FIRST LOVE (Part - I )

FIRST LOVE-1





"Min kalsan rawh,min tibuai tawhlo hram teh khawngaihin!"



He mihring ka ninzia hi chu(h!) Englaipawh hian min zui a,min be awlloa,min tibuai takzet ani ber! Min bem reng a,ka bula a swiloh pawhin ka thiante leh ka chhungte hnenah alo sawi ngei ngei.Ka ning a,ka kham hluah hluah tih hian a soifiah zo lo hial ang.



Kei hi ngaihzawng then hlim hlawl ka nia,midang nei leh mai tur chuan ka la ready chiahloa,bakah ka ex kha ka hmangaiha,ka duhin ka la thlahlel em em a,mipa dang hian an tluk hlawllo ani tawp.Amah kha a induhtawk a,ama tawkah a chapo ve em em,a chhelo tih piah lamah hian a pa hliah hliah bok a,a tawng tamloa,a serious em em bok,a thinchhe ve hle a,a thikthu poh pe chhe ve thei tak ani.A mizia hi midang tan chuan a thalo in a ngeiawm pawh animahna,mahse ka tan chuan a thatna tizual a min hip bertu anni vek thung si.Luak tichhuak khawp a zei chu aniloa,zei pawh a tum chuanglo,a awm mai mai kha a zei tawk em em ani.Uchuak takin min care ngai bok hekloa,ka tan a ngaihawm tur tawk choh a mi care kha a thiam takzet.



Ka ex kalo dream veng veng lai chuan tuemaw hian min rawn sawi nawk nawk a,ka'n en nak chuan Liansangzuala bawk! Ka melhrum vak a ka tum nghal bur bok! Bung zet hian "Eng nge?" kati hmuk a.Ani chu a nui vur vur.Hmelchhe lutuk! "Sawtah min kalpui lawk la" sawm pawh min sawm ngam e! "Ka ke in i kal ami?" "Kal lo e,mawh,chuan.. Thil ka treat ang che,i duh duh" Ka mizia chu hre tak ani.Ka vir em em a,in treat ka hrat em em tih hi a hre thlawt! Ka nui suk a,ka tho nghal! "Ka'rawh,ninawm leh lutuk" a ruk chuan ka nuih a za lutuk. "Matei hi chu a fel chiang alawm,hei vang hi ania ka-" "Sssshh!! Shut up! Ninawm khatiang thu ngaihthlak kha,hria' m?Sawi tawh miah suh" "mahse mate.." "A tawk! Ka kalpui chu i duh em?" a meng khup lap a,zawisap hian "umm duh" ka then sak," Anih chuan kal vat vat ang,mut ka mamawh tehmai ania"ti chung chuan ka pen hmawk hmawk a.



Bazar kan thleng a,mihring chu duh ai an tam hrat ani.Liansangzuala chu Showroom pakhatah hian a lut zuai a,kei chuan ka zui lut lo.Reivakloah a rawn chhuak leh mai a,thil eng emaw hi a rawn khaia,"Nge a?" "Ka theihnghilh a, niminah uncle'an min leisak a,nuam rass" "Hmmm! Vannei thei bik! Tlukloh rim i nam" "Awihawm loh theih emai! Chuan eng thil nge ka treat ang che?" "Hre biklo,money bok a,thil to deuh,tui tawk animai tiraw?"tiin ka'n nek deuh salh a. "Lutuk tlat mai.Khawnge niang?" Restaurant pakhatah chuan kan lut thawr a,eitur tam zet kan order a,chawl ve dang chuan maktih hmel fi hian min en hrek hrek a,Lsa chuan "min en duh hlawm lutuk"a rawn ti sur sur a.Kei chuan ngaipoimawhlo zet a  thil ei chung hian"melh puak rawh,ka ril a tam miau alawm,eng nge?" kalo ti liam puat a.Chutah a nui hak a,soup plate chu ala a,a hawp zui mai a.



Liansangzuala nen hian ngaihzawng ka neihlai atang tawh a inkawm reng kan nia,ka beisei ngailoa,thiantha tak ang bak chuan ka en thei ngai meuhlo.Engkimah min care a,ka tan hian ui anei ngailoa,min ngaihsak takzet animai.Ka duh duh danin tikual thin mahila min huatphah chuangloa,ka thuawih hi a hna pui ber animai.



Tlangval kum 20 pel awrh choh ania,a pian leh fuke engmah sawisel tur ka hreloa,luck pangai tak ani bawk a.Ngaìhzawng anei ngailoa,amah beisei thintu hmeichhiate a tenzui tlat zel hi a buaithlakna lai ber chu ani.Chhungkaw khawsa thei pangai tak atanga chawrchhuak,fapa mal duatsual hleihtheih loh ani ber e.

Kan ei man kan pek zawh chuan kan haw nghal a.



"Matei hi ka rinai thil ilo ei hnem thei daih mai,mak reuh lutuk mai" a tukkhum a ri nghal fawk. "I ei ve tho kha aw,ve che hian" Kan inhnial bawrh bawrh a,chutia kan titi chiam lai chuan kan lam pana hmeichhia leh mipa lo kal chu ding meuh hian ka en ta reng a.Ka thin chu a phu dup dup a,ka vai ruai ani ber.Ka mit chu a thim mup a,min kuaiher sawk bok.Engmah ka hrelo zui nghal a.Ka harh leh chuan ka khumah kalo mu tawh a,ka bulah chuan Lsa pawh alo thu ve reng a.Ka tho thut a,"Eng nge thil awmzia,engvangin nge tihian ka awm a?"Ka hawikual ruai a,thil fello chu a awmlo.Lsa chuan nuamlo tih hmel zet hian min melh a."Englo mate,ex kha i hmu a,i danglam vek a,chuan i rilru anat hmel bok sia,i mit ka hup a,ka pawmbet che a,nikhua i hrelo zui ta alawm mawle" chutah vin zet hian "Engvangin nge chutia min lo tih ve ngawt? Lalhmangaiha-" ka tawp chawt! Ka hrechhuak zawk mai.Nie,hmeichhe pakhat nen an kaldun lai kan hmuh tak kha mawle.Bialnu ka neilo,ka kawp ngailo che,inkawp hi ka hua,ati foa,a huat ber angin amah zawk a awm leh si a.Ka hrethiam hrep lo e.Ka ngaihtuah chhuah apiang hian ka thin hi ala rim hluah hluah thin.



Mak tak maiin Lalhmangaiha(ex) hi ka 'FIRST LOVE ani teh tlat a! Ngaihzawng neih nachang ka hrengailoa,zeiloh piahlamah ka peihlo aniber.Mahse college te ka han kal ve takah chuan kalo inti nula ve tawh te pawh ani chek ang chu.Ex nen chuan engtin tin emaw kan insoirem a,kan ni rei ve hrep lehnghal a,kei phei chuan ka hmangaih hman hial asin,mahse a bumna hnuai atang chuan kum 3 hnuah ka talchhuak ta hram ani..

Ziaktu : Apeki
Writer : Ram zuun leh D zun a uai