awmdan chu Sawmzeli pawh chuan a hrethiam vek a, mahse hlim luih a tum hram hram thung, Ka phone ah chuan thuthawn a rawn lut a, ka han en chuan ka number hriat ngailoh tang hian Mawizuali chuan he thuthawn tawite hi a rawn thawn a, a tawp ah a hming ziak loin keimah chauh in a ka kauh dan thin “Fifi” tiin a rawn ziak bawk.


    “Ka thian, I nupui neih ni a ka telve thei loh vangin min hrethiam dawn nia, Hlim tak awm zui zel turin duhsakna ka hlan a che u.. Fanau maltluan chawiin leng ang che u. Fifi..”


    Mawizual engtin nge I TELLO hian ka hlim theih tehlul ang, i tello a nun hreawm ka tih em vang a nih hi he hun hreawm leh zual hi ka tawn ni, chutiang chung chuan ka hlim theih i ring chiah a maw, vawiin te hian nang han ni zawh teh la aw, mahse ka bul a ding hi nangmah i ni lo tih ka hrechiang ropui si.


    Sawmzeli nen a kan inneih zan te chuan kan in a lian lo in chhungkhat laina hnai em em ka nei lo bawk, Sawmzeli unau thenkhat te leh Nu Bm-i leh ka thiantha te tak tak te tih loh chu riak pawh an awm lo, zanah chuan Sawmzeli bul a mut pawh chu ka duh lo a, Ka thiante bulah chuan ka mu lui vel a, ka thiante chuan “ a zak a a mu ngam lo” tiin min chhaih vak vak a, mahse ka rilru tak tak erawh an hre si lo. hun  a ral zel a, thiante an haw darh vek hnu pawh chuan a bul a mut chu ka la hreh deuh tlat a, mahse a ni em em lo e tiin khumkhatah chuan kan mu tho a, puan hrang ve ve kan sin thung. chaw pawh ei loh zeuh zeuh ka ching a, ka ei chhun pawn ka ei tam lo a, a rual pawn kan ei thei meuh lo. kan titi khat em em a, TV kan en pawn ngawi reng in kan  thu a, min biak chang pawn a rulawk chauhin ka chhang thin, HLawh ka lak pawn ka mamawh zat tur ka la a, a bang zawng chu ka pe vek zel.


    Chutia thlahnih zet lungsilo tak chung a kan inneih hnu chuan Mawizuali pawh a zirna zo in a rawn haw ve tawh tih ka thiante tangin ka hria a, hmuh ka chak ve hle mahse hman a hnamdang hnen a min phatsann kha ka la hre reng a, hmuh erawh ka tum kher lo, Nupuite kan lo nei ve tawh bawk nen hmuh loh pawh pawi kati em em lo, Ka zu in pawh chu ka la bansan thei chuang lo a, mahse ruikhawp a in erawh ka nei tawh lo, ka hna pawh mumal takin ka chhunzawm tawh a, lirtheite kan lei ve tawh a. Ka sum thawhchhuah ang ang te chu Sawmzeli chuan thiam tak a hmangin kan in pawh a khat mawi tawk ve hle tawh.


    Nikhat office pan a ka tlan chu ka motor chu Bike in a su a, a side-glass a chhiat vangin Workshop ah ka dahlut a, hmanhmawh zet hian Office lam chu ka pan leh a, ruah a tlak deuh sar sar vang chuan kan Office a hla tham ve bawk nen Taxi rawn tlan chu ka phar ding a, a hnug sit ah chuan ka thu lut ve rawih a, tah chuan Nu hleitling leh ngo zet mai hi a lo thu ve a, ka en tha vak lo a, a hmel chu chiang takin ka hmu lo. chutihlai tak chuan Taxi Driver chuan Car-tape ah Lalnunsanga sak “D Hlui” tih hla chu a rawn play a, ruah chu nasa takin a rawn sur a, Traffic a zam zawm zui zat bawk a, ka chunglut ve laklawh tawh bawk si, ruah a sur bawk nen a ngeiawm duh ang reng hle.


    Nupakhat chuang ve chuan a Pen a thlauh a ka ke bulah tak ah a tlak vang chuan ka ban vat a, ka pe ta a, tah tak chuan a hmel chu chiang takin ka hmu fuh ta a, Mawizuali chu lo ni rengin, mak ti tak hian min en a, sawi tur kan van in kan tawng te chu a bah nuah mai. “I lo dam thin maw..” kan ti rual thawt a. chutihlai tak chuan Car-tape ah chuan Lalnunsanga chuan “I lo dam thin maw.. aw D Hlui aw D hlui. Lungkim lo em em chung si hian e.. hei chauh hi ka zawt  ngam a che “ tih lai tak hi a rawn sa vek mek  bawk a, chutah zet zawng nunhlui kumpui sulin a liampui tawh Puan ang a chulhnu chu a rawn thar leh a, lung a leng in hmelah chuan a lang chhuak nghal thei. Taxi driver chu zu heh hmel deuh tawng duh zet hi a ni a, a ngeiawm duh hle mahse keini erawh ngawi rengin kan thu ta daih thung a, tah a chhuak duh ngei mai. lehlam kan hawi ve ve a, Mawizuali chuan a hmai a ruah mal rawn tla nge a mittui tih ka hriat loh chu dimte hian a hru leh zeuh zeuh thin.


    Millenium kawt kan thlen chuan Traffic zam bawk chuan min dang leh a, ruah a sur tawh lo bawk a tahchuan chhuanlam siam in ka chhuk san ta a.


    Nikhat chu Pawl 12 kan zirpui thianho Reunion an rawt a, hna te kan lo nei ve fur hlawm tawh bawk a, an phur hlawm hle a kei erawh ka phur rual rualin ka hreh ve angreng hle, kan thianho zingah chuan keimah chiah chu nupui nei ka la ni a, a dang zawng chu an la leng a, Ka nupui hruai ve tur in min ti a, mahse Sawmzeli`n a hreh em vang chuan ka kalpui ta lo a, tha pawh kati zawk tho, kan chawei khawm na hmun tur Sangsangi te in kan thlen chuan thian hlui te chu an lo kim tham tawh hlawm a, kei chu a kal hnuhnung pawlah ka tang a, a hnung ber erawh ka ni lo, Mi 12 dawn lai kan ni a, kan zavai a kan kim thei chu kan lawm in mak pawh kan ti hial a ni, tumah zirtluantling lo kan awm lo a kei chu a hna hniam ber pawl kani, thianpa Tete-a pawh Bank Manager a lo ni duah tawh a, kan han in hmu chu kan phawk dun hle.


Mawizuali chu ka bulah a awm reng a engmah a la danglam lo nge ka bul a a awm khan a mizia diktak a lang leh zawk, ka naupanlai ang thlap khan min la kawm a, kan tawngkam hman pawh a la ngai reng mahse thinlung tak tak in erawh kan inkawm thei tawh ngang lo, lungkim lo tak hian kan titi a, kan tawng muang dun hle, kan thusawi tur pawh chu kan ngaihtuah chiang hle tih a hriat reife kan ngawih hnu ah kan tawngchhuak leh thin.


    Tlai chaweikham chuan kan titi ho leh a, kan hunliamta te kan sawi a, kan nui vak vak a, a hlimawm rual rualin a lunglenthlak duh ngawt mai, Tin a lo hun ta a, Mawizuali thlah rawh an tih tlat vang chuan chak si hreh si chung hian ka thlah ve ta a, mahse ka rilru a awm erawh ka lantir lo, Mawizuali chu ka Car ah chuan a lut a, an in lam pan chuan Car chu a tlan ve ta zel a, kum engzat chiah nge Mawizuali te inah hian ka kal tawh loh a an car hi ka khalh loh tawh le, Mawizuali nen a Scooty a kan in phurh loh na chin pawh a rei ta ngawih ngawih hle mai.


    Kan tlan zel lai chuan ka rilru a thil awm in  hnawh ut ut chu sawi chhuak lo in ka awm thei lo,  Chaltlang kawng kawngpui in awm loh na Vaivakawn lan theihna ah chuan ka Motor chu ka ti ding a, “Rawn chhuak teh;;” tih pahin ka chhuak a, muangchang hian mi rawn zui ve mai bawk a. ngawi rengin Vaivakawn in eng phuau mai chu kan thlir reng a, thir khamphie chu kan vuan a, ka su le neuh neuh thin.


    “Mawizual... Sawmzeli hi ka hmangaih vang a nei ka ni lo tih i hria tiraw,,?”
    “Ngati nge chu thu chu i sawi a..”
    “Ka rilru a nuam thei lo...”
    “I hlim dun hle emaw kati a sin..”
    “i hresual a nih chu.. Ngati nge min phatsan hmasak kher a..”
    “Sanga engtiklai mahin ka phatsan ngai lo che a sin..”
    “Rakesha kha..  “
    “Kan in ngaizawng hleinem..”
    “Kan in ngaizawng lo a,,”
    “Aw.. dawt ka sawi lo, hnamdang kawp duh tur khawpin ka tenawm ami.?”
    “Ngati nge hmanah khan i sawi loh..”
    “Sawi ka tum a lawm .. mahse ka phone call pawh i pickup duh ngai loh a, message pawh i reply ngai hleinem..”
    “Mahse ngati nge ka zawh lai che khan i sawi mai loh..?”
    “Ka rilruna lutuk a ka sawichhuak thei lo a nih kha..”


    Engmah ka sawi thei tawh lo, ka ngaihtuahna chu a van ruai a, ka thinlung zing phui mup mup karah chuan ka baihvai kher mai, ka chapona chuan Hmangaihna a hai der a, ka tih loh tur kawng ka zawh ta zawk si.


    “Mawizual.. min ngaidam thei em...”
    “Ka la hmangaih reng che a sin.. Mahse tuanh chuan engmah tih thei nei loin ka hmangaih kal liam mek ka thlir reng a nih hi..” tahchhuah hlau zet hian a ka chu a hup a, a mittui tla chu a hru fep fep bawk a. “Hlim takin awm tum tawh zawk rawh, kei chu min gaihtuah suh, fate in nei tawh a, engkim a nih tur ang a ni zo vek tawh.. Mahse Sanga Pialralah tal chuan ka Pasal i ni ve tawh ang tiraw..?”
    “Mawizual min ngaidam rawh.. “ ka tapchhuak ka dang thei lo a luang zawih zawih a.
    Ka kut chu vuan in a hmet neuh neuh a, kuah ka thlahlel ngei mai, hmanh kha chuan ka rilrunat leh lungngaih chang te khan ka kuah vawng vawng a, ka thla a muang em em thin. chumi zan pawh chuan ka thlahlel em em a, ka kuah a a tangah chuan lungchim takin min lo kuah a, a tangah chuan naupangchhia ang mai in ka tap ta hawm hawm a.


    Chumi zan ka haw chu ka rilru na lutuk chuan Vodka um ni tamtak ka dahthat tawh chu ka la chhuak a, ka in khawlh khawlh a, Sawmzeli chu thil fel lo a awm tih hria in mu tur a ka tih hnu chuan muhil si lo hian khumah a muzal reng a, ka zurui lungpuam chuan Sawmzeli ngawt mai chu ka mawhpuh a, a ni hi lo awm lo se chuan hetiang hun hi ka thleng lo tur, Mawizuali nen a kan inkar chhiat lai tak khan a ni hi lo inrawlh lo se, tun a thudik ka hriat hnu pawh hian Mawizuali kha ka kiangah a rawn kir leh thei tur mahse tunah chuan rawn kir leh duh pawh nise Sawmzeli a lo awm tawh vangin a rem tawh bawk silo.


    Ka ngaihtuah nasa tual tual a, Sawmzeli chu ka haw tulh tulh a, nitin zu ka in nasa tual tual a, harhfimlai reng reng ka nei lo, a chang phei chuan kutthawh ching in Sawmzeli chu ka zurui lungpuam chuan ka sawisa ta fo a, min chhuahsan mahna tiin hreawm takin dah ka tum a, a nawmna turin engmah tih ka tum lo, Pawisa pawh ka peh duh ngai tawh lo a, chawhmeh pawh ka lei khat thin hle, Naupai lai a ni a, Naute takngial pawh ka ngaihtuah thei ngang lo, Mawzuali ka hmangaihna chuan ka mit a tidel zo ta vek ni hian ka hria ani. A nau neih chua hnai tial tial a, Naupuan pawh pakhatmah ka ngaihtuah pui lo, Pawisa ka pe ngai bawk silo a, Sawmzeli chu a cherin a dang bim mai a, chawhmeh tha hmeh pui ngai silo, eitur tha lah pe ngai silo, ruih phur chang lahin ka vaw ve sek thin bawk nen A hmaite chu a duk cherchur mai a, duhawmna reng reng hi a nei tawh lo, mahse chuti chung chuan min chhuahsan zai reng a rel silo a.



    Chaw kan ei dun ngai lo a,zu chu chaw ah ka ring a, zu ngawlvei ka lo ni ta. zan mutna ah lah Mawizuali hming lam a harhchhuah thut thut chang ka nei ta fo a, Sawmzeli pawh chuan a re ngun thei khawp mai.


    Ka zurui chatthla muhil chu zan dar2 ah pentrawng in ka harh hlawl mai a, kan khum chung a tui bottle chu ka dap ka dap a ka dap fuh hleithei lo chu ka thin a rim hman em em ringawt mai ani. ka tho a ka han en nak chuan kilkhat ah hian a lo thal reng a tui in tur reng reng hi a lo awm lo a, a lo ruak hi a lo ni a, zandang ah chuan kan nu hian zan a ka pentrawng ka harh hun ah ka in tur in tui hi bottle ah min dah sak ngei ngei thin a, zanin a. a dah theihhngilh chu ka thin a rim hle a, kan nu mutna lamah chuan bottle chu ka vawm thruai mai ani.



Peih lo tak chungin choka lam chu ka pan hna hna a, tui a hal tawh bawk a ka in ri kawk kawk mai a, room chhung a ka lut leh chu ka thin a rim bawk a ka nupui chu sawisak ngei tum in light chu ka han on a, mahse kan nu khum a mulai hmuh tur reng reng hi a lo awm lo a, ka hriat loh a zan a a lo chhuak bo chuan ka thin a ti rim zual a, kan Steel almirah darthlalang chuan a tuar leh hmasa ber, phone call vawi tamtak a lak theih loh a vang chuan ka thinrimna chu a zual zel a, Phone chu chhuat ah a darh leh chuai phawt a, sitting room lamah ka phei a, kan TV leithar manto leh ttha ve tawk tak mai thlakhat pawh kan la kawl tlin loh LG TV ka nupui ai a ka en duh zawk ngei mai chu ka han ti chhe leh pek a.



Choka lam ah ka phei a, rithei tinreng mai chu an tla a, an thlawk a, an ri chelchul mai a, Ka zurui lungpuam hian kan nu hi ka sawisa fo a, kut ka thlak loh hi chuan ka lo chatthla leh tawh nge nge tthin, kan thil neih that ve te pawh hi ka zuruih chang hian ka nupui runluih nan ka ti chhe leh tthin a, Car kan lei thar chauh thla ruk pawh kan la kawl tlin loh chu ka zurui in chhe vek khawpin ka accident pui a, kan nu nen a kan in neih tirh ka mizia diktak a lan hma a A birthday a ka scooty lei sak ve pawh khawiah nge ka hnutchhiah pawh ka hre zui leh tawh lo.



Ka thawm hria in kan tthenawmpa chu a rawn lut leh vat a, kan nu awm loh chhan te ka chahthlak vang a min kaihthawh theih loh thu leh a pum a chet vanga tthenawmnu nen damdawi in ah an kalpui thu min hrilh chuan ka han in sum ve ta dauh a, mahse ka nupui ka huatna erawh a reh chuang lo a, kan nu nen hian duh rengvang a nupui a nei kani lo a, ka it em em tthin kei chu tlangval hna nei tawh kani a, min star tih ka hriat chuan remchang ah la in heti hi kan thleng ta chu ani a, ka hmangaih em em keima rualpui nupui a ka duh ka nei thei lo a, tun a kan nu hi a rai tak avagin nupui ah ka neih a ngai tasi a, chu chuan ka nun ahruai sual ta ani ber.



Thenawmpa chuan ka kut thler duai te a hmuh in leh kan nu chu awmpui ve ngei tha a, a hriat vangin damdawiin a min kalpui a hreh loh thu min hrilh a, tichuan bike in Civil hospital panin kan in phur phei ta a. ka kut thler te an thui fel hnu chuan kan nu awm na building lamah chuan ka phei ve ta , Ral a tang chuan ka nupui thlaphang hmel leh ka fa a ngaihtuah luat vang a, a lungngai beidawng hmel leh a biang a mittui hnemtu a mamawh si ziate chu ka hmu a, ka pawh mai ngam lo, a chang leh tap chungin pathian hnen ah a tawngtai leh rih tthin.



Kan nu hi naupang te mahnise a kum phu loh in a puitling a, Naupang tet te a sunday school a zirtir, nu leh pa ttha tak leh chhungkua zahawm tak hnuai a seilian vengchhung a mifel ti a an sawi thin mahse a hmangaih hmasak ber a mi rin em em in a a bum vang a, mualpho a rai ta, kei zuruih hmang a hmangaih vang a naupang te a pasal nei ta ani. Ka zuruih ka sim theih nan te hian a ttawngttai thin a, ka sawisak hrep hnu ah leh ka vuak hrep hnu pawh hian ka tan a ttawngtai hi a thlahthlam chuang lo a, biakinn ah te, bible a chhiar zawh te hian ka tan a ttawngttai thin, mahse tlemte pawn ka insiamtthat phah chuang ngai lo a, ka runluih nasa sauh zawk thin. a chhan chu amah vang a ka hmangaih ber ka neih theih loh vang ni a ka hriat vang ani.


Hnemtu mamawh ngawih ngawih. a fa a hmangaih vang a mittui tla te chuan min deh dan a dang kher mai, ka sual si zia ka in hmuchhuak a, ka nun aruah ve si zia ka hrethar a, ka mittui chu a tla hial ani. ka mittui tla hriattir ka duh loh vangin ka hru fai vek a, mahse ka mitmeng erawh a sen kher mai, kan nu lam pan chuan rip deuh tak chug hian ka pen a, kan nu chuan hlauthawng tih hriatbeisei nei tak chung si hian min lo en a, a ttim deuh uar uar in ka hria, ni e min hlau ani, midang nupui te chuan an pasal te chu in phen nan in humhim nan, thuruk zawng zawng sawichhuah nan leh ttah chang pawh a in hnem nan ber an hmang a kei ka nupui erawh chuan min hlau ani. min hmuh chuan a tah pawh chu a tawp vek a, engmah dang a ngaihtuah lo damdawiin ah pawh sawisak mai duh hmel kapu ani awm a, a thla a phang kher mai.


kan nu chu ka biang a mittui luangchhuak chu a hrethiam lo kher mai. Ka nupui hian piangthar rawh inkhawm rawh tiin thu min hrilh ngai lo a, mi hrilh pawh nise kutthlak bak chhanlet na a dawng chuang loang. mahse thiltih in min hneh a, ttawng silo in ka sawisak pawn a dawh tawp a, nulian ve tak hleitling tak ani a, ka chahthlak te hian khumah min paw phei tawp mai tthin, duh nise chuan ka zuruih chang a ka sawisak te hian min hneh lutuk ang mahse vawikhat te mah kut min thlak let ve ngai lo a, a dawh tawp mai tthin. min chhan let ve tthin dan chu ka tan a tawngtai thin.


Kan nu ke chu ka fawp ngawih ngawih a, Lalpan ringtu te chuan Pathian dang reng an be tur ani lo a ti a, ka pianthar hnu chuan Pathian dang ka biak a rem dawn silo a, chuvang chuan ka pianthar hma a, Pathian ka biak hi ka duh ani, kan nu chu ka Pathiannu ani tih ka hre thar si a. Kan tthenawmpa chu kohhran upa a lo ni kher bawk a, min ttawngtai a, damdawiin ah zurim nen ka va tibuai leh ta hrep ani, mahse ka tihbuai dan erawh a dang ta deuh tih mai loh chu.



    ka hmeltha tih ber te zinga mi nupui ah ka nei a, ka hmangaih em em bawk. Nupui a tan a ni kher ka thlang hi thuthlukna ka siam harsa ka tih ber leh fuh ber tum ani hial ang. Khuanu in zah a ngai a kan hlim thin hle, chhungkua min buaipui chawt a. Kei erawh Lehkhabu te ziakin thlalak lamah ka tui a thla-la in ka zin zeuh zeuh thin. Kar tawp apiangin kan zindun ziah bawk. Kan pawisa thawhchhuah chu tam lo mahse kan hek dun lo bawk a, pathian zarah sawmah pakhat kan pe thei ziah ani.



 Fanu duhawm tak kan nei a, a piantirh chuan a hrisel tha in a buk pawh a rit ve khawp mai kg.2 lai ani. Fa kan neih hnu  chuan kan in ngaina zualin keipawn thinlung takin ka hmangaih ve telh telh a, a chang phei chua nikhat lek ka hmuh loh pawn ka ngai hman hle thin., kan in ngaihsak em em bawk. Kan fanu te chuan a nu hi a chhun reuh a, a duhawm in a hmel a tha em em mai a, a mitmeng hlei hlei chuan a nu a ang, Kan fa hmasa ber ani a, awmpui pawh la loin a nu chuan a buaipui chawt a, . Thlathum chhung vel kha chu naute bulah kan awm ber a, a nui lai hmuh tumin kan chang a, a tah te khan kan in melh leh kawng kawng thin. A muhil lai te hi kan en dun thin a, kan hlim ani tawp mai. Kum lamah kan lo upa vak lo bawk nen fate enkawl kan thiam lo ang tih hi kan hlau lutuk a, bazar ah naupang enkawl dan hawi lehkhabu te kan lei khawl teuh a kan chhiar thin. Nu leh pa te hmangaihna ropui zia hi ka hrethiam ve tan bawk.



Chutichuan a rawn seilian ve ta zel a, a ha to tir kan hriat ni te khan kan va lawm tak, kapu te (Malsawmzeli pa te) kan phone a chawei turin an rawn kal a, kapu te hmuh lai in kan fanu ha to tir te chu kan nupa in kan kut kan seh tir chhen mai anih kha. A mah a, a thut theih hma hauhin kal ka zirtir a, a ban ah vuanin kan in kai lauh lauh thin. A mahin a rawn thu thei a, kan chhungte in kan lenna leh rawn leng te hnenah kan thut tir deuh ziah bawk.



Kan fa neih kha kan chhuang a kan lawm a, kan hlim bawk, kumkhat a tlin hma in a kal a, penhnih penthum a pen a, a tlu leh dawn thin, kan nupa hian pawm kan in chuh lo chauh, thla li dawn kha chu ka chanchinbu enkawl ve kha ka naute kut ah ka dah a, ka hun tam zawk chu nau awm nan ka hmang ani.. A lai a in muttir chuan zan ah in delh palh ang e an tih a vangin naute bul a mut kan in chuh fo bawk. A nu hian " i ti awm lo lutuk, zanah tap se hnu te hnek tir tur i nei ngawt ami?" a ti thin a, mahse anu kuah pah in ka fanu kut chu ka vawn sak ziah thin.

A kumkhat tlin kan lawm tum a kan chhungkua kan hlim zia te kha aw.. A tawng thei tir in "a pa" a ti lawm. 'a ma' a ti lawm ti ringawt in kan in hnial thinrim thei te kha. Thil awmzia a rawn hrethiam tan a, thil a rawn zir tan a, a nu in badminton thiam tak ni turin a duh a, kei lah in camera ka vawn tir chat thung.



Kum hnih a rawn nih phei chuan a fel tawh em em a, engkim mai hi a hrethiam tawh a, thla te a la thiam a, A nu hi a ngaisang em em a,  Zawhna a ngah thei em em a, engkim hi hriat ve vek a duh a, anu hi a beidawng leh nge nge thin. kan chhan theih loh leh kan sawifiah thiam loh thleng thleng in min zawt thin. A muthilh hnu hian kan nupa in kan rel ziah.



Kum thum a rawn ni chho a, school kal rual a ni ve tawh a, ABC te pawh kan zirtir lawk tawh vangin a thiam tawh a, rhymes bu pawh kan leisak lawk a, a sawi thei nual tawh. School a luh tan dawn ni chuan a form te chu uluk takin a nu in a nawh mam sak a, anu nen chawlh la in kan thlah a, a kal rei duh kan rin loh vangin kan nupa chuan pawn atangin kan thlir reng a, rin ai in school kal pawh nuam a ti khawp mai, kan awm tih a hriat vangin pawn lam a rawn hawi zeuh zeuh a, ka fanu class room chhung a awm kha, a va hmeltha chungchuang em a nu naupan lai hmu ang mai kani.



School pawh chu a kal tluan ve zel mai a, zingah a nu nen kan thlah chhun ah ka va lam leh thin, a nu rawn thlen hma chu kan offset a ka awmpui mai thin a, kan nau comics ziah hi a chhiar ve reng mai. Ice cream hi a duh em em a, a nu hian a rawn hawn sak ziah bawk. Zanah  thawnthu kan ka chhiar sak thin a, zingah te hian a nu nen an tho hma thei em em a, a tih theih tawk  zingah chanchinbu pawn a mi hi a la lut ve ziah bawk.


A kum phu lo in a fing a, a fel em em a, mahni fate mah nise ka chhuang lutuk, school a an thil zir te hi a rawn hawn ve leh a sawi chhawng leh thin a, school a an awm dan a thiante hming chen in a sawi vek thin. A miss tih dan te hi a zir thin a, kan hlimpui em em thin a



Vawikhat chu an school tangin phone call ka dawng a, a khua a sik deuh char char a, a chau hle tih an rawn sawi a, ka va hruai haw vat a, a nu nen damdawi in ah ka hruai vat a, an han enkawl a, a natna te an han check chuan a result chu cancer(leukemia) a lo ni reng mai.



Ka rilru na lutuk chu khuanu chungah pawh ka vui lek lek ani, a nu chu a tap a tah ve mai ka duh mahse ka in sum hram hram a, ka mittui erawh a parawl hngua mai, a nu chu ka kuah a, ka fanu khum a mu chu ka thlir a, he khawvel a hmachawn dan tur ka ngaihtuahin ka khawngaih tak tak ani.

Tichuan thla thum hnu ah kan fanu chu kan chan ta ani..

Ka Fanu in min boral san hnu chuan ka inthiam thei mawlh lo, a nu in a pai lai zawng zawng te khan duat tak a lo enkawlin eitur tha tinreng te khan lo chawm i la hetiang hun hi kan thleng lo tur, ka sual tukhmu pawn vang leh ka rilru kawisawi vang mai a ka Fanu in a lo tuar ve ta chu engtikah mah ka in ngaidam thei tawh lo ang, mahse Sawmzeli (Kan nu ti zel tawh ang) ka inthiamlo tih a hria a, vawitekhatmah min dem ngai lo, a tuar thiam lo zawkah ka tang a, min hnem a tum nasa ve hle, ka ri le rah ka fa hmuh hmasak ber chu keimah vang a boral ani si a.


Ka fanu Jacinta thlalak ka en a, ka lunglen em em chang te hian Kan nu chuan lungngai mah ta che Fanu ka neih sak leh ang che a, Jacinta ang tak a fel leh hmeltha a pa chhun em em mai ani ang a, chhungkaw hlim tak kan ni chhunzawm zel dawn a lawm a ti thin a, min hnem ve bawk thin mahse a ni pawh a lungleng ve thei hle tih ka hria. kan in chu ruak huai hian kan hria a, mi sang tamtak kalbo ta ang mai hi a ni.


Hun leh kum te an herliam zel a, Kan nu pawh a ruak leh ta lo, tunah chuan ka ngaihtuahna leh ka kum te pawh a puitling tawh hle a, ka nupui pawh chuan min thlamuanpui in chhungkua chu ka uap hneh ve hle thin, nu pum chhung a naute leh a nu chu ka khawve an ni ta a, ka neih zawng zawng pawh an tan sen ka ui ta lo, eitur tha chitinreng in kan in enkawl a, naupang hrusel leh hmeltha tak neih tumin nitin tawngtai kan thlahthlam ngai lo, nau enkawlna kawngah te leh nu pumchhung a naute nunna ah te Pathian tel ve se tiin nitin kan inhlan thar a. kan beiseina chu naute lo piang tur chu ani.


April ni 15 a lo thlen chuan kan nu in a sawi thin ang ngei chuan Civil Hospitalah Fanu duhawmtak kan nei ve ta a, kan khawvel chu khuafing rawn chatin kawl a lo eng leh ta chu nichhuak chu a mawi ngei mai, kan fa hmasa a u Boralta hming kan put tir a, kei tak phei chuan a hming pawn kan ko phal lo, “Note” tiin ka ko thin a, chu chu an koh hlen na hming a ni hlen ta.
(Chhunzawm tur..)

/

THUCHAH HNUHNUNG (Part - 14 )

    THUCHAH HNUHNUNG (Part - 14 )


    Puitei chuan a thusawi tur chu a sawi hreh hmel khawp mai, ka mitah tak pawh a en tha ngam lo, a hlauhthawng hial te hian ka hria.
  

E nge ni ta han sawi ta che..”
    “Ih...  “ sawi harsa a tih hmel kher mai. “Eng loh a ni a, keipawh ka chiang bik chiah lo, a thiante sawi ka hriat dan in Mawizuali khan Vai a kawp thin anti a..”
    Chu thu chuan min thawng kher mai, awih pawh ka awih duh lo.
    “Chutiang te an sawi ngai lo finfiahna pawh i neih loh chu a ho mai mai hawh coffee pahin titi ang hmiang nge Vodka i duh zawng em.?”
    “Thianpa kati tak tak a nia.. an sawi chuan eng emaw tal a awm hrim hrim.. “
    “Mizote mizia chu i hriat ve reng hi, mi chanchin a chhe zawng a sawi kan peih em hi..”
    “Pan lo ah tho a fu ngai lo antih hi..”
    “Aw an classmate zingah vai te pawh an awm ve bawk ang chu maw le, kawm tepawh an inkawm ve bawk ang chu..”
    “Zawt chiang chhin hrim hrim rawh.. a tak pawh a ni thei a ni a..”
    “Nangman i zawt lo a mi..?”
    “Ka zawt a lawm mahse engtinmah min chhang tha duh lo a.. a ho em mai a ti zel a..”
    “A nih chuan eng thil mah a awm lo a nih chu..”


    Puitei a haw hnu chuan ka ngaihtuah zui neuh neuh a Mawizuali ka rinhlel vang ni loin thu chiang diktak ka hriat duh vang zawk chuan zawhchian ve hrim hrim ka duh ta a, Mawizuali chu zan dar 9 velah chuan ka phone ve ta a, rei tak a phone a rik char char hnu chuan Vai Mipa pakhat hian phone a rawn la a, Vaitawng in mi rawn bia a, Sap tawngin Mawizuali  biak ka duh thu ka sawi a, mahse a dah a chu mi chuan vawi thum ka call leh hnu in a rawn la leh tawh miah loh vang chuan ka ngaih a tha lo tan a. ka thin a rim em vang chuan Vodka chu thli in ka in a, ka kai tan tih chuan ka in ngaihtuah lungpuam a ka thin a rim zual zel a, Ngaihtuahna tha lo pui pui te ka ngaihtuah a, Mawizuali chu ka ringhlel tulh tulh a, zan Dar 9 hnu a Vai Mipa in a Phone a rawn la chuan ka ngaih a ti tha lo lutuk ringawt.


    Ka zu in chuan ka taksa na lutuk leh ka rilru chau lutuk chu a rawn chhawk a ka lo muhil hman chu lo ni in, Ka phone Vibrate chuan min ti harh a, Sana ka en chuan zan dar 12 lai mai hi a lo ni tawh, Mawizuali phone call a lo ni a, chhum deuh hmuk hian ka chhang a.

    “Missed called ka hmu a, kan buai lutuk a ka phone pawh ka keng hman meuh lo.. min ngaidam tiraw duat..”
    “Vaipa kha i bulah e nge a tih...?”
    “Tu vaipa maw..?”
    “Hre lo der vel suh.. ka rawn called hmasak pawn a rawn la a nih kha..”
    “E Rakesh a khaw maw..?. Utawk kan zai lai in a lo la a ni ang..”
    “I in ngaizawng a mi..?”
    “Eng maw.. Sanga tikhan awm suh..”
    “Sawi ta che min chhang ta che .. in in ngaizawng emm?”
    “Sanga khatiang khan min ti suh..”
    “In ngaizawng a nih kha.. chhan pawh min chhang thei lo..”
    “Sanga Phone ka lak hman loh khan min ngaidam rawh..  ka zirlai leh  thildang zawng zawng ai pawn ka ngai pawimawh che lawm mahse zanin kha chu ka bulah Phone ka dah lo a..”
    “Vaipa bulah i dah vang a nih kha.. “
    “Sanga..... “ a tapchhuak a.


    Kan inngaizawng lo ti a min chhan ka duh, mahse chutiang a min chhan tum lo chuan a a pehhel zel ni in ka hria a, chu chuan min ti thinrim zual a ka sawi duh loh tawngkam ka sawichhuah phah hial ta a nih kha.

  
    “Tap lo khan min hrilh ta che.. Vai chu i ngaizawng em..?”
    “Min ngaidam rawh.. ka hmangaih ber i ni tih i hriat kha..”
    “Ka ngaihdam chhan tur che ka hre lo..”
    “Nidangah chuan i vawikhat Call na ah ka la ziah tawh ang..”
    “Ka rawn Call tawh lo ang che.. nang pawn mi rawn call tawh suh..”


    Phone chu ka dah daih a, ka rilruna lutuk chuan ka tap hawm hawm a ka thenawm te pawn ka tap thawm chu an hre hial ang, Vodka chu no ah pawh thli tawh lo in, a Bottle a mi chu tui pawh pawlh loin ka tlak ta pawp pawp a, ka phone chu ka vawm keh chuai a, engmah ka hre zui leh tawh lo, zinga ka harh chuan Mawizuali phone call chu vawi 30 ai mah a tam zet a lo awm a, Dar 10 zet a lo ri leh hman tawh  kan Pu chuan min rawn call a lu hai bur chung chuan Office lam chu ka pan a a thing rim pawh ka nam rum rum. Office ka thlen chuan khawnge i editorial chu tiin min lo zawt a. hmanhmawh takin ka ziak leh ta chung chung a. “Nimin lam kha chuan kan ram venhimna a that tawk loh thu leh Mipuite kan him loh zia zaih ka tum a, Mahse nizan lam a ka Mawizuali chanchin ka hriat dengkhawng tak chuan “Phai a awm Mizo hmeichhiate`n zak map lo a hnamdang an kawp ngam ta mai hi” tih lam hawi zawngin na zet zawt hian Editorial chu ka ziak ta kulh mai a ni.


    Mawizuali vang a ka rilru nat em vang chuan ka nun pawh chu a chhe sawt hle a, harhfim in office ka kal ngai ta lo, MCS exam tur a ka in puahchah na tepawh ka thlauhthla ta a, ka lehkhazirna dawhkan chu zu in na dawhkan a rawn chang a, hlim leh lungchim tak a kan zalna thin laikhum chu Tap chung a ka zalna ah an chang zo ta. ka hun tawn chu ka mumang nise kati thin mahse a tak a ni miau si a, Puitei`n min hrilh lai khan ka awih phal lo a, ka ring duh lo lui a mahse keimah ngei in ka finfiah tak hnu chuan hreawm ti tak chung in ka pawm thiam a ngai si.


    Zawlkhawpui chhuahsana a kal dawn ni te khan ka tan a tap a, rinawm reng turin a in tiam a, Chungthangvan a Chawrthlapui leh Arsite hming chhal meuh khan thu a tiam ve si, ngati nge min phatsan   leh tak mai si chu pawh hnamdang tawnah lehnghal, ka tan chua khawvel hi a tawp ta mai ni hian ka hre thin thlakhat chhung vel phei kha chu eng tih chak na mah hi ka nei lo, chaw ka ei thei lo a, zanah ka mu thei lo a, hna pawh ka thawk thei lo, ka nun chuan awmzia a nei zo ta lo a, damchakna pawh ka nei tawh lo, khawvel  chhuahsan daih mai te hi ka chak thin.


    Thlakhat chhung vel chu nitin deuhthaw a phone call ka dawng a, message min thawn sek a, mahse vawikhatmah ka chhang duh lo, message pawh chu chhiar loin ka delete zel a, thlakhat hnu phei chuan a number chu ka block ta nge nge a. kan chhinlung chhuak pui chu ni se chutiang chuan ka awm kher lo ang, mahse hnamdang kher a kawp tak vang chuan kan hnam pum mualhphona  ni ah ka ngai. Chutia nun chhe em em leh mahni pawh in ngaihtuah thei lo a ka awm lai chuan ka cher em em a, ka sam te pawh chu a sei tawh hle a ka hmuihmul pawh ka ziat peih lo, Nursery tang a ka mi rin em em kum khat hnu a ka nupui ni mai tur a ka hual leh a rawn haw hun kan hnghahlel em em Mawizuali chuan hnamdang min kawpsan a lo ni reng si a. ka tan chuan khawvel hi a tawp ani.


    Ka inrintawk ve em em thinna te chu ka hlauh ta a, puitling em em ni a ka in hriat thinna te chu an rawn naupangchhia leh ta vek a,  ka hnen a an harsatna thlen thin tu te khan ka harsatna lai min rawn hmuhsak zawk a, mi harsatna chinfel sak thintu khan a ma harsatna takngial pawh a chingfel thei ta lo. Mi khawngaihna leh lainatna ngah em em thin tu khan a mah leh amah a in khawngaih ta em em a. Midang beidawn loh nan a fuih thintu kha a lo beidawng ta. Tap thei lo leh rilruna thei lo hial khawp a in ngai ropui kha ka tap leh ka ngui hmel an hmu ta fo mai, ka tih a piang tih chak ve thintu te khan ka thil tih duh dan chu mawlmang an rawn ti a, keimah leh keimah pawh “khawnge, ka inrintawkna te kha an awm zawh tak” tiin ka in zawt ta fo mai. Tho leh turin huaisenna ka nei lo a, pilbo turin ka zuam hek lo. ka hmelhriatte ka hmuh a piangin ka zam chhe ta vek a, ka tluk loh vek hmuhin ka hmu a, ka thiante chuan hmangaih ka chan tih min hriatpui a, mahse ka inrintawkna zawng zawng pawh ka hlauh tel tih an hre ve silo.



    Mi puitling lo lutuk tih tan lek a ka ngaih thin te kha ka ti ta fo a, zu leh sa hial ka tlan ta a maw.? keimah hmangaih em em tu leh ka hmangaih em em tihnat leh hauh pawh ka phal ngai loh nen chuan tap zawi zawih chungin kan in then a, tap chung a min ngen lawm lawm chung pawn keimah chauh ka ingaihtuah a, hmangaih tlakah pawh ka ngai ta lo hial a. Pathianin mal min lo sawm tawh na zawng zawngte chu ka hmuhhmaih a. Tawngtai ka thlahthlam a, Bible ka keu lohna chin pawh ka hre ta lo, ka roomah ka tawm tlawk tlawk a, ka zak a ni, ka nun ka en a chhuanpuitlak pakhatmah ka hmu lo a, hmathlir pawh ka nei thiam ta lo, thil ropui tak tih tum a hmala hmasak thin khan thil chhete ah pawh risk ka la ngam ta lo a, hmathlir nei tha ti an sawi thin kha a hnungtawlh ta. Mi rilru hneh thei em em thin khan amah leh amah pawh inhneh harsa ka ti ta, mi huikhawm a chawkphur thiam em em thin khan mahni in chawhphur pawh a thei ta lo. Kal ngaihna reng ka hre lo a, awm ngaihna lah ka hre silo. A tawpah zu ka in leh tlawng thin a, a sawt silo, nun ka zuam lo a, intihhlum em chu ka ngam silo. Hnemtu ka mamawh takzet tih ka hria, tumah lah chu ka pawh duh silo.


    Achang chuan Pathian takngial pawh khi ka ringhlel a ka dem rum rum thin..? anchhedawngah ka in ngai a, keimah leh keimah ngei pawh ka inhua a, ka inzahpui zota, keimah leh keimah ngei pawh ka in phatsan ta, rilru nghet em em thin leh dikna sawhsawn duh ngai lo mi khan ngaihdan a nei ve ta lo. Ngihtuahna fing leh thuthlukna dik siam thiam thin khan thu mumal a pawtchat thei ta hauh lo mai.


    ka inrintawkna ka hlau chinah chuan ka nungchang pawh ka hlauh ta a, nungchang mawi leh entawntlak em em thin kha, sawisel leh tlangrel i lo nita, leiba leh zahna in ka khat a, ka rilruna chuan ka mumang ram thlengin min rawn umzui  a, mangchhia tak tak ka nei ta fo mai. Thaw hlawp hlawpin ka rawn au chhuak hlawl a, mumang ram chu ka tlansan hnu paw`n a tak ram ah pawh mangchhia ai in ka chan a chhe zawk mah si. Hmelhriat tumah awm lohna hmunah awm ka duh a, ka thiantha te ka la ngai si. Tuilairapin ka awm a, pan leh tur dang ka hre chuang lo, ka hlau a, ka rum a, ka zak a, keimahin he khawvel hi hmachhawn harsa ka ti a ni.


    Hlim em em a midang ka lo chhawn thinna dawhkan chu ka tahna dawhkan an rawn chang  a, ka mittui chuan ka lukham a farhuh hniap reng mai, zan mut ka harsat a, ka tan zan chu chhun a ni a, chhun chu zan a rawn chang ta, “Thim a ta engah” tih thupui hmang a midangte hnen a zalenna hial tiam thin khan a thimlai hlir a pan ta hru hru mai. Khawvel hial hneh thei tur a a mite hnen a tiam thintu khan amah leh amah pawh a inhneh thei ta lo. ka thatna sawi nuam ti thintu te khan ka chhiatna bak sawi tur an hre ta lo.


    Chutia beidawng leh hmalam pan harsat em em a ka awm lai chuan Malsawmzeli chuan min rawn be ve fo a, ka rilruna te pawh min rawn hnem ve fo thin , zan khat phei chu a awm a bei in ka tah khum vak nghe nghe a nih kha. Sawmzeli lah chuan a lam a ka rilru a hawi hun a lo nghak ve reng bawk a, chubak a hun remchang dang a nei dawn chuang lo, ka rilruna chuan Mawizuali runluihnan tiin Sawmzeli chu ka kawp ta nge nge a, mahse vawikhatmah ka hmangaih che ka ti ngai lo, ka duh che pawh ka la ti chhin aih lo, inhnem nan ka hmang a lungchim tak pawn vawikhatmah ka fawp lo, Mawizuali chuan a thiante hnen tangin Sawmzeli nen kan inkawp dan chanchin chu a lo hre ve a, a rilrunat zia a lo sawi a chu thu ka hriat leh chuan ka lawm zawng tak a lo ni a.


    Mawizuali nen a kan inthen hnu chuan Hmangaihna diktak pawh ka nei thei tawh lo, Sawmzeli pawh chu hmangaihna diktak mitin ka en thei tawh lo a, ka hmangaih diktak te hi chu kan it thei ngai miah lo kha a ni thin a Sawmzeli erawh chu ka fawp duhthawh thei hle, a tawp ah phei chuan kan chesual ta hial a. a tir chuan a tang nasa lutuk ka theih hnu thleng pawh chuan a la tang reng mahse min hmangaih em vang chuan a thianghlimna pawh chu ka tan a phal ta a nih kha. chuta tang phei chuan hun remchang kan neih piangin kan hmang dun ta fo a, ka ngaihzawng then rilruna chuan chu kawng chu min zawh tir ta si a.

    Nikhat chu class a kal tur ka phal lo tlat a, ka tan a engkim chan huam chuan ka tirhna chu a hnial lo khermai, chu mi ni chuan Class kal lo in kan Pahnih chuan kan inah kan awm dun mai mai a, chhun a thil kan ei lai chuan a rawn luak vak a, damlohna a neih pakhatmah a hre silo, kar khat kal ta tang khan a luak a chhuah deuh ziah thu a asawi a mahse a reh ve leh mai kan ring a kei tak phei chuan ka ngaihsak ve vak lem lo, chu mi tum erawh chu damlohna a neih ka rin vangin Damdawiinah ka hruai a, damdawiin ah chuan an han en a, engmah a damlohna a neih loh thu leh Naupai sathliah ve mai a nih thu min lo hrilh a,  a pasal emaw mn tih vang chuan a lawmawm lam a nih thu te chu min han hrilh zawh mah a.


    Sawmzeli a rai tih ka hriat chuan pawi kati kher mai, engvang ber kher nge ka lo mutpui kher le tih te ka ngaihtuah a, ka fa a nih ka ring thei lo, Mahse a virgin hawnsak tu kani a, midang a kawp ngai pawh ka hre si lo, inthlahrun hmel tak hian Sawmzeli chuan hnuailam a en deuh ngar ngar a, engmah a sawi ngam lo. midang fa ni hram se ka van ti tak e aw.


   

THUCHAH HNUHNUNG (Part - 13)

Thuchah Hnhnung (Part - 13)



    2nd semseter exam chawlh chuan Mawizuali chu a rawn  haw leh a, chu mi tum chuan an chawl rei ve ang reng a, inkawmna hun pawh kan nei tam a, mahse duh ang a tam erawh kan in hmu thei lo nikhat chu kan in a chaweiah ka sawm a.


    “Pi .. Mawizuali tlai chawei turin ka sawm a.. chuan kan rawn dil che..”
    “Mawizuali chauh maw..?”
    “Ah.. ke hre lo...”
    “Kan inah ei zawk u la.. chawhmeh kan nei tui zawk daih ang..”
    “In in ah te chuan kan ei zing tawh e..”
    “Eng chawhmeh nge in siam dawn a.. ?”
    “Nu kan lei haw dawn chauh lawm.. rawn ei ve mai rawh a pa pawh a awm loh hi nangmah chauhin chaw i ei peih mi..”
    “Nia .. Pi rawn ei ve daih rawh..”


    A nu ho chuan ka inluah tereuhte lam pan chuan kan in khalh chhuak a, Nidangah pawh Mawizualinu hi ka inluah ah hian a rawn kal fo tawh thin a, ka luah tirh lai pawn in min thenfai pui a, thawmhnaw dah fel dan zawng zawng te chaw chhum dan thlengin min zirtir a, a fapa ang in min en tlat a, Mawizuali phairam a a awm lai pawn a fapa ang mai in ka inluah chu a rawn en fel thin a, chaw ka ei that leh that loh te, thawmhnaw ka thleh a ka dah that dan zawng zawng te, ka thawh ve leh a puan ka thleh nghal leh thleh nghal loh te, thleng ka sil leh sil loh thleng in min ngaihsak thin, a rawn kal a piangin chawhmeh te mi rawn leisak thin a ka tan chuan rei tak ka daih thin. Nursery ka zirlai tang tawh khan Fahrah nu leh pa nei lo ka nih na ah khan lainat leh khawngaihna in min enkawl a min lo chhawmdawl fo tawh thin a, Doctor a ni bawk a Vitamin tha tak tak hi ka ei a tan min leisak thin.


    Chu mi ni pawh chuan ka in a chaw a ei chu a fapa in a chaw ei tur ang chauhin a ngai a, a tan chuan thil danglam a ni lo, kan kal pah chuan Bazarah chawhmeh kan lei a, Mawizualinu chuan engkim a lei a, a hnungah kei leh Mawizuali chuan kan zui a kan lo in chhaih pah bawk a kei chuan chawhmeh chu ka khai a, min khaipui ve ta che tha chhe nu” kati tlaikhat tan chauh ni lo karkhat chhung tehmeuh ka rin theih tur a lei a, a inthlahrunawm duh thei khawp mai, in kan thlen chuan a Nu Sangpuii chuan eirawng a bawl a Mawizuali nen chuan dawhkan ah titi mai mai pahin kan lo pui ve bawk a.


    Chaw ei kham chuan nu Sangpuii chuan min haw san a, dar 8 hma ngei ngei in rawn haw leh rawh tiin a chah a, tichuan a chhuah hnu chuan khumah kan muzal mai mai a, duhthu te kan sam a, kan hmalam hun tur te chu suangtuahna kan duanglawk vel a, kan inneih hun a kan in sak dan tur zawng zawng te Fa kan neih zat tur chen in, In sak dan turah chuan kan duh dan a in ang chiah a, Chawnghnih nise a hnuai lamah chuan choka, sitting room, mikhual mutna tur leh Garrage te awm se, in chung zawng chu kan fate bed room leh kan pahnih a kan bed room chuan a hrang ve ve in office nei  bawk i la. awmpui la loin mahni  in eirawng inbawlvek i la in tih fai zawng zawng pawh in pui tawn thin i la kan ti a,     Mahse fa kan neih zat turah erawh kan lungrual thei lo, kei in Upa ber tan mipa nise kati a, a ni thung chuan hmeichhia nise a ti thung a, a nin Hmeichhia 1 leh mipa pahnih neih a duh lai in kei erawh thung chuan neih theih chen chen neih ka duh thung.


    Ka bula a mut tawh hi chuan ka ban hi a kham ngei ngei thin a, engtiang rei pawh kham se ka tan  chuan a ninawm ngai lo, mahse ninawm ti hmel deuh hian “ka ban hi lukham ve ziah suh i lu a lian ropui si a rit” hi ka ti thin a, ka rilru taktak ah erawh chuan nuam kati em em tho si a ni. Chutia ka ban a lukham reng lai chuan kan pahnih chauh a kan awm reng chung chuan a ruk te hian ka beng bulah zawitein “ka hmangaih che” a rawn ti a, kei lah chuan ngei awm tum sa deuh ran hian “Nghapih i ei mi” ka lo ti a, min melh rum reuh lutu mahse a thinrim lai mawlh mai pawh chuan a hmel a tha zual, “Min hmusit lutuk suh aw..” hi a rawn ti a.. “Kal rawh ha va nawt rawh . i romantic lo thei em mai..” kati a, a awih leh tak tak tawh thuawi tak hian a tho zan zan a, choka lamah chuan ha nawhna ka dahna hmun chu a dap hrak hrak a, “Lalmawizual ka ha nawhna kha hmang reng reng suh aw.. “ ti in ka au a, a nih lah chu a la nghal tulh tulh , “Nge in neih hun ah pawh ha nawhna te chu kan intawm ang chu Pumkhat kan ni tawh dawn lawm” awi he nu tak hi chu aw.. “Midangin an hria ang e..” ngaihsak loh hmel zet hian “  a ho lutuk lo hre mai mai teh se..” a nawt malh malh a. ngaihsak lem lo chuan ka mutsan ve leh ta a.


    A ha nawh zawh


    Mawizuali tan ka thinlung ka hlan tawh thu leh min nghak lo tur a ka hrilh hnu pawh khan a ni chuan min la duh ve reng a, ka chanchin hi a sawi tam ber a ni an ti thin, midang reng reng a ngaihtuah thei lo a, kei lah min theihnghilh thei hek lo, ka bul a awm a chak rual rual in mahni insitna leh inthiam lohna a nei ve thin a, min ngai tak chung si hian hin min hlat a tum hran hram thin tih chu a chezia ah ka hrethiam mai.


    Mawizuali hi lo tawng tawh lo i la chuan Malsawmzeli hi nupui ah ka nei ngei ang, min ringtawk em em a, min duhbur a, ka rem tawh lo tih a hrechung pawhin ka tan a rinawm tlat a, Hmangaihna hi a mit a del tih nunpui te zing a mi a ni, ka chhiatna lai a hmu te pawh a ngaidam vek thei a, keimah vang a mittui tla zozai te hi engtikahmah ka rul seng tawh lo ang, ihduh khum tur pawn ka phulo tih ka hria a hmel pawh a tha sawiselna tur a awm lo, a tawngtheilo pawh ka tan chuan engtihna mah a ni lo, hmeichhe dang tawngthei tamtak in keimah ah chuan an tluk lo, a chang phei chuan Mawizuali ka lo tawng kher kher hi chu aw ka tih phah hial thin. Tawng theilo mahse a han saih a a nui sen sen mai te hian ka bengah chuan thil tamtak an sawi a, a kut zungtang tawng nan a hman te hian ka  rilru ah an cham reng tawh dawn a ni hi. D tawn a tlai a va pawi em Sawmzel.


    Kum liam chak lutuk hi a chang chuan a ngeiawm hluah hluah thin. Graduation Day kan hman ni chuan a nu Puan nalh deuh mai hi a rawn bih a, Kawr pawl koki vel chiang lo ruai a lang thei a rawn ha bawk a, Pheikhawk sang rawn bunin chumi ni chuan Make-up tepawh a rawn hmang ve, a sam chu hnunglamah kawhvah bawk hian a rawn tawn leh a, Nidang a Kargo kekawr hlir mai rawn ha a, Converse rawn bun a T-Shirt leh Kamis rawn ha ve tawp mai thin kha chu mi ni chuan a nu reh lutuk hman kumthum liamta zawng zawng a hmeichhe duhawm tak ni thin kha chu mi ni chuan hmeichhe ngaihnobei leh nuhnap mai nihna chuan a rawn belhchhah a, a nulian in a hleitling bawk sia hmuh a nuam ngei mai. College Gate a a rawn lut chu NSS Park tang hian ka lo thlir reng a, Mipa dang ho pawh chuan an thlir thup mai, ka mit chu la sawn lek lo hian ka lo en reng chu ni in. rinawm har katih ber ni ani hial ang.


    Mitthep lek lo a ka lo thlir reng lai chuan nuisen sen pah hian ka lam a rawn pan zel a engtiklai nge ka bul a rawn thlen hman pawh ka hre lo, “I over lutuk ti khan min en reng suh, min ti zak a ni a.” hi a rawn ti a, tahchuan ka harhchhuak zawk mai, ka bul a a rawn kal chu thutna an lo kian sap sap a, thiante ho chuan min lo chhaih deuh malh mal bawk a. midang ho chuan in ngaizawng emaw min ti thin, chumi ni pawh chuan min chhaih ta reng bawk a. Chhunlam Programe chu a Boring angreng khawp mai mahse  Kan Mizo Zaithiam Pakhatin “Wind of Change`s” a sak lai erawh thung chuan rilru leh thinlung tih tak zet hian ka lo ngaithla ve thung a.


    Department in thla te kan la ho a, zirtirtute nen, chu mi hnuah Chaw kan ei kham meuh chuan Khua a rawn thim ti tih ta a, College a kan ni hnuhnung ber tur a lo ni ve ta reng mai, ka ngaihtuah let a ka lung a leng angreng hle a bikin Sawmzeli Zawhte leh a mei ang mai a inzui reng thin Pakhat zawk zawkh class kal loh pawh a kal lo ve mai thin khati khawp a inkawm ngaih kha tunah chuan kan inthen dawn ta chu a ni si a, kan awm dun chhung kha a lo rei lo ngei mai, kum thum lo rei loh zia hi kha hun harsa leh hlimawm tak kha a lo herliam ve ta chu ani si a, mahse kan thiante a mal te te in an kal liam ve dawn chu a ni si a.


    Zanlamah chuan Lamtualah an su ho dual dual a, keini thianho pawh zantir lam chuan lam kan thai ve a, Sawmzeli nen chuan hla cool leh lunglenthlak tak ngaithla pah in kan sawn ve delh delh a, a chang leh hla hot tak rawn play in laichhuat kan chhir leh thin, mahse keini thianho erawh chu inchung zawlah midang lam hmuh theih si hian thiante lam thlir pahin kan titi ho tam mai mai zawk a. Sawmzeli chu ka bulah tak thu in min ngheng a, ka kut chu vuan in lungchim takin a thaw helh helh a, chumi zan chuan a kut chu a chawl chiang kher mai. keipawn engmah sawi tur ka hre bik lo. a nihna takah chuan ka rilru ah a lo tla na hman hle tih hi a ni. mahse chumi vang erawh chuan ka ngaizawng e tihna a ni chuang lo.


    Chutia hnuailam tualzawl a an lam ka thlir reng lai chuan Sawmzeli chuan lunglen takin van lam a lo thlri reng hi a lo ni a, min rawn sawi a, vanlam khi a kawk a, Shooting Star a hmu chu lo ni reng in,  a thil wish chu ka zawt a, “ka thuruk a ni e..” min ti a, min hrilh duh lo tlat a, keipawh chuan ka zawt lui lem ta lo. ka rilru chuan Sawmzeli nen a Class kan kal ho tawh lo tur leh Nupui Pasal te nei a kan inthen hlen tawh tur chu ka huphurh ve ngang mai.


    A kut mam no sar mai chu nghet tak hian ka vawnsak a, chutia ka vawn ngheh thut takah chuan mi rawn en chho a, a mitmeng mawi leh ngaihnobei tak chu tawrh zawh a har ngei mai, ka rilru chuan Mawizuali reng reng a hre chang tawh lo, kum hnih zet zirna vangin a rawn haw tawh lo a, SMS leh Call ringawt hi a tawk lo lunglen tizual mai an ni thin. chu mi zan pawh chuan ka rilru ah a thi tan ve deuh tawh pawh a ni mahna, Sawmzeli`n ka mitah tak min en reng lai chuan duhthawh zet hian a hmui ah ka fawp a, mahse min chhang miah loh chet pawh a che aih lo, ka fawp zo ka en leh chuan mak ti tak hian min en reng a, a lawm em vang a chutia awm a nih tih ka hai hek lo a vawihnih nan ka nawn leh sak a, chutah zet chuan min chhang tha kher tawh a sin.


    Sawmzeli chu ka hma ah tak ka thut tir a, lungthlu zet hian ka kuah a, a ni pawh chuan nghet takin min kuah let ve a, Sawmzeli chu ka hmangaih a ni tih ka in hria, zep rual lah a ni hek lo, rei tak ka kuah hnu chuan zawimuang hian min thlah ta a, a mittui chu a rawn parawl ngiang mai. “Hetia i tihchhan hi ka hria” a rawn ti chhuak hlawl a. ni e Sawmzel ka hmangaih a lawm mahse Mawizuali hi ka hmangaih zawk si a, ngaihdam dilnan leh nangmah thlah nan che ka tih a nih hi. chu thu chua ka ngaihtuahna ah chauh ka sawi ngam.
  
  
     “Min ngaidam rawh aw..?”
    “Ka hrethiam vek a lawm”
    “Ka kal san hnu ah che i tap lo ang tiraw..?”
    “Aih tap lo ang..ka tha lawm hlim deuh in in awm zel dawn nia..” Tah chuan a tap nasa zual sauh a.
    Tahchuan ka kuah leh a, ka tangah bei in a tap bawrh bawrh a, ka van khawngaih tehlul che em, mahse ka hre reng tawh ang che, min ngaidam ang che.


    Inchungah chuan engtiang chiah a rei nge kan awm ka hre tawh lo, BUS chu a chhuak dawn hnai mai a, Sawmzeli pawh a tap tawh lo, mahse ka tangah erawh chuan a la bei reng, kan in ti harh a, BUS a kan seat thin ah chuan kan thu ve ta a, Motor chuan College Gate chu a chhuahsan ta ruai ruai a, Sawmzeli nen a, college Bus a kan chuandun hnuhnung ber tur a lo ni ve ta reng mai.


        Kum liam zung zung mai leh Ni ral zung zung mai hian kan taksa pawh puitlin kawng a zawh tir ve zel a, tawnhriat te pawh kan lo nghah in hun harsa leh hreawm tak tak pawh kan paltlang chang a awm ve ta fo mai, khawiah pawh eng dinghmun ah pawh ding thin i la, Min siamtu ka Pathian leh min chawm seilian tu Fahrah enkawlna hmun kha ka theihnghilh ngai lo, hunawl ka neih piangin ka pui thin a, sawm a pakhat pawh Home ah ka chhunglut thin, Lehkhazie ka peih loh chang leh ka beidawn chang te pawh hian Fahrah enkawlna hmun leh Mawizuali vang chauh in hmalam ka pan hram hram thin Pathian in ka piantirh a ta min hre reng a, min thlir reng thin tih ka hria, Khawlai a vawt tuar leh riltam a nausen thi mai tur kha tunah chuan BA passed ka rawn ni ve ta a, Political Science Dept ah chuan Topper hial ka ni a ka lawm kher mai, Ka Passed tih ka hriatni chuan Fahrah in a min enkawl seiliantu Nu Bm-i phone in ka bia a ka tap chhuak hial a ni. Mawizuali chuan ka hrilh hma hauhin a lo hre ve a, keimah ai pawn a lawm zawk emaw tih tur khawpin ka tan hian a van hlu tehlul.


    Mawizuali hi Nursery tang a ka tawrhna zawng zawng min hriatpuitu leh ka lehkhazir chhauh dan zawng zawng pawh min hriatpuitu a ni a, min rawn phone a a tap ve ta thung a, “Pathian  hi a va Ropui tak em” kan in hrilh mawlh mawlh a, Hringnun bumboh tak tak ka zawh lai zawng zawng a min phatsan ngai lo tu leh ka lam a tang tlat thin, Pawl hniam kan zirlai a naupang dang zawng zawng in min enhran a min hmuhsit lai pawh a min phatsan ve ngai lo tu Mawizuali chu Doctor a zirchhuah ve leh Nupui a sawm ka tum ta ani. mahse Doctor zirchhuak tur chuan kum khat a la hmabak a, chu kum khat chhung chuan MCS ka nih vek loh pawn chhawngkaw chawm zawh na khawp hna chu ka hmu ngei tur a ni tiin ka tumruh ve hle a.


    Malsawmzeli hi sawi hmaih loh hi a ngai leh thin, Khatia BA kan passed hnu khan inhmuh a harsa thin hle a mahni buai in kan buai theuh a, kan thianho pawh kan in hmu kim thei tawh meuh lo, midang ho chuan zirzawm an tum a, a then Mizoram University lamah te a then Phailamah te an liam thla nak nak a, Sawmzeli pawh BA kha a Political Science ah Top 2 a ni a, MZU ah chhunzawm ve ta ani, Tawng thei lo mah nise Vohbik a nihna chu hnufualpui a tum hauh lo, thenkhat ah phei chuan mi tamtak ai chuan a ti tha thei hle a ni. a chang chang a kan inhmu zeuh zeuh leh kan in text zeuh zeuh tih loh ah hi chuan kan in hmu khat thei hle a, mahse rilru inpawh tak chuan kan awm reng tho.


    MA Zirzawm ka tum tawh lo bawk a, MPSC hnuai a exam eng emaw ber a hlawhtlin ve tumin ka in puahchhah ve a, chu mi pah chuan Zan lam a ka hnathawh thina Printing Press ah chuan ka hna kaisantir in ka awm a, zinglam a ka chanchinbu sem thinah chuan Joint Editor ah min dah ve ta a ni, ka hlawh tepawh a pangngai ve tawh hle a, midang purhbuai ngai tawh loin ka awm tawh dawn ta a, Ka sawm a pakhat pawh a pung ve ta bawk a, Pathian hnenah chuan lawmthu ka sawi bang lo, Thla eng emaw zat hnu ah chuan Nupui pawh ka nei ngam ve tawh ngei ang le, ka inluahna pawh ka sawn a, tin vantlang ngaih ah pawh mi pangngai ka lo ni ve ta a, khawi emaw thil tihna hmunah pawh ngaih pawimawh leh rawn ka lo hlawh ve tan ta a. kan chanchinbu chu Mizoram pumpui a sem chhuah tam ber pawl a ni a, hna erawh a tam phah hle. ka tuina zawng tak a lo ni bawk a, nuam kati phian a, mahse chumi pah chuan MCS nih erawh ka la tum fan a.


    Mawizuali chu a rawn haw lohna kum 2 zet a ni tawh a,  a rilru a lo puitling in a tuar a chhel ve tawh pawh a ni ang e, chawlh rei tak an neih lai pawn rawn haw loh a ching ta fo mai a chang phei chuan kan in tih thiam loh phah fo reng a ni. mahse tha tak a passed chhuah ka duh bawk sia, chawlh chhung pawn zir ka duh a lawm a ti thin a, Naupanlai tang a zirlai a tuichhilh thin zia ka hria a, a ai a thiam an awm chuan rilru hah nghal em em zel mi a ni tih pawh ka hria a, chah haw tal erawh ka tum hran ngai lo.


    Doctor a zirchhuah ve leh inneih kan tum a, keipawh ka in puahchhah ve nasa hle, Ka sum thawhchhuah ang ang chu ka khawl ve zel a, kan nghakhlel ve hle thin, ka ngai thei hle a, a thlalak te hi ka en tlawk tlawk thin, a rawn haw loh pawh in ka birthday apiang hian thil mi rawn thawn thin a, ka ngaih em em na chhan pakhat bawk chu Message, Facebook leh Call mai duhtawk lo a, a kut ngei a a ziak Lehkhathawn ngei mai ka in a a rawn thlen thin hi a ni. chu lehkhathawn te chu ka dahtha zel a, ka lunglen deuh chang piang hian ka chhiar nawn ka chhiar nawn thin keipawn a lehkhathawn te chu ka chhang let ve zel a, kan Lehkhathawn te chu Number kan pe zel a, a thleng hmasa tur kan hriat theih nan tiin.


    Nikhat chu kan  Chanchinbu Office a kan awm lai in chanchin tharah khawvel zawng zawng deng zawk tu hi an rawn puang a, chu chu Mizoram a tum tur Indian Airlines Thlawhna mi 250 zet phur chu Kolkota tanga a thlawhchhuah hnu reilote ah biak pawh theih a nih tawh loh thu an rawn puang a, chanchin thar ka ngaihthlak tui em vang leh eng nge Naktuk Chanchinbu headline tan kan hman tak ang ti a ka lo ngaihtuah buai em vang chuan Mawizuali Cousin Puitei`n vawithum lai mai min rawn missed called na pawh chu ka lo hre lo hi a lo ni a, Call back ka tum lai tak chuan Kan Chanchinbu Editor-in- chief chuan Editor ho zawng zawng chu min ko khawm a, Naktuk a kan Chanchinbu Headline tur chu kan sawi ho ta a, kei chu Editorial ziak turin min tih nghal bawk vangin kan sawiho hnu pawh chuan ka buai ang reng hle a, tlai ka haw meuh chuan chau tak mai hian ka thu hnawk a. TV ka on a Chanchinthar chu Aljajeera ah ka en ve ta a.


    Mizoram lam pan a thlawkna biakpawh theih loh chhungah chuan Burma Sawrkar leh Mizoram Sawrkar a mi pawimawh tak tak an chuan ve thu leh chu thlawhna chu hruaibo a nih thu an rawn puang a, chu thlawhna chu Burma hmar lam panpui mek a nih thu leh a Hijack tute chu Chin National Army te an nih thu te, Hijack tu te zing a an hotu ber chu Van Tha Hmung a nih thu te an rawn tichiang a, an hotupa thlalak pawh chu an rawn ti lang a, chiang tak a ka en meuh chuan Burma ram ka zinlai a ka zinna motor a chuang ve Delhi a Polital Science in Master Degree zirchhuak tawh kha a lo ni reng mai a, tunah chuan Chin National Army ah lutin Burma ram a Chhinlungchhuak te tan Zalenna a sual ve mek hi a lo ni a, chu ka thil hmuh chuan min thawng in mak kati hle.


    Ka taksa leh rilru a chauh deuh vang chuan TV pawh off loin ka lo muthilhsan hi a lo ni a, ka kawngkhar in sawi dawt dawt ri chuan min ti harh a, peih lo zet a tho a ka va hawn nak chuan Mawizuali Cousin Puitei lo ni reng in. nge ni ta tiin ka lo chhawn a, “Mawizuali chungchangah biak che tumin vawithum lai ka rawn phone tawh che a phone i la thei bawk silo a, ka rawn kal tawp mai” a ti a Mawizuali chanchin min hrilh tur a ka in ah hial a rawn kal ta mai chu mak ka ti hle.

  
   

THUCHAH HNUHNUNG ( Part - 12 )

THUCHAH HNUHNUNG ( Part - 12 )


    Sawmzeli tlarhnung ber a a thu chu mak kati ang reng hle, I sem kan nih chhung zawng Tlarhma berah zel kan thu ho thin a, Tlar hnung ber hi chu Class kal tha peih vak lo leh zirlai ngaihsak vak lo ho thut thin na a ni a, chu mi ni a Sawmzeli a thu ve ta mai leh kan bul a a rawn thu ve ta lo chuan ka ngaihtuahna a kal thui tir hle.


    First Period zawh chuan off period a ni a, keini ho chu kawngka pui hmalam tangin kan chhuak a, Sawmzeli chu kan lo nghak a, mahse kan chhuahna tang chuan a rawn chhuak ve ta hauh lo mai, a rawn chhuah mai loh vang chuan Class room chhung chu ka va en leh a, tumah an lo awm tawh lo, beidawng zet hian ka va chhuak leh ta ringawt a, ka thiante bulah chuan Sawmzeli a awm loh thu ka hrilh ta tawp a, Kawngkapui hnunglam tangin a chhuak a ni ang tiin kan tih thin dan ang bawkin kan Pathum chuan Sawmzeli tello in Library lam ah ka liamthla leh ta dial a.


    Library ah chuan Pu. Thanzinga hmuh beisei takin kan lut a, kan kal pah chuan kan ngaih zia thu te, Putar fel tak a nih thu te leh a ngainat awmzia te titi pui a nawm zia te chu kan sawithla mawlh mawlh a, mahse chu mi chuan Library chhungah Pu. Thanzinga hmel hmuh tur reng reng a awm lo, a rawn kal loh ni a nih dawn hi tiin kan thian ho a kan thut thinna ah chuan kan thu ho leh ta dial a, ka awm a nuam thei lo ka lehkhabu chhiar pawh a tui tawh lo, Pu Thanzinga hmuh tur a awm lo pawh tih tawh nak lai a, Malsawmzeli leh zel kan zing a a tel ve lo chu ka thiante bulah chuan ka sawi chhuak ta tawp a. ka thiante pawh chuan ka ngaituah ang chu an lo ngaihtuah ve hi a lo ni a.


    Chawhnu ah chauh Class kan neih tawh vangin Library ah chuan kan awm rei hle a, Lunch break a lo nih chuan Canteen chhak ah thil ei turin kan chho ho leh dial a, Canteen a kan luh chuan Sawmzeli chu amah te chauh hian tukverh bulah a lo thu a, “Min lam kep mai ru aw..” tiin Sawmzeli hma takah chuan ka va thu ve ta chiah a, min hmuh rual chuan hmundang a thutsawn nghal mai a tum a, mahse a banah ka chelh a ka thut tir leh hrih a.


    “Min hua a mi..?”
    “Haw lo.. “ min chhang bung angreng khawp mai..
    “Chuti si ngati nge ka bulah i awm duh tawh miah loh..?”
    “Min tih nat ka hlau a lawm..”
    “Eng maw kei hian ka tih nat che i ring a maw..”
    “AW..”
    “Engtin nge chutiang tur chuan min rin theih zawk.. midang lak tang a venghim tur zawk che kani a lawm..”
    “Mahse min tina dawn si a lawm..”
    “Chutiang chuan ka awm in i hria em ni.. min ngai sual lutuk a nih kha..”
    “Engmah i hrethiam lo a nih hi..” zawimuang hian a kut hi a vei a.
    “He ka taksa hi ni lo in,” a dinglam kut chuan a thinhnun tak hi a kawk a. “ he ka thinlung zawk hi i ti na dawn a lawm” a ti ta zawk a. kut zaizir hmang thiam chuan a sawi awmzia chu an hrethiam ngei ang, kan bul a lo ding tawh reng kan thiante Pahnih pawh chuan an hrethiam vek a.
    “Sawmzel chutiang hawi in kei chuan ka en ngai lo che a sin kei chuan Ka farnu tak tak ang in ka en che a, A pawi ka ti lutuk “
  

    A thil ei lai reng a ngaihtuah tawh lo, kan thiante pawh chuan min rawn zawm ve ta a, an ni pawh chu ngawi reng in an thil chah chu an ei mial mial a, an eitur min lam sak chu ka hma ah rawn dah ve bawk mah se ei chakna pakhat mah ka nei tawh lo, ka riltam em em pawh chu ka theihnghilh zo ta vek a, Sawmzeli chu engmah sawi loin a chhuak ta daih a, keipawh chuan ka thil chah chu ei loin Pawisa ka hnutchhiah a, ka zui ve nghal a, Bil Tree hnuaiah hian lunghnur zet in a lo thu a, keipawh chuan ngawirengah a bulah thu in ka va zawm ve ta a. in ngaihtuah hun a mamawh tih hria in ka be nghal mai lo, thak te ka han la te te phawt a, a hun tawh ang maw ka tih hnu ah min hmuh theih turin ka lam ah a biang chu ka kuai her a, mahse a hawi leh nghal vat a, ka kuai ve leh nghal a, thinrim hmel zet hian ka en a, a hawi sawn duh bik tawh lo eng thil nge ka tih ang tih ngaichang rengin min en ta reng a.


    “Ngati nge kei kher...?’
    “Nangmah tluk a min hrethiam hi an awm hleinem ka hmeichhe thian zawng zawng te ai pawn ka ngaina che a sin.”
    “Mawizuali nen kan in ngaizawng tih i hre reng tho si a, chuti chung pawh chuan min duh tho a maw..”
    “Duhthlan tur ka nei chuang hleinem ka hmuh loh che hian ka ngai thin che a, ka hmuh che hian ka ngaina zual zel che a, chuvang chu ni a min tihnat ka hlauh em vangin i bula a awm tawh loh a theihnghilh daih che ka tum.
    “I hmel a tha si a, mipang dang tamtak kei a hausa leh fel tak tak pawn an star em em che a, engvang a keimah kher min duh nge i nih..?”
  

    A kut a thawh tawh lo, harsa tak hian tawng chhuah hram hram a tum a , a bei nasa khawp mai,  a tthaw a chham dawn dawn emaw kati thin, mahse tawng chu a tum khawp mai, rei ial a theihtawp a chhuah hnu chuan Mittui far chung hian “Ka hmangaih che..” ti in fiah lo  ruai hian a rawn tawng chhuak a, a fiah loh dan em em chu ngun tak a ngaihthla loh phei chuan a hriat thiam theih loh hial ang. Kum 17 deuh thaw a tawng thei tawh lo a, “Ka hmangaih che. “ ti tur ringawt a beih nasat zia kha vawi engzat tak kha thumal Pathum lek sawi chhuak tur khan bei tak ang maw. min hneh kher mai ka rilru chu a dek che tham lutuk, ka ngaihtuahna chu a zing phui mup mup mai a, ka van ruai mai.


    K a rilru chu ka kawm a, “Sawmzel ka van lainat tak che em, Mawizuali hi lo tawng hmasa tawh zawk lo i la chuan i ka ai a ka ka ni ang a, i hmangaihna hi lawm takin ka pawm tur ka phu lo lutuk che tih pawh ka hria mahse damchhungin ti a thuthlun pui ka lo nei tawh si a, kan tan lendun a rem tawh lo, thihhnu piahlam khawvel leh pian nawn lehna te hi  a awm a nih ngai chuan chu ka khawvel chu i tan ka hlan ve tawh ngei ang mahse he khawvel ah hi chuan Hmangaih ka nei tawh a, lengdang chhai a rem tawh lo tiin baihvai zet hian ka ngaihtuah a. Sawmzeli bulah chuan ngawi reng in ka thu ta ringawt a, Sawi hmasak tur ka hre lo a, sawi hnuhnun tur lah ka hre hek lo, a nih na takah chuan sawi tur kha ka hre lo hrim hrim. A kut chu ka va vawn sak a, ka thin phu dap dap chu deh tir in “Ka thinlungah chuan i awm reng ang mahse he hringnun hi chu nang leh kei tan a duan a i ve lo a ni mahna Thihnu piahlam khawvel a awm ve ngai a nih chuan chu khawvel pum chu i tan ka hlan tawh ang” tiin kut zaizir ni loin tawngka in ka sawi chhuak ta hlawl a.


    Sawmzeli biang a Mittui luang karah chuan nuihmel hian a rawn chawih leh a, aw Sawmzeli nui hmel hi chu a mawi chiang a lawm , ka lam hawi a a saih chang phei hi chuan a nui hmel mawlh mai hi hmuhnawm ka lo ti leh thin, a nui sathliah mai pawh ani lo a nuihmelah hian zun a tel tlat, mipa tamtak ngaihtuahna chawkbuaitu pawh a ni reng a ni. Mipa changkang leh Hleitling tak tak pawn Sawmzeli hi an star thin a, Nupui a neih hial duh te pawh an tam mai, mahse engvang a kei Bialnu nei lai kher hi min thlang nge maw a nih le kati fo thin, mi pakhat phei chuan Sawmzeli bul a a awm theih nan leh a biak theih nan hian Kut zaizir hi a zir ngar ngar thin a, chupa pawh chu Aizawl a mi hausa lutuk fapa leh nungchang ah pawh mi fel tak zirna lamah pawh nise mi chung en  ni, chupa phei chuan a at chilh hial a, mahse chupa pawh chu Sawmzeli chuan a duh chuang lo. engvang nge min hmangaih tu te hi kan hmangaih ve miah loh a, min hmangaih lotu te hi kan hmangaih tlat thin le, hmangaih ve ve intawng te hi chu mi vannei tak zawng an ni. he thu ka ngaihtuah chhuah a piang hian Mawizuali nen a kan vanneih zia mawlh mai hi ka hrechhuak thin Pathian hnenah Lawmthu ka sawi bang ngai lo.


    Sawmzeli chuan ka rilru ka thlak dawn loh zia leh Mawizuali tan a ka rinawm zia chu a hrethiam a, rilruna tak chung hian “I thian ka ni reng thei ang em..?” min ti a, kei chuan Ka thian i ni reng fo ang, tiin a kut chu ka awmah tak ka nghat a, ka nui ta a. a ni pawh chu a rawn nui ve sen sen a.


    Chumi zan chuan Mawizuali`n min rawn bia a 2nd Semester a ka ni hmasa ber ka hman liam dan chanchin te chu min rawn zawt a, nidangah engkim hrilh thin khan chu mi zan chuan hrilh duh loh chin ka nei ta a, ka rinawm loh vang ni loin a rilrunat ka hlauh vang leh kan inkar a chhiat ka hlauh vangin Sawmzeli nen a kan chanchin chu ka hrilh duh ta lo a, Pu Thanzinga ka hmuh tawh loh thu chauh chu ka hrilh ta zawk a, chu mi zan chuan naktuk mai a test an neih dawn vangin kan in be reilo, biak rei deuh chu ka chak viau tho nain a zirlai ka tihbuai duh loh vang chuan ka be rei ta lo a, ka ngai em em a, chumi zan chu Sawmzeli ka ngaihtuah in Mawizuali a rawn lang a Mawizuali ka ngaihtuah lah in Sawmzeli a rawn lang tel ve zel bawk si a, muhil hlei thei loin hun rei tak chu ka tal ka tal ta reng a.


    Hun chu a kal chak ang reng hle.. 2nd semester pawh thla khat leh chanve lai kan lo zir ve leh ta reng mai, Sawmzeli pawh a titau tawh bik lo a, kan zinagh chuan engmah thleng lo ang mai in thian tha tak ang in a awm thei ve leh mai bawk a, mahse nidang ai in kan in pawh a, kan in ngainat zual phah zawk a, keipawh chuan ka hriat loh hlanin ka lo ngaina ve hle hman hi a lo ni a, Mawizuali nen pawh a hma ai chuan kan in be khat deuh ta bawk a, bakah hmun hran a awm hi chuan a tir in in ngai viau thin mahila kan awm ho loh rei tial tial hnu hi chuan ngaihtuah reng hi a lo har ve bawk a nih hi.


    Kan thianpa Pu Thanzinga chu Library ah chuan kan hmu ngai ta lo a, kan ngaihtha lo chuan Librarian hnenah chuan Pu. Thanzinga chanchin chu ka zawt ta phawng mai a, Librarian pawh chuan a hriat bik loh thu a sawi a, mahse a address erawh min pe ta tho a.


Tlai Class banah chuan Pu. Thanzinga chu Tuikhuahtlang a an inah kan thianho in kan  va zawngchhuak ta a,  A in chu a upa tawh hle a, mahse a mawi em em a, Hmanlai Sapho in sak mawi tak ang hi a ni a, an in kawngka chu Nu upa lam tawh tak mai hian min lo hawn a, kan kal chhan leh kan mi zawn te ka sawi hnu chuan, a rawn let leh hun nghakin sitting roomah chuan kan lo thu a, Kei a  hawkdak tih takah ka hawi kual nasa ngang mai hmuhnawm a tam bawk em ani, hmanlai thil hlui hlu tak tak te mi tamtak in a an hmuh theih tawh zen zen loh te chu tarmawi ah an lo hmang a, eng a mah hma chuan manhla kati hle ringawt a, a bikin banga hmeichhe hmeltha tak Nula ngo vengvawng hnunglam a samzial hmaitung fel tak leh nuimawi tak mai chuan ka mit a la bik em em a, a thlalak chu a hmanlai tawh ang reng hle. chu thlalak ka en reng lai chuan chuan a pa in  room chhung a lut tur a min duh thu a rawn sawi a.


Room chhung a kan luh chuan Pu. Thanzinga chu khumah a lo mu a, a hmel en chuan a chaklo hle tawh tih a hriat a, he khawvelah hian hun reilote bak a awm tawh dawn lo a ni tih chu ka hrethiam nghal vek ani, harsatak hian min hui phei a, khumah chuan a kut vawnsak pahin ka thu a, a aw fiah tak a ka hriat theih nan ka kun hniam hle bawk, “In rawn kal hi ka ring reng a, ka lo beisei reng tawh che u  asin”. a ti a. ka lawm kher mai a damlohna khum a tang leh a hun hnuhnung tak meuh tang pawh a mi lo la hre ve reng mai chu mak kati letling hial zawk ani. “I tello chuan Kan College Library kha a ruak ruih hian ka hria a, chubakah kei te chuan lehkhabu tha chhiar tur pawh ka hre ve hleinem, I dam ve leh Lehkhabu tha I tih ho min kawhhmuh leh ang chu” ka han ti ve tak na a, ka rilru chuan a khum tang a dam a a thawh leh theih ka beisei reng reng lo.


A ring bik lo ngang a ni a, a lu a thing a, a kut ina lan tir bawk a, “ aa.. Bawiha ka khum atang hian dam a ka thawh leh theih pawh ka ring tawh lo, Lehkhabu tha chhiar tur ka kawhhmuh che khan, chherhriam che ai in, ka ti chhe zawk che in ka hria, nangmah ngei in I lo in zawn ve taw hang chu” a ti a, a ngawi deuh vawng vawng a, e nge ka sawi ang ti a ka in ngaihtuah lai tak chuan “ Ka hmuhtirh che a, Lehkhabu min chhiar sak hmasakber ni tang khan thil hrilh duh che ka nei thin a, midangin an hriat ve ngai lo, tu hnenah mah ka sawichhuah ngai loh,  I bul a sawi hi ka chakna a rei tawh thin, sawi ka tum fo a, mahse a hun rih lo ni in ka hre thin, tunah chuan hei ka hun tawp tak tak a ni ve ta, In hnen a ka thinlung a thu awm reng ka sawichhuah loh chuan tu hnenah nge ka sawi chuan ang ni” a ti a, a Lehkahbu kar a Lehkhaphek te hi a rawn lachhuak a, mi pe a, chhiar turin min ti a.


Chutihlai tak chuan a Fanu  chu theitui nen a rawn lut a, Pu. Thanzinga chuan Fanu hming chu  Chhingi a nih thu a sawi a, kei ni ho pawh chu mi in hmelhriat tir ve nghal bawk a. Pi chhingi hnenah chuan “ Tete, nangpawh rawn thu ve teh khai, nangpawn he thu hi hria la ka duh ani” a ti a, tichuan kan pathum chuan chu pindan chhungah chuan kan awm ta a, Chu lehkhapuan hlui tawh tak mai chu ka keu a chutah chuan kutziak nalh tak mai hian tihian a lo in ziak a. “ He kan ram neihchhun kan in kan tih ve theih chhun a, hun leh ni chhiar a, tuahpui leh vau an vul chang leh Thlasik thlifim kar a Tleizawng leh tlangsam an par vul chuk chang hi chuan ka thinlaiah hian I thar leh thin. I pangpar mawi tih em em Chokhlei leh zamzo ten zoram an rawn mawi leh a nang erawh hmuh tur eng reng I awm silo a, tawn leh ni herchhuak thuai se.”


Chu lehkhathawn ka chhiar lai chuan Pu.Sangliana biangah chuan mittui a luangthla ker ker mai a, Sawmzeli  nen chuan kan in en tawp a, a ngaihna kan hre lo dun kher mai, mahse chu lehkhathawn tawite chuan a nun ah awmzia riltak a nei a ni tih ka ngaihruat thiam mai a. Keimah a awm rih ka duh a tih vang chuan Pichhingi ho chuan an in kawt a thing thutthlengah chuan kan titi ho ta mai mai a, “Kapa hian In chanchin hi a sawi thin a, kawngka ka rawn hawn khan kapu in an chanchin a sawi thin kha in ni tih ka hre nghal mai a sin, hmuh kan lo chak thin thei khawp mai che u a, mahse in rawn lang ta mai silo a, in rawn lang tawh dawn lo emaw kan tih hnu ah, in rawn lang ve ta hlawl chu a nih hi” a ti a.. “Nia, Exam kan zo kha mahni buai buai in kan buai ve hlawm lutuk a, chubakah rawn zawn hmuh mai dan ka hre mai bik silo a maw le” kati a, rei ial kan titi hnu chuan Pu.Thanzinga pawh chu hmu leh ta lem lo chuan kan hawsan ve leh ta a.


Ka haw hnu pawh chuan Pu.Thanzingate sitting room Banga Thlalak hlui tawh tak leh Pu.Thanzinga Lehkhathawn mi chhiar tir  chuan ka rilru a luah reng a, zan a ka muthmun thleng chuan ka ngaihtuah a, ka mitthla leh ka bengah hian bang a hlimthla leh Pu. Thanzinga Lehkhathawn ri kha a cham reng mai.


Kar khat liam hnu chuan Pu. Thanzinga chu College ah a rawn lang leh a mahse tun tumah erawh hi chuan a Fanu Pi chhingi a rawn hruai tel tawh ta thung a, tum dang ang lo takin lehkhabute chhiar loin college building hlui tawh tak tak ah te kal kualin thingbuk hnuai ah te hun a hmang liam ta mai mai a, chumi hlan chuan Pichhingi nen kan lo titi mai mai ve thung a. Chawhnu herah chuan haw zai a rel ve leh dawn ta a, Gate thleng kan thlah a, Car a a luh dawn chuan “Sawmzeli hian a ngaina riau che in ka hria, a ngaizawng che a nih chuan a rilru lo ti na hauh suh ang che, ka ring tawk che a, kawng engkimah Pathian in mal sawm che rawh se” a ti a. Car ah chuan a lut ta a, mi rawn bye bye hnu chuan an in khalh chhuak a, an kal liam hma zawng chu ka thlir reng a, chu chu Pu. Thanzinga nungdam a ka hmuh tawpna ber a lo ni ta reng mai.


Pu Thanzingaa ruang thlah ni chuan kan thianho in kan va tel ve a, veng neitu leh mihlun tih takah ruang thlahtu leh ui  tu pawh an tam ngiang mai, Ruang thlak zawh rual a haw mai ka tum lai in Pu.Thanzinga fate‘n zan riak tur a min sawm tlat veng leh Pichhingi‘n ngen tak meuh a min ngen vangin chu mi zan chuan Pu.Thanzinga te in ah chuan ka riak ve nghal ta a, mahse Sawmzeli te ho erawh chuan min hawsan thung a. chumi zan chuan Upa tak tak a rualpui la dam te leh a chanchin hre deuh ten a, a damchhung hun chhiar dan an sawi te chu ngaihnawm ti takin ka lo ngaithla a, Pu. Sangliana‘n min hrilh loh a chanchin tamtak chu ka hriat belh ta teuh ani, mi khawhar hnem tur a riahpui mah ni ila manhla kati hle, Pichhingi chu a muthilh theih loh vangin zantlai tak thleng ka menpui a, a room chhungah chuan an chhungkaw thlalakte a naupanlai thlalakte leh Pu. Sangliana thlalak hlui tawh tak tak te chu kan en a, chu mi zan tang a ka hriatchhuah tak chu Pu.Sangliana chu ka hriat ai a nasa daih a miropui a lo nih tih hi a ni.


Pu Thanzinga fate chu ka chungah an tha em em a, an Pa thianpa diktak ang in min en a, an ni lusun zawk mah nise chu in chu nuam lo ka tih an hlau em em zawk mah a ni, chu in a nihnih zet ka awm hnu chuan zirna thlahthlam thei kani bik silo a, hna thawh lai nei kani bawk nen ka in lamah lam a luh leh ka tum ta a, chu mi hma chuan Pu Thanzinga Fate chuan an pa in ka tan a thilpek a hnutchhiah thu an sawi a, mak kati ang reng hle, Pu Thanzinga nen khan a ni a chhiar chuan Thla 5 bak mumal tak a kan in hmelhriat hman lo kha a ni  a, thian ang tak tak a min kawm pawh ka lo ring ngai lo, kei kha chuan ka college lut tir thian kawm tur neilo khan ka kawm a, ka inkawmhlen ta chauh kha ani si a.


Pu. Sangliana Fanu naupangber Pi.Pari chuan “Kan lungleng a la reh lo deuh bawk nen mite  khawngaihna kan chang a tawrhpuitu leh inleng an in zawm zut bawk nen nangma tal in kan tal tir tawp mai che a, chubakah mihrang en en in kan en lo hrim hrim che a, kan lo ngaihven hman lutuk lo che a hreawm I tih vang a haw hma tum chu I ni lo ang chu maw, Kapa khan a thihdawn tep khan thu min chah a, `He Lehkhabu hi kha tlangvala kha lo pe ngei ngei ang che u` tiin min chah nasa em em a, eng teh vak nge in ziak pawh kan hre lo, a thingrem a a dahthat char char thin a ni a, a damloh zual lai a in a bih ve zeuh zeuh kan hmu thin tih loh ah chuan en pawh kan enpui vak ngai lo, Kapa tan he lehkhabu hi a hlu  em em a, chuvang chuan nagnman he lehkhabu hi kawl turin a duh tlat che a ni.” A ti a.


“Kapi, chutiang ang a nuamlo tih na pakhatmah ka nei lo, in bul a awm pawh a nuam khawp mai, mahse duh ang in ka pui  thei silo che u a, ka tih theih tlem si a ka inthiamlo letling zawk a sin, awm rei duh viau mahila ka zirlai hi ka thlahthlam a thiang bik silo a, Class kal loh nite chuan ka rawn tlawh zeuh zeuh thin ang che u, Chuan he lehkhabu hi akawl tur diktak kani dawn em ni, nangmahni hian kawl u la, him pawh a him daih zawk awm si a, ka van la hreh deuh e aw” kati a.


Pichhingi chuan “E.. bawiha, ka pa in a thih dawn tep a, a sawichhuah I ni a, nangmah lo hi a kawl tu tur diktak an awm chuang lo, engpawh nise tikhan kawl la, I ta ani e. chuan hei keini pawh Aizawl ah tihian kan awm ve a,  tanpui I ngaihna leh I harsatna te reng reng rawn sawi hreh lo la, kan theihna chin a piangah Nu leh Pa chan kan lo chang ve ang a, he in hi I in ang thlap in rawn en zui la, I duh hun a piangah I rawn haw dawn nia, Christmas te pawh I rawn hmang dawn nia, keini pawn fate tak tak angin kan en che a, engmah inthlahrunna tur a awm lo a ni a”. a ti a, tichuan chu lehkhabu hlui tawh tak chu pawm chungin Pu.Thanzinga in chu ka chhuahsan ta rih a, Chu in ka kal san lai chuan hnuglam reng ka hawi lo, Pu Thanzinga hian min thlir reng ni a hriatna hi ka nei tlat ani.


Engtik lai mah in Pu.Thanzinga hi ka thinlungah a thi ngai reng reng lo a, pu ka neih  loh a vangin Kapu ang tak tak leh ka thiantha ang tak tak in ka en thin a, kha ti a, kan College Library a lehkhabu chhiar a a arawn kal thin lai te khan kurtai leh thingpuisen hi a rawn keng thin a, Lehkhabu kan bih reng bik lo a, chawl a titi pahin chu a thingpuisen rawn ken chu kan in dun thin, College canteen a an eitur siam ho kha a ngainat zawng a awm vak lo a, chana tih loh kha chu ka eipui thei ngai lo. Pu.Thanzinga thusawi ka hriat reng thin pakhat a awm a, chu chu tunthleng hian tha kati em em thin “ Tu pawh mai hian duh kan thlang vek a, thuthlukna kan siam vek bawk mahse chumi nunpui leh kaltlangpui chu a harsa em em ani, mahse chu I duhthlanna leh I thuthlukna te I nunpui a I kaltlangpui a nih ngat chuan mi hlawhtling tak I ni ngei ngei ang” tih hi.


Pu.Thanzinga hnen a tang hian thu tha tak takleh fuihna thu te ka hre thin a, a hun paltlang tawh a tang te, a chanchin a sawi tang te leh harsatna a paltlang thin dan a sawi a tang te chuan zirtur tamtak ka nei thin, Lehkhabu a chhiar hnem tawh em em a, kum upa tawhna a nihna zar ah tawnhriat pawh a ngah a, a damlai a mizorama thil chhinchhiah thlak tak tak thleng tepawh a zarah ka hriat ve phah teuh a ni. Pu.Thanzinga boral kha ka tan chuan Library pakhat kangral vek ang a ni.


Pu Thanzinga a boral hnu pawh chuan a fate tawngkam tha lawmin an in ah chuan ka kal ta fo a, Pu Thanzinga  a damlai a, a lehkhabu lahkhawmte chu an phalna thlapin ka duh ang ang in ka sawngbawl a, ka lehthal hneh ve hle thin.


Tum khat chu Sawmzeli‘n a birthday a lawm dawn a, I rawn kal loh chuan ka thinrim dawn nia, a tih tlat vang leh ka tih ngei ngei tur ni a ka hriat tlat vang chuan ka va tel ve a, mahse Aizawl nula leh tlangval nalh tak tak kar ah chuan ka te chem chem hian ka in hria, mahse khati tak a miten min dah chungnun thiam leh min ngaih pawimawh thiam kha phulo ka in ti a, a thiannte bulah chuan min hmel hriattirna te a nei a, kei a mah ka inthlahrun tawh nak lai a, mi te hma  a min han introduce leh zel mai chu ka zak ang reng hle mahse Sawmzeli chuan min dah pawimawh hle tih ka hriat vang erawh thung chuan ka lawm rilru em em ani. Kan pahnih a kan din dun lai reng chuan a thiante chuan “Hei hi maw I mipa sawi ban theih loh chu” te an rawn ti fiamthin a, a zak lutuk hi min en a, a hmai te lam lam a sen zo vek thin.


Choka ah chuan eitur te siam in kan thianho  te nen chuan kan buai ve hle a, mahse a nuam ang reng phian mai, an zingah chuan mihrang ka ni lo a. Kei a zei loh nak a lai in kan eitur siam zawh hnu meuh ah a thiante lah chuan an bialpa te bulah min kalsan vek mai si a, Sawmzeli nen chauh chuan an Choka ah chuan kan awm ta ran a sawi tur a vang duh khawp mai. An in a nih vang erawh chuan a tawng duh zawk ah a tang hlauh a vannei tak kani ringawt, chutih lai karah eng a rawn thim leh hmak bawk nen, inverter kan han on dun chiah kha chu buai ve tak kani. a ni lah tawng thei bawk silo, a kut zaizir lah ka hmu thei tawh silo.

Kan tih tur hre lo chu a mah zawk chuan, “hawh in chung ah thu daih ang he lai a thiante lo nghah reng ai chuan a nuam daih zawk ang. I zakzum ropui si” a han ti a, hnial chi pawh a ni lo, rawt tur dang hre hek lo le, thu awi hmel takin an inchung chhuah chhohna ah chuan kan in zui chho ta a.


Inchung ah chuan boruak a thawl deuh a lawm, Aizawl khawpui chu zautakin a hmuh theih a, van boruak sang takah chuan Arsi te chu an pe un mai a. Arsi chanchin min zawh hlauh tawh nak a lai in “zangkhua khi a kawk a, saw saw eng arsi nge ti in min zawt a, ka lo hre hlauh a zia tak a ni. Zangkhua chu ka thiam ang tawk a ril leh awm ze nei tur in ka han hrilhfiah a, ka kut zaizir chu a chhe lutuk a hrethiam in hrilhfiah chiang tak ang maw mahse a hriatthiam hmel ve tho chuan ka hria. khawpui mi hausa fanu hmeltha takin ngunthluk zet a ka kut zaizir a e chu nuam ang reng tak a ni. Arsi chanchin ka hriat dang te pawh ka hrilh ta zel a,. A tawp ah “i naupan lai in i nu in a hrilh ngai lo che mi? ti a ka zawhna erawh kati fuh lo kher mai. Hnuailam a en deuh char nghat  a “kanu chuan kum 5 mi lek ka ni lai in min boralsan tawh a, a han ti mai chu, beidawng an sawi zingah beidawng ber kani ang. Min ngaidam rawh ka tihpalh tìh bak sawi tur ka hre lo.


Kum 17 chiah a la ni a, a hmelthat vanglai tak a hmang mek a ni. An ei a tha bawk a, a vun te lah chu a no sar mai a, vun ngo tak leh nu hnap mai hi a ni reuh lehnghal a mipa engzat tak a zun ah hian lo uai chat tawh ang maw? a ngawih deuh vawng vawng vang chuan ka ngaih a tha thei lo, ka hnaih a, zam chung chung in a dar ah ka vawn sak a, thlamuanna thu te chu ka han sawi ve luam a, rin loh tak a, ka tang ah a rawn bei a, a rawn tah erawh ka beisei lo, mahse a ti miau si. lo kuah let a duat hmel tak a lo tawng thlamuan bak tìhtur ka nei ta lo, ka tih tah a ni miau a, zialo tak a ni.


“Ka tet lai chuan kanu hian ka birthday ah kawrmawi tak min leisak thin a sin, kanu hian ka birthday a ni tih a la hre ve reng ang em le?. Kanu ka ngai lutuk..” tiin ka awm ah chuan a tap deuh hawm hawm a, sawi tur ka van haihchham chiang tak em. “Kan nu te chuan kan birthday te chu min hriat sak reng thin a lawm, I nu pawh chuan tunah pawh hian van a Arsi te zing a tang khian a rawn thlir eng tawh maithei che a sin, hetia i piancham a I tah chguan hreawm a ti lutuk ang” kati ve luam a. “Mite zawng an pianni chuan an tap ve vek a, mahse an piancham ah erawh chuan an hlim thin kei erawh ka piancham a piang hian kanu ngai in ka tap reng fo dawn a nih hi” a ti a.


“Sawmzel enteh, I nu chuan kawrmawi a leisak lo che a ni mahna, mahse hei enteh kei man kawrlum tlawmte mai ka leisak che asin, I ha chhin duh em?” tiin thilpek tan a ka lei ve, kawrlum man tlawmte tumkhat bazaar a kan chhuah dun lai a a hak chhin a in hmeh em em mai leh a awh em em mai chu thilpek a tan ka pe a, a lawm thiam kher mai, naupangchhia ang mai ani, a duhawm kher a sin. “.. Ka lawm lutuk” tiin, min kuah a, a mittui te chuan ka kawrhma te chu a farhuh zo a..


Sawmzeli chu khawngaih viau mahila ka rilru chuan Mawizuali chu a hre renga, ka chetsual loh nan ka in veng hram hram thin, Sawmzeli chuan a rawn dawh chho va a, a mit meng mawi tak ah chuan hmun dang hawi thei loin ka en reng a, chutihlaitak chuan ka hmui ah min rawn fawp thut a, mahse ka chhang let lo, ka rilru ah Mawizuali a lo lang a, thiang lo ah ka ngai tlat ani, Mawizuali chu ka hmeichhe fawh hmasak ber leh awm chhun a ni a, ka rilru ah chuan a rawn lang leh hmasa ber ani. Mahse thil ni tur ang zawng zawng chu a ni zo tawh, ka chhan let miah loh vang chuan hmeichhe fawp ngai lo leh zei lo lutuk ah min ngai pawh a ni thei mahse Mawizuali lakah ka la rinawm ani tih ka la in hre tlat  a ni.


In chung lam a kan thil tih vang chun awm ve reng pawh chu nuam kati ta lo a, chhuanlam ka siam a, Zan a tlai hma hauh in ka hawsan ta zawk a, in ka thlen ve leh chuan Mawizauli chu ka phone vat a, zan a ka hun hman dan zawng zawng chu ka hrilh ta vek a tichuan ka rilru chua  zang huai a, Mawizuali pawh chuan min hrethiam em em mahse a thik thu chu a sawi ve tho a, mahse min demna thu pakahat mah a sawi chhuak chuang lo, thil engkim ka hrilh fai vek avang chuan min rintawk thu min hrilh ta zawk a ni.


Sawmzeli chuan min duh tih ka hria, a hmelthatna leh a duhawmna te chuan min hip thin mahse ka thinlung in hmangaih a lo neih tawh vang zawk in ka tan a rem tawh lo, Ahmelthat na leh a chhungkaw dinhmun en pawn ka phu hauh lo mahse ka hringnun ah Mawizuali a awm tawh vang chuan khawdang ka hawi a rem tawh lo, mahse chumi vang ngawt erawh chuan kan in thianthatna chu ka tichhe chuang lo a, kan la inkawm zui zel tho a, Mawizuali nen a kan inngaihzawn thu leh kan zirchhuah ve leh innei nghal tur a thu kan lo tiam tawh zawng zawng te chu Sawmzeli bulah chuan ka hrilh ta vek a, chumi ka hrilh ni chuan  mittui a biangah a rawn luang hnap mai hi ka hmu a ka lainat hle mahse thudik hre lo a awmtir chu fair lo ni a ka hriat vangin ka hrilh mai chauh zawk a ni. “I thian tha ber ah tal min pawm rawh aw, chuan ka lo nghak reng ang che” a ti a, sawi tur dang reng ka hre lo, kan hmangaihte kan tan a an hlu tluk ang zet hian min hmangaihtute pawh hi an lo hlu ve a ni tih ka hrechiang em em a ni.


Sawmzeli chu hmangaih dang ka nei tawh tih ka hrilh hnu pawh chuan min kalsan thei tak tak lo a, zan a a lungleng khawhar te hi mi rawn text thin a, han chhan loh tawp chu ni thei in ka hre lo a, Kei pawh ka khua a har in Mawizuali ka lo ngai ve thin bawk nen Sawmzeli‘n mi rawn biak chang chuan ka lo hnar ngai lo a, thil engkim kan inhrilh tawn a, a rilru leh thinlung zawng zawng chu a bun chhuak a ni ber, a chang in min tah khum a, a chang in min tih tauh khum a, mahse ngaihzawng ang chuan tawngkam khat pawhin ka be ngai lo hrim hrim, Sawmzeli nen a kan in text lai te chuan Mawizuali hian mi rawn be thin a,  midang I be nasa lutuk tiin a titau ve fo thin, mahse min ring tawk em em a, ka thusawi pakhat te mah a ringhlel ngai lo, rinhlelhawm in awm thin mahila keipawhin min hmangaihna leh min rin ngam na chu ka hrethiam a, rinawm reng turin ka rilru ka siam fel tawh a, midang kawp san mai ka tum bik lo, a chang chuan keipawn ka thikthu ka ti chhe ve hle thin.


Karhla dan daih a leng nimahila kartawp inrinnizan apiangin mi rawn Call loh pawn keiman ka call ngei ngei thin, kan in call chhawk a ni ber, Nitin sms inthawn kan theihnghilh ngai lo a, zan mutdawn ah te zing thawh veleh te chuan ngei ngei ani a, kan lunglen deuh chang te chuan zankhua te pawn kan li in text leh thin, Tlaivar thak thak a in text kha vawitam chu kan nei, a roommate vaiho fel zia leh bengchhen thin si zia chu a sawi uar em em a, an hostelah chuan mizo dang an awm vak lo a, tlangmi erawh chu an awm ve nual mai Bangalore khawpui ah chuan Chawlhni a piang a an inkhawm ve thin thu te chu a sawi thin a, keipawh inkhawm ziah turin min ti thin a, ka inkhawm leh khawm loh hi a ngaihven em em a, Dankhatna tih leh Kristian chhungkua tih hi a ngai pawimawh em em bawk.


Sawmzeli nen chuan a n mizia a dang hlak thung, Sawmzeli chu Khawpui tleirawl awm khawlo tak ti a sawi tur chu a ni hauh lo, sualna hranpa em em pawh a nei lo a, mahse kohhran leh khawtlang vel a in hman hi a peih ve lo khawp mai, Sunday ah te chuan Sunday School kaikim lawman te chu dawng ve thin bawk mah se Kohhran thalai pawl vel a in hman a, kohhran a a kul a tai a inhman lam hi a ti vak lo, lehkha a zir ngawr ngawr a, mark pawh a hmu sang thin chutihlai chuan thian a kawm nasa a, mizia ngainat awm tak kawm nuam leh nelawm tak chu a ni vet ho thung a.


Ka