I KEEP FORGETTING

I KEEP FORGETTING

( Nghilh zai ka rel tawh si che a)

“I keep Forgetting” tih hla hi ka ngaihthlak ngai mi pawh a ni lo, Facebook ah mi pakhat profile mumal tak pawh nei lo hian  “The Fool” tih hla ka ziah tang khan min rawn kawh hmuh a, rei tak ka ngaihsak loh hnu ah min rawn ngen nawn leh a, chuti fakau a miten hla nalh an tih chu eng teh fakau nge ni tiin Tubidy lamah ka han zawng chhin e kati a, Download tlak lah awm reng reng lo, Ka thianpa Fabiana`n a lo nei hlauh a, he hla min pek a tang a tun thleng hian ka ngaithla bang thei lo. Lee Ann Womack-I hla bawk kha a ni a, a hla te hi zawng ngaihthlak manhla tak tak leh beng ti tlei tak tak te hi an ni a, thu lungkuai leh lairil fan tak tak te hi an ni thin, Thawnthu sei tak hi hla tawite hmang in an sa chhuak a ni ber in ka hria, “

Midang ang bawkin ngaihzawng te chu a nei ve bawk e, mahse a vanduai nge a tan a khuanu ruat loh a tawng zawk le nge a lungdumtu tak a la tawng  lo zawk midangte pawh an in ngaizawng a, inthen inthen anti bik lo mahse an ni zawng an inthen tlat, a mah chu inthen rawttu leh Mangtha titu a la ni zui zaw mah a, Mahse “Lunglai hal vang a inthen mah hian suihlunglen thar ni an nei, duhte a tanglai a pawm tawh hnu nghilhni a har anti” tih a nih kha maw khawimaw nikhua a an han in tawh chang te hian rilru ah chuan an hun hman dun tawh zozaite kha a thamral vek bik thei hek lo le eng emaw tal hriatchhuah leh chu a nei leh thin. “thinlai thar chang nite tam mahse damte a tuar tum zawkin kumtluang in pawmlai D tawnah rinawm I tum zawk ang” tiin a thlah liam leh lawi si thin a.

A english version hla kan phochhuah hma hauh in a hlathu ka thiam ang tawk a, Mizotawng a ka dah hi en hmasa I la, Sap hla leh Saptawng thiam tak a  let tur hian Saptawng leh Mizotawng thiam tak nih a ngai a, ka thiam bawk silo a, in hriatthiamna ka ngen hmasa a nii.

(A changkhatna ) :Hman a ka lo hmangaihna che kha a thamral zo ta emaw ka tih hnu ah Lamkawi ah dar ang tawng a I sakhmel ka hmuh  in lunghlui ai ang a thar a, nunhlui au in tahzai ka rel leh thin, han theihnghilh bo hmak che erawh zawng a lo har a nih hi. Ka lungleng lutuk in thih phah hial dawn pawh ni I la, ka rilru hi a na em em a ka thinlung hi a kehdarh zo vek dawn tih hi hrethiam vet ho pawh ni mahla, tu in nge hnungchhawn hmasa zawk tih hi min hriat nawn tir leh thin zawk ta che. Lunglai thar chang ni hi tam mahse auh kir leh che hi ka tum reng reng lo, ka thuthlukna siam tawh te kha tharchhuah leh ka tum tawh lo a, hriat nawn leh che lah ka zuam hek lo, nangmah ngai hian tah chang nei thin mahila ka hawikir tawh dawn lo, theihnghilh che hi ka duh a. Ka hmangaih che vang tal pawh hian theihnghilh che hi ka duh a ni. Ka hmangaih che a ni tih hi ka hre reng duh tawh lo, ka hriatchhuah a piang hian ka rilruna hi ka tuarzo lo leh thin chuvang chuan ka theihnghilh vang vang theih nan che hian min pui ta che, ka kalsan che tih hi min hriat nawn tir thin rawh.

            (thunawn) : Tunah chuan ka mamawh tawh loh che  vang ni loin ka mamawh em em vang zawk che in, ka theihnghilh reng tawh dawn che a ni. Hmangaihna chu rial ang a dai ta a, kei hi kani lawm ni kan in kawp reng thei tawh dawn lo ti a kan awm tha hle hle lai a thenna biahthu thlung a mahni hmasial hmasatu kha, ka hunliam ta te, kan hlim dun ve em em thin lai te, hmalam hun kan duan lawk leh kan pahnih a kan suangtuahna zozai te kha ka hriat reng a rem tawh lo, kei hi inthenna khartiang sawn a, chhuahsantu che kha kani a, ka hmangaih tawh lo che a, ka hre reng tawh dawn bawk hek lo che. A chhan chu ka hmangaih em vang che hian nang theihnghilh che hi ka duh ani.

            (Chang hnihna) : Zantiang reh hnu Bang a Sona lian in tar ri chauh hriattur a awm tawh hnu ah leh hriau pawh tla se a hriat theih ang tih khawp a a reh tawh hnu ah zanlai tak a I Darzam ka rawn khawn rik a, ka rawn Call hun ah te, Tin Nang ngaih vang a Suihlunglen hi tawrh har ka tih ber leh ka tuar peih tawh loh hun ah te, Kan hun liamta te vang tal pawh khan khawngaihtakin vawikhat chauh tal hun tha leh duhawm min pe leh rawh” ti a,  I hmangaihna ka ngen leh che a nih pawn min hriat nawn tir leh rawh aw kei hi Mangtha ti hmasa tu che kani a Tunah chuan Runlui luang thla hum hum ang hian hmatiang ka sawn zel tawh a, hnutiang ka hawi a rem tawh lo ka kal zel dawn tih hi. hawikir ka tum chang hian kei hi hawikir tawh lo tur a kalsan tu che kha kani tih min hriat nawn tir leh rawh.

            (Bridge) : Ka hriatna hian a mangnghilh zo tawh che a, ka hmangaih tawh heklo che, ka theihnghilh tawh zawk si che a.

            He hla rawn request tu hian a hun liamta ah eng hmangaihna lungchhiatthlak leh hun harsa chiah nge a tawn tih min hrilh lo mahse he hla a ngaihthla thin tih ka hriat tang hian a awm ang tur chu ka ngaihluat thiam sak ve a, ngaihzawng then tawh mi tam zawk ten a an tawn ve vek hnu a ni, in thentirh te hi chuan lung a leng in han renew leh chak zek zek na hi a awm thin mahse hunte an liam a, kan theihnghilh ve leh mai thin, Mahse ti leh the ang khawi maw nikhua a han in tawn chang erawh hi chuan an lo thar leh thin. Nunhlui ngaih hi a awl thin teh e.

"I Keep Forgetting"

If I see you on the street and start to cry
If it looks like I'm so lonesome I might die
If you can hear my heart just breaking right in two
Remind me once again who left who

I keep forgetting
That I don't need you now
It slips my mind
That's I'm the one who said we were through
I just can't seem to remember
It was me who walked out the door
I keep forgetting
I don't love you anymore

If your phone should ring in the middle of the night
If missin' you's a feelin' I can no longer fight
If I beg you please just give me one more try
Remind me I'm the one who said goodbye

I keep forgetting
That I don't need you now
It slips my mind
That's I'm the one who said we were through
I just can't seem to remember
It was me who walked out the door
I keep forgetting
I don't love you anymore

I keep forgetting
I don't love you anymore
Keep forgetting

“Thlang khuandimin kardanah kan leng ta si a, tawn chang ni pawhin biahthu hril a rem tawh lo.  I lo dam thin maw” tih chauh hi ka zawt ngam a che lungkim lo em em chung si hian e, hei chauh hi ka zawt thin ang che.” 

A ziaktu : RammaV Zuunleng