FIRST LOVE-IV
"Hmangaih leh duhber,mate,ka duat,he lehkha i hmuh hunah meuh chuan kei chu ka awm tawh dawn siloa.Lo tap miah suh aw,i tap lo ang tiraw? Nia i tap lovang.Nia kei misual hi chu tahchhan tlak ka nilo.He misual hi a bo tawh dawn a,lungngaihna tur a awm tawh hleinem.
Duat,ana em ani.Ka natna hi na kati lutuk.Ka ziak zo thei dawnlo nih hi,mahse ka hmangaih reng ang che.Kumkhua in kan awmdun tawh ang,lo haw tawh rawh..Duat,mang-" a ziak zo lo.Makti zet hian ka chhiar nawn leh a.Eng chu nge na atih em em,a duhtawk pawh a ziaktheilo tura siamtu natna chu eng nge maw ni chiah le? Lalmami sawidan kha chuan damdoi ei a mu hlum ani a,mahse hetah hi chuan na em em angin a awm leh a,mutna te chu a ziah zawhfel thlapa a ei chuan a mu mai anga,engmah natna tur awmin ka hrelo.
Engpawhnise,Ls,ka ngai che.Hetiang a ti tur hi chu inilo asin..Min ngaihtuahna chhete mah inei lo ami?Eng nge maw i hriat le? Na kati lutuk min hnutchhiah hi.Tah mai loh chu kei chuan chan pawh ka neitawh silo.
A thlanah te kalin a pangpar duhber Lotus par chu ka dahsak a."Ka hmangaih che.Ka sawi i hre theia min hmu reng tiraw? Kalo haw hmasak kha chuan hlim takin min bia ani lomni? Tunah tinge itih duhtawh miahloh a? Tinge? Engvangin nge i ngawih reng? I kut te kha vawn leh ka chak asin.Ka duh,ka mamawh lutuk che LS,lo tho rawh,tawng rawh.Ka khawih hman hma chein i chhungte an lo tirbo chea,i lungawilo tiraw? Ka chungah chuan thinrim suh aw.Thiamlohna ka nei velo asin"Ka tap bang lawk theilo chu Lalmami chuan min kuah a,min kaitho ringawt a.
Na ka tihdan hi ka sawifiah thiamlo zawk.Lu tan hmawk emaw chem hriam taka in vih sawk sawk ai pawhin ana hial ang.Ka chungah an lungawi tawh emaw tiin ka hlim em em a,a boral kha chu engpawh lo nise a ruang takngial pawh min lo nghahtir miahlo te kha,engkim hi a mak kati a,ka rilru chu a na tulh tulh mai ani.
Thlakhat zet zawt chu chaw ka ei mumalloa,mutmu ka tuah bawk silo,ka cher em em a,ka nui ngailoa,ka tawng khat hle bawk.Khawvel hi a ruak a,a thim mup ni berin ka hria.A thihdanah hian ka lungawi thei thlawtlo ani.Min mamawh em em laiin ka awm loa,min thlakhlelh leh min ngaih em em laiin ka hnem theiloa,mi tlaktlailo ber chu ka va ni tak em.Ka inhuat em avang chuan keimah leh keimah hi ka in kek a,ka intham leh nawk nawk thin.A chang phei chuan chhungte thelh ngai khawpa ka insawisak chang a tam a.Thlakhat chhung kha chu mi â ang hlakin i awm min ti hial a.
Nep lutuk! Thih ve nghal lawlaw kha ka phu zawk asin.Nikhat chu Lalmami alo leng a.A thihdan chungchang mak atih thu chu a sawi ve a. A chhan chu lehkha kha ka chhiar tir vea,mak ati ve em ani.Lalmami chuan, "Mate,Police hnenah kal teh ang! Thil fello chu a awm ani" ati thut a.Keipawhin pawi kalo ti em em lo bok a.TIchuan Station lam pan chuan kan chhuak ta a.
DSP hnenah chuan a boral danah thil fello,a thihdan thu thang hi a inanglo kan tih thu chu kan hrilh a.Keimah chuan "Kapu,midang zawng zawng hriatah chuan mutna damdoi eia mu hlum angin a lang a,mahse he a lehkha hnutchhiah ah hi chuan chutiang chu a anglo deuh ani.He lehkhaah hi chuan natna vei mek chunga lehkha ziaka chahthlaksan ta ang ani" tiin lehkha chu ka pe a.A han chhiar vang vang a.A bu ta nghut a.Chiang zeta min en chung hian "Kan tum phawt aniang chu,case te han file ve phawt ula,kan tang ho zel ang chu" tiin case chu min file sak ta a.
Keipawh ka lusun khawhar zualpuite a reh hnu chuan Mumbai lamah ka liam thla leh ta a.Ka eng tihmah chu a tui theilo aniber.Case chu engtin nge an kalpui zel ang tih ringawt ka ngaihtuah a.Lalmami ka phone lahin thuthar engmah a hre thei bawk silo,a rukin kalo buai ve em em mai.Mahse nikhat erawh chu Lalmami chuan min rawn be ta hlauh mai.
"Mam,eng nge ni ta?" "Mate,i tello chuan case hi khawihzui an zuamloa,i statement lak angai bok a,ngaihtuah chiangla,he case hi i kaltlangpui ngam ang tiraw?" "Mam,tihtheih ka neihna apiangah ka awm reng ang.Lo chhoh nghal ka tum dawn nia"
Ngaihtuah buai vak ngaiin ka hretawhlo.Principal hnenah engkim ka hrilh a,ani pawhin min lo hrethiam em em a.Tichuan a tuka flight hmasa berah ka thlawk haw leh ta ani.
Mizoram ka thlen atanga ni hnih hnu atang case chu an kalpui zui a,ka statement pawh an la nghe nghe.A hmasa berin Lsa te in chu an dap phawt a,mahse engmah hmuhtur a awm lemlo.An in an dap tukah chuan Constable pahnih hruaiin keimah ngei ka kal ve ta a.Lsa nu chuan min lo ngaitheilo hmel kher.
"Eng chu nge maw in hriat le? In duhtawkin han dap leh ula,engmah in hmu lek lo ange" alo ti hluk hluk a.Han tawng mai ka chak kher mai,mahse ka insum hram a ni.
Constable Chhunga chuan khauh deuh tak hian "E..nilo e,tun tum chu thu zawt chiangtur che u in ania kan lo kal" alo ti khauh a.Chuveleh pa zawk chuan vin zet hian "Eng chu maw? Sawi thuai ta che u" Constable" In fapa thihna thu ah hian thil felhlel a awm a,case pawh file vek ania,(keimah min en pahin) ani Statement hi kan la vek tawh bawk a,in fapa boral dan hi chhui chian a duh ani" pa ber chuan rum zeta min melh chung hian " A boral ani ve mai,chhuitur a awm kan hrelo" constable chuan lo pawt chatin "Aw chulai tak chu ania,nangni chuan a thihdan ah hian damdoi eia mu hlum anih in ring a,mahse a thih hma khan lehkha hnutchhiah alo nei ngei maia,a dik em?" "Aw dik e,chuan zinga kan va hmuh khan a mutna bulah damdoi mum pawh kan chhar nual,niminah kan pektwh cheu kha" "A dik alawm,chuan in va hmuhlai hian eng angin nge alo awm? Muhil pangai angin emni?" "NI chiang e,alo inlukhup vek a,ala muhil emaw kanti zawk" "Ok! Kan kal phawt dawn emni?" Constable Chhunga chu a tho thut a.Tichuan ngawi rengin kan zui chhuak a.Station ah amah zui tura min tih avangin ka zui nghal a.Thil awmzia ka zawh chuan hetiang hian min hrilh ta a.
"An rinhlelhawm tak meuh.Hetiang hian hma la ila a that ka ring" "Engtin maw?" "Damdawi mum kha vawiinah nangin Doctor Specialist a remchang apiang hnenah ilo va enfiahtir anga,hetiang damdwi ei hian taksaah engtin nge a thawhdan tihte ilo zawt dawn nia,chuta tang chuan thu hi a chiang zual ang" "Kalo tum ange ka pu,"
Station atang chuan ka chhuak a,Inah pawh awm reilo in ka insiama,ka chhuak lehnghal maia.Doctor pan maitur chu ka hriatloh em avangin Hospital pakhatah hian ka lut thawr a.Staff pakhat bulah chuan eng specialist pawhnise min kawhhmuh turin kati ta ringawt a.Vanneihthlak zetin chu Nurse chuan damdawi thiam chungchuang pakhat chu min kawhhmuh ta hlau mai.Tichuan chu damdawiin hna a thawhdan te chu ka zawt ta a.Atirah chuan min hrilh tha duhloa,mahse thil awmzia zawng zawng ka hrilhfiah hnu chuan min hrilh ve ta hram a,mak kati kher mai.
Hmanhmawh zetin Station ka pan nghal a.Constable Chhunga hnenah chuan engkim ka hrilh nghal a.Aniin DSP ah a thlen thuai a,mak kan tiin pawi kanti tlang hlemai.DSP chuan "Chutianga in man nghal ngawt ai chuan thuchiang kan hriatfiah kelh hnuah kan chapchar mai dawn nia,lu an va tihai deuh ve mawle" ati chuar chuar a.Police lampang meuh pawh an lu a hai avangin tihtur a awm hrihlo bawk a tiin Station atang chuan ka chhuak a,ka kal thui hmain Lsa te awmpui nula Siampuii chu ka tawk ta chawt mai.A hmel chu hlauhthawnna in a khat nimai hian ka hria.K a man bet chawt a.Mak min tih hmel kher.Engamah hmain kei lah chuan "Min hrilhtur inei" ka'n ti nghal tawng a.A hawi a ruai mai.Nghet zetin ka vuan a, Station lam bawk chu hmanhmawh zet hian ka panpui ta a.
"Eng nge? Eng nge thil awmzia? Engvanga hetia min ti nge inih? Min thlah thuai rawh" ati nawk nawk a. DSP hmaah chuan ka theh thru hnawk a. "He nu hian engkim min hrilh thei ang ka pu" DSP chuan maktih hmel fe hian min han en vang vang phawt a.chumi hnuah Siampuii chu a en leh a, "Hei tunge?" "Kha mite chhungkaw awmpui kha ania,kum 5 lai a awm tawh a,a hrechiang khawp ang" "Ani maw? Hmm.. Tha e" ati ta chat chat mai.
Chutah muangchang hian DSP bawk chuan "Nula,tuna ka zawhtur che hi dik thlapa min chhan zel loh chuan i chhungte dik lohna zawng zawng hi nangmah ah kan burbun anga,damchhungin i tang dawn ania,thudik in min chhang angem?"
Siampuii hlau lutuk chu a khur hlawk hlawk a.A tap pur bawk a.."Tihsual engmah ka neilo,min kaltir rawh u" "Nimai lo e..hetah hian i awm hlen zawk dawn pawh ani maithei asin" "Nilo,nilo,chutiang a theihloh,engmah ka tisuallo" Chutah vin zet hian DSP chuan "Anih chuan Liansangzuala kha tu thah nge sawi mai ta che" Siampuii chu a phu zawk a.A tap ta hawm hawm mai.Ka mangang kher.Chu chu DSP chuan alo hailo nasa. " Ngai pawimawh suh" a rawn ti hlak a.Reizet mai a tah hnu chuan hetiang hian Siampuii chuan a sawi ta a. "Ka pi leh ka pu te khan an fapa Usangtea kha nupui neihtir a chumi hnua zirna chhunzawm leh tur chuan an duh a,atan nupui hual pawh annei vek tawh a.Mahse Usangtea khan midang hmangaih alo nei hman tawh si a,nupui an hualsak chu duhlo in vawitam tak a chhungte nen pawh an inti thinrim a,a chang chuan In atangte pawh a chhuaka,mahse alo haw leh mai thin.Apa in hna a pek ve te pawh a laklet sak leh vek a,an vau reng a,tuithlarah te pawh vawiduailo an vau.Mahse Usangtea khan a thei tlatloa,tichuan kapi leh pu te chuan tihdan thar an ngaihtuah ta a.An fapa chu an duat thar a,a hnate pawh pe kirin ama duhthusam ngei chu nupui a neihsak turin dawt hmangin a lung chu anti awi tan ta a.Kapu,saw mite saw nu leh pa ni tlak anni hlawllo.He an ruahman hi ka hriat ve tlat avangin keipawh vawiduailo min vau tawh asin.Ka hlauh em avangin engmah hrelo angin ka awm a,ka chhuahsan ngamlo bok ani" a tap leh hlawp hlawp a.
DSP chuan "Tichuan i uSantgea boral dan diktak chu" alo ti thuai a.La insut hraih hraih chung hian Siampuii bawk chuan "Tichuan an fapa chu tihhlum an rawt ta ani!! A chhan pawh an fapa chuan engtikah mah an thu chu a pawm ngai dawn chuanglo tih an hrechiang a,an duhloh deuh mo atana neih chu an chak hlawllo bawk si a,damchhunga lungngaih ai chuan tiin a boral zan khan a bawnghnute in turah thil an pawlh ta a Usangtea kha a chaw eikham veleh a pum anat thusawiin a mu nghal a.Chumi chin chu a thawm engmah kan hre zui tawhlo" kei chu ka insum zo tawh thlawtlo.Ka thu hnawk a,ka tap ta hawm hawm anih chu.DSP chuan "Zingah khan tuin nge hmu hmasa ber? Chuan inhmuh laiin engtin nge alo awm? Damdawi mum te pawh kha" alo ti leh hmuk hmuk a.
"Kapu,zingah chuan keimah ngei hian kaihthawh tumin ka va en a,chuan Usangtea chu a khum bula dawhkan bawh chuan alo thi tawh ani.Damdawi mum kha chu engtia awm nge ka hrelo.Ka hrelo tak tak.Mahse Usangtea khan damdawi a ei ngailo tih chu ka chiang ani kapu"
"Tawk e,tunah hian haw phawt la,i hria em? Hetianga i awm thu hi i chhungte chuan an hre tur anilo ang.An lo hria anih vaih chuan maw.. I chantur chu kan sawi vektawh kha aw" tiin a vau lawk a.Siampuii pawh chuan a sawilo ang tih a intiama,a haw ta a.
Keipawh ka chauh em avang chuan ka haw ve thuai a.In ka thlen chuan engmah ka ngaihtuah theilo.Ka mu thlawp a,kalo muhil sek ani ngei ang.Ka phone ri rawl rawl chuan min tiharh zawk a.Number ringawt."Hello" "Zorinpuii ini tiraw? Liansangzuala pa ka ni a" Ehee..ka phu zawk! "Aw eng nge ni ta?" "I case hi hnuk kir ang che.Anih loh chuan a pawi khawp ang" "Hmmh!! Tap chung pawhin min ngen mahla ka hnungtawlh lo ang.Sawitur dang ala awm em?" a tawng leh hma chuan ka off ta hmak a.A tlai deuh tawh bawk a,ka tho zuia,ka nu rawngbawl mek bulah chuan kalin engkim ka hrilh ve ta vek a.A tap hmasa leh phawt a.Chumi hnuah tihian min ti khauh a. "I lamtang te hi min ngaihtuah la,hnungtawlh ngai suh" tih ani.
"Hmangaih leh duhber,mate,ka duat,he lehkha i hmuh hunah meuh chuan kei chu ka awm tawh dawn siloa.Lo tap miah suh aw,i tap lo ang tiraw? Nia i tap lovang.Nia kei misual hi chu tahchhan tlak ka nilo.He misual hi a bo tawh dawn a,lungngaihna tur a awm tawh hleinem.
Duat,ana em ani.Ka natna hi na kati lutuk.Ka ziak zo thei dawnlo nih hi,mahse ka hmangaih reng ang che.Kumkhua in kan awmdun tawh ang,lo haw tawh rawh..Duat,mang-" a ziak zo lo.Makti zet hian ka chhiar nawn leh a.Eng chu nge na atih em em,a duhtawk pawh a ziaktheilo tura siamtu natna chu eng nge maw ni chiah le? Lalmami sawidan kha chuan damdoi ei a mu hlum ani a,mahse hetah hi chuan na em em angin a awm leh a,mutna te chu a ziah zawhfel thlapa a ei chuan a mu mai anga,engmah natna tur awmin ka hrelo.
Engpawhnise,Ls,ka ngai che.Hetiang a ti tur hi chu inilo asin..Min ngaihtuahna chhete mah inei lo ami?Eng nge maw i hriat le? Na kati lutuk min hnutchhiah hi.Tah mai loh chu kei chuan chan pawh ka neitawh silo.
A thlanah te kalin a pangpar duhber Lotus par chu ka dahsak a."Ka hmangaih che.Ka sawi i hre theia min hmu reng tiraw? Kalo haw hmasak kha chuan hlim takin min bia ani lomni? Tunah tinge itih duhtawh miahloh a? Tinge? Engvangin nge i ngawih reng? I kut te kha vawn leh ka chak asin.Ka duh,ka mamawh lutuk che LS,lo tho rawh,tawng rawh.Ka khawih hman hma chein i chhungte an lo tirbo chea,i lungawilo tiraw? Ka chungah chuan thinrim suh aw.Thiamlohna ka nei velo asin"Ka tap bang lawk theilo chu Lalmami chuan min kuah a,min kaitho ringawt a.
Na ka tihdan hi ka sawifiah thiamlo zawk.Lu tan hmawk emaw chem hriam taka in vih sawk sawk ai pawhin ana hial ang.Ka chungah an lungawi tawh emaw tiin ka hlim em em a,a boral kha chu engpawh lo nise a ruang takngial pawh min lo nghahtir miahlo te kha,engkim hi a mak kati a,ka rilru chu a na tulh tulh mai ani.
Thlakhat zet zawt chu chaw ka ei mumalloa,mutmu ka tuah bawk silo,ka cher em em a,ka nui ngailoa,ka tawng khat hle bawk.Khawvel hi a ruak a,a thim mup ni berin ka hria.A thihdanah hian ka lungawi thei thlawtlo ani.Min mamawh em em laiin ka awm loa,min thlakhlelh leh min ngaih em em laiin ka hnem theiloa,mi tlaktlailo ber chu ka va ni tak em.Ka inhuat em avang chuan keimah leh keimah hi ka in kek a,ka intham leh nawk nawk thin.A chang phei chuan chhungte thelh ngai khawpa ka insawisak chang a tam a.Thlakhat chhung kha chu mi â ang hlakin i awm min ti hial a.
Nep lutuk! Thih ve nghal lawlaw kha ka phu zawk asin.Nikhat chu Lalmami alo leng a.A thihdan chungchang mak atih thu chu a sawi ve a. A chhan chu lehkha kha ka chhiar tir vea,mak ati ve em ani.Lalmami chuan, "Mate,Police hnenah kal teh ang! Thil fello chu a awm ani" ati thut a.Keipawhin pawi kalo ti em em lo bok a.TIchuan Station lam pan chuan kan chhuak ta a.
DSP hnenah chuan a boral danah thil fello,a thihdan thu thang hi a inanglo kan tih thu chu kan hrilh a.Keimah chuan "Kapu,midang zawng zawng hriatah chuan mutna damdoi eia mu hlum angin a lang a,mahse he a lehkha hnutchhiah ah hi chuan chutiang chu a anglo deuh ani.He lehkhaah hi chuan natna vei mek chunga lehkha ziaka chahthlaksan ta ang ani" tiin lehkha chu ka pe a.A han chhiar vang vang a.A bu ta nghut a.Chiang zeta min en chung hian "Kan tum phawt aniang chu,case te han file ve phawt ula,kan tang ho zel ang chu" tiin case chu min file sak ta a.
Keipawh ka lusun khawhar zualpuite a reh hnu chuan Mumbai lamah ka liam thla leh ta a.Ka eng tihmah chu a tui theilo aniber.Case chu engtin nge an kalpui zel ang tih ringawt ka ngaihtuah a.Lalmami ka phone lahin thuthar engmah a hre thei bawk silo,a rukin kalo buai ve em em mai.Mahse nikhat erawh chu Lalmami chuan min rawn be ta hlauh mai.
"Mam,eng nge ni ta?" "Mate,i tello chuan case hi khawihzui an zuamloa,i statement lak angai bok a,ngaihtuah chiangla,he case hi i kaltlangpui ngam ang tiraw?" "Mam,tihtheih ka neihna apiangah ka awm reng ang.Lo chhoh nghal ka tum dawn nia"
Ngaihtuah buai vak ngaiin ka hretawhlo.Principal hnenah engkim ka hrilh a,ani pawhin min lo hrethiam em em a.Tichuan a tuka flight hmasa berah ka thlawk haw leh ta ani.
Mizoram ka thlen atanga ni hnih hnu atang case chu an kalpui zui a,ka statement pawh an la nghe nghe.A hmasa berin Lsa te in chu an dap phawt a,mahse engmah hmuhtur a awm lemlo.An in an dap tukah chuan Constable pahnih hruaiin keimah ngei ka kal ve ta a.Lsa nu chuan min lo ngaitheilo hmel kher.
"Eng chu nge maw in hriat le? In duhtawkin han dap leh ula,engmah in hmu lek lo ange" alo ti hluk hluk a.Han tawng mai ka chak kher mai,mahse ka insum hram a ni.
Constable Chhunga chuan khauh deuh tak hian "E..nilo e,tun tum chu thu zawt chiangtur che u in ania kan lo kal" alo ti khauh a.Chuveleh pa zawk chuan vin zet hian "Eng chu maw? Sawi thuai ta che u" Constable" In fapa thihna thu ah hian thil felhlel a awm a,case pawh file vek ania,(keimah min en pahin) ani Statement hi kan la vek tawh bawk a,in fapa boral dan hi chhui chian a duh ani" pa ber chuan rum zeta min melh chung hian " A boral ani ve mai,chhuitur a awm kan hrelo" constable chuan lo pawt chatin "Aw chulai tak chu ania,nangni chuan a thihdan ah hian damdoi eia mu hlum anih in ring a,mahse a thih hma khan lehkha hnutchhiah alo nei ngei maia,a dik em?" "Aw dik e,chuan zinga kan va hmuh khan a mutna bulah damdoi mum pawh kan chhar nual,niminah kan pektwh cheu kha" "A dik alawm,chuan in va hmuhlai hian eng angin nge alo awm? Muhil pangai angin emni?" "NI chiang e,alo inlukhup vek a,ala muhil emaw kanti zawk" "Ok! Kan kal phawt dawn emni?" Constable Chhunga chu a tho thut a.Tichuan ngawi rengin kan zui chhuak a.Station ah amah zui tura min tih avangin ka zui nghal a.Thil awmzia ka zawh chuan hetiang hian min hrilh ta a.
"An rinhlelhawm tak meuh.Hetiang hian hma la ila a that ka ring" "Engtin maw?" "Damdawi mum kha vawiinah nangin Doctor Specialist a remchang apiang hnenah ilo va enfiahtir anga,hetiang damdwi ei hian taksaah engtin nge a thawhdan tihte ilo zawt dawn nia,chuta tang chuan thu hi a chiang zual ang" "Kalo tum ange ka pu,"
Station atang chuan ka chhuak a,Inah pawh awm reilo in ka insiama,ka chhuak lehnghal maia.Doctor pan maitur chu ka hriatloh em avangin Hospital pakhatah hian ka lut thawr a.Staff pakhat bulah chuan eng specialist pawhnise min kawhhmuh turin kati ta ringawt a.Vanneihthlak zetin chu Nurse chuan damdawi thiam chungchuang pakhat chu min kawhhmuh ta hlau mai.Tichuan chu damdawiin hna a thawhdan te chu ka zawt ta a.Atirah chuan min hrilh tha duhloa,mahse thil awmzia zawng zawng ka hrilhfiah hnu chuan min hrilh ve ta hram a,mak kati kher mai.
Hmanhmawh zetin Station ka pan nghal a.Constable Chhunga hnenah chuan engkim ka hrilh nghal a.Aniin DSP ah a thlen thuai a,mak kan tiin pawi kanti tlang hlemai.DSP chuan "Chutianga in man nghal ngawt ai chuan thuchiang kan hriatfiah kelh hnuah kan chapchar mai dawn nia,lu an va tihai deuh ve mawle" ati chuar chuar a.Police lampang meuh pawh an lu a hai avangin tihtur a awm hrihlo bawk a tiin Station atang chuan ka chhuak a,ka kal thui hmain Lsa te awmpui nula Siampuii chu ka tawk ta chawt mai.A hmel chu hlauhthawnna in a khat nimai hian ka hria.K a man bet chawt a.Mak min tih hmel kher.Engamah hmain kei lah chuan "Min hrilhtur inei" ka'n ti nghal tawng a.A hawi a ruai mai.Nghet zetin ka vuan a, Station lam bawk chu hmanhmawh zet hian ka panpui ta a.
"Eng nge? Eng nge thil awmzia? Engvanga hetia min ti nge inih? Min thlah thuai rawh" ati nawk nawk a. DSP hmaah chuan ka theh thru hnawk a. "He nu hian engkim min hrilh thei ang ka pu" DSP chuan maktih hmel fe hian min han en vang vang phawt a.chumi hnuah Siampuii chu a en leh a, "Hei tunge?" "Kha mite chhungkaw awmpui kha ania,kum 5 lai a awm tawh a,a hrechiang khawp ang" "Ani maw? Hmm.. Tha e" ati ta chat chat mai.
Chutah muangchang hian DSP bawk chuan "Nula,tuna ka zawhtur che hi dik thlapa min chhan zel loh chuan i chhungte dik lohna zawng zawng hi nangmah ah kan burbun anga,damchhungin i tang dawn ania,thudik in min chhang angem?"
Siampuii hlau lutuk chu a khur hlawk hlawk a.A tap pur bawk a.."Tihsual engmah ka neilo,min kaltir rawh u" "Nimai lo e..hetah hian i awm hlen zawk dawn pawh ani maithei asin" "Nilo,nilo,chutiang a theihloh,engmah ka tisuallo" Chutah vin zet hian DSP chuan "Anih chuan Liansangzuala kha tu thah nge sawi mai ta che" Siampuii chu a phu zawk a.A tap ta hawm hawm mai.Ka mangang kher.Chu chu DSP chuan alo hailo nasa. " Ngai pawimawh suh" a rawn ti hlak a.Reizet mai a tah hnu chuan hetiang hian Siampuii chuan a sawi ta a. "Ka pi leh ka pu te khan an fapa Usangtea kha nupui neihtir a chumi hnua zirna chhunzawm leh tur chuan an duh a,atan nupui hual pawh annei vek tawh a.Mahse Usangtea khan midang hmangaih alo nei hman tawh si a,nupui an hualsak chu duhlo in vawitam tak a chhungte nen pawh an inti thinrim a,a chang chuan In atangte pawh a chhuaka,mahse alo haw leh mai thin.Apa in hna a pek ve te pawh a laklet sak leh vek a,an vau reng a,tuithlarah te pawh vawiduailo an vau.Mahse Usangtea khan a thei tlatloa,tichuan kapi leh pu te chuan tihdan thar an ngaihtuah ta a.An fapa chu an duat thar a,a hnate pawh pe kirin ama duhthusam ngei chu nupui a neihsak turin dawt hmangin a lung chu anti awi tan ta a.Kapu,saw mite saw nu leh pa ni tlak anni hlawllo.He an ruahman hi ka hriat ve tlat avangin keipawh vawiduailo min vau tawh asin.Ka hlauh em avangin engmah hrelo angin ka awm a,ka chhuahsan ngamlo bok ani" a tap leh hlawp hlawp a.
DSP chuan "Tichuan i uSantgea boral dan diktak chu" alo ti thuai a.La insut hraih hraih chung hian Siampuii bawk chuan "Tichuan an fapa chu tihhlum an rawt ta ani!! A chhan pawh an fapa chuan engtikah mah an thu chu a pawm ngai dawn chuanglo tih an hrechiang a,an duhloh deuh mo atana neih chu an chak hlawllo bawk si a,damchhunga lungngaih ai chuan tiin a boral zan khan a bawnghnute in turah thil an pawlh ta a Usangtea kha a chaw eikham veleh a pum anat thusawiin a mu nghal a.Chumi chin chu a thawm engmah kan hre zui tawhlo" kei chu ka insum zo tawh thlawtlo.Ka thu hnawk a,ka tap ta hawm hawm anih chu.DSP chuan "Zingah khan tuin nge hmu hmasa ber? Chuan inhmuh laiin engtin nge alo awm? Damdawi mum te pawh kha" alo ti leh hmuk hmuk a.
"Kapu,zingah chuan keimah ngei hian kaihthawh tumin ka va en a,chuan Usangtea chu a khum bula dawhkan bawh chuan alo thi tawh ani.Damdawi mum kha chu engtia awm nge ka hrelo.Ka hrelo tak tak.Mahse Usangtea khan damdawi a ei ngailo tih chu ka chiang ani kapu"
"Tawk e,tunah hian haw phawt la,i hria em? Hetianga i awm thu hi i chhungte chuan an hre tur anilo ang.An lo hria anih vaih chuan maw.. I chantur chu kan sawi vektawh kha aw" tiin a vau lawk a.Siampuii pawh chuan a sawilo ang tih a intiama,a haw ta a.
Keipawh ka chauh em avang chuan ka haw ve thuai a.In ka thlen chuan engmah ka ngaihtuah theilo.Ka mu thlawp a,kalo muhil sek ani ngei ang.Ka phone ri rawl rawl chuan min tiharh zawk a.Number ringawt."Hello" "Zorinpuii ini tiraw? Liansangzuala pa ka ni a" Ehee..ka phu zawk! "Aw eng nge ni ta?" "I case hi hnuk kir ang che.Anih loh chuan a pawi khawp ang" "Hmmh!! Tap chung pawhin min ngen mahla ka hnungtawlh lo ang.Sawitur dang ala awm em?" a tawng leh hma chuan ka off ta hmak a.A tlai deuh tawh bawk a,ka tho zuia,ka nu rawngbawl mek bulah chuan kalin engkim ka hrilh ve ta vek a.A tap hmasa leh phawt a.Chumi hnuah tihian min ti khauh a. "I lamtang te hi min ngaihtuah la,hnungtawlh ngai suh" tih ani.
Zanriah eilai chuan kan chhungkua in kan lo sawi ho nak nak a,chutihlai chuan tuemaw hian doorbell a rawn hmet ri ral ral a. "Lo lut rawh" Lo lut chu mak tak maiin Lsa nu leh pate an lo ni a.Briefcase an rawn khailut bawk.
"Zorinpui,case hnukkir tura ka tih che khan tap chunga ka dil che chuan hnungtawlh itum loa tiraw? Hei tunah chuan mittui aia pawimawh zawk sumfai nen kan rawn kal e.Kha neirawh,chuan case kha tifel nghal la kan duh ani" ti chungin dawhkanah chuan Briefcase chu a rawn nghat chawrh a.Kei chu ka ding zawt a,thinrim fe hian "Iva zaklo vea,kan chhungkaw zahna pakhatmah neilotu thu hi ka zahsak ang che maw? I thil hi la kir la,haw vang vang rawh" chuveleh kapa chu alo inrawlh a,kan rinloh takin kapa chuan zaidam zet hian "Kan lo thiamlo ani e,nie,buaina chu kan duhlo theuh alawm,in fapa chungchang ania,keini lo buaina tur pawh a awmlo e,pawisa chu kan la anga,case pawh kan lo tifel vek ang,ngaìhtha tak khan va haw rawh u,kan thiamlo ani e" "Ka pa!" "A tawk e boihi,buaina hi a tawk.Nangpawhin thuneitute chu bia la,case chu a fel tawh tih i hrilh nghal dawn nia" Ka lungawilo kher mai.Thinrim zetin roomah ka tlanlut a.Darkar khat hnuah ka pa chu alo lut a,en pawh ka en peihlo.Ka mittui chu a tla zawih zawih a,tlawm ngawih ngawihin ka inhria.Kapa chuan dam zet hian "Naktukah ila hrefiah mai ang" ati ringawt a,engmah dang pawh sawilo chuan a chhuak lehnghal a.Ka bo kher mai.Angaihna hrelo zet hian ka mu a,ka muhil zui a.
Zing ka thawh chuan engkim mai hi a ho zo vekin ka hriaa,awmngaihna pawh ka hrelo.Ka rilru a nat em avangin chaw pawh ka ei theiloa,ka tawngduh miahlo bok.Chhun dar 11 velah Constable Chhunga chuan min rawn phone a,ka la lawk ngamloa,mahse min ringlo maiang tih ka hlauh avang chuan ka pick ta hram a. "Ilo thleng tep tawh em?" "Kalo kal ta lo" "Enga? Kan awm tawh a,lo thleng thuai la a that ka ring" Ka thinphu chu nasa tak ani.Ka pa chuan briefcase kha khai chung hian "Le,insiam thuai la,kal vat ang" a rawn ti ngawt a. "Khawiah maw?" kati let hmuk. "Hmanhmawh rawh" Angaihna hrelo zet,kapa thuhnial hreh avang chuan ka insiam a,kapa nen chuan Lsa te in chu kan pan ta a.Thil awmzia reng reng hi ka hrelo ani.
Lsa te In kan thlen chuan an lo awm nuaih nuaih a.Constable chuan min lo hmu vat a,"Lo lut ru" tiin min hruailut a.Kan luh rual rual chuan Lsa pa chuan "Nangkha,nangpawh kha(ka pa chu a kawk a) thil awmzia hi engnge? Kan inremtlang tawh emaw katia" alo ti nghal a.Chuveleh Kapa chuan Briefcase kha a thehthla tawp a. "Hei hi kan mamawhlo.Damchhunga thudik nitawh tur hi kan duh zawk ani.Nizan kha chu enchhinna mai ania.Khatianga in rawn ti mai kha in mawl hlawm tawp.Nu leh pa nitlak lo hian engtin nge chhungkua in din ngam zawk?Zak mawlh teh u.In fapa dikna hailangtu chu anu leh pa te nilo in midang fa hrin zawk ani ta te hi zah nachang hria ang che u" Handcuff buntir mawlh mawlh pah hian Constable Chhunga chuan "Postmortem titu Doctor pawh man ani tawh a,engkim hriat ani vek tawh.Courtah in la sawi nawn leh anga zanlaia damdawi mum in dahdante kha. Zaktheilo lutuk,hruaichhuak teh u" tiin Constable dang ho chu a ko a.Kei chu kapa in min kuahbet a,ka tap zawih zawih ringawt.Sawitur pakhatmah ka hrelo.DSP chuan "In pafa finna leh huaisenna zarah misualte an zalen loh phaha,kan lawm lutuk e"tiin a nui suk a.Tichuan court ah pawh engmah thiamchanna an nei ta loa,damchhunga tang tura tih anni ta a,an awmpui Siampuii erawh thlah zalen ani thung ta ani.
Ls,ilo hmu ve anih chuan i hlim ve tho ang tiraw? Thil engkim chu a fel tawh a,min tibuaitu tur engmah a awm tawhlo.Lo let tawh ta che.Kalo thlir reng che asin.Aw...khuarei hi engtikah nge alo thlen ang le?!!? Nang chu kir leh ngai tawhlo turin an zalh tawh si chea,mahse tun thleng pawh hian ilo kir hi ka la ring tlat asin.Ka la Hmangaih reng che.
Thil engkim a fel hnu chuan engthawl takin keipawh zirna chhunzawm tur chuan ka liam leh ta ani.
"Duat,kalo kir leh ang,chutih hunah chuan kumkhua in kan awmdun tawh dawn alawm.."
The end!
Ziaktu : Apeki
Writer : Ram zun leh D ZUN A UAI
No comments:
Post a Comment