LOVE OR ARRANGED

LOVE OR ARRANGED ?? BY Lalpianpuii Ralte

"Mala hi i nei ngei tur a ni. I tan a tha tur chu i chhungte hian kan hria, kan thu hi awih la i ti fuh ang" ka nu in a tih hmarh hmarh lai chuan rûm tawkin ka lo melh hrep a. Ka pa lah chuan "Ni e. Bawihi, i nu thusawi chu hre reng la, i hlimna tur vek alawm kan ngaihtuah" a lo ti ang hlawi a. Ka pa lah hi, thaibawih leh lutuk mai! Nu ber thusawi hi a kip a kawi a zawm a tum a, hahthlak in. Kan in pawh hi thailand ah a chhuah zo tak ngial dawn!

'I hlimna tur' min ti maw? Ka hlimna hi duh tak tak se chuan vawi khat te pawh ka la hmuh miah loh hi min neih tir an tum hauh lovang. Ka nu leh nu Ruati (Mala nu) hi an nulat laia in kawm thin an ni a. Tun hnaia an inhmuh leh chuan nu Ruatin mo neih a duh tawh zia leh a fapa in hmeichhia a ngaihsak si loh zia te ka nu a lo hrilh a. Tichuan, chumi hausa te chhungkaw ro luah tu tur hrinsak tur chuan ,ka hriat miah loh in inneih an lo rel fel der mai a lo ni a. Hmelhriat sa pawh ni lo, caring lo zet lehnghal chu tu hmeichhia in nge nei duh ang?

Ka best friend Lci chu ka call nghal a, ani hi ka best e ti lo chuan kan inbiak apiangin kan inhnial deuh ngei ngei. Ka pasal tur?! chu ka hmuh hma hauh atanga ka huat tawh zia te ka sermon khum hrep a. Lci lah pek chuan "Hming, Mala chu a lo fel phian maithei asin" a lo la ti ta deuh deuh a. "NAAA... Inla hausa samphir, chhungte thu awih over bak a ni lovang" ka ti nghek a.

"Haha.. Ngaihzawng pawh i neih chuan loh kha. I thinchhiat zia hre lo tu nen in innei dawn a ni mai a. Fuh vel vek; naute nei nghal su aw.. Nau âwm ka la peih lo ania" "Dei dei. Lalchhuanawm, i nawi em mai.. Sas nei lo mah ila My dear a hi...... Aaa, i tawng tam leh hma in ka dah mai. Bye"

My dear Msa hi fb ac ka neih tirh atanga ka arsi tawh a ni a. Pâ tak, inrintawk hmel em em mai leh hmeltha zet a ni, a pro pic atanga a lan dan chuan! A active hran lo va. Status a luanliam leh photo caption mak pui pui neih hi a englo thenna lam anih hmel loh hle bawk! Fb hi eng atan nge a tih ve le.!? te ka ti rum rum thin.

Lci'n min rawn call leh a, a rawn nawi kual leh mai mai ka rin avangin chhang ta lo chuan ka online san daih a. Msa Chawnghlut, Mr dear a ngei mai chu a wall ka'n check ru leh dâwk dâwk pek a. A status update thar ber chuan min ti hnual rawih 'Rin ai in a hmeltha phian' tih mai te ni mahse a status neih thlum ve ber a ni miau a, 'Tu tan nge a update ang aw?' tih ringawt chuan ka rilru a kam tul mai .

A hnu lawkah chuan a relationship a rawn thlak ta tlat. Single atangin engaged ah , kareii! Mahse tumah engaged pui a dah bawk si lo. "Congrats" tih ringawt in ka va cmt a, ka lawmpui tak tak miah lo. Aaa. Eng nge ka hriat ni, pasal nei tur ka nih hii. Hmm Msa hi chu a rukin ka star bawk a, a rukin ban leh daih mai ang.

'Lalchhuanawmi Fanai post on your timeline' Lci chuan ka wall a rawn tial leh ruai dawn anih hi tia ka ngaihtuah lai in rin ang ngei ngei chuan 'Mate.. Arranged marriage maw?? Oi ka nu! Hyderabad oh! Khawzawl.. My DEAR ekhai a pawi luaaa' he nu pek thin hi chu awwwww.

'Ni e matee, love marriage hi ka phu lo aniang e. My dear a nen kan innei thei dawn ta lo anih hi. Oitho ka zuam law'tiin ka cmt a.Kan han innawi siak tak tak ang e aw. 'I phu ka tii Savawm e, mualvawm e, ka sawi lo. Hmangaihna i tan a sang lua e, vana rah ang a ni' 'Dik tuk ,tun ang laia nu leh pate tawnkhawm chawp nih zawng a na ka ti. Vai pawh kan nih loh hii' 'Ka Amen thlap e. Ekai, halleluiah!.. Pasal neih nuam le' 'Bleh, nuam lo le'

Awi ka nuu! Kan kawmchhaknu tawngthei zet in Lci nena kan in biakna chu mother thailand i bulah a lo sawi leh tawh. Mother i lah chu a sa ve phian a, Hahthlak e.. Tawngtheii chu ka block nghal hmak, theih se chuan vawi sarih hmun sawm sarih ka block ang mawle.

Tukthuan kan ei lai chuan ka nu in "Vawiin chu class kal lo mai rawh. Mala te chhungkua an rawn kal dawn ania" min ti a. Mother i leh ngawt ngawt thin pawh hi a, min râwn hmasak ve thin tur ania. "An rawn thleng tep tawh ania, han insiam rawh" Oii tho..hmela vang mai mai in order ka van hmu zing tawh em..

"Insiam leh kher ka ngai lo. Ka awm ang ang a min duh lo tu chu ka nei nguar ang a ni mai lawm" "Tawng zet zet lo khan han insiam vat rawh" "NO TE ZATO RE, pinky ka va bual lawk ang umm" "LALHMINGMAWI !!"

Hmingpum kher a min han koh chu le. Ho e mai, ka scooty duat Pinky ka'n bual daih teng.

"Oh! My LOVE, I'm all yours. And there will never be another one cause I'm eternally yours. My hearts a flame, and its burning in your name..........." Ka fav song 'Eternal love' Mltr sak chu ring leng lawng in ka sa a. Mother in min rawn au leh ta "Bawihte, kan inleng te an rawn thleng tawh ania." a ve lutuk a 'bawihte' te min ti vel, mother thailand i tak hi chu aw.. Lalhmingmawi min tih khan ka ngaih a tha daih zawk mawle.

"Mala chu i awmna ah ka rawn pheitir ania" father in a rawn tih rual chuan ka lampana rawn pen ri ka hre nghal a. Tlik, tlek, tlik, tlek.. Smart shoe a bun chiang mai. A thawm atang chuan ka bul a rawn thleng tawh tih ka hre thei, mahse ka la melh duh chuang miah lo va. "Hi, kei hi Malsawmkima ka nia" A aw chu a van pa leh si. A lam hawi phei pah chuan "Mala, kei hi Aaaaaauu!!" chu pa hmel ka'n hmu chiah chu ka phu ropui lutuk ringawt. Ka inring hman lo reng reng, ka pipe ken chuan chu pa chu ka phuh ta vak a. A huh zawr hneh em em mai lehnghal. Mak ka tih chhan chu ka pasal tur, ka lo huat rûk em em chu Msa a ani miau alawm! A pian inkhaithli zaì leh a hmel pâ tak, hmeltha zet mai te. A coat suit a inhmeh dan lah chu duhthusam. Duh aiin ka phuh huh deuh tih mai loh chu!

"Ms ah! Mala, eng nge a awmzia?" "Ka sawi tawh ang khan Malsawmkima ka nia, thenkhatin Mala min tia, a then in Ms min ti bawk a" a nui suk a, van sweet tak... "Anih chu mawle. E.. Chuan, ka tihpalh lutuk aw. Ka tihuh vek che sia" Ka van chhâng ném em ve aw, my dear a ni miau hek. Ka nuih tlawn vel haha "A pawi lo, mahse eng emaw chu i tawrh ve ngei a ngai ang" tih pahin ka pipe ken chu min chhuhsak a, tui chuan min phuh ta chiam a. Rak chel chul in kan in um kual a, a rûk tak chuan nuam ka ti phian. Nilo, nuam tih piahlam zawk a ni.

Huh zawr hnepin in chhung ah kan lut dun a. Kan chhungte chuan mak tih hmel zetin min lo melh hraw hlawm lehnghal a. Ka zak ve det, ka tihngaihna hre lo in lei ka'n chhuah ngawt pek a!

Msa pa chuan "Bawiha, hei kan lo inbe fel tawh a. Kan haw tawh mai dawn ami niang?" a lo ti a. "In va haw hma dawn ve, la awm ve rih ula" ka lo inla polite top ta ni. Nu Ruati chuan "Kan kal tawh zawk phawt ang e, i lo in enkawl tha dawn nia aw bawihi" tiin dam dap in min chhang a.

Msa te chhungkua an tlan liam rual chiah chuan ka ruak huai in ka in hria a. Inchhung ka lut leh chiah chu ka nu chuan rûm tawkin min lo melh leh pek a. "I duh dan ang ngei chuan a thleng ta a, i hlim em?" ka nu thusawi awmzia chu ka hre lo reng reng. "I hlim em ka tih chu??" "Nu, eng nge thleng a?" "Inneih an thulh ta chu i lawm hle aniang maw. Nichin pawh khan i biak that hawrh hawrh réng kha"

Ka nu thusawi chuan min deng dawt. Inneih an thulh amaw? A ni thei lo ang Ms, ka duh che asin. Ka room ah ka tlan lut nghal a, bathroom ah ka inkalh khum hmak a. Ka mittui chu dan rual loh in a rawn tla zung zung a. Ka pasal tur hi ka mipa duh em em mai a ni tih ka hre chiah a, ka hlim ve tan dawn chauh asin. Tinge??

Hetiang tur anih rau rau chuan tinge inneih te kha an lo rel? Ms, lo inlan loh law law tur che ania. Ka chungah hian khua nu hi a va nunrawng bik em! Ms, tinge nang nen hian kan intawn kher? Min lainatna chhete pawh i nei ve lo ami??

I status i rawn update chhan te, engaged a i in dah chhan te kha.. Ni e, hmeichhe dang duh i nei anih pawhin rawn kal loh law law mai tur che ania. Tinge beiseina min siamsak? Nunrawng lutuk mai!

Chau hnepin bathroom atang chuan ka chhuak a. Ka nu chuan min lo kuah vat a "Bawihi, ka thiamloh vek a ni. I tan a harsat tur zia ka lo hrethiam lo a ni. Min ngaidam rawh aw?" a ti mawlh mawlh a. Eng mah ka sawi thei lo. Ka nu chu kuah let in ka tap leh ta zawih zawih a.

Kar khat chhung chu pawnah pawh ka chhuak duh lo va. Ka chhungte leh Lci tih chauh lo chu tumah ka be duh hek lo. Anni chuan min hnem reng a, kan tan an awm reng dawn tih ka hria. Umm, Msa nen innei dawn lo mah ila ka nu nen kan inngeih phah tal alawm le...

Zankhat chu Msa chhuahchhal chakna ka nei tlat mai a. Ka va inbox ta nge nge a. 'I hlim zel maw? Midang tibuai kher lova nundan i thiam tawh em Nunrawng pa!' A rawn reply dan mai mai chuh 'Ka hlim zel e, inneih kan thulh chu i lawm ber zawk ang chu. Nang pawh i hlim ngei ka beisei' Ka thinrim lutuk ringawt, kei ka lungngaih em em lai khan a lo hlim bik viau amaw? 'Bleeeeeeeh' 'GOOD luck 4 your future'

Chhan chi ah pawh ka ruat tawh lo, ka sa up up in ka hria.' Ani vang mai mai hian ka inti hrehawm tawh dawn lo reng reng' han ti thin mah ila a harsa si. Ka thinrim tihngaihna hre lo in 'Upc vs Trinity' group ah Presbyterian pakhat ka inhnial pui hrep ringawt a. Ka la hnial hneh lo zui! Pres ho pawh hi an lo tawngthei ziah zuah ve tho anih hi huiham.

Inneih kan thulh atangin thla khat vel chu a liam leh tawh a, ka pangngai tawh viau. Nikhat chu ka thianpa Tka'n bazar puiah min sawm tlat a. Ani hi chu kan thianho zinga mipa têp awmchhun, virgin a thih tum ngat a ni bawk a! Kan duat rawn viau, chu vangin chhuak peih lo hle mah ila bazar lam pan chuan kan chhuak dun ta nge nge a. Hmun hrang hrangah min lenkual pui a, movies hlim awm lampang min en pui teuh bawk a. Min tih hlim tuma chhuak dun kan ni zawk mah in ka hria.

Bazar puia kan kal lai lai in Tka pum chu a rawn rûm ta mai a. Ka nui nasa lutuk chu min lo thlir thup lehnghal. Hit thei eee.. Tka'n min kaihsawn a tum, kei in restaurant ah pawh luh ka tum. Hahthlak thei siaa.

Restaurant a kan lut chu Msa ka hmu thut a, tlanchhuah leh nghal mai ka tum a. Mahse a bula hmeichhe chhelo ve ang reng tak thu chu ka thik riau. An lam pan chuan ka pen phei ta hlawk hlawk a. "WOW, he nu hi a ni ngei ang le" ka'n ti thawr pek a.

"Eng maw anih ang?" hriatthiam loh hmel zeta Msa'n an tih vel chu ka ei lo mai pawh a ni lo, Lci tawng takin ' I eat no t0p' anih chu! "Kan inneih tur i thulh chhan kha mawle" ka ti let ve salh a.

"I tana tha tur ni a ka hriat vanga thulh ka nih kha" "Ka tan a thatna tur ka va hre lo ve, min tih mualpho kha i duh hrim hrim. Mahni hmasial tak chu i ni"

Ka tawng ring ta hle mai, Tka chuan min hruaichhuah a tum a. Ka lo tang nasa mai si. "Kei ni lovin nang zawk hi alawm mahni hmasial chu" Hmela ve mai mai chuh! Ka thinrim lutuk chu ka tawngthei tawh lo, ka tap mai dawna ka in hriat vangin ka nui lui vak vak a.

"Hmingi rilru hi i tina tawk tawh viau. Nang ang mi tenawm a lo duh che hi a tihsual a ni" Tka chu a thinrim tawh viau a ni. Chhuah tum a ka in her chiah chu Msa chuan ka kut ah arawn man ta tlat a. Thin thlak ka tum a, a la vuan nghet sauh zui. "Nang hian min duh amaw?" Ani ka duh leh duh loh a tan a pawimawhna ka hre hlawl lo. " Min thlah nghal rawh" "Ka zawhna che kha min chhang phawt la."

Eng nge zep reng atulna tiin ka huaisen na zawng zawng ka sawm khawm a. "Aw, ka duh che alawm. Min kal tir tawh rawh" "Enga tinge chu thu chu tunah i sawi chauh a?" A mitmeng cool raih leh a aw pâ tak mai chu. . . . Ka tui ral zo leh tak ngial dawn.

Ka ngawih vang vang hnu chuan "A hma khan lo sawi pawh ni ila eng nge a tangkaina?" ka ti chhuak ta hram a. "Sawi daih tawh la chuan, kan innei daih tawh tur!" Ka thu hriat chu eng nge ni ngai?!!

One week later. . . .

Biakin ah chuan My dear a nen 'Tiam tlat e' kan ti dun ta a. A hma a inneih an thulh chhan kha chu Msa'n , Lci'n ka wall a a thil rawn post leh ka cmt let dan kha a lo hmu vek sia, mi dang duh ka nei emaw a lo tih vang lek chu niin.

A status leh a relationship 'engaged' a a dah, ka lo thik ve em em ringawt te kha keimah vek ka lo ni reng si. Keimah leh keimah pawh ka inthik ania haha. Restaurant a a hmeichhe lo kalpui lah kha an unau zinga naupang ber Awmtei a lo ni reng bawk a. Ka tana thil lawmawm ta ber mai chu, My deara'n min hmangaih thu min hrilh anih chu. Ka chhanlet dan chu in hriat sa mai ka ring eeh.

Inneih hunserh a zawh chuan muangchangin biakin atang chuan kan chhuak a, Msa chuan ka kutah nghet takin a chelh bawk a. A lu chu rawn kun hniamin "Kan inneihna hi love nge arranged ni a i hriat tak?" tiin min zawt a.

Ka'n ngaihtuah vang vang a, kan chhungte khan kan inneihna hi lo ruat lâwk lo ta se eng tik ah mah kan inneih hmel lova. Chutihrualin in hmangaih lo i la chuan kan inneihna hi kan puitlin awm bawk si lo a. "Mmm. . . A pahnihin " ka ti ta ringawt a. "Kei chuan hmangaihna vang liau liau niin ka hria" a lo ti thung a.

Nangniin eng nge ni a in hriat?

LOVE OR ARRANGED?