THUCHAH HNUHNUNG (Part - A)

art – A)


Fahrah enkawlna hmun tang a seilian ka ni a, he khawvel eng ka hmuh tirh atang khan Nu leh Pa hmangaihna tello in ka seilian a, Tun thleng hian ka nu le Pa te hi ka la hre lo, Thlasik khawvawh vanglai takin Aizawl veng pakhat kawn lai takah chhar kani a, Aizawl ah ka piang a, min chhar ni chu ka pianni ang a chhinchhiah a ni, Mi tlawmngai ten Fahrah enkawna hmunah min dah a, mak tak mai in ka dam khawchhuak a ka hringnun hian thil tam tak a paltlangin a lo hel tam ve ta khawp mai.

    Min enkawltu te sawi dan chuan naupang danglam tak kani a, naupang dang te ang lo takin ka tap ve ngai lo a, ka nui duh em em a, chaw ka duh a, mi tupawh in min pawm se ka tlei em em zel mai a ni. Chu fahrah enkawlna a awm te chu ak u leh nau te leh ka chhungkhatte an  ni a, an ni lo chu han pawh chawp mai tur pawh an awm lo hrim hrim. Naupang vannei thnekhatte chu mi in an fa atan an rawn la thin a, kei leh midangte erawh chu kan tleirawl chhuah thleng in chu fahrah enkawlna in ah chuan kan awm tar eng a ni.

    School kai rual ka nih ve tawh hnu chuan School pakhat ah min dahlut ve a, tah chuan nitin school ka kal ve thin, chu school ah chuan Nursery tang a Pawl 12 thleng zirna a awm a, Mizoram a School tha be rte zing a mi ani a. chu school neitu te chuan Fahrah enkawlna a naupang te chu Pawl 12 thleng a thlawn a kan kal ve min phal sak a ni. Kan uniform leh mamawh dang zawng zawng chu Fahrah enkawltute chuan min tumsak a, kan kal lam leh haw lam zawng zawng pawh an ni chuan min ngaihtuahsak vek a ni. Kan tan nu leh pa chan tak tak an chang a, Pathian Vantirhkoh chu kan tan chuan an ni bak hi an awm chuang lo.

    School ah chuan zirtirtute thu ka awi em em a, zirtur an tih apiang chu ka thiam thei zel a, Ka piantirh tang a Nu leh Pa diktak enkawlna hnuai a awm ni mah suh ila Pathian in thluak tha leh nungchang tha tak min pe a, Kan Schoolah chuan a thiam thei pawl kani ve ta zel a, Zirtirtute duhsak pawh ka hlawh narawh. Kan zirtirtu Miss Rosy chu ka ngaina em em a, Class a ka tah chang te hian zirtirtu dangin min thlem thei loh pawn Miss Rosy-I min thlem chuan ka bang ve mai thin. A ni pawn min ngaina em em a, Class roomah ka birthday te min lawmsak hial a ni. Chu chu ka kum 4 na piancham a ni a, ka birthday lawm a nih hmasak ber na a ni.

    Nursery kan zirlai tang tawh chuan thian kawmngaih em em mai ka nei a, Miss Rosy-I u fanu a ni nghe nghe, a hming chu Mawizuali a ni a, lehkha a thiam thei em em a, a kutziak pawh a nalh fal bike m em thin, a ni chu in lamah a nu leh pa ten an zirtir thin a, School ah hi chuan a lo thiam lawk vek tawh zel. Class roomah hian tlar hma berah Mawizuali leh kei leh ka thianpa Fahrah enkawlna hmun a ka awmpui vet ho Hmingdiki ten en kan thu ho thin a,  Naupang awm khawm tih takah intihbuai leh intih tah kha a tam em em a, Mipa leh hmeichhia han insual mai te kha a tam ve hle thin, tumkhat chu kan hnung tlar chiah a thu mipa pakhat hian Mawizuali leh Hmingdiki te chu an sam a rawn keh sak a, an pahnih chuan an tap a, chu mi tum chuan ka lo chhan ve a, Tlarhnung a thu mipa nen chuan kan lo insual ve ngei a nih kha.

    Nu eh Pa thlazarhnuai a awm ngai lo tih takah Nu leh Pa awmzia takngial pawh kha ka la hre lo a, mahni awm khan ka awm ve tawp a, Fahrah enkawlna hmun a kan awmdan tho khan Naupang dang te pawh an awm ve vek emaw ka ti thin. Lung delh lo thing delh loh ta fam chu kan lo thanglian ve ta zel a, chu school ah chuan keipawh ka la kal zel a, Class ah a thiam thei pawl ka nih fo vang leh Sports lam te ka lo tih ve theih em vang chuan Schoolah chuan Zirtirtuten min duhsak a min hre em em a ni.
    Chutihlai chuan Mawizuali nen chuan kan la in classmate char char a, Nursery tang khan thian tha tak kan la ni zel bawk, Class ah te chuan Pakhatna kan in nih chhawk thin a, Pakhatna ka nih chang hian min lawmpui em em thin a, chutihlai erawh thung chuan a hma ai nas hian a zir nasa sauh thin, zirna lamah chuan kan in el nasa thei hle a, thildangah erawh chuan kan in tan tlat thin.

    Mawizuali chu naupangte a nih tang a rilru tha em em leh fel em em mai hi a ni reuh a, a fin gem em bawk, mahni hma a sial ka hre ngai lo a, midang hi a ngaihtuah hmasa zawk thin, a nungchang chu a tha reuh khawp mai kawng tamtakah ka entawn thin a, a nun tang hian thil tamtak ka zir a ni.
    Pawl hniam kan zirlai a mi in min hmuhsit a min kawm duh loh chang te hian Mawizuali chuan min kalsan duh ve ngai lo a, a tiffin te min eitir ve thin a, midang zawng zawng in min kawm duh lo pawn ani chuan min kawm lui tlat thin. High School zirlai ka nih ve tawh hnu kha chuan ka rilru pawh a puitling tan ve tawh a, thil awmzia pawh ka hrethiam ve vek tawh, Hmuhsitna leh min endawngna thin zawng zawng te chu min ti chak tu an rawn nit a zawk a, Class a a thiam thei ber ka nih thin vang chuan High School ah phei chuan tu man min hmusit ngam tawh lo.

    Zirna lamah khan kan in el nasa thei hle a, mahse kan thiam loh te erawh kha chu kan in zawt nasa thei hle, Mathematics hi harsa kan ti thei hle a, a ni kha chu a chhung ten Tutor an laksak a, a thiam thei zel mai a, chu chu a nin Break lai ten min hrilh chhawng ve leh thin, zirtirtute kha zawh sen vek an ni bik lo a, mahse Mawizuali nen chuan kan in pui tawn a ni ber.
    Class 10 ka nih kum khan vawikhat chu ka damlo tat lat mai a, ka khua a sik nasat em vang chuan karkhat dawn School ka chawl ta a, hreawm kati thei hle School a ka thiante chu ka ngai thei hle a, a bikin Mawizuali chu ka hmu chak em em thin, chuta tang chuan Mawizuali chu ka ngaina hle a ni tih ka hria a, Ngaihzawng ka hre tan ve tawh a ni ngei ang, dam lam ka pan theih tak miah loh vang chuan khumbet in ka mu tar reng ringawt mai a, kar tawp inrinni a lo thlen chuan Mawizuali leh a nu an rawn lang hlawl mai a, an hmel ka hmuh khan mak ka van ti tehlul em aw. Mawizuali nu chu Doctor a ni a, Taksa tihchakna Vitamin tam tham tak min rawn kensak a, min en hnu a ka mamawh tur damdawite ziakin an haw ve leh an lei tur thu leh an driver in a rawn dah vat tur thu min hrilh chuan ka lawm hle. Duat tak leh lainatna mitmeng nen a Mawizuali nu in min tawng thlamuan lai ka hmuh leh a tawngkam nem tak ka hriat chuan Nu hmangaihna awmzia chu ka hre pha ve ni hian ka hria a, Ka nu chu la hmu ngai hauh lo mahila khami ni kher kha chua Nu kha ka van ngai take m aw.

    Nileng in Mawizuali chuan min awmpui a, a nu erawh chu Damdawiin ah duty a neih vang in an driver ne chuan an haw a, Mawizuali erawh chu tlailam a lam leh turin min la awmpui ve tar eng a ni, Karkhat kan inhmuh loh chhung kha ka tan chuan a rei  hle a, thil tamtak kan sawi dun a, chu mi chuan Nausen ka nih lai a thi tur a hnutchhiah ka nih thu leh He Fahrah enkawlna tang hian chhuak dawn pawh ni I la pan tur dang ka neih chuan loh thu te Nu leh Pa a neih vang a a vanneih bik zia te chu ka hrilh a, min khawngaih lutuk chuan Mawizuali chu a tapchhuak ta hial a.

    Kei chu khumah ka mu a, ka kut chu min vawn sak in a hmer a hmer a, thil tamtak kan sawi dun a tun hnu ka ngaihtuah let hian kan la naupan ang hu in khatih lai a kan titi kha a puitling ang reng hle, Kan puitlin hun a kan nih tum te chu kan sawi a, Mawizuali chuan a nu ang a Doctor nih a duh thu a sawi a, kei vet hung chuan Civil service lam ah Officer nih ka tum thu ka sawi ve ta thung a ni. Mahse ka nih theih ka rin loh thu leh chutiang ni thei tur a sum sen a nasat thu te chu ka sawi a ka beidawng hlea ni tih ka hrilh a, Mawizuali chuan “tum chuan engkim tih theih loh a awm loh” thu te min hrilh a.

    Tlailamah chuan an driver chuan Mawizuali chu a rawn lam a chu mi pah chuan ka damdawi tur pawh chu a rawn keng nghal a, chu mi zan tang chuan Mawizuali nu damdawi mi chawh chu ka ei tan a, zawi zawi in thatlam ka pan ve ta zel a, Karkhat hnu ah phei chuan School ka tan ve leh thei ta nghe nghe ani. School ka tan leh ni chuan zirtirtuten meeting an neih dawn vangin chawhnuah class a awm lo a, haw nghal mai ka tum a mahse Mawizuali chuan Bazar ah chhuahpui tur a min sawm a ka han hnial zet na a luhlul a chhuah tlat vang chuan hreh tak chungin ka zui ve ta hram a ni, Bazar vel a chhuah hi ka duh ngai vak lo a, thil tha tamtak hmuh tur a awm a, kan lei ve thei bawk silo a rilru a hreawm mai mai tiin ka ckal duh ngai lo, he mi tum pawh hian Mawimawii chu ni lo se ka kal kher lo ang.

    Hreh tak chung chuan a hnung ka zui a, Kan school bus in Bazar thleng chu kan kal a, Bazarah chuan chhukin eng nge kan tih tur tak pawh hre lo chuan Mawizuali chu ka zui ve ta pawp mai a ni, “E nge kan tih dawn, School uniform nen a Bazara tei vak vak hi a mawi miah lo nia , tlanbo emaw te min ti ang a sin” “Phun phun lo khan min zui tawp mai rawh, kan tlanbo loh phawt a hnu.”
    Ban bun an zawrhna hmun pakhat hi kan thleng a, tah chuan a ding a, uluk hmel tak hian a enkual dan dan a, Ban a tawn chi hrui phiar mawi tak pakhat hi a la a, dawr neitu hnenah chuan a man zat a zawt a, cheng 50 lai mai hi a lo ni reuh a, “ kal daih ang, ka pawisa ken in a daih lo” a ti a min kal sawn pui ta daih a, ka rilru te te chuan mak ka lo ti ang reng hle. Mawizuali hi a pa MPS officer a ni a, a nu Doctor a ni bawk nen sum lamah chuan an harsa lo khawp mai an duh phawt chuan an mamawh chu an lei thei khawp mai, mahse engvang a Banbun cheng 50 man lek leina tur nei daih lo nge maw  a nih le tiin ka ngaihtuah mai mai a.

    Bazar chhungril lamah chuan kan lutthla ta zel a, Sona zawrhna hmun pui hi kan thleng a “um.. kan thleng ta e” … a ti a, kei chu tih tur em em pawh hre lo hian a bulah chuan ka lo ding ve mai mai a, Sona chu a enkual nasa kher mai a tawp a tawp ah chuan a duhthusam a hmu ni ngei tur a ni, “han bun chin te a ti a..’ hnial lem lo chuan ka bun ve ta mai a, a ma zat a zawt a, cheng 950 lai mai a ni a, ka rilru te te chuan “ Banbun cheng 50 man pawh leina tur nei daih lo chuan Sona cheng 950 man leina pawisa chu engtin nge a neih daih tehlul ang ka ti rilru neuh neuh a. mahse a bag tang chuan pawisa a rawn phawrchhuak a then cheng 10 note te, a then thir tangka cheng 5 te a ten cheng 20 note te a ni deuh nuah a, dawrkaipa in a han chhiar a, a belhkhawm hnu chuan cheng 40 lai in a lo tam a, Sona man chu a lo nei daih reng hi a lo ni a, mak ti tak hian Mawizuali chu ka en reng a.

    Pawisa bang cheng 40 chu a la a, dawr atang chuan min chhuahpui ta a, Kawngsir a hmeichhe naupangin ice-cream a zawrh chu pahnih a lei a, kan ei pah chua thingbuk daihlim hnuaiah chuan kan thuchawl ta a, chutah chuan Sona chu ka Birthday present tan a min leisak a nih thu leh chumi tan a nitin pawisa a lo khawl char char thin thu min hrilh ta a, ka rilru a hneh em vang chuan lawm avangin a vawikhat nan a mithmuh ah ka mittui a luang chhuak ve ta hial a ni.

    “Engtin nge ka piancham te I hriat theih zawk a?”
    “Office ah sir ten an kawl vek a lawm, hman ni ah office kan tih fait um khan ka hmu fuh a, ka chhinchhiah tar eng a nih kha, chubakah Nursery kan nih lai pawn kan a nute Rosy-i`n a lawmsak tawh che kha”

    “Kha mi tum kha ka piancham an lawm hmasak berna a nih kha, Miss Rosy-I leh nag hi chuan ka tan hian in hlu ve khawp mai, chhungkaw awmzia hi hrethiam ve lo mahila ka Chhungkaw chanchin an sawi ka hriat hian ka rilru ah in pahih hian in lanh hmasa ber zel a sin”

    “Amuan.. Officer I nih hun ah min theihnghilh lo ang tiraw.?
    “Engtin nge nang te chu ka theihnghilh thei ang che.. chubakah Officer ka ni dawn reng reng mi I sawi dan hmangah khan I va confi ve..”

    “Aw.. I ni ang chu, mipa in an tum tawh te chuan an thulh leh ngai tawh hleinem”
    “Mawimawi.. nangpawh Doctor I nih hunah min theihnghilh suh aw..”
    “Amuan engpawh ni I la ka theihnghilh lo ang che… min hre tawh lo a nih pawn kei chuan ka hre reng ang che.”

    Chu mi ni chuan ka piancham chu nuam takin ka hmangliam a, kan haw dawn chuan Bus fair atan cheng 10 min pe a, Bus stand tang chuan min thlir liam a, a ban a rawn vei leuh leuh bawk. Chu Sona chu he khawvel eng ka hmuh ve tang a, mimal tak a thilpek ka dawn hmasak ber a ni a, kum sangtam pawh liam se ka hre reng fo ang.

(To be continue… chunzawm tur..)

Ziaktu : Adina
Writer : Ram zuun leh D zuun a uai”