The Mysterious case of Khan's family
Ni chu kawl ah alo lang det det a, vartian arsi pawh khawchhak lamah ala de sar sar a. Ral lehlam a tlang pang te chu chhum in a khuh var chuai a, naupang thenkhat exam tur nei te pawh an lehkha chhiar ri lauh lauh te pawh a hriat theih a. Tun thlasik chu boruak a vawt zual ngei mai, pawnah phei chuan a vawt vin deuh tuk mai ani. Ralkhata ar khuang lang lang ri te chu a mawi dangdai hle mai a.Ka zinna a ka thil tawn khan ka rilru a luah reng a, mut zai reng min rel tir theilo. Mut luih ka tum poh leh mit kham urh in ka mu a, pawn a thut mai mai hian ka nuam huai zawk in ka hria a.
Monday ah kan company aiawh a meeting naa kal turin Kolkatta ah ka kal a, hethiang thil a a kal bik nih reng te hi a chang chuan a ninawm ve lek lek thin. Salt lake atang a hla lo te hotel ah ka thleng a, ka room thlenna te chu a nuam dangdai viau reuh a. Hotel room dang anglo deuhin, wardrobe hlui tawh lampang leh, book shelf upat tawh hmel tak mai hi a awm a. Ka thlen ni tlai ah chuan mizo thenkhat ground a an in khelh naah chuan ka zu tel ve a, ka chau hle nghe nghe ani.
Dinner ei zawh ah ka room ah chuan hla ka ngaithla mai mai a, ka chauh deuh vang emawni ka lo muthlu sek a. Chutia ka muhil chu mak tak maiin mumang hi ka nei a, ka mumangah chuan vai nula hmel fiah kalh mai, hmeltha tak mai, hnar zum tha veh vawh deuh mai hi ka hmaa ah hian alo ding reng a. Chu nu chuan milo en char char a, kei pawh chuan ka hlau lek lek a, a hmel ah chuan lungngaih na tak a nei tih hi a hriat a. Tawng tum in a ka ang zuau a, chumi lai tak chuan ka room kawngkhar ri dawt dawt chuan milo ti harh zawk mai a. Ka va hawn chuan waiter pa hian ka coffe chah hi milo pek alo tum a. Chupa chu a hmel atang chuan kum 60 vel hmel hi a pu tawh a, nui sang chung hian ka room chhung vel chu a bih deuh thuak thuak a, a kal leh nghal mai a.
Ka mumang chu mak ka ti angreng hle a, kha vainu hmel lah kha ka mitthla ah a cham nghet em em mai lehnghal a. Coffee in pah chuan ka room chu kan bih kual vel chhin a, book shelf vela mi lehkhabu ho chu kan bih kual mai mai chhin a, a hnuai lamah chuan lehkhabu hlui tawh deuh mai a kawm a thu in ziak pawh chhiar hleihtheih tawh loh tur hi alo awm a. Ka mit ala nghal em em mai a, book shelf atang chuan la chhuak in ka khum lamah ka keng phei a. Chu lehkhabu te chu a chhah em em lo a, kan belh chian deuh chuan solomons treasure tih alo ni a, ka keu zel a, a phek tawpah chuan hmeichhe thlalak pakhat fiah lo ruai mai hi alo awm a. Kan en chian nak chuan ka mumang a ka hmuh nu ngei kha niin ka hria a ka phu deuh zawk nghe nghe ani. Ka tiril a khur deuh a, mahse mipa ve ta chu ka inti huaisen lui a. Ka mumang a ka nula hmuh leh he thlalak te, ka awmna room te chuan in kungkaihna eng emaw tak hi anlo nei em ni le aw ka ti rilru a. Ka ngaihtuah chiang a mak hi ka ti tulh tulh mai a, mut pawh chu ka chak loh phah hle a, hla ring deuh in ka ngaithla a, kar lo ah ka lo muhil leh mai a.
Mumang em em neilo in ka muhil a, a tuk zing ka harh chuan ka lehkhabu ka khum bul lawk a ka dah chu alo awm ta hauh lo mai a. Kan zawng vel a, khum hnuai te kan en a alo awm chuang der silo a. Book shelf lam chuan ka mit ala leh ta hle mai a, kan va en nak chuan a hmaa a awmna ngai ah chiah chuan alo awm a, kala chhuak leh ngat a a phek tawp berah chuan nula-i thlalak chu alo awm leh ngei a, mak ka ti em em a, hlauh lamah pawh a kal tawh lo.
Thlalak chu ka la a, lehkhabu chu a awmna ah chuan ka dah let leh a. Hmanhmawh takin Kitchen lamah ka chhuk a, tumah anlo la awmlo a. Pawnah ka chhuak leh a, zan hmasa lam a coffee milo pe tu putar pa khan pangpar vel tui alo pe a. Chupa chuan milo hmuh velah chuan Ka pu Good morning, nizan te i mutui em alo ti sawk sawk a. Kei chuan Morning, minlo hrethiam la biak lawk che ka duh a ka ti a. Chupa hmel chu alo danglam nghal a, Garden a thuthleng sei ah chuan kan thu dun a, bul han tan dan tur ka ngaihtuah mek lai chuan putar pa chuan aw zawi sap hian ka pu nula-i kha a niang maw? ati a. Kei chuan aw ni e tiin thlalak chu phawrh pahin henu hi tunge ka ti ta ringawt a. Chupa hmel ah chuan lungngaih hmel hi ka hmu a, ral lehlam thlir vang vang pah chuan ka pu ka thil sawi tur hi sawi nuam pawh anilo a, mahse nang hi kha roomah khan zankhat riak ngam awm chhun ila ni asin. Kha room ah khan mi tam tak anlo awm ve tawh a mahse a zan la la in an chhuak leh vek zel ani ati ta mai a, chupa chu ka ngei lek lek zawk a. Thinrim hmel zet hian ka melh a, chu pa chuan nui deuh sak pah hian, ka pu ngaihloh lamah lo ngai suh ang che aw khawngaih in he ka thu hrilh tur che hi lo ngaithla phawt mai teh ati a.
Heti hian a sawi a, He hotel hi British ho hunlai a sak tawh ani a, chhhungkaw hlun tak ‘Khan` chhungkaw ta ani thin. British ho nen an in thian tha em em a, chhungkaw hlim tak ani ni thin a. Kei hi ‘Khan` chhungkaw thlah zel chhiahhlawh ka ni a, ka pa leh ka pu te atangin he hna hi rinawm takin kanlo thawk tawh thin ani. Kum 1980 khan ka pu Wasir Khan khan he in ropui tak leh a ram hi a rochun a, ani kha mi nunnem tak, mi te khawngaihna ngah theitak mai ani a. Heta awm thin zawng zawng hi cuan kan zah em em vek a, kan ngaina ber bawk ani ati a. Chu putar pa mit kan en chu a mittui alo tling pam mai a, chutiang a pa upa tawh tak mai kan hmu chu hrehawm ka ti ru angreng hle a. Sawi chhunzawm zelin, Ka pu Wasir Khan ate unau hi pathum anni a, nau mipa leh hmeichhia anei a. A nau te pahnih hi chu che lian thei tak, chapo ve tak mai anni a, ka pu pawh khan a zilh fo dun thin nghe nghe ani. Ka pu khan fanu pakhat Anita-i anei a, an nupa hian an duat thei em em a. Mihlim thei tak anni asin, mi rethei an pui nasa a, mite angin nuam an tawl ve ngai hauhlo ani. Kha thlalak ami kha Anita-i chu anih kha, khata a nui hmel kha engtiklai mai pawh khan a pu reng thin a, tu pawh hian kan ngaina in kan lawm em em vek ani.
Khan chhungkua chu an lian telh telh a, an rosum neih te pawh a pung thur thur mai a, Ka pu Wasir a kha mi fing tak ani bawk a, sumdawnna ah chuana ropui ta hle a, kolkatta ah hi chuan ani hrelo kha an awm pawh ka ringlo. Kum te a ral ve zel a, chutia chhungkaw hlim tak ni thin kha ni khat thil thu ah an khawvel alo chhe zo ta ani.
December 15th 1984, tlai lam dar 8 ani a, Ka pu chu chiai hmel deuh hian in leh a vel chu a kartawn sek a, ka pi lah chu a tap pur mai a. Thil awmzia kan han hriat meuh chuan Anita-i college bang alo la haw theilo hi alo ni a. Police lamin an zawng mek tih thawm ka hria a.
Vanduaina hian mifel te pawh alo zuak bik hauhlo mai, Anita-i chu hmuh tik ni reng a awm thei ta hauhlo mai a, Police lam pawhin a ngaihna an hre tawhlo niin a lang ta. Mahse ka pu chu a beidawng ve hauhlo, nitin mai hian a fanu zawngin a chhuak a, zan rei tak tak ah alo haw chauh thin. Ka pi lah chuan a tuar em em a, chaw mumal pawh ei theilo in a fanu ngai chuan roomah a awm reng mai zel ani.
Chutia buaina a reh hma chuan buaina dang a awm leh ta, ka pi chu tur a ei avangin a boral ve leh ta tlat mai. Ka pu khawngaihthlakawm zia chu, hnem ngaihna pawh a awmlo, mi a ang mai hian a vak a vak a, a mu ngai bawk silo. A ni tel mai hian a buai telh telh a, a fanu leh a nupui hming hi a lam reng thin a. Thlakhat a liam leh meuh chuan, ka pu pawh chuan a tlin ve ta ngang lo a, an chhungkaw thlanmual bik ah chuan a nupui leh a fanu chin hriatloh a bo te nen kan zalh ta ni. He chanchin hi khang hunlai kha chuan mitin mai hian mak tiin an sawi fo thin ani.
Ka pu Wasir Khan ber alo boral tak si ah chuan, a naute pahnih kutah a ro zawng zawng alo awm ta a. Anni pahnih chuan ba tam tak an neih avangin, he ram leh in hi an hralh ta a, tun a i room khi Anita-i room thin ania, ani khan he in hi ala chhuahsan velo a, a thlarau ala cheng ve reng ani. Ka pu wasir Khan a unau te chu tunah hian new city lamah an cheng a, ka pute thlan pawh an tlawh ngailo, keini chhiahhlawh ho hian kan chei mawi a, kan ti fai thin ani. Anita-i chuan ala chhuahsan ve hrihlo anih chu, he in ah hian tih tur ala nei aniang e ati a. Chu putar pa thil min hrilh chuan ka rilru a khawih ve hle a, sawi mai tur pawh ka hrelo a. Ka phone lo ri ral ral chu kan en chuan meeting ka neih pui tur te zing a ka zirpui thin ka thianpa hi alo ni a. Sana kan en nak chuan minute 30 lek hi alo awm tawh a. Ka bul a putar pa hnen ah chuan ka pu ka room khi ka haw hma chuan ka chhuahsan lo ang, kan in kawm leh dawn nia, hna ah ka kal phawt ange ka ti a, chu putar pawh chu a bu nghut a, ka kal lai chu milo thlir zui vawng vawng a.
Darkar 5 vel zet kan meeting hnu chuan ka thianpa nen chuan Kolkatta ‘ the city of joy` an tih chu kan fang kual vel a, dar 7 velah ka hotel lamah ka kir leh ta a. Nileng mai a han chhuah chu a lo chauh theih hle mai a, diiner vel ka ei zawh chuan pawnah reilote ka kal kual a, roomah ka let leh vat a. Ka phone a ka bialnu nen a kan thlalak dun ka en mai mai lai chuan mutchhuak hian min zem chiai chiai a, kar lo ah kalo muhil leh der a. Mai mi zial ang deuh hian ka awm a, thil engkim mai chu chiang em em mai hian ka hria a, ka hnung lamah chuan mi awm tlat hian ka hria a mahse ka hawi let thei hauh lo mai a. Kan maimitchhing leh vang vang a, kan men nak chuan ka hmaah chuan nula-i chu alo ding leh reng mai chu niin, ka lung chu a phu rang dawt dawt hle ani. Hlau hle mah ila, ka inti pachang lui a, hlauh in awmzia awm lo tih ka hria a. Anita-i ini ang maw ka ti ringawt a, ani chu a bu nghauh a. Min tanpui rawh ati a, kei chuan engtin nge ka puih ang che kalo ti ve vat a. Thawklehkhatah room chhung ah chuan thli alo thaw vuk vuk a, mit khap kar lek ah hmun nuam deuh mai ah hian kalo awm reng tawh mai a. Kan hawi kual vel chu college zirlai naupang rual hi anlo nui ri dar dar a, an zingah chuan Anita-i pawh chu alo awm ve reng a. Bell hi a ri ral ral a, zirlai naupang te chu gate lam pan chuan an haw hul hul a. Anita-i chu ka en renga a, hlim hmel hi a pu sarh mai a. A kalna lam ah chuan ka zui ve ta zel a.
City circle ah chuan nula senior tawh lam hian bawihte lo kal rawh le, hei hi Vijay-a ka thianpa anih hi tiin a bula tlangval ding tawh chu a lo kawhmuh a. Anita-i chuan hello Vijay ka ni hian a sawi thin che a, a tak a kanin hmu chu ka lawm hle mai ati a. Anita-i chuan ka ni hei haw ka duh tawh a, ka nu nen bazar kal te kan la ngai a ti a. Chu nu chuan bawihi keipawh ka haw tep tawh alawm, kan haw rual dawn nia, lo chuang ve rawh vijay-a hian min thlah dawn alawm ati a, Anita-i chu ngaihtha takin a chuang lut ve mai a. Darkar chanve vel an tlan hnu chuan an in lam nilo, lui kam thingkung vel lo awm fur na hi an thleng a. Anita-i chuan a ni chu mak tih hmel deuh hian a en a, a ni lah chu za lo deuh mai hian alo nui a. Anita-i chuan hlauh vak hmel loh hian ka ni ka haw vat duh ka tih chu ati leh a, chumi lai tak chuan thingkung phen atang hian tlangval sek tak mai pahnih hi anlo chhuak a, Anita-i chu anlo man ta mai a. Ka thil hmuh chuan min ti thinrim kher mai, hmeichhe awmnem zawk dim bak sak lo a an han sawngbawl vel chu ka tha neih zawng zawg sawm khawm in hnek thal bur mai kan tum a, mahse ka khawih fuh thei der lo mai a.
Anita-i ni te bulah chuan kava phei a, Vijay-a chuan Anita-i ni hnenah chuan i thil tih hi ni chiang maw, I u in hrechhuak ta se kan chan tur chu a chhe khawp ang ati a. Anita-i ni chuan zam loh hmel tak hian, lungngai suh Ka u te chhungkua hi an chhe vek dawn ani, ka pa te khan an duhsak bik em a, hei hi an chan tur anih hi tiin Anita-i tlangval pahnihin lainatna tel hauhlo an khawih lai chu en pahin an nuih a, rapthlak tak ani. Tih theih ka nei silo chu ka au vak vak a, thawklehkhatah ka harh hlawl mai a. Kha ka thil hmuh kha a tak ang mai khan ka hmu a, tunah hetah ka awm leh daih mai si a, mak ka ti hle mai a. Ka phone chu alo vibrate der der a, kan en chuan number awm miah silo atang hian, Tholl river bul Banyan tree bulah ka ruang, tih ringawt hi alo ni a, ka thil tawn chu mak ka ti telh telh mai a.
Ka mut pawh a chhuak tawhlo a, sana kan en chuan zing dar 5 chiah chiah alo ri tawh a. Vawiin chu kan meeting naah nizan lama ka thil tawn ringawt a awm a, kan thiante thu sawi pawh ka hre mumal lo a. Darkar hnih chu ka tlingtla ve thei mai a. Ka thil tawn te chu ka thianpa hnenah chuan kan hrilh ve a, ani chu alo phur khawp mai a. Police station a kal a rawt a, kei chuan a tak tak anih leh nih loh pawh kan chiang silo a, alo nih lo palh tak thut in a hmingchhiat thlak dawn emai ka ti a. Ka thianpa chuan lungngai suh, Inspector hmelhriat ka nei alawm, anin min pui duh ngei ang ati a. Ka thil tawn te chu inspector hnenah chuan kan sawi a, uluk tak mai hian alo ngaithla a. Ka sawi zawh hnu chuan inthlahrung angreng tak hian thlarau thu sawi ania, alo nih loh palh ka hlauh thu ka hrilh pah a. Inspector chuan lunngai mah ta che, mite i tanpui zawk anih hi in chhuang hle zawk rawh alo ti ve var a.
Kei, ka thianpa, Inspector leh constable pahnih te nen chuan tholl river chu kan va kal a. A hmun chu kan han en kual vel a, thil sual tih na atan chuan duhthusam hi ani a. Lui lam kan hnaih deuh hnu chuan Banyan tree upa tawh zet mai hi alo awm a. Kan zu kal hnai a, a hmun vel kan han en chian vel hnu chuan constable pakhat chuan Sir heta hi thil in phum a awm e alo ti a. Khup chen vel kan han laih meuh chuan ruhro 5ft6inches vel tur hi kan lai chhuak ta mai a. Nizan ka mumang kha ka hre chhuak uaih uaih a, Anita-i hmel leh a na tuar hmel te kha ka lainat hle mai a. Inspector chuan hlawhtling inti tak in, Kum tam tak hnuah mi sual chu man ani dawn ta e ati a. Ka bulah alo kal a, thianpa i chungah kan lawm tak zet ani, i huaisenna avang chauh in he thil hi kan chhuichhuak thei ani si a ati a. Case thi tawh ang a lang chu anti nung tha leh a, Anita-i ni leh a pasal Vijay-a leh an mi chhawr te pawh chuan an sual man chu telin rorelna an hmachhawn dawn ta ani.
Naktuk mai a ka haw tawh dawn avangin inspector leh ka thianpa te chuan ka thlenna hotel thleng minlo thlah ve a. Ka roomah chuan Anita-i thlalak chu ka hmuh ve a, inspector chuan nula huaisen tak zawng i nih hi, thlamuang takin chawl tawh ang che ati sap a. Ka thianpa leh inspector ten en chuan kan in thlah fel a, kei pawh ka in pack fel nghal mawlh mawlh a. Chutia ka in pack lai chuan ka room kawngkhar chu a in kik dat dat a. Kawngka kan hawn chuan Putara leh hnathawk thenkhat ho hi anlo ding a, an hmel ah chuan lawm hmel hi an pu a. Putara chuan Ka pu News ah in thil tih kha kanlo hmu a, ka pu Wasir Khan-a te chungkaw zahzawmna leh dikna te in lantir mai bakah, Anita-i in hmuh sak a kan lawm e ati a. A bul a lo ding te ho pawh chu an mitui a tling kuang hlawm a. Sawi tur ka haihchham hle a, keipawn hetiang thil ka ti thei hi ka lawm thu te, an pute tan a an rinawmna ropui ka tih zia te ka hrilh ve luam a.
Ka in pack fel hnu chuan, ka in bual fai a, dinner te ka ei a. Ka room a ka let leh hma chuan Hotel vel chu ka fang vel a. Ka thil tawn vel te chu ka ngaihtuah neuh neuh a, mak hi ka ti hle a. A tir khan hlau ve hle mah ila, kha nula thlarau vakvai kha ka lainat em em a. A thlarau a chawlh hahdam theih nan ka tawngtai pui ve hial ani. Coffee te kan in leh te te a, chuan ka room ah ka chho ta a. Anita-i thlalak chu a awmna ngai ah ka dah let leh a. Ka chauh deuh avangin ka lo muhil leh a, ka mumangah chuan Anita-i hian nui sen sen chung hian, i chungah ka lawm e, nang chu awmlo la he khawvel ah hian ka la vakvai reng awm si a. Tunah chuan ka nu leh pa bulah thlamuang takin ka chawl ve thei tawh dawn e, mangtha le tiin a ral ta riai riai a.
A tuk ah chuan chanchinbu kan keu a, headline ah chuan, “The mysterious case of Khan’s Family” tih hi alo chuang kalh a. Ka lawm ve em avang chuan ka khi suk a. Airport lam panin ka kal a, darkar 1 vel ka nghah hnu chuan Mizoram lam panin ka haw ve ta a.
Ni chu kawl ah alo lang det det a, vartian arsi pawh khawchhak lamah ala de sar sar a. Ral lehlam a tlang pang te chu chhum in a khuh var chuai a, naupang thenkhat exam tur nei te pawh an lehkha chhiar ri lauh lauh te pawh a hriat theih a. Tun thlasik chu boruak a vawt zual ngei mai, pawnah phei chuan a vawt vin deuh tuk mai ani. Ralkhata ar khuang lang lang ri te chu a mawi dangdai hle mai a.Ka zinna a ka thil tawn khan ka rilru a luah reng a, mut zai reng min rel tir theilo. Mut luih ka tum poh leh mit kham urh in ka mu a, pawn a thut mai mai hian ka nuam huai zawk in ka hria a.
Monday ah kan company aiawh a meeting naa kal turin Kolkatta ah ka kal a, hethiang thil a a kal bik nih reng te hi a chang chuan a ninawm ve lek lek thin. Salt lake atang a hla lo te hotel ah ka thleng a, ka room thlenna te chu a nuam dangdai viau reuh a. Hotel room dang anglo deuhin, wardrobe hlui tawh lampang leh, book shelf upat tawh hmel tak mai hi a awm a. Ka thlen ni tlai ah chuan mizo thenkhat ground a an in khelh naah chuan ka zu tel ve a, ka chau hle nghe nghe ani.
Dinner ei zawh ah ka room ah chuan hla ka ngaithla mai mai a, ka chauh deuh vang emawni ka lo muthlu sek a. Chutia ka muhil chu mak tak maiin mumang hi ka nei a, ka mumangah chuan vai nula hmel fiah kalh mai, hmeltha tak mai, hnar zum tha veh vawh deuh mai hi ka hmaa ah hian alo ding reng a. Chu nu chuan milo en char char a, kei pawh chuan ka hlau lek lek a, a hmel ah chuan lungngaih na tak a nei tih hi a hriat a. Tawng tum in a ka ang zuau a, chumi lai tak chuan ka room kawngkhar ri dawt dawt chuan milo ti harh zawk mai a. Ka va hawn chuan waiter pa hian ka coffe chah hi milo pek alo tum a. Chupa chu a hmel atang chuan kum 60 vel hmel hi a pu tawh a, nui sang chung hian ka room chhung vel chu a bih deuh thuak thuak a, a kal leh nghal mai a.
Ka mumang chu mak ka ti angreng hle a, kha vainu hmel lah kha ka mitthla ah a cham nghet em em mai lehnghal a. Coffee in pah chuan ka room chu kan bih kual vel chhin a, book shelf vela mi lehkhabu ho chu kan bih kual mai mai chhin a, a hnuai lamah chuan lehkhabu hlui tawh deuh mai a kawm a thu in ziak pawh chhiar hleihtheih tawh loh tur hi alo awm a. Ka mit ala nghal em em mai a, book shelf atang chuan la chhuak in ka khum lamah ka keng phei a. Chu lehkhabu te chu a chhah em em lo a, kan belh chian deuh chuan solomons treasure tih alo ni a, ka keu zel a, a phek tawpah chuan hmeichhe thlalak pakhat fiah lo ruai mai hi alo awm a. Kan en chian nak chuan ka mumang a ka hmuh nu ngei kha niin ka hria a ka phu deuh zawk nghe nghe ani. Ka tiril a khur deuh a, mahse mipa ve ta chu ka inti huaisen lui a. Ka mumang a ka nula hmuh leh he thlalak te, ka awmna room te chuan in kungkaihna eng emaw tak hi anlo nei em ni le aw ka ti rilru a. Ka ngaihtuah chiang a mak hi ka ti tulh tulh mai a, mut pawh chu ka chak loh phah hle a, hla ring deuh in ka ngaithla a, kar lo ah ka lo muhil leh mai a.
Mumang em em neilo in ka muhil a, a tuk zing ka harh chuan ka lehkhabu ka khum bul lawk a ka dah chu alo awm ta hauh lo mai a. Kan zawng vel a, khum hnuai te kan en a alo awm chuang der silo a. Book shelf lam chuan ka mit ala leh ta hle mai a, kan va en nak chuan a hmaa a awmna ngai ah chiah chuan alo awm a, kala chhuak leh ngat a a phek tawp berah chuan nula-i thlalak chu alo awm leh ngei a, mak ka ti em em a, hlauh lamah pawh a kal tawh lo.
Thlalak chu ka la a, lehkhabu chu a awmna ah chuan ka dah let leh a. Hmanhmawh takin Kitchen lamah ka chhuk a, tumah anlo la awmlo a. Pawnah ka chhuak leh a, zan hmasa lam a coffee milo pe tu putar pa khan pangpar vel tui alo pe a. Chupa chuan milo hmuh velah chuan Ka pu Good morning, nizan te i mutui em alo ti sawk sawk a. Kei chuan Morning, minlo hrethiam la biak lawk che ka duh a ka ti a. Chupa hmel chu alo danglam nghal a, Garden a thuthleng sei ah chuan kan thu dun a, bul han tan dan tur ka ngaihtuah mek lai chuan putar pa chuan aw zawi sap hian ka pu nula-i kha a niang maw? ati a. Kei chuan aw ni e tiin thlalak chu phawrh pahin henu hi tunge ka ti ta ringawt a. Chupa hmel ah chuan lungngaih hmel hi ka hmu a, ral lehlam thlir vang vang pah chuan ka pu ka thil sawi tur hi sawi nuam pawh anilo a, mahse nang hi kha roomah khan zankhat riak ngam awm chhun ila ni asin. Kha room ah khan mi tam tak anlo awm ve tawh a mahse a zan la la in an chhuak leh vek zel ani ati ta mai a, chupa chu ka ngei lek lek zawk a. Thinrim hmel zet hian ka melh a, chu pa chuan nui deuh sak pah hian, ka pu ngaihloh lamah lo ngai suh ang che aw khawngaih in he ka thu hrilh tur che hi lo ngaithla phawt mai teh ati a.
Heti hian a sawi a, He hotel hi British ho hunlai a sak tawh ani a, chhhungkaw hlun tak ‘Khan` chhungkaw ta ani thin. British ho nen an in thian tha em em a, chhungkaw hlim tak ani ni thin a. Kei hi ‘Khan` chhungkaw thlah zel chhiahhlawh ka ni a, ka pa leh ka pu te atangin he hna hi rinawm takin kanlo thawk tawh thin ani. Kum 1980 khan ka pu Wasir Khan khan he in ropui tak leh a ram hi a rochun a, ani kha mi nunnem tak, mi te khawngaihna ngah theitak mai ani a. Heta awm thin zawng zawng hi cuan kan zah em em vek a, kan ngaina ber bawk ani ati a. Chu putar pa mit kan en chu a mittui alo tling pam mai a, chutiang a pa upa tawh tak mai kan hmu chu hrehawm ka ti ru angreng hle a. Sawi chhunzawm zelin, Ka pu Wasir Khan ate unau hi pathum anni a, nau mipa leh hmeichhia anei a. A nau te pahnih hi chu che lian thei tak, chapo ve tak mai anni a, ka pu pawh khan a zilh fo dun thin nghe nghe ani. Ka pu khan fanu pakhat Anita-i anei a, an nupa hian an duat thei em em a. Mihlim thei tak anni asin, mi rethei an pui nasa a, mite angin nuam an tawl ve ngai hauhlo ani. Kha thlalak ami kha Anita-i chu anih kha, khata a nui hmel kha engtiklai mai pawh khan a pu reng thin a, tu pawh hian kan ngaina in kan lawm em em vek ani.
Khan chhungkua chu an lian telh telh a, an rosum neih te pawh a pung thur thur mai a, Ka pu Wasir a kha mi fing tak ani bawk a, sumdawnna ah chuana ropui ta hle a, kolkatta ah hi chuan ani hrelo kha an awm pawh ka ringlo. Kum te a ral ve zel a, chutia chhungkaw hlim tak ni thin kha ni khat thil thu ah an khawvel alo chhe zo ta ani.
December 15th 1984, tlai lam dar 8 ani a, Ka pu chu chiai hmel deuh hian in leh a vel chu a kartawn sek a, ka pi lah chu a tap pur mai a. Thil awmzia kan han hriat meuh chuan Anita-i college bang alo la haw theilo hi alo ni a. Police lamin an zawng mek tih thawm ka hria a.
Vanduaina hian mifel te pawh alo zuak bik hauhlo mai, Anita-i chu hmuh tik ni reng a awm thei ta hauhlo mai a, Police lam pawhin a ngaihna an hre tawhlo niin a lang ta. Mahse ka pu chu a beidawng ve hauhlo, nitin mai hian a fanu zawngin a chhuak a, zan rei tak tak ah alo haw chauh thin. Ka pi lah chuan a tuar em em a, chaw mumal pawh ei theilo in a fanu ngai chuan roomah a awm reng mai zel ani.
Chutia buaina a reh hma chuan buaina dang a awm leh ta, ka pi chu tur a ei avangin a boral ve leh ta tlat mai. Ka pu khawngaihthlakawm zia chu, hnem ngaihna pawh a awmlo, mi a ang mai hian a vak a vak a, a mu ngai bawk silo. A ni tel mai hian a buai telh telh a, a fanu leh a nupui hming hi a lam reng thin a. Thlakhat a liam leh meuh chuan, ka pu pawh chuan a tlin ve ta ngang lo a, an chhungkaw thlanmual bik ah chuan a nupui leh a fanu chin hriatloh a bo te nen kan zalh ta ni. He chanchin hi khang hunlai kha chuan mitin mai hian mak tiin an sawi fo thin ani.
Ka pu Wasir Khan ber alo boral tak si ah chuan, a naute pahnih kutah a ro zawng zawng alo awm ta a. Anni pahnih chuan ba tam tak an neih avangin, he ram leh in hi an hralh ta a, tun a i room khi Anita-i room thin ania, ani khan he in hi ala chhuahsan velo a, a thlarau ala cheng ve reng ani. Ka pu wasir Khan a unau te chu tunah hian new city lamah an cheng a, ka pute thlan pawh an tlawh ngailo, keini chhiahhlawh ho hian kan chei mawi a, kan ti fai thin ani. Anita-i chuan ala chhuahsan ve hrihlo anih chu, he in ah hian tih tur ala nei aniang e ati a. Chu putar pa thil min hrilh chuan ka rilru a khawih ve hle a, sawi mai tur pawh ka hrelo a. Ka phone lo ri ral ral chu kan en chuan meeting ka neih pui tur te zing a ka zirpui thin ka thianpa hi alo ni a. Sana kan en nak chuan minute 30 lek hi alo awm tawh a. Ka bul a putar pa hnen ah chuan ka pu ka room khi ka haw hma chuan ka chhuahsan lo ang, kan in kawm leh dawn nia, hna ah ka kal phawt ange ka ti a, chu putar pawh chu a bu nghut a, ka kal lai chu milo thlir zui vawng vawng a.
Darkar 5 vel zet kan meeting hnu chuan ka thianpa nen chuan Kolkatta ‘ the city of joy` an tih chu kan fang kual vel a, dar 7 velah ka hotel lamah ka kir leh ta a. Nileng mai a han chhuah chu a lo chauh theih hle mai a, diiner vel ka ei zawh chuan pawnah reilote ka kal kual a, roomah ka let leh vat a. Ka phone a ka bialnu nen a kan thlalak dun ka en mai mai lai chuan mutchhuak hian min zem chiai chiai a, kar lo ah kalo muhil leh der a. Mai mi zial ang deuh hian ka awm a, thil engkim mai chu chiang em em mai hian ka hria a, ka hnung lamah chuan mi awm tlat hian ka hria a mahse ka hawi let thei hauh lo mai a. Kan maimitchhing leh vang vang a, kan men nak chuan ka hmaah chuan nula-i chu alo ding leh reng mai chu niin, ka lung chu a phu rang dawt dawt hle ani. Hlau hle mah ila, ka inti pachang lui a, hlauh in awmzia awm lo tih ka hria a. Anita-i ini ang maw ka ti ringawt a, ani chu a bu nghauh a. Min tanpui rawh ati a, kei chuan engtin nge ka puih ang che kalo ti ve vat a. Thawklehkhatah room chhung ah chuan thli alo thaw vuk vuk a, mit khap kar lek ah hmun nuam deuh mai ah hian kalo awm reng tawh mai a. Kan hawi kual vel chu college zirlai naupang rual hi anlo nui ri dar dar a, an zingah chuan Anita-i pawh chu alo awm ve reng a. Bell hi a ri ral ral a, zirlai naupang te chu gate lam pan chuan an haw hul hul a. Anita-i chu ka en renga a, hlim hmel hi a pu sarh mai a. A kalna lam ah chuan ka zui ve ta zel a.
City circle ah chuan nula senior tawh lam hian bawihte lo kal rawh le, hei hi Vijay-a ka thianpa anih hi tiin a bula tlangval ding tawh chu a lo kawhmuh a. Anita-i chuan hello Vijay ka ni hian a sawi thin che a, a tak a kanin hmu chu ka lawm hle mai ati a. Anita-i chuan ka ni hei haw ka duh tawh a, ka nu nen bazar kal te kan la ngai a ti a. Chu nu chuan bawihi keipawh ka haw tep tawh alawm, kan haw rual dawn nia, lo chuang ve rawh vijay-a hian min thlah dawn alawm ati a, Anita-i chu ngaihtha takin a chuang lut ve mai a. Darkar chanve vel an tlan hnu chuan an in lam nilo, lui kam thingkung vel lo awm fur na hi an thleng a. Anita-i chuan a ni chu mak tih hmel deuh hian a en a, a ni lah chu za lo deuh mai hian alo nui a. Anita-i chuan hlauh vak hmel loh hian ka ni ka haw vat duh ka tih chu ati leh a, chumi lai tak chuan thingkung phen atang hian tlangval sek tak mai pahnih hi anlo chhuak a, Anita-i chu anlo man ta mai a. Ka thil hmuh chuan min ti thinrim kher mai, hmeichhe awmnem zawk dim bak sak lo a an han sawngbawl vel chu ka tha neih zawng zawg sawm khawm in hnek thal bur mai kan tum a, mahse ka khawih fuh thei der lo mai a.
Anita-i ni te bulah chuan kava phei a, Vijay-a chuan Anita-i ni hnenah chuan i thil tih hi ni chiang maw, I u in hrechhuak ta se kan chan tur chu a chhe khawp ang ati a. Anita-i ni chuan zam loh hmel tak hian, lungngai suh Ka u te chhungkua hi an chhe vek dawn ani, ka pa te khan an duhsak bik em a, hei hi an chan tur anih hi tiin Anita-i tlangval pahnihin lainatna tel hauhlo an khawih lai chu en pahin an nuih a, rapthlak tak ani. Tih theih ka nei silo chu ka au vak vak a, thawklehkhatah ka harh hlawl mai a. Kha ka thil hmuh kha a tak ang mai khan ka hmu a, tunah hetah ka awm leh daih mai si a, mak ka ti hle mai a. Ka phone chu alo vibrate der der a, kan en chuan number awm miah silo atang hian, Tholl river bul Banyan tree bulah ka ruang, tih ringawt hi alo ni a, ka thil tawn chu mak ka ti telh telh mai a.
Ka mut pawh a chhuak tawhlo a, sana kan en chuan zing dar 5 chiah chiah alo ri tawh a. Vawiin chu kan meeting naah nizan lama ka thil tawn ringawt a awm a, kan thiante thu sawi pawh ka hre mumal lo a. Darkar hnih chu ka tlingtla ve thei mai a. Ka thil tawn te chu ka thianpa hnenah chuan kan hrilh ve a, ani chu alo phur khawp mai a. Police station a kal a rawt a, kei chuan a tak tak anih leh nih loh pawh kan chiang silo a, alo nih lo palh tak thut in a hmingchhiat thlak dawn emai ka ti a. Ka thianpa chuan lungngai suh, Inspector hmelhriat ka nei alawm, anin min pui duh ngei ang ati a. Ka thil tawn te chu inspector hnenah chuan kan sawi a, uluk tak mai hian alo ngaithla a. Ka sawi zawh hnu chuan inthlahrung angreng tak hian thlarau thu sawi ania, alo nih loh palh ka hlauh thu ka hrilh pah a. Inspector chuan lunngai mah ta che, mite i tanpui zawk anih hi in chhuang hle zawk rawh alo ti ve var a.
Kei, ka thianpa, Inspector leh constable pahnih te nen chuan tholl river chu kan va kal a. A hmun chu kan han en kual vel a, thil sual tih na atan chuan duhthusam hi ani a. Lui lam kan hnaih deuh hnu chuan Banyan tree upa tawh zet mai hi alo awm a. Kan zu kal hnai a, a hmun vel kan han en chian vel hnu chuan constable pakhat chuan Sir heta hi thil in phum a awm e alo ti a. Khup chen vel kan han laih meuh chuan ruhro 5ft6inches vel tur hi kan lai chhuak ta mai a. Nizan ka mumang kha ka hre chhuak uaih uaih a, Anita-i hmel leh a na tuar hmel te kha ka lainat hle mai a. Inspector chuan hlawhtling inti tak in, Kum tam tak hnuah mi sual chu man ani dawn ta e ati a. Ka bulah alo kal a, thianpa i chungah kan lawm tak zet ani, i huaisenna avang chauh in he thil hi kan chhuichhuak thei ani si a ati a. Case thi tawh ang a lang chu anti nung tha leh a, Anita-i ni leh a pasal Vijay-a leh an mi chhawr te pawh chuan an sual man chu telin rorelna an hmachhawn dawn ta ani.
Naktuk mai a ka haw tawh dawn avangin inspector leh ka thianpa te chuan ka thlenna hotel thleng minlo thlah ve a. Ka roomah chuan Anita-i thlalak chu ka hmuh ve a, inspector chuan nula huaisen tak zawng i nih hi, thlamuang takin chawl tawh ang che ati sap a. Ka thianpa leh inspector ten en chuan kan in thlah fel a, kei pawh ka in pack fel nghal mawlh mawlh a. Chutia ka in pack lai chuan ka room kawngkhar chu a in kik dat dat a. Kawngka kan hawn chuan Putara leh hnathawk thenkhat ho hi anlo ding a, an hmel ah chuan lawm hmel hi an pu a. Putara chuan Ka pu News ah in thil tih kha kanlo hmu a, ka pu Wasir Khan-a te chungkaw zahzawmna leh dikna te in lantir mai bakah, Anita-i in hmuh sak a kan lawm e ati a. A bul a lo ding te ho pawh chu an mitui a tling kuang hlawm a. Sawi tur ka haihchham hle a, keipawn hetiang thil ka ti thei hi ka lawm thu te, an pute tan a an rinawmna ropui ka tih zia te ka hrilh ve luam a.
Ka in pack fel hnu chuan, ka in bual fai a, dinner te ka ei a. Ka room a ka let leh hma chuan Hotel vel chu ka fang vel a. Ka thil tawn vel te chu ka ngaihtuah neuh neuh a, mak hi ka ti hle a. A tir khan hlau ve hle mah ila, kha nula thlarau vakvai kha ka lainat em em a. A thlarau a chawlh hahdam theih nan ka tawngtai pui ve hial ani. Coffee te kan in leh te te a, chuan ka room ah ka chho ta a. Anita-i thlalak chu a awmna ngai ah ka dah let leh a. Ka chauh deuh avangin ka lo muhil leh a, ka mumangah chuan Anita-i hian nui sen sen chung hian, i chungah ka lawm e, nang chu awmlo la he khawvel ah hian ka la vakvai reng awm si a. Tunah chuan ka nu leh pa bulah thlamuang takin ka chawl ve thei tawh dawn e, mangtha le tiin a ral ta riai riai a.
A tuk ah chuan chanchinbu kan keu a, headline ah chuan, “The mysterious case of Khan’s Family” tih hi alo chuang kalh a. Ka lawm ve em avang chuan ka khi suk a. Airport lam panin ka kal a, darkar 1 vel ka nghah hnu chuan Mizoram lam panin ka haw ve ta a.
Ziaktu : Remruata Hnamte
No comments:
Post a Comment