ANI AI CHUAN KA THA ZAWK

 ANI AI CHUAN KA THA ZAWK

ANI AI CHUAN KA THA ZAWK

"Nuimawii,nuimawii"tiin an au rual dual dual a,Volleyball Court chu an bial thup a,tungele nuimawii chu tiin ka thianpa nen mi chepna kar karah chuan kan inzep lut ve a,hmeichhe pakhat hian a kut hmalamah suihin ball chu alo la chiah a,kut an lo beng dur dur a,a ni chu alo nui sen sen a,an haw haw nasa ngei mai.

"Saw nu saw a ni chiang lutuk,nuimawii an tih chu,enteh saw,a nuimawi lutuk,thianpa,a hmeltha reuh bawk si" tiin min sawi deuh nawk nawk a. "Hmm,nuimawi vak lo em mai," tih paha let ka tum chiah chu ka hmaiah ball kawh zet chuan min rawn per sawk a,ka hnar chu a lum puat a,thisen a rawn far nghal zawih zawih a.

Min rawn bial nghal thup a, "ana em?,ana em? "min rawn ti sup sup a,ka hnar chu ka dawm a,hmeh pin ka tum a,ka vanvadak deuh bawk a.

"Ana em,ka tihpalh lutuk,ka la sual palh a"tih pah chuan ka bulah chuan inthlahrun hmel tak hian a rawn ding a,rem leh remlo chuan kan melh a,Nuimawii kha alo ni.

"Na lo e,ka hnar chu a thi hma ve hrim hrim a".Ka hnar ka hmeh pin avangin hnarping aw a kan ti chu a insum theilo aniang,a nui chhuak hawk a.Chhe hei,mai mai a che,mite i nuih khanglang a maw.Ka melh rum a,ka kalsan a,ka thianpa chuan min rawn zui nghal bawk a.

"Ka tihpalh,ka tihpalh lutuk,minlo nghak teh,"tih pah chuan min rawn umzui a.Mahse ka nghak duhlo,ka kalsan zel a.Mite a nuih khanglang anih kha.

Bathroom ka thleng a,ka inkalh khum a,ka hnar chu ka tifai a,ka thianpa bulah chuan towel minlo laksak turin ka ti a. "Bawiha"tih pahin a rawn kik a,kawngkhar chu ka hawng a,karei,Nuimawii,towel chu alo keng a,a sir chu ka va en phei a,ka thianpa chu alo nui deuh sung a.

"Khawi" tih pah chuan ka la a,ka inkalh khum leh a.Reife ka awmhnu chuan ka chhuak chu ka thianpa alo awm tawh lo a.Mahse Nuimawii chu alo la awm tho mawle.Nuimawi pawh ka ti ve nek love.

Ka kal a,mahse ka hnungah chuan min rawn zui a,a inthiamloh thute chu a sawi a,thupha a chawi niap niap a.Mahse ka kalsan luizel a.

Library kil tukverh bul ka seat ah chuan ka thu a,Class ka neihloh avangin lehkhabu ka chhiar mai mai a,"class i nei bik nange",ka enchho a,nuimawii kha alo ni. "Aw,neilo"ka ti ringawt a,ka lehkhabu chu ka enleh nghal a,a kal mai dawn emaw ka ti a.Mahse ka bulah chuan a ding reng a. Reife hnu chuan"Nge i tih reng a,kal tawh rawh"

"Min ngaidam rawh" "Aw,engah mah ngai suh,aho lutuk,kal rawh" "Aih,min ngaihdam hma chu ka kalsawn dawnlo" "Ka sawi chu,kal rawh"ka vin aw lek lek a. "Aih,ka ngaidam che i tih hma chu ka kalsawn dawnlo" Ka thutna ka sawn a.Min rawn zuive zel a.

"Aw,anih ka ngaidam che,kal tawh rawh" A la kalsawn chuanglo. "Enge ila duh a,ka ngaihdam tawh che chu,kal tawh rawh"ka thinrim teuh tawh mai, "Ngaihdam manah ka treat ang che" "Ka duhlo,engmah ka eichak lo" A kalsawn duh thak lo.A hmel chu ka han en a,a tumruh hmel lutuk.Chuti mai chuan min kalsan dawnlo tih ka hria.Ava han chimawm e. "Nih kalrawh" A rawn nui ver ver a,a mitmeng inthiamloh hmel tak kha hlim hmel de sawr sawrin a rawn inthlak a,a zah vanga a biang sen tai hlarh te chu a reh mek bawk a.

Canteenah chuan kan thu dun a,keichuan Rice ka duh thu ka sawi a,ka lam ang kher chu an lam ve a. "Ava nuam awm ve"Mimi chuan a rawnti a,ka bulah chuan alo ding reng tawh a.Ka enchho a,a hmel chu a lawmloh hmel khawp mai.A chhan pawh nichin lawk khan Canteenah chawlh puiah min sawm a,mahse lehkhabu chhiar ka duh vangin ka hnar a.Tunah hmeichhe dang nen min hmu leh si.

Mimi-i chuan 11 kan nih atangin min ngaizawng tawh a,amah a hmelthata a pian analh bakah an hausa a,mite ngaihzawn hlawh ber pawl a ni a,kan School kal tawhna ah pawh alar thei hle,tunah pawh kan College ah chuan 1sem chauh nimahse hrelo pawh an awm tawh manglo. Chutiang anih avang chuan kehpawhin ka hnar lemlova,inngaizawng ang chu kan nimai.Min rawnbe reng a,min care in min duat bawk a,iaiawm mai piahlam phuloh lam zawk anih avangin kei pawn ka be tha hle thin. "Mimi"ka ti a,mahse a ni chu pawn lamah a chhuak ta daih a,ka va umzui a,College thlanga hmunreh leh zawl nuam tak maiah ka kai thla a,April kung hnuaiah chuan kan thu dun a,a ni chu a tum buau a,mahse thil awmdan vel chu ka hrilh a,ka hrilh zo chu,"ava zak love"a ti a,a ding uaih a,kal atum a,a banah chuan ka lo kai hman a,"khawnge kal i tum"ka ti a,a ni chuan"va zilh hlak ka duh,chutiang te alo tih ngam che,ka bialpa i nih tih a hrelo ami,ka va hrilh ange"thinrim awka insum deuh si chuan a ti a.Mahse ka pawt thu a,"a ngailo,chutin an ti ngailo,a mualpho thlak"ka tih sak a.Mahse a lungawilo tih chu a hmelah chuan a hriat lutuk.Ka thlem dam thei hram a.

Class 9 ka nih atangin hmunpui lamah miin luahin ka awm tan a,ka Pa hi SDO anih avangin leh ka nu Higher Lecturer anih avangin kan harsa lemlo,chhungkaw khawsak pangngai tak kan ni a,thingtlang lamah phei chuan mite chungen kan ni.Ka Pa hi an sawn kual ve deuh reng avangin kan khuaah pawh a awm hman meuhlo.Ka Nuin ka Pi leh ka Pu(ka Pa nu leh pa) te leh ka naute 2,hmeichhia ve ve nen a awmpui a,kan khuaah chuan ahna pawh a thawk nghal a.Chutiang anih avang chuan keipawh ka duh ang tawkin ka khawsa ve thei a,min duatin ka mamawh bak bakte ka nei thin.Ka hmel lah vangtlang pawl tak alo nive bawk nen.Chutiang anih vangte pawh chu niang,heltu pawh ka neive nual a,mahse tumah ka uksak ngai lemlo.Mahse 11 ka kal atang khan Mimi hian min ngaizawng a,amah a hmeltha in an hausa a,a luck bawk a,min duh ve tawk bawk niin ka hria a,chuvang chuan ka hnar biklo a ni,bakah mipa dang lakah pawh inchhuanna tham a ni ve hrim hrim.

Monday dar 12:30 a ni a,chu chu Class break lai a ni a,keichuan College ka luh tantirh atanga nitina ka tih dan ngaite bawkin ka lehkhabu duhzawng ka zawn hmuh hnu chuan Library a ka seat,a kil tukverh bul lam chu ka pan leh a,mahse ka va thleng chu midang anlo thu tlat mai.Midang tumah tun ang hunah an awm ngailo a sinle.Amah chu ka va enchiang a,kawrvar banbul a ha a,kekawr dum a ha bawk a,hmeichhia a ni.

"Minlo hrethiam lawk" A rawn hawi chhuak a,ka rei leh,Nuimawii kha alo ni.Mi chu ala rawn nuih sen sen leh ta nghal a.Engvanga helai hmuna lo thu ve ringawt nge a nih le? "Aw,enge ni ta,min mamawhna i nei em ni?" "Hmundangah i insawn thei angem? "Engvang chuan" "Helai hi ka seat ania" "Awihawm loh,chutiang seat bik a awmlo re re" "A awm alawm,helaia ka kal hmasak ber atang khan helaiah hian ka thu nghal a," "Chuan i kal hmasak ber atanga i thutna a nih avang chuan i seat a ni nghal a maw? "Aw" "Pawi khawp mai,tun atang chuan ka seat ni tawh rawh se" Hmeli chu'h,avan zaktheilo mai mai e,kar hmasa lawkte khan ngaihdamte inthlahrun hmel tawk khan min dil vei zuah zuah a,a inno hmel tehreng nen tunah lah a chaltlai leh roh fu si.Ka thin chu a tirim hle mai a,mahse hmeichhe khin chu thil tihchi niin ka hre bawk silo.

Engtinnge ka tih ang aw.A sawi dik ve tho bawk si.Library chu ka ta a nilo a,a thutna te lah ka Pa siam ani heklo.Pawilo,a opposite chiah tukverh bul thoah chuan ka thu ta ringawt a,mahse ka rilru erawh a dam zan lo chiang a ni.He nu hian enge maw duh a neih le?Hetah ka thu thin tih a hreve tho sia,chu chu hmannia ngaihdam min rawn dil pawh khan a chiang a ni,tah ngei hian ani ka thut ni.Mi pangngailo anih ngawt loh chuan hre tur a ni.He nu hian min runluih emaw nile?Lehkha pawh ka chhiartui thei lova,ka chhuahsan tangawt a.Library pawh ka kalta lo vang vang a.

A karleh Monday tlai Class ka zo kawngkhar ka chhuak chiah chu hmeichhe pakhat hian ka hnunglam atang hian minlo ko a.Kan hawilet chu Nuimawii bawk kha alo ni.Ngatinge he nu ka hmuh apiang hian thinrimna,huatna leh tenna ten ka rilru leh thinlung,ka taksa an luahkhah nghal vek zel le.Amah hmuh hi ka duhlo a sin.Ka hmuh apiang lahin ka rilruah Nuimawii tih alo lang ve ziah lehnghal,Nuimawi ka tih ve loh tehreng nen,a nuite chu ka ngei a,ka hua a,ka ten hluah hluah a ni zawk si a.Khami karhmasa Monday atang phei kha chuan huatnain ka rilru a bawm a.Amah hmuhfo chu ka duh lemlo.Mahse tihlan loh hram ka tum a.

"Aw,enge nita" "Inbe lawk ila" "Ka hmanlo viau asin enge nita?" "Pawimawh lutuk,min rawn zui rawh" Enge thil nge niang aw chutianga pawimawh chu,ka zui ve ta ringawt a. College thlang zawl hmannia Mimi nen kan thut dunna ah khan kan thu dun a.

"I zir nasa tawh em?" He nu hi engemaw a hriat le?Thu pawimawh tak sawi tur ang khan a insawi si a.Chutiang mai mai min zawh avang chuan ka thin ati rim deuh hlur a,mahse ka insum hram hram a. "Nasa lo,enge i sawi tur pawimawh chu sawi vat teh" A hmel awmdan chu a inthlak a,inthlahrun hmel tak hian min rawn melh phei a. "Ngatinge Library ah i rawn kal tawh ngai miah loh a" "Tiang thu ho mai mai sawi turin maw min koh a" Ka ding hluai a,kal ka tum a. "Mawh,min hrilh teh,ngatinge i rawn kal tawh ngailoh,i seat ka luahlan vang che kha ami" "Chu i hriatreng chu,i lawm tawh em,ka seat i neita bawk a i hlim viau ang chu" "Ka tihpalh,lokal leh rawh" "Teuhlo,ka peih tawhlo" "Ka tihpalh tak tak,ilo kal leh chuan i seat ngaiah i thu leh dawn nia" "I duh duh a min tih kawi theih i ring a mawnle?"Ka melh kawk a,ka thinrim chu a so bulh bulh tawh mai.

"Chutiang lam a nilo,ka tihpalh takzet"tawng leh tuma ka en phei chiah chu a mittui alo parawl kuang chu ka hmu a,a inthiamlo tih a mittui luang chuan a hrilhfiah chiang khawp mai.Vin vak ka tum chu ka hrawkah chuan adang bet tlat a,a mittui a khabe atanga far thla ka hmuh chuan ka thinlung so bulh chu a leih dai emaw niang chu,ka tawngchhuak thei ta der lo a,ka ngawi a,amah chu ka en reng ringawt a.

Enginnge maw mi mawlh ni,a bulah chuan ka va thu leh ringawt a,ani lah a lungchhe tawlh tawlh mai,a van buaithlak teh hrep e,"miin an hmu ang che,tap tawh suh"ka tih pawn ala tap zel tho,a hnuah chuan ka kal leh tur thu leh ka ngaihdam vek thu chu ka hrilh ta ngawt a,a mittui tling pam,a bianga luangthla,insut deuh hlap hlap kar atang chuan a rawn nui chhuak ta,a nui hmel chu avan mawi em.E,mawi leh lo mawi ka ti leh lo.Kei chuan Mimi ka nei.Mahse tinge ka ngaihdam a,ka thlem a,Library a ka kal leh tur thu ka hrilh ringawt le?Ka rilru kha a paukhauh viau thin a ni lawm ni.Mi luhlul leh mahni induh ve tawk tak kha ka ni lawm ni.Mahse chu chu vawinah ka kal pel ta si.Hmeichhe pakhat tapin ka thinlung a deng a,chu hmeichhe lungchhia avang chuan ka kir a,ka thlem anih chu mawle.Engvanga he hmeichhia ber kher,ka hnar min tih thi saktu,min nuihsawh zuitu,ka huat em em kha a ni lawm ni.Mahse a bulah chuan a mittui chuan min char tlat si a.A tap a ban deuh hnu chuan fiamthu ka hriat ang ang te chu ka thawh a,a nui deuh hak hak reng a,a chang leh min zawt nawn a,ka sawi nawn leh a,ahma aia uar thler duai duai nisilo hian an nui tha leh a.Haha,sir lam zawnga a ha var rual tha tak lolang leh a hmui chuar an nui fan a,a biang a beng bula a chuar deuhte chu hmuhnawm ka ti a,ka en vawng vawng mai.Mahse ka ngaihtuah nasat dawn apiangin Mimi ka rilruah alo lang vat zel a.

Atuk ah chuan Library ah chuan ka zuk kal tangei a,mahse tlemin ka tlai deuh,ka zuk thleng chu minlo lawm hle a,ka nui tha duhlo vel ngei a,ani chuan ka bula thut ka phal leh phalloh min zawt a,ka phallo der vel a,a lungngai leh hman hle.Mahse ka tifiam tih a hriat chuan min chum deuh taih a.Min melhrum vel bawk a.Mahse chutiang chuan a awm rei ngam chuanglo.

Lehkhabu chhiar lai chuan tawng kha phallo a,min biak a,min kawm a chak tih ka hria a,mahse ka induhna leh chapona chuan kar a tlazep a,Lehkhabu chu ka inti chhiartui vel thin a,khunkhan hmeltak leh ngunthluk hmel fahran hian kan chhiar vel thin a.Minlo en leh zeuh zeuh thin a,chutianga minlo ena ka hriat apiang lah chuan ka inti ngawrh hmel zual sauh zel a.Min kawm a,min biak a chak hmel thei hle a.

Nitin chutianga Library a kan thut dun thin avang chuan kan innel ve tawh hle a,karhnih vel a liamhnu chuan nikhat chu lehkha chhiar tura kan thuchiah tihchuan Nuimawii chuan "Thil ka zawk thei che nge'm"a rawn tichhuak hlawl a.

"Aw,enge nita" "Nitin tiang hian kan thu dun thin a,karhnih chu a liam veleh tawh,inbiak i phal silova,karkhatah nikhat te tal chu titi ve thin ila"tiin ka remtih beisei hmel tak hian min rawn en ha a.

"Enge sawi duh i neih a?" "A,thil hrang hrang,i chanchin leh ka chanchinte pawh" "Enge i hriat duh chhan" "Aw,thian kan ni sia" "Engtik lai atangin nge thian kan lo nih a" "Hmanni tang khan" "Thian kan ni tih tunge sawi" "Keiman"

Naa,avan tawngthei tak.Ka enphei chu alo nui deuh seih a.Ka hnial hnehloh avang chuan kan tawng kan tawng a.Ani Chhimlam mi a ni a,mahse Lusei tawng kan tih hi a pai miahlo.A hming pum chu 'Lalrinmawii' a ni.A tet lai atanga heta awm thang a ni a.A U te nen in an luah ve tho a.Kei aiin kumkhat in a naupang bawk.Chumi ni chu keipawn ka chanchinte ka hrilh ve nual a,ngaihnawm ti hmel takin alo ngaihthla dauh dauh thin.Ani chuan Science Biology ala a.Nuam atih ber a ni.Keipawn Arts Sociology ka lak thu ka hrilh a,a chhan pawh Mizoram Civil Services luhna awlsam ber Subject nia ka hriat vang a ni tihte chu ka hrilh a.Chumi ni chawhnu kan titi tak tak chu chawhnu lam Class pawh kan theihnghilh a,kan hawn chuan tlai darli alo pel tawh a,Library duty ten min lo hrilh a,kan haw ve chauh a ni.Kan hawn chuan College pawh alo reh thap tawh a,kan inen a,kan nui dun ringawt a.A nui hmel hmuh a nuam tan riau mai.Mahse ka tan mawi ve thei a nilo.

Chumi zan chuan ka online mai mai a,Mimi nen kan in inbox a,kan in inbox lai chuan Friend Request ka dawng a,kan en chu Nuimawii alo ni.'Mawi Mawii'tiin alo indah a,kan Confirm nghal a,chutah min rawn inbox a,thu ho tete hi a rawn sawi a,Mimi nen chuan kan text chhawk char char a,haha.

Nitin mai chuan 12:30 a rik tawh chuan Nuimawii nen chuan khel lovin Library ah kan thu dun ziah a,dik tak chuan Lehkhabu pawh kan chhiar tawh meuh lo.Eitur kan keng a,eipahin kan titi mai mai a,kan infiam a,chanchin kan inhrilh a,a changleh kan zirlai te kan sawi a,nitin chuang chuan Monday atanga Friday kan awmdun thin.Anui peih reng a,engemaw fiamthu ho tete ka thawhpawn  a nuizel a,nitin ka ngaina zual deuh deuh a,Library kal loh mawlh chu ka hlau tan ta.

Nikhat chu ruah a sur a,khua a hnim deuh ruih mai a,ruah chu a tla sep sep reng a,chhum a zing deuh chiai reng bawk a.Library ah chuan kan thu dun a,vawt ka ti ngei mai,ka khur deuh der der reng mai a,tawng pawh kan tawng peihlo.Kan awm khawr a,kan thu vel mai mai a ni.Nuimawii chu ka en a,ani pawn vawt a tihve hmel hle,a hmuite chu a duk deuh a,a biangte chu atai sen deuh bawk a,khawvawt leh khaw awmdan chuan amah chu a chawi hle in ka hria,a sir atang chuan ka en phei reng a,a sam dum hlap a thlah sei hniangte chu a in hmeh em em mai hian ka hria a.A kawrlum dum hakte chuan chu khawchhe tak hnuaiah chuan ati langsar nalh nite hian ka hria a. "Vawt iti nih kha,kha,ka jacket hi ha rawh"tih pah chuan haktir ka tum a, "Aih,ka duhlo,vawt pawh ka ti vaklo,nangman vawt iti zawk a nihkha"tih pah chuan min pe let a,keilah chuan lo lalet duh tawh biklo,kan innawr tawn zak zak a. "Bawiha" Chu aw lo chhuahna lampang chu Nuimawii nen chuan kan hawiphei rual thawt a,Mimi chuan lungchhiat hmel tak hian chechang miahlo in min lo thlir a,mak kan ti ngei mai.Kan thil innawr tawn lai vel pawh chu chu thilin min thawn thut avang chuan kan chawl chiang ngei mai,Mimi chu kan enreng ringawt.

 

"Mimi"ka ti a,ani chuan min hnungchhawn a,pawnlam pan chuan a tlan ta daih a,Nuimawii lampang chu ka en a,ani chuan umzui rawh tih hmel hian minlo melh a,enge ka tihtur pawh ka hrelo,ka umzui nghal a,Library kawngkhar bulah chuan Mimi chu ka va pawtlet a,"Mimi,i ngaihdan ang kha a ni miahlo a nia","Chutiang chu nise ka ti,Bawiha,ka rin ilo anglo hle mai,ngatinge hetiang mai maia min tih",a biang atang chuan mittui a rawn luangchhuak ngiai ngiai a,"Mimi,ka...","Engmah ka ngaithla duhlo,min thlah rawh",ka kut pahniha ka vawnna chu a phihthla a,pawnlamah chuan a chhuak ta.Ruahsur hnuaiah chuan ruah a sur tih hrelo ang maiin a kal phei a,a kun deuh a,a hmaichu a hui leh pap thin.Lalpa,engthil nge thleng ta hi. Mimi chu ruahsur hnuaia a kal liam chu ka thlir a,umzui leh turin chakna reng reng ka neilo.Ka mitdeuh sulh a,ka vai chiai chiai niin ka hria.Mimi i ngaihdan ang kha a nilo ka rilru chuan ati mawlh mawlh a,mahse Mimi chuan min ring thei thei silo.

Mimi,Mawimawii hi chu ka thiannu a ni a sin.Alakah eng rilru mah ka pu lo,hmeichhe hmeltha tak chu a ni a,ngainat pawh ka ngaina,mahse thian ang chauhin,ani nen hian kan inngaizawnglo asin.Ngatinge min rin duhloh,ngatinge ka thusawi i ngaihthlak duh loh.Mimi,nanglo chu tudang mah ka duhlo a sin. Ka dar a kut rawn nghattu chu ka'n en a,Nuimawii alo ni,inthiamloh hmel tak mai hian minlo en a,"engkim hi nangmah vangvek a ni tih i hria em,ka bulah pawh lokal tawh suh,ka hua che,min kalbo san rawh'tih chu ka rilruah a awm ngut ngut a,ka tawngchhuak tur chiahchu a rawn tawng chhuak hmasa a,"Bawiha,pawi ka ti lutuk,keimah vang vek a ni,keiman engkim ka lo sawipui ang,lungngai reng reng suh"a rawn ti a.

Kei pawh chuan ka tawng tur hmasa zawk chu ka paihbo lehnghal thuai a,"Engmah nangma thiamloh a awm hleinem,a pawilo,aho lutuk,engkim atha leh vek mai ang,inthiamlo duh suh"ka ti let ve thuai a.Ani chuan "keimah vang alawm,khatiang a lo awm miahloh tur a nia,ka thiamloh liau liau a ni"a ti a,a kun ngaih a,kei chuan"khatin awm suh,nangma thiamloh a awmlo ka tihchu,tunah chuan kan kal tawh phawt ange,"ka ti a,pawnlam chu ka pan a.

 Library ka chhuahsan chiah chu Nuimawii chuan a Nihliap a min rawn zawn pah chuan"ngatinge hetia ruahsur hnuaia chhuah mai itum,engmah i khum silo,i huh vek dawn a sin,ruah i do chuan i damloh phah nga,Mimi i duat thei lovang"a rawnti nghal char a,hnial ngaihna ka hrelo,amah ka enlai chuan ka lam a rawn hawive chiah a,a nui deuh sei a.Aw,tu emaw tan chuan iva nuimawi dawn em ka ti rilru a,ka nuih let ve sak a.Ani chuan min hnem a tum a,a tawng char char a,tlem chuan atir a ka thinlung tawt up up kha a zia deuh a,fiamthu te min thawhsak a,mi tihhlim dante hi a hre roh phian a.Keipawh chu ka hlimve telh telh a.Ani lah chu a phur telh telh emaw tih mai tur ani.Nihliap pawnah a kut a dahchhuak a,tui a dawng khawl a,mite a rawn theh vel a,keipawh chuan ka theh let ve a,kan nui uar uar a,kawnga tui rawn luangte chu kan kan indai per a,nihliap khum e tilo chuan kan huh hniang hnuang a.Kan nuidun bâwk bâwk bawk a.Mimi chu ka theihnghilh phah lek lek a.

Kan kal zel a,kan infiam phei reng bawk a,College Gate kan chhuak tur chiah chu kan hmaah hian Scooty alo ding chawt mai a.Kan enchiang chu Ruatruati alo ni.Ani chu Mimi ka hriattirh ata a thiantha ber a ni.Amah atang hian ani Mimi nen pawh kan inngaihzawn theih.Mimi kha min rawn tih pui tu ber a ni.Ani pawh a huh hnianghnuang a,Raincoat a ha a,kan lam a rawn hawi a,"Bawiha,ilo ti mak hle mai,tiang ini ang tih ka ring ngailo a sin,ka thiannu rilru i tihnat zia hi i hria em?Rilru na em em a a awm laiin hei,nanglah chu,"thinrim hmeltak hian a rawn ti a,"Ruatruat"ka ti hmanchiah chu,"nia,i hlim ngawt ang chu,hei,ilo nei hmeltha em a nih hi,in inhmeh khawp mai,"ati a,Nuimawii lam chu a en phei a,"Mi ngaihzawng i pawh then avang hian ila hreve khawp ang,hremna chu ila tawng ve dawn khawp alawm"a ti a,engdang mah kan sawi leh hman hma chuan a tlan leh daih a.Aw,Ruatruat,in ngaihdan ang kha a nilo a sin.

In ka haw thleng chu ka inthlak a,vawt ka tih em avang chuan ka mu nghal a,ka khua a sik dawn niin ka hria a,damdawi ka einghal a,reilote chu ka muhil a,mahse ka harh leh nghal a,ka pang kan dek chu alo sa vur mai a,ka lu chu a na ut ut mai bawk a,tho pawh ka thochhuak peihlo.Khumah chuan ka mu kawm reng mai a,mahni chauha awm ka nih avangin tumah buaipuitu ka nei silo.Ka Nu ka van ngai tak em.Tlai chaw pawh ka eipeih lo a,khumah chuan ka mureng mai a,ka thochhuak peihlo.

Ka ph.chu alo ri ral ral a,kan la chu Nuimawii alo ni a, "Ngatinge vawiin i rawn Class loh"tawng pawh ka tawngtha peih tawh meuhlo.Ka damloh thu chu ka hrilh tawk a.Ani chu a mangang nasa mai,ka awmna min zawt a,ka hrilh a,arang thei ang ber a alo kal nghal tur thu min hrilh a.Nimin tlai atanga ka damloh avang leh engmah ka eiloh avangin ka chau sawt hle a.Ka Sana chu kan en a,tlailam dar ruk chiah alo ri a. Darkar khat hnu velah chuan Nuimawii chu alo thleng a,min buaipui nghal sawk sawk a,ka chalte chu min dehsak a,damdawite min pe bawk a,damdawiinah min hruai atum a,mahse ka duhlo tlat a.A Ute a phone a,chumi zan zankhua chuan min awmpui a,min ngaihsak reng a,ka thla a ti muang siai siai mai.Nu,he ka thiannu Nuimawii hi mifel tak zawng ava ni em,i ai a awhzo em em a,mi enkawl dan a thiam si.Ka tan chuan Vantirhkoh a ni ringawt alawm le.Min biak siam siam paha a nui seih thinte chuan minti dam sawng sawng thin ni hian ka hria a.

Atuk nileng chu Class kalloin Nuimawii chuan min buaipui char char a,ka va lawm tehreng em.Buhhawp te min siamsak a,tlem tlem ka ei a,ka harhve tan viau tawh a,nilengin Nuimawii nen chuan kan inkawm a,nileng pawn tawng tur a hrereng mawle.Min ti nui leh hawk hawk thin a,chu chuan min tidam telh telh ni hian ka hria a.Chumi zan chu min riahpui leh a,ani chu Sofa ah chuan a mu mai a,ka tan hetiang zawng zawng min tihsak dan zana ka mut hmunah chuan ka ngaihtuah a,lawmawm ka ti em em mai a,alakah bat nasa tak ka nei bawkin ka hria a.

A tukzingah chuan Nuimawii chuan chaw a eileh nghal a,chaw eikhamah haw a,Class kal kan tum tawh a ni.Kan chaw eilai chuan Kawngka a rawn inkik dat dat a,mak ka ti hle a.Tunang hunah te tunge maw inleng ka neih le "lolut rawh" ka ti a.Kawngka an rawn hawng a,an rawn lut chu,awi,karei,Lalpa leh!Ruatruati leh Mimi chu an rawn lut ta. "Ehe,nangni pahnih chu"kan inti rual thawt a,mak kan inti hlawm ngei mai.Reitak chu tawnglo in kan inen reng ringawt a,tuamah tawngchhuah nachang hria kan awm lo.

A hnuah chuan "enge in rawn tih dawn a,"ka tichhuak thei ta hram a,ka tawngchhuak chiahchu Mimi chu pawnlamah tap chungin a tlanchhuak ta daih a.Ruatruati chuan"Lalhriatzual(ka hmingpum lem ),tunah chuan engmah phatna tur i neita lo,Mimi hian a hmangaih em che avangin insawifiahna hun pek che a duh a,nimin Class ilo kal loh avangin tukin zingah hian hmanlo chung chungin hetah kan lokal ve a,engtinnge hetiang hian inlo awmdun theih zawk,Mimi hi ilo van bum nasa ve,ani lah chuan...","Ruatruat,i ngaih...""Tawng suh,inlo tenawm hlemai,",Nuimawii lam chu a hawi a,"nangmah hetiang khawp hian a nimaw ilo ngampat,ngawitak rawh u,inla hre khawp a,"a ti a,thinrim tak chuan a chhuak veleh ta a.Chaw pawh kan eizawm theilo.Nuimawii chu a rilru ana tih a hmel atang chuan a hriat ngawih ngawih mai,thleng a senglaite chuan a mittui chu a hruleh zauh zauh tih ka hmu a,tihsak ka tum a,a phal der silo.

Chhunlamah chuan Class ka kal a,nidang ang bawkin 12:30 alo rik chuan Library chu ka pan leh a,ka pan hma hian ka inngaihtuah nasa hle a,kal nge tha anga,kal loh tihchu ka rilru a insual nasa hle a,mahse atawpah chuan engvang innge ka kalloh ang?,Nuimawii nen chuan thian alawm kan nih,Mimi te thil hriatsual vang mai maiin kal ka thulh tur a nilo.Mimi te chuan Nuimawii nen thian kan nihzia leh kan inkara engmah a awmloh zia a hriat a,a hmuh hunah chuan engkim a tha leh vek mai ang tih chu ka ngaihtuah a.

Ka zuk thleng chu Nuimawii chu alo la awmlo a,ani tereuh chu Class an la rei a nimaw ka ti a,alo kal hmain Competitive Success Megazine chu ka lo chhiar mai mai a,a reideuh hnu pawn Nuimawii chu a la rawnkal lo a,ngatingele,nidangah chuan keiaiin athleng hmasa ziah sia,Class akallo tih dawnin tukin zing a haw dawn khan kal a tum thu a sawi bawk sia.Mahse chumi nileng chuan alo kal lo.

Zanah chuan Nuimawii chu ka text a,min reply lova,ka Call a,min chhang heklo.Ani hi a thin a rim em mawnile,mahse engmah ka lakah thinrimna tur a neih ka hre silo.Engvang nge niang aw.Mimi pawh ka text a,Nuimawii nen kan inkarah engmah a awmloh thu leh ka damlo min enkawl vel dan zawng zawng ka hrilh a,mahse ani pawn min reply lo.Mahse Nuimawii nen chuan kan inkarah engmah a awmloh thu leh ka thian ve mai a nih thu ka thawn lui ngat ngat a.Ahnuah ka call a,mahse alo Reject zel a.Ruatruati chu ka phone a,ani pawn atirah chuan ala duhlo a,mahse ka beidawng duhlo a,a vawithum naah chuan ala ve ta a.Ani pawh engkim ka hrilh vek a.Mahse engtin vak min chhanglo.Ka beidawng angreng hle mai a,mahse thudik chu hun in ala herchhuah pui ang tih chu ka thinlung chuan a rawn rik pui dat dat a.

Chumi zan chuan lehkha pawh ka zirlo hrim hrim a,Ruatruati ka biakzawk chuan thlanglam Varandah ah chuan ka thuchhuak a,thla alo eng ngei mai,tunlai khaw awmdan hi amak ngei mai,hmanni lawkah khan ruah a sur a,ka damloh phah a,tunah nithum a ral a,khua lahchu a thiangkuk a,arsite lah an pe tuar a,thla lah chu a eng em em mai bawk si.A rei deuh hnu chuan ka lung aleng ta hle mai a,ka hmalam chu ka thlir phei a,alo eng phei tuar tuar a,amawi ngei mai,khilai tlangah khian Mimi te nena kan Higher kan kal hona thin kha a awm a,haha,kumhnih alo liam veleh reng tawh mai.

Mimi ka hmuhtirh a hmeltha ka tihziate leh a hnua Ruatruatin Mimin min duhthu a rawn sawilaite a ka awihloh zia leh min fiam mai mai anih ka ring chung a ka lawmruk ziate kha ka ngaihtuah chhuak a.Ka lung aleng hle mai a.School bang haw lam Ice Cream kan eidun laite leh Lapaw Chini kan eidun thinlaite,Bazara pawisa engmah nei miahloa kan kal kual dun vak vak laite kha ka ngaihtuah a,chumai bakah ka chhungten vawikhat pawisa min rawn thawn ka tibopalh,ka hrilh ngam tawh silo,chumi thlachhung Mimin min buaipui dante kha ka ngaihtuah kual a,ka inrin hmain ka mittui chu a rawn far zung zung mai a.Ka birthday zana Ruatruati te nen kan pathuma ka inluaha kan hmanho zana helai tuna ka thutna bula inkuah riala kan thutdun laite chu ka hmaah chuan a rawn inlan zut zut a,thla eng lawmin arsi te kan inchhiar siak a nih kha.

Tunah lah thil hriatsual palh avangin a thinrim a,min then hrih chu a ni si.Kan nih tirh atanga vawikhat kan inthenna ang a ni a,keichuan ka then chuang a,mahse chutianga kan inkar a awm ta mai chu ka inngaihtuah lungpuam a,Mimi chu ka ngai ta em em mai a,ka lung ati leng vawng vawng mai.Ka lam hawia nui seih paha"Bawiha"a rawnti thinte kha ka mitthlaah ah a rawnlang leh a,a ni kha chu midangte zingah pawh ka chhuan em em thin kha a ni a,chhuan tham pawh a nireng a ni.Mimi ka lo hmangaihzia chu chumi zan atang chuan ka hrechhuak thar leh niin ka hria a,Nuimawii chu dem kan tum ngawt a,engmah demna tur ka neih ka hrelo.Keima thiamloh vek a ni.Ka duhthlanna a ni a,a ni chu engtiang pawn lo awm se thuthlukna chu keima siam ngei a ni.Chumai bakah ani nen chuan thiantha tak kan ni a,chubak kan inkarah engmah a awmlo.

'Enteh lungrun, Lungruala kan lawmhnu chhawrthla lokai leh e, Thinlai damte'n i thlir ngambik em ni'. A tuk ka Class zo Library lama chhuk ka tum chu ka thianpa chuan Mimi te Classah kal vat turin min rawn ti a."Eng thil nge thleng"ka tih chuan kal vatla,i hre mai ang" ati a.Mimi te Class lam pan chuan ka tlanphei nghal a. Mimi te class lama ka thleng a,kawngkhar ka lutchiah chu ka thilhmuh chu mak ka ti ngei mai,Nuimawii chu Mimi hmaah chuan alo thingthi a,"khawngaihin Bawiha hnenah chuan kir leh ang che"Nuimawiin atih chu ka hre hman a,Mimin min hmuh veleh chuan pawnlamah a chhuak daih a,Ruatruati pawn a zuichhuak ve nghal a.Enge tihtur ka hrelo,ka dingkhawng reng ringawt a,Nuimawii chu ka enreng a,ani chu a thova,a mittui chu a hru fap a,kawngkhar lam chu a rawn pan phei a,ka zawn a thlen chuan a ding det a,mahse min enlo,min be dawn emaw ka ti a,mahse a kal tlang ta,keilahin awrawl chhuah tur reng ka nei lo a,tawngchhuak tur in chakna reng reng ka nei silo.Ka taksa te hian min chhuahsan tawh emaw nile?

Chumi zan chuan thil awmdan Ruatruati ka zawh chuan Nuimawii chuan Mimi nen kan that lehna turin keimah min biak tawhloh tur thu leh hmuleh tawh ngailo tur,hmelhriat ang pawha awm tawh ngailo turin Mimi chu ava dil alo ni a,chu chu Mimi chuan a thingthit phawt a ngaihthu leh a thingthit chuan kei min ngaihdam theih mai tur thu leh alo in ngaihtuah tur thu chu alo hrilh a ni.Engvangin nge chutiangte thleng i lo tih le Nuimawi,keimah vang mai mai a hetiang hrehawmna leh zahnate i insiam a ngailo a sin.Kan inngaihzawn miahloh kha Nuimawi,thian kan nih kha,kan pahnih kha chuan eng inngaihzawnna thu lam mah kan sawidun ngailoh kha,kan tuizawng leh ngainat zawngte kan sawi a,kan zirlai chanchin leh thu hotete bak kan sawi ngailoh kha.Ngatinge thian kan nih kha,engvangin nge hetiang dawta inpuh mai mai avanga i zahawmna i tihchhiat a,i tlawm tak viau,zahpawh i dawn zawh tawhloh ni.I hreh ngawt ang tiraw khatiang mi tamtak hmaa thingthit kha,chupawh ka tan.Nuimawi,thiamlohna i neilo a sin,khatianga thingthi tur khan eng thilmah tihsual i nei hleinem.I khup pahnihin lei a nghat a,i mit atanga mittui luangchhuak a,i hlim avanga i ha tilang thin hrehawm i tih avanga i ha lolang kha,khang thil zawng zawng kha Nuimawi,i tuar tur a nilo a sin.Keima thiamloh a ni e.Ka tihpalh a ni.Min ngaidam rawh.

Mimi nen chuan a pangngai ang chuan kan awm leh a,mahse kan inbe tamlo khawp mai.Keichuan ngaihsak ka tum a,mahse ngaihsak a har khawp mai.Mi reply loh mai maite a ching a.Higher kan kal lai kha chuan nitin kan kaldun a,kan haw dun leh a,zanah lah kan inbia a,kan intext chamchi kha a ni a.Mahse College kan rah chin erawh kan inbe zing em em ta lo,an ni chu Motor in ankal a,keichu ke in.Kan kalrual thei tawhlo a,kan hawrual thei tawh heklo.Anin English a core avangin Class lah kan la ho ngai bawk silo.A khatmawi tawkin kan inbia a,kan inhmu ve zeuh zeuh ani mai.Hetiang kan tawn hnua kan nih leh atang phei hi chuan kan inbe ngailo tluk a ni.Mahse kan inthen chuanglo.

Mimi hian a chang chuan min zahpui amawnle aw tih changte pawh ka neita rum rum mai. Keichu nitin 12:30 arik chuan Library ka kal ziah a,mahse khami tuk atang khan Nuimawii erawh a lokal ve tawh ngailo.Min hmuh pawn min hrelo der hmak a,chumah bakah ani Sceince lam daih anih avangin inhmuh a khat bawk si.Ka ngai thei em em a,a titi te kha ka ngaithla leh chak a ni.Mahse keipawn biak ka tum ngailo.Mimin a hriat leh chuan engkim a buaithlak zo vek ang.

Nuimawii chu ka hmukhat khawp mai,ka hmuh pawn ral atang a nimai.Mahse ka ngai em em thin a,Library a ka thutte hian achang chuanleh khabu pawh ka chhiartui thei thinlo,Nuimawii chu ka lo ngaihtuah leh veng veng thin.A changchuan ka bula tumah thulo hi ka lo be leh ringawt zel.Nuimawii chu ka ngai em em thin a,a titi ho te te leh ka thusawi lo ngaithla a,lo nui ver ver thinte chu ka ngaihtuah chamchi thin a,a chal a ka pen a ka khawng kauh zel te kha ka ngai thin.Nuimawi,i thianpa hian a ngai che a sin.Mahse dawtthu leng avangin maw kan inthianna kan hloh a,kan kalsan tak.Mahse kan sulhnu te hian minla herliam san ve silo.I kalsan tak ka thutna bula i Chair leh dawhkante,i lehkhabu ngainat em em thinte hian an la ngai che a sin.Nuimawi,i thianpa hi i tello chuan a khua a har a,kawm tur a neilo a sin.Mahse nangnen kan inkawm a rem tawh silo maw.

Engan ka lo tawn che Nuimawi Ka tan khawvel parmawi tichuai tur renga'n Ka mamawh lo che a sin Hmelhriat che ka mamawh lo a,ka thian inih lah a tul nahek lo. Mahse tunah zawng i tello in keimah chauh chuan ka kimta lo chu a nih hi, Hetiang ani dawn tih hria ila,kha April kung hnuaiah lolet loh tur a ni a, Ka inchhir a,mahse ka inchhirlo, Ka thian,nang ka lo tawng che kha ka lawm a,vannei ka inti, Chung Pathian hnenah hlim taka kan that tlan leh theih nan, Theih tawp chhuahin ka dil zel ang.

Hun leh nite an liam ve zel a,tunah chuan 3rd Semester kan chuangkai chhove tawh a,Mimi nen pawh inthen chuangloin kan awmchho ve zel a,mahse kan inbe khat khawp mai,Class a inangloh avangin College khatah kal mahila inhmuh a har em em a.Mahse kan awmdun veleh zauh thin a,mahse a mak ka ti,tunhma ang khan ka lakah a pangchang tawh ngailo a,a thinrim tawh ngai heklo.College kan rah atang khan a hrang deuh hlek tawhin ka hria a,tunah phei chuan a hming mai mai hi kan ang tawh ka ti.Inhmuh ka rawt changte hian a hmanloh thu leh a buaithu min hrilh thin a,ka text pawn min reply hman lova,Call phei chu a hmanlo lehzual.

Hetiang zawng zawng hi ka thiamloh niin ka hre thin.Higher kan kal lai kha chuan kan inkawmngeih em em a,inngaizawng mai bakah thian kan nitel thin.Mahse College kan rah atang kha chuan ka lo ngaihsak tawk lo a niang te ka ti rum rum a,Canteen a chawlhpui a min sawm a,Library a kal ka ngaihthu ka lo hrilh te kha pawi ka ti thar leh em em a,mahse hun chu a pawh kir theih lohva,siamtha tur a her let theih rual a ni silo.Ka lung a leng thei em em a,nunhluiah ka cheng reng thin.

Thla pawh a liam veleh zel a,tunah chuan College Week pawh alo hun veleh ta reng mai.Hlim takin College Week chu kan hmang a,keipawh Mipa piantha ve angreng tak lo nive ta chu activities hrang hrangah te ka telve a,nuam pawh ka tiin ka harh phah sawtin ka hria.Hetih lai hian Nuimawii pawh ala lut ve reng a,mahse ani leh keichu kan inkar boruak in hriat tawh kha,inhmelhriat ang pawn kan awm tawh lo.Ani phei chu min hmuhte hian ka biak hlauh hmel tak hian chak tawkin a kal daih zel.College Week chu nuam ka ti hle a,Football ah te,Volleyball ah te leh neuh neuhah ka chhuak ve neuh neuh a,nuam pawh ka tiin theihtawp ka chhuah a,mahse kan Champ chuanglo a,mahse ka tuina ber Table Tennis ah erawh Champion lai nen final ah kan inkhel a,Pathian zarah 3-2 in ka hneh hram a,ka hlim ve hle.Tin,Mimi pawh Miss Contest ah rin ang ngeiin an thehchhuak ta ngei a,Week chhungzawng a vote theih a,ka thiante pawh Vote turin ka ti ve a,bialnu i nei tha khawp mai minti ve thin.

College Week Closing Function chu Saturday chuan ka neita a,chumi ni chuan College Miss leh Mister ho pawh an rawn inlan a,Mister ho an rawnchhuak hmasa a,mahse thawm ala tha vaklo.Mister ho an kalzo ta maw tih ah Mipa tute pawn an nghahhlelh Miss ho chu an kochhuak ve tan ta.An hming an lam a piang chu an rawnchhuak zel a,an mawiin an nalh hlawm kher mai.Chutah zet chuan thawm pawh a tha tawh ngei mai.An lo haw haw dur dur a,a thenin chang an lo tum bawk.An ko zel a,an rawn kal zel a,midang an ko zo tamaw tih ah a tawpah chuan "Mimi Lalhruaitluangi"tia an han puang chiah chu a hma aia nasa lehzualin an au a,thawm pawh atha ngei mai,mipui zawng zawng chuan "Mimi" tiin an au rual thap thap a,a ni chu Stage hnunglam atang chuan a rawnchhuak a,kawrfual Pink a rawnha chhuak a,amah a pian a nalhin a vun a dik a,a hmeltha bawk si a,a inhmeh kher mai.Zei tak chuan a che dinglam leh veilam chuan a rawn pen phei a,mipui lah an lo au nasa.Camera pawh a de chuai chuai mai.Keipawh ka awmhmun atang chuan ka lo hlim ve em em mai a,mittla leklo in ka lo thlir a,ka lo chhuang rilru ve em em a.Ka kut veilam chuan ka Rose ken chu ka hum ran bawk a.

Tunah chuan Miss and Mister Contest chu an puang ta,keipawh ka awmhmun atang chuan ka lo tang ve em em a,Mister chu an puang ta.Chutah Miss tur chu an puang veleh dawn a,mi tute mai pawh chu kan thin a phu dup dup mai a,tunge kan College Miss tur chu ni ang.

"Kum 20..,..C Miss chu...,"mipui an reh thap a,thawm engmah a chhuak"tunge inrin"haha,mipui chu Mimi Mimi tiin an au rual nghal thup thup a.

"Awle,kum 20..,..C Miss chu Mimi Lalhruaitluangi"mipui an haw haw nasa ngei mai.Mimi pawh chu a lawm lutuk a,a hmai a hup nghal chawn chawn a,ava hmeltha kher em.Lawmmante an sem a,thlate an la zo a,keipawn ka rose ken lai chu ka lo hnim leh zoh a,programme pawh a tawp a ni zawm nghal a.

Mimi chu pawnlamah ka zuichhuak nghal a,atana ka ken ka Rose chu ka kut pahnih chuam ka hnunglamah ka keng a,Hall kawtah chuan ka va um phei a,"Mimi",arawn hawilet a.Ka lo nuih var var a,mahse ani erawh a nuivelo.Chutih lai tak chuan Car a rawnthleng a,Mipa pakhat hi a rawnchhuak a,Mimi chu a rawnko a,Mimin a hmuh veleh chuan an inpawm deuh chuk chuk a,a mipa chuan Car kawngkhar chu a hawnsak a,a lut a,an tlan ta daih a.Enge thil awmzia nita.Khapa kha tunge ni?A bialpa em ni?Ani theilo,keilo chu Mimin midang a nei thei lo ang?Mahse ka thil hmuh kha,kha vang kha em ni Mimi chhuanlam a siam tak reng.Ka rose chu ka la kang a,ka en a,tunah chuan mawina i nei tawh lo e,a hlutna tur ber a awmta si lo.Ka thlauh a,ka kalsan ve ta nghal a.

Zanah Ruatruati chu ka phone a,ani pawn min biak alo tum ve chiah alo ni a,"Ruatruat,thil zawh duh che ka nei a,"ka ti chu "Aw,keipawn thil hrilh tur che ka nei alawm"a rawn ti a,"Vawin khan"ka ti chiah chu Ruatruati chuan"Aw,a bialpa a nih kha"a rawnti nghal tawp a.Mak ka ti,ka ringsa deuh nachungin ka awih theilo a ni.Ka tek chhawk ni mai hian ka hria a,ka na ngawih ngawih mai.

Ruatruati chuan a sawi a,Mimi bialpa chu Rohlua ani a,MLA fapa a ni.Tunah MA a final year mek a,12 kan exam zawh ka khaw lama ka hawnlai atang khan Mimi chu alo bem a,atirah chuan Mimi chuan a duhlo hle a,mahse a nu leh paten an lo be tha in a Mipa chhungte nen ngei pawh an lo inbe tha zel a,tin,Rohlua chu alo zeiin Sumte anlo ngah bawk a,a zarbuai hneh bawk si a,zawi zawin Mimi pawh anem ve tial tial a,College kan rah atang phei kha chuan Mimi chu alo hmeltha in a pian leh vunin alo zir bawk si a,Mimi te ang Class tak tan kha chuan keini ang School Uniform hakloh chin phei chuan a tan ka lo tlingzo tawhlo a ni ang.Rohlua nen chuan an inngaizawng ta a.

Mahse keichu min thenduh chuanglo,a chhan pawh Mimi chu mahni thutiama dingmi leh thangthat duh a ni a,tichuan,Nuimawii nen kan inkawm thin tih a hriat atang khan min then theihna hun remchang a dap ta a,khatiang khan thil a thleng ta a ni.Mahse Nuimawii nen kan inngaihzawn miauloh avang chuan a tum ang in thil a kal thei lova,mahse tunah chuan engkim alang chiang ta."Ngatinge Ruatruat,atir atang khan min hrilh loh"ka ti a,ani chuan"ka thiantha ber ka phatsan theilo a ni.Bawìha,min ngaidam suh aw,keichuan ka tuar tur ang ang chu ka tuar mai ang,a pawi ka ti lutuk" a ti a.Phone chu kan dah ta a.

Chumi zan chuan Mimi hnen atang message ka dawng a,"tihpalh,kei ai tha ila tawng ang tih ka ring tlat,mangtha"tih chu. Aw,tiang hi maw alo nih hringnun chu,alo va rapthlak em,chumi zan chu chhinkhat temah ka chhing eih lo.Ka rilru na chuan Zu ka in a,ka inluahah chuan mittui nen,hnaptui nen Zu chauh chu ka in a,chaw pawh ka ei mumal meuh lo.Chumi atang chuan Class pawh ka kal lova,ka inah chuan Zu chu ka intawp mai a ni.Mimi min bumna chu na ka ti em em mai a,khang zawng zawng kha bialpa dang alo neih vang a ni maw.Aw,ava pawi tehreng em.Engtin nge ka nun ka hmanchhoh tak ang?

Sirva lengzawng te u, Hlimni chhiarin mawite'n in chiarnghian leh em? Pârtin an vul leh chiai e, Mahse hmangaihna par tlandun leh turin Ka phengpheleng khawiah a tuan tak le?

Aw,Mimi,a chhantling vala tangah maw,i beidawn le? Aw,Mimi,a remlo maw kei ka tan reng hian.

Chhawrthla eng riai hnuaiah, Zaleng tinkim ten tual an lengza leh e, Khawilam tuanzai rel ve che maw Tuipui ralah em ni i liam dawn le? Chawilai an rel che maw,hrilh ka hai ngei e.

A thiangten chungmu iangin Let leh ka nuam zir run lamtluang zawh lehin Hmangaih biahthu min hlan leh la Hlim tea kan lenlai dawnkir changin Riakmaw iang ka vai awi ka di Parmawi.

Aw,Mimi,a tlaizo maw,kei ka tan reng hian.

"Mama,mama,i harh em"ka mengchhuak riai riai a,a tirah chuan a phe chhup a,a eng lutuk a,ka maimitchhing leh a,chutah zawi zawiin kan meng leh a,ka nu leh ka naute pahnih chu ka hmu a,mak ka ti hle mai a,"Nu,ngatinge,khawnge ka awm","Mama,i chesual palh a,i in thlanglam Varandah atang khan i tla thla alawm,mahse tunah chuan i tha tawh e,hahdam deuh khan awm rawh"ka nu chuan a ti a,ka lu ah chuan a rawn nem tak mai hian min rawn chul heuh heuh a. Khatia Zuruia,harhfim mangloa ka awm kha ka inthlanglam Varandahah ka lo bu liam thla palh a,ka banruh a tliak a,mahse a dang ka pilh nen nuan tih bak lo chu ka vannei a ka na lo hlauh.Ka Nu bulah chuan engkim ka sawi a,min zilh nasa hle a,karhnih lai Class ka kal tawhlo tih a hriatte chuan a lungnilo hle a,mahse zaidam takin min zilh a,hmeichhe pakhat choh an awmloh thu leh nakin a ka nih tum MCS chu vawng nung reng turin min hrilh a,chutih hunah chuan a aia tha leh fel an tam dawn lutuk tihte chu min hrilh a,mahse chutiang chu ka pawm ve hauh lo.Mahse lohtheihloha Class chu ka zawm leh angai dawn a,ka Nu in ka damloh avanga kal theilo ka nih thute Medical Certificate hmangin min thehluh sak a,vanneihthlak takin ahma karhnih ka kalloh pawh kha an cover thei a,a lawmawm hle.

Thlakhat lai Class ka kal tawh loh hnu chuan Class chu ka kal tan veleh ta a.Ka danglam huih mai hian ka hria,tunah chuan ka zirlaiah chiah ka rilru ka pe tawh ang a,ka insawrbing tawh ang.Thildang reng reng ka ngaihsak tawh hauh lo ang.Ka nih tum ber MCS chu nasa lehzual zawkin tun atang ka lo inzir lawk anga,ka hlawhtling tur a ni tiin ka rilru chu ka sawhnghet sauh sauh a.

Nikhat chu ruah a sur deuh cherh cherh a,a vawt reuh hle mai bawk a,khua a hnimin a dim ruih a,lung a tileng tawk hle.12:30 alo ri a,Class kan zo chu ka thianpa in Library a kalpuiah min sawm tlat mai a,ka peihlo chung pawh min nghah tlat si avang chuan ka kalpui ta nge nge a.Ahmun kan zu thleng chu 1st Sem kan nihkumte ka hrechhuak uar uar a,khatih lai kha chuan nitin Library ah ka kal a,Nuimawii nen kan inkawm thin anih kha.A chhungah chuan kan lut a,ka thianpa chuan Lehkhabu chu a enkual dan dan a.

Keipawh chuan Lehkhabu ka enkual mai mai a,chutia ka enkual vel mai mai lai chuan ka Seat ka thleng phei dawn tamai a,hunrei tak ka kalloh hnuah chuan ka va thleng phei mai mai teh ang ka ti a.

Ka va thleng chu hmeichhe pakhat hi alo thu a,dawhkan chu bawkin tukverh lam chu a lo thlir vang vang mai a,tunge niang aw,chulai hmuna lo thu ve,Nuimawii em mawnile?Ani chuan pawnlama ruah tla leh thingkum zawrhniapte chu a thlir a,ahnu deuhah chuan a thokang a,Tukverh darthlalangah chu aka in a thawk khum a,chu athawk khum paw ah chuan thil a ziak a,enge a ziah tih chu atirah chuan ka hre mai thei lova,mahse kan enchiang chu Bawiha tih alo ni.Nuimawii a ni chiang mai.

Kha,ngatinge ka seat ah i thut ringawt a"ka va tih chuan a ni chu a rawn hawi phawk hra a,"ah,bawiha,"tih pah chuan mak tih hmel tak hian min enreng mai a,chutiang chuan rei tak min en ha a,keichuan"min va ngai awm ve"nui suk paha kan tih chuan harhchhuak thut niawm tak hian a rawn thochhuak hlawl a,"aa,innu in min rawn hmu palh ange"tih pah chuan a kut hnunglam chuan darthlalanga a thil ziah chu ka hru zauh zauh a.Keichuan"kan inthen tawh"ka tih chuan mak tih hmel tak mai hian min en a,"ngatinge"a tih chuan "thu phawt teh"tih pah chuan ka Seat bulah a thutna thin ah khan ka nem thu a,keipawh ka Seatah khan ka thu fel a,thil awmdan vel zawng zawng,Mimin min bum dan vel leh ngaihzawng dang alo neih thu te,engmah thiamlohna a neih lohah mimin amah a ti hrehawm dan leh ka hriatchhuah a,Ruatruatin min hrilh dan zawng zawng chu a tantir atanga a tawp thleng,a kip a kawi chuan ka hrilh a.Ani chuan uluk tak hian alo ngaithla a,Mimi pawh chu a dem ve hle a,mahse huatna pakhatmah a neihloh thu leh a ngaihdam nghal vek thu min hrilh a,mak ka ti,he nu mizia hi chu,ngatinge ka tih chuan mi tumah huat neih a duhloh thuin min chhang a.

Chumi chawhnu chu Nuimawii nen chuan kan inkawm a,thil chi hrang hrang kan sawi a,ka chanchin dang dang leh thil chi hrang hrangte ka sawi a,ani pawn a chanchin leh min ngaihve thinziate chu a sawi a,kan thian nihna chu chumi ni chuan kan siamthar leh a,engmahin kan thian nihna atang min pawthrang tawhlo turin kan intiam bawk a.

E,hmannia Varandah atanga ka tlak thu ka hrilh chuan Nuimawii chuan a Mufler awrhlai chu ala thla a,"khawvawtah chuan ana duh" tih pah chuan ka kut chu atuam lum a,"angailo a sin"ka'n ti chu "ngawi mai mai rawh,nuam itih em kha"a rawn ti a,kan nuidun leh bawk bawk a.

Chutia kan inkawm a,kan hlim em em lai chuan ka thianpa kha alo lang hlawl a,"ehe,bawiha,hetah animaw ilo awm,ka zawng nasa lutuk che a sin"a rawnti a,ka lo theihnghilh daih alawmle ka thianpa chu,hihi."Awhaw,ka tihpalh lutuk,hei,ka thiannu hlui nen kan inhmu fuh a,kan lo titi tui lutuk a,ka lo theihnghilh palh che alawmle,hei ka thiannu Mawimawii anih hi,Mawimawi,hei ka thianpa Hmingthana,"ka ti nghal sawk sawk a,an ni chu an inchibai a,an hming chu an sawileh ve ve a,an innuih seih bawk a.

Chumini chawhnu chu kan pathum chuan kan thu ho a,kan inkawm a,kan titi ho a,fiamthute kan thawh a,ka nui ho leh dar dar a,achang leh thlahrang chanchinte kan sawi a,Nuimawii chu kan tihthaih thul,kan tihthaih laivelte chuan a au leh vak zel a,Hmingthana nen chuan kan nui leh vak vak a,Nuimawii leh Hmingthana pawh an innel nghal hle a,kan pathum chuan chu Library sir kilah chuan chumini chawhnu chu hlim takin kan her liam a. Zanlamah ka lehkha zirzo phone ka en chu Messege alo awm a,kan en chu ka thianpa Hmingthana kha alo ni a,"thianpa,i thiannu vawina mi Mawimawii kha min lo tihpui teh,ka vawikhat hmuhna atang khan ka duhnghal lutuk a"a rawnti a,amak ka tingei mai,chu thil ka chhiar chu ka sa zak mai a,ka rilru chuan "teuhlo,"ka ti ringawt a,enge chutia ka tihchhan pawh ka hrelo,Nuimawii hi ka duh em mawnile?Nilo,Nuimawii chu ka thiannu a ni,ka bialnu a nilo,engvangin nge ka lo phalloh ve ringawt ang.Phalloh nachhan tur pakhatmah ka neilo"Awle,i duhphawt chuan"tiin ka reply ve tangawt a,mahse ka thinlung chuan a phallo a ni.Ngatinge,NUIMAWII HI KA DUH EM NI?

  Nuimawii chu ka thianpa Hmingthana'n aduh tih chu hreh tak chuan ka hrilh a,mahse engtinmah keichu min chhanglo,thildang engemaw a sawi kai daih a.Hmingthana chu Nuimawii no.ka pe a,"nangman bawhzui ve tawh mai rawh" ka ti ta ringawt a,dik tak chuan an pahnih suihzawmtu nihchu ka hreh a ni.Chumi zan zankhua chu khumah chuan muhil theiloin ka tal ka tal a,thil eng engemaw ka ngaihtuah kual a,Nuimawii nena kan intawn tirh te kha ka ngaihtuah chhuak a,ka lungatileng reuh hle mai a,atira ka ngei a,ka huatzia leh ka tenzia te kha ka ngaihtuah a,tunah chuan ka tan thiantha ber ani tawh a,englai maha min phatsan ngailotu leh ka tana tha turah chuan amah pawn tawrh phah dawn mahse engmah hniallo,atawrh phah reng a ni tihte ka ngaihtuah a,vawina Hmingthana nen ka lo inhmelhriattir ta kher kher te kha pawi ka ti leh hnuhnawh em em a,chubakah min sawmna kha lo hnar mai ila tha tur,a hrim hrimin amah pawh kha ngatinge minlo zawn kher,engkim mai kha a diklo velvek.

Mahse Library ah khan lokal lo ta ila Nuimawii nen thian kan nileh thei angem?Mahse tinge Hmingthana'n Nuimawii alo duh kher tiin ka ngaihtuahna chu a vak kual vel a.A tawpah chu engvangin nge Hmingthana'n Nuimwii a duh avanga ka lo nat a,ka lo thinrim ve ringawt,engmah ka tan lo buaive na tur a awmlo.Ka lehkha zirlai hi tha takin ka zir ang a,hmangaihna avangin ka buaileh tawh tur a nilo.Nuimawii chu ka thian ani a,ani zel bawk ang ka ti ta a. Atukah chuan Class te kan lak zawh hnu chuan Hmingthana chuan hlim hmel tak hian kawngka chhuah dawn chuan min rawn kuah a,"Thiana,Library ah kan kal dawn em?Kal ila"a rawnti a,ka rilru chuan"Hmela,Library kalte i rawn sawi alaw,nimin ka hruai che kha ka va inchhir em,"ka ti a,a ruala kal chu ka peihlo na chu chutia min tih takah chuan kan kal ta a,kalkawngah chuan nizana Nuimawii nen an inbiak dan vel min hrilh a,Nuimawii chuan a duh thu ala sawilo na chu a hnar hmel bikloh thu leh fel atih a,kawm anawm thute chu a sawiluam a,chutiang a sawilaite chuan ka lo na veng veng mai,mahse tihlan loh ka tum hram hram a,ka nuilui ve zel a,mahse ka sawipui peih thlawt lo a ni.Atawng chu ka lo ngaithla ngawt ngawt a,ka lo nui lui veleh suk zel a.

Library kan thleng a,Hmingthana chu lova thu hmasa thu hmasa tur leh keichu ka inthiar lawk duh thu ka hrilh a.Bathroomah chuan rei angreng deuh ka awm a,Nuimawii chuan Hmingthana chu a duhve anih Hmingthana sawidan atang chuan ka ring a,diktak chuan an bula awm chu ka chaklo a ni.An pahniha an inngaihzawn chuan keichu ka va mal leh dawn em tihte chu ka ngaihtuah a,Mimi min kalsan laite kha ka ngaihtuah chhuak leh a,ka rilru no a rawnchhuak a,bathroomah chhungah chuan dan ruallohin ka mittui chu a rawn far zung zung mai a,kalsan ka nileh dawnta anih hi.Ka hmangaih Mimin min kalsan tawh a,tunah Nuimawiin min kalsan leh dawnta chu a nia.Ngatinge hnutchhiah ka nih bik reng le?Ava fair lo em Hringnun hi chu.Mahsf hmachhawn dan ka thiam angai.Heng thilte avang hian ka tlu mai mai tur a nilo.Ka hmaichu ka phih a,bathroom atang chuan ka chhuak a.

Kan Seat lam chu ka va pan phei a,Nuimawii chu alo thleng tawh a,Hmingthana nen chuan an lo titi a,an lo nuidun a,nuam an tih hmel kher mai.Hmingthana chuan duat hmel tak hian a kutte chu an malis sak vel a,Nuimawii pawh chuan nuam atih hmel khawp mai.A piah atang chuan ka thlir reng a,an bula va kal chu ka inthlahrung ta riau a,bakah an ni pahnih awmdunna bula awmreng chu ka tan a nawm dawnlo bakah ka rilru ana mai mai dawn a,Hmingthana chu ka text a,ka nawmsam vak lo a,ka haw tak mai thu chu ka hrilh ta ringawt a.

Chumi tuk atang chuan Library pawh ka kal leh tawh lo a,Hmingthana'n min sawm pawn chhuanlam engemaw ka siam a,ka kallo zel a,Nuimawii pawn min rawn be reng a,mahse ani bulah pawh ka hmanloh thu leh eng engemaw chhuanlam hmangin ka kalloh chhan chu ka lo hrilh thin a.Diktak chuan an pahnih hlim taka inngaizawng bula lo awm ve chu ka hreh em a ni.Chumai bakah ka ta nilo tur Nuimawii midang bula hlim taka a nui tur hmuh chu ka ngaingam lo a,ka thei nganglo a ni.Ahnuah phei chuan Nuimawii chu a thinrim a,mi pawh a rawn be duh tawh lo a,mahse chu chu ka duh zawk a ni.Ka tan chuan a hrehawm em a,ka ta a nilo tih hrereng chungin ka duh a,ka phulo tih hrechungin ka lo hmangaih ve em em si a.Nuimawi,hlimtakin awm rawh,Hmingthana nen hlim takin awm ula,keichu minlo hrechhuak ve duh reng reng suh.I tan ka tling ve silo.Nangchuan thiantha angin min enreng mahla,keichuan ka theive tawh silo.Midang bula hlim taka i awm chu ka duh a,mahse ka hmuve theilo a ni.

'Thinlai ruk ahlim zual thing e,nangtawn changin, I lungdumtu tang ngei chu belin biahthu min hlan dawnlo mahla, Aruktein ka hmangaih reng ang che.'

Nuimawii leh Hmingthana chu an inngaizawng ta ngei anih ka ring a,an inzui pawh ka hmufo thin.Hmingthana chuan Bike anei a,a bike a an inphur pawh ka hmu zeuh zeuh thin.In hreve vek anga,College a tlangval nive ta chu keipawn Bike ka it ve thin hle a,mahse ka Nu leh Pa hnenah chuan ka dil ngailo.A chhan pawh ka thawhchhuah niloa Bike a chak tawk tawk a tlanchu ka duhlo a ni.Sawive ilang chuan min leisak ve ang tih pawh ka chiang.Mahse ka chhia leh tha hriatna thiang chuan min dil tir thei thlawtlo a ni.Mahse Hmingthanan Nuimawii a phur ka hmuhchang chuan ka lo veng veng thin a,ka tum nihauh lovin tawngkam chhe tak tak hi keima hriattham tawk lek hian ka lo chhamchhuak leh mawlh mawlh thin.Achang chuan Nuimawii khan min duhve nia hriatnate ka nei thin a,vawikhat pawh Library a kan awmdun lai ka lo muhil palh a,ka kut pahnih chu dawhkanah nghatin ka lu chu a sir zawngin ka nghat a,ka mumangah engemaw ka hlauhawm tak hmuh ka neih avanga ka harh thut chu Nuimawii chuan hnai takah hian minlo en a,ka phuchiang hle.Ani pawh a lai hle a.Enge a tih ka zawh chuan a nene kual vel mai mai a.Mahse a chhan erawh a tling hauh lo,min duhve kher loang.Ani chuan thian ang chauhin min en ang tih pawh ka hria a ni.

Zankhat chu Nuimawii 'n min lo text a,thil pawimawh tak chungchang min hmuh a duh thu min rawn hrilh a,ka hnial viau nachungin aman pawimawh atih em avang chuan a tukah April kung hnuaiah 12:30 ah innghah a duh thu a sawi a,keipawh chuan ka lo remti ve mai a.Chumi zan zankhua chuan ka ngaihtuahna chu a vakkual a,enge min hmuh aduh chhan niang aw tiin ka rilru chuan a ngaihtuah nasa hle a,Hmingthana nen an chanchin min hrilh aduh aniang te ka ti a,chumizan chu ka mu manglo hial a.

Atukah 12:30 Class zawh hnu chuan kha April kung hnuai thutthleng kha ka va thlen chuan ani chu alo awm reng tawh a,reitak hla tak atang chuan ka thlir reng a,ka ta nimai la aw,ka bialnu niin tunah te hian inngaizawng innghak ni ta ila te ka ti a,mahse chu chu ka suangtuahna ramah bak a thlengpha dawn silo.Aw,Nuimawi,lengdang tawnah vul tur chuan ka phallo che a sin.Mahse thian kan ni tlat si a.Nuimawii chu alo hawilet a,min hmuh chuan a nui ver ver a,aw,atira Nuimawi ka tihloh tehlul che nen tunah chuan i nuihmawina hi ka hmu a,ka hmuchiang tawh a sin.Kha 1st Sem kam nihlaia College Week Volleyball a mipuiin 'Nuimawii Nuimawii' tia an lo auh dual dual che pawh kha an lo tidik em anih kha.Vawin hi khang hunkha nitase khang Mipui ho zingah khan a auring ber ka nita ve ang.Ka tan kumkhuain min nuihsak theila ka va ti em,Nuimawi,ka duhche a ni.Mahse kan pahnih chuan thian kan ni tlat si a tiraw.Ka lam hawia i seih hian ka tan khawvel a parvul leh thin a,mahse chu chu i liam mek si.

Abul ka va thlen chuan abula thu turin minti a,ka thuve mai a,enge thilpawimawh taka min biak a duhna chhan chu ka zawt nghal a,ani chuan tihian ka hnenah a sawi a"Hmingthana hian min bem a,mahse tun thlengin ka la chhanglo","ehe,inni daih tawh turah ka lo ngai cheu a sin",a nui a,"hehe,la nichiah lo e,mahse a ni chuan Naktuka chhang ngei ngei turin min ti tlat tawh a,nanghi ka mirin ber leh thiantha ber ini a,engtinnge ka tih ang""Nia,Hmingthana chu atha alawm,a hausak bakah amah a fel a,bialap atan a tha ngawt ang chu"ka lo ti a,diktak chuan ka thinlung chuan "nisuh u,nilo,inni theilo,Nuimawii,ka duhche a ni"tihchu aduh a ni.Mahse a rem tlat silo.Nuimawii chuan hlim hmel a pu tlat lo,"anih keiin ngaihzawng lo nei ta ila,nang engtinnge i awm ang"hmel ngui raih chuan ati a,keichuan"keichu min ngaihtuah duh suh,ka tha alawm,i tan thiantha ber ka nireng dawn alawm,"ka ti a,mahse ka thalo a ni.Ani chuan"thiantha ber maw"ati a,hnuai a bih a,mi pawh entha duh tawhlo chuan a ding a,min hnungchhawn a,"awle,ka lawm e,thiantha ber kan nireng dawn a nia"ati a,a kal ta a.Nilo,Nuimawi,thiantha ber nihchu ka duhlo a sin.I hmangaih leh ka hmangaih ber inih ka duh a sin.Mahse a remve silo tiraw,kan pahnih tan chuan.Hlim takin awm zel ang che u.A kalliam tur chu ka thlir zuireng a,aliam dawn chuan arawn hawilet a,kei chuan harsa titakin ka lo nuih a.

Hunte an liam a,kan nitin nun chu hmangliamin second,minute leh darkar kalzelte chuan kan nunhluia let leh tawh ngailo turin hma min sawntir a,chu chu a tifamkim turin ka taksa leh kan chhehvela thil lo inthlak danglamte chuan a rawn nemnghet bawk a ni.Tunah chuan 6th Sem lai kan lo chuangkai ve ta.Keipawh ka zirlaiah chuan ahma aia nasa in ka inpe lehzual a,ka hunpum deuh thaw chu ka zirlaiah ka pe a ni tawp mai.A karah MCS ka nih tumna kawnga min pui theitu tur lehkhabu chihrang hrangte ka chhiar nasa hle bawk a,zing,chhun,zan,englai mai pawn lehkha chu ka chhiar reng mai a,nuam pawh ka ti hle.Class chu a changchangin ka chhimve chauh ani a,abak erawh ka inah ka zir char char mai thin.Hrehawm ka ti ngailo hrim hrim a lehkha chhiar hi,ka naupan tet atanga ka than hnan a ni a,bakah pawnlam nun engmah ngaihsak lova,Nuimawii leh Hmingthana chungchang pawh ngaihtuah lova ka lehkha zirlai chauha ka insawrbing thei chu ka lawm hle a ni.

Nikhat ka Class kal chu Class kan lak tawhloh hnu chuan kan Class tukverh bulah chuan dawhkan bawhin ka lo muthlu a,chutia ka lo muthlu chu ka mumangah chuan Mimi ka lo hmu a,ani nen chuan Higher kan kal laia kan School Uniform kha kan lo ha a,April Kung hnuaiah hian kan lo awmdun a,kan lo inkawm a,kan infiam a,kan lo hlim angreng khawp mai a,ahnuah chuan Mimi chuan"hawh,Bawiha,sschool kal tawh ila,"alo ti a,mahse keichuan"aih,Mimi,mi nghah ka nei a,ka kalsan thei lovang"tiin ka lo chhang a,ani chuan "tu mi nge i nghah a"alo ti leh a, keichuan"ka hrebiklo,mahse mi tuemaw ka nghah a ngai a ni"ka lo ti a.

Mimi chuan thlem takte hian min lo thlem a,a bula kal tur leh a ruala kal tur chuan min lo thlem ngar ngar a,thil engemaw tha deuh deuh min sawihmuh pawn ka lokal duh miahlo a,a hnuah chuan ka banah vuanin minlo pawt leh a,mahse chutah pawh chuan ka lo kalduh chuang lova.Chutih lai chuan chhum dum hi ka chung zawnah alo kal a,thli a thaw vuk vuk bawk a,Mimi chuan minla ko chul a,mahse ka lokal duh miahlo a,"saw,alo kal"tiin hmunhla tak chu ka kawk a,Mimi chuan min tlansan ta a.Chutih lai chuan ka mi nghah niawm tak chu chu thli thaw vuk vuk karah chuan alo kal a,thlite chuan ka mit an ti meng tha thei lova,mahse ka lo nghak a,ani chu alo hnaizel a,ka bul a rawn thleng chuan Ni a rawnlang a,thli thaw te pawh chu an reh a,ka hmuh chian theih hnu chuan a hmelchu ka enchiang a.Nuimawii alo ni a,ani chuan min lo nuih sen sen a. Thli thaw chuan ka hmai a rawn chhem a,ka mumang atang chuan ka harh riai riai a,mak tak mai hian ka lungaleng nghal em em mai bawk a,enge a chhan niang aw.Ka mumang chu ka ngaihtuah let a,mak ka tihle mai a.Pawnlam ral hla taka ram zautak chu ka thlir vang vang a.Chutih laitak chuan"i lung avan leng awm ve"hmeichhe aw hian a rawnti a,kan en chu Mimi hi nuisang hian ka hnungah alo ding a.

Ka hmuchiah chu phu zawk thei nia,"enge hetah i rawn tih dawn ka ti a,"i khua har hmel em a,"a ti a,keichuan chang fek fawk hian"hnem ka ngailove"ka ti a,ka ding a,kal ka tum a,mahse ani chuan ka banah a lo man a,"Bawiha,min ngaidam rawh,khawngaihin inbe lawk ang,April Kung hnuaiah khan ka lo nghak ang che"a ti a,a kalta nghal a,keichuan kal tur nge kalloh tur tihchu reife ka ngaihtuah a,mahse atawpah chuan kal chu thain ka hria a,ka kal ta a.

Ngawi renga reife kan thutdun hnu chuan ani chu a rawn tawngchhuak hmasa a,"min ngaidam rawh,ka thiltih zawng zawngah khan,bawiha,ka hmangaih hmasaber ini a,ka theihnghilh thei thlawtlo che a ni","Rohlua nen inni tawhlo a mi","nitho e,mahse Bawiha,min duhleh chuan ka ban mai ang,aw,Bawiha,Higher kan kal lai ang khan awm leh ang,minla hmangaih ve tho tiraw"ka ngawi vang vang a,Mimi chu ka enphei a,ani pawh a lainatawm hmel thei tur ang ber chuan minlo en a,"khawngaihin Bawiha"a mittui chu a far a,ka bulah chuan kan College Miss,mite hmuha ka phuloh em em chu atap a ni.A hmeltha tap kara a mitmeng mawitak atang chuan mittui a rawnchhuak a,a biangno nalh tak ah chuan a luangthla mek a ni.Ka hmaa thu hi ka phumiahlo,mahse hmangaihnaa bumin ka awm tawh a,ka hmaa thu hmeichhe hmeltha chu ka tan a parve thei tawhlo a,a vulna chu ka thinlungah chuan a chuai tawh a ni."Mimi,pawi ka ti khawp mai,hmangaih dang ka nei tawh",a rawn hawi phawt nasa mai"tunge chu chu","ka sawitheilo,mahse chu ka hmangaih chu ka changchuanglo,midang nen an ni tawh","ehe,nangmah duhlo tu chu tunge","ka sawitheilo ka tihchu,aruktein ka hmangaih reng ang","Mawimawii ami",ka phuzawk a,ka phichunga,mahse ka pangngai lehvat a,"Ah,aa,niloe","ani animaw,hehe,i awmdan atang khan a hriatvek alawm",Nie,Mimi bulah chuan ka inpuang vek law law mai teh ang ka ti a,thil engkim chu ka hrilh ta vek a,ani chuan ka sawichhung chu minlo ngaithla a.Atawpah chuan a nui sun sun a,atira kan boruak nen kha chuan adang tawh khawp mai,"ani pawn a duh hrim hrim ang che"ati a,keichuan"min duhlo chu anih hi"ka ti a,ani chuan"i zeilo ve em bawk a ni,Hmeichhia zawkin tan hmasa turah i ngai ami,keiang vek hi hmeichhia an ni hleinem,hrilh pawh ila hrilh lo ania","hihi",chhan ngaihna ka hretawhlo.Kan inthlah dawn chuan"Mimi,hmeichhe fel tak ini a,i hmelte atha bawk a,fel takin awm la,keichu min theihnghilh rawh,Rohlua nen chuan hlimtakin awm ula,nupa thatak la ni ang cheu"tiin ka thlah a.

Hun akal ve zel a,Mimi nen pawh thian angin kan inkawm zui a,nikhat chu Mimi chuan Canteen a chawlhpuiah min sawm a,ka hnial viau naa "ka treat ang che"ati tlat a,ka zuilut ve ta a. Canteen kan lut chiah chu Nuimawii leh Hmingthana chu ka hmu a,thil anlo eidun a ni.Let leh ka tum a,a chhan pawh an ni pahnih hmuhdun chu ka na a ni.Mahse Mimi chuan minlo dang a,min nawr lui a,Mimi lah chuan Nuimawii te bulah kher min han thutpui lehta nghal a.Anuamlo angreng hle,boruak a rit nghulh a,kan nui luia,kan inbe luam hlawm bawk naa,kan rilru tak a inpawh hlawm lo hle niin ka hria.

Ahnua Canteen atanga kan chhuahhnu chu Mimi chuan"Bawiha,Mawimawii khan a duhchiang che a ni,a awmdan atang khan ka hrethei vek"a'n tiringawt a"teuhlo,i ngaihdan mai mai anihchu"tiin ka chhang a.Mahse ani chu a thusawiah chuan chiang a inti hle mai a.

Hunte an liam ve zel a,nikhat chu ruah a rawn sur leh cherh cherh a,final exam a hnai tawh angreng a,College chu ka kal leh mai mai a,tihtur em em chu a awmlo khawp mai.12:30 alo rik chuan ka rilruah Library kal alo lang a,ahma kha chuan,Nuimawii nen kan inkawm lai kha chuan khel lovin nitin 12:30 arik khan chuan ka kal thin a nih kha.Tunah erawh engtia rei nge ka kal takloh.Ka lungte chu aleng hle mai,kal loh ka tum zet naa,min tur tu anasat em avang leh College ka kalchhunga atawp nan ka zukal leh reng reng teh ang ka ti a,kan Class atang chuan ruahsur hnuaiah chuan ka chhukthla ta a,Library ka zu thleng chu mi an lo awm manglo a,a duty ho bak,alo rehthiap a,ka lutchiah chu ka khua hi a har nghal em em mai a,chu ni khawvawt,ruahsur cherh cherh thim deuh ruih chuan a zir em bawk a.Ka lungte hi ati chhe rum rum mai a,hei hi ka College kal hunchhung zawnga ka kal tawpna anih ka ring.Ka tapchhuak dawn hial a,ka fangkual vel a,ka mitthla chuan hman hlir min hmuhtir a,ka hawina vel apiang chuan ka lunglen chu a tizual a.Ka Seat,a hnungber tukverh bul ka va thlengphei phei chu ka mittui alo hnamchhuak tiam tiam a,Nuimawii nena hlim taka kan nuihdun thinna a ni a,tunah erawh nuiri,tawngri reng a awmtawh lo,thehmeh angmai a reh thiap a,ka Seat bula tukverh a Nuimawii lo dak veng veng te chu ka mitthla a,tunah erawh hman a changzo ta.Ka College life chu aliam mek a,nakin lawkah chuan ka chhuahsan ang,a rualin he Library pawh hi a bo anga,thil engkim hi hman a ni tawh ang.Ka Nuimawii pawh.Ka Seat ah chuan atawp nan tiin,kan thu leh a,tukverh a chuan ka dak a,pawnlama ruah tla fep fep chu lungchhe takin ka thlir a.

Aw ka ngai Nunhlui zamual liamhnu, Hmanlai an chang ta maw, Dawnchangni hian,ka ngai nunhlui liamhnu, Kohkir theihchang silo.

Tunah chuan final exam pawh kan zo veta,hunte hi an liamchak a,hriatloh leh ngaihtuahloh kar hian an lo liamzel chu anih hi.Kan College luhtan hunte kha ka ngaihtuah let a,12 kan zo a,College kan kalchak tawhzia leh kan duhdana inchei a,Sam danglam tak taka siamte kha kan chak zek zek thin anih kha.Khatih lai hunkha hun reilote emaw ka ti a,mahse tunah chuan College chu ka chhuahsan alo hunta reng mai si.Bul ka tan chauh emaw ka ti a,atawp ka khar chu alo nita reng mai.Aw,ava reiloin hunte hi ava liam chak em.Ka exam zawhni chuan Gate ka chhuak chiah chu ka hawilet a,kan College chu tlai nitla turin a chhun mek a,building hrang hrangte inkual te chu ka enkual a,chung buildingah te chu vawikhat temah teaching ngaithla turin ka thu leh ngaidawn tawhlo tih ka ngaihtuah chuan ka lung ati chhe lek lek mai,kan College chu a reh thap mai hian ka hria a,ka ning emaw ka tihkha ka chhuah dawn meuh chuan ka ngaithar ta em em a.Tunah chuan College naupang ka nih hnuhnung ber chu atawp ta.Gate duty pa chu ka'n chibai ringawt a,ani lah chuan ka rilru min hriatthiam pui hmelloh em em lehnghal a,mahse a awm ve tho e.Tunah chuan ka ding reita,zawi zawin ka inher a,kan College ti a ka lo sawi thin,ka chhuan em em thin chu kum thum tehmeuh ka chenchilh hnuah ka hnungchhawn ta a.

Graduation Day nichuan zing takah ka tho a,ka inbual fai a.Ka Coat hak turte chu kan enfel leh a.Chawte ka eikham hnuchuan ka helhhawlh nge ka inbual nawn leh a,chutah ka Coat thar,vawikhatmah tuma taksa a la inthawlh ngailo chu muangchangin ka khaina atang chuan ka la thla a,Kamiz erawh apawl hain necktie dum ka awrh bawk a.Chutah ka Coat Suit chu ka inbel leh a,ka duhtawk a ka insiam zawhhnu chuan darthlalang hmaah chuan ka inen a,ka lungchu a awi thawkhat viau mai.

College ka thleng chu Programme an lo tan dawn tawh a,ahun takah ka thleng a ni.Programme te kan hmanga,kan hmanzawh chuan Core tinte thlalakna kan nei leh a.Thenkhat lungleng chu an lo tap pur a,a thenlah an lo nui uar uar hlawm bawk a.Atua temai pawh chu kan inchibai nawk nawk hlawm tawh mai.Thenkhatte lah an lo inkuah vawng vawng hlawm bawk a.

Keipawh April Kung hnuaiah khan dinner eihma chu ka thu a,earphone in hla ka ngaithla mai mai a,ka lungaleng ve hle.Ka inngaihtuah vung vung lai chuan ka hnung atang hian Mimi chuan ka mit min rawn hupsak a,"tunge ka nih hrethei rawh"arawn tingei a,keichuan ka lo hrelo der vel a,chutah ka mit hupna chu la thlain ka bula rawn thut pah chuan"ilung aleng animaw,helaiah nangmahin enge ilo ngaihtuah vung vung a",ati a,keichuan"nia,a ngaihawm ve dawn em a ni,kumthum lai kan lo chenchilh ve tawh si a"ka ti let ve a,ani chuan "ngaihchhan i nei chiang"a ti a,min nuih deuh kur kur a,keichuan"ni e tiraw,vawtkhatmah ka hmuhleh pawh ka ring tawh lo",ka ti ngui nghiai a,thlifim rawn thaw chuan ka hmaichu a rawn chhem a,ka maimitchhing a,thawk ka la vang vang a.Mimi chuan min rawn pawt tho thut a,"hawh,thla ila dun ve ang"ati a,Stage lamah chuan ka kal chho veleh a,kan dingdun chu kan inhmeh kher mai.Ani kan College Miss,piannalh vun ngo bawk si leh kei Mipa ah pawh palian sang leh hmelpawh zahpui awmloh ve tak ka ni si a.Minlo hmutute chuan minlo au dar dar hlawm a,kutte an lo beng a.

Mimi nen chuan kan inen a,kan nuidun leh a.Chutah Camera ka enliah chiah chu thlalatu hnunglamah Nuimawii khan hmel ngui tak mai hian minlo thlir reng a. Tunah chuan Grad's Dinner pawh kan eizo ta.College kan chhuah huntur pawh liamzel a ni.Chaw kan eikham pawn ka chhuaktur chu Hmingthana chuan minlo pawt a,inbiak a duhthu min hrilh a.Ka zui a. "Thiana,Mawimawii hi i duh ve em?""Engthu nge maw i sawile thiana","i duh em?sawi teh","nangmah nen inni lawm ni,engvangin nge mi bialnute ka lo duhve ngawt ang?","dawt sawisuh Bawiha,Mawimawii hi i duh a ni.Mimi ka atangin ka hrevek tawh,ani chuan a duh che a sin","enga!eng thu nge i sawitak Hminga,dawt min hrilh miah suh aw","dawt ka sawi hleinem,Mawimawii hian a hmangaih takzet che a ni","mahse,nangmah nen inni sia","kan ni ngai reng reng hleinem,vawitam ka bem pawn min duhlo,bawiha,nangmah chauh a duh che,chu chu ka bulah ngei pawh a sawi a ni.Kal rawh Bawiha,Mawimawii chu va zawng rawh,hlimtakin awm ru",Lalpa eng thil nge thleng ta hi.Nuimawiin min duhve maw?Min fiam a nilo maw?Mahse a nilo ang,ani thei loang.Hmingthanan dawt a sawi ngailo.

Ka tlanchhuak a,hmuntin ka tlankual a,mahse Nuimawii hmel reng reng ka hmulo,ani hi a hawtawh em ni?Nilo,Party ala awm a lawm.Anih khawnge a awmtak ang.Mite chu ka zawt a,ka hmuh a piang,mahse tuman Nuimawii chu an hmulo.

Reife ka zawnkual hnu pawn tuman an hmuh thureng an sawilo.April Kung hnuaiah chuan ka thu tawp a.Ka bei avan dawng em.Nuimawi,kan pahnih hi chuan a remve ngai dawnlo a nihhi tiraw?Kan tan kawng a inhawngve dawn chiah a,mahse min daltu anlo awmleh zel mai."E,ka hreta,Nuimawii awmna chu ka hreta". Library ah chuan ka zu tlanthla a,alo rehthiap a.Ani hi a awmlo em ni ang?Ka hlauthawng hmanhle a,mahse ahmun ka zu thleng chu kawngka tlemin alo kau a,ka chiang a ni.A awm ngei ang.Ka thin pawh adamta huai huai a.

Ka lut a,ka Seat-lam chu ka pan phei a,ka va thleng a,mahse,a awmlo.Nuimawii a awmlo,a awmtlat lo.Lalpa,ngatinge,Nuimawii hetah awm tur a nia sin.Ka thingthi hnawk a,ka tan beisei a boza ta.Ka mittui chu dan ruallohin a rawn sur zung zung a. "Nangpa kha hetah enge i tih"ka hnunglam atang chuan hmeichhe aw hian a rawnti a,rang takin ka hawilet a,karei,Nuimawii chu alo nui ver ver a,Van Angel ai pawha chungnung zawk Nuimawii han hmelthat zia chu tuman an sawithiam lo ang.Mak ka ti,ka lawm bawk si chu ka taksa chu a che dut dut mai,engtingnge ka awm pawh ka hretawhlo,ka sa chhuakvek nimai hian ka hria,"Nuimawi,ka hmangaihche"ka tichhuak thawt a,ani pawh a insum theilo"Bawiha,keipawn ka hmangaih che",a rawntlan phei a,ani,kan inkuah vawng vawng a,aw,Van Angel te u,minlo thlir em,hmangaih leh lungchim takin kan inpawm anih hi.Kan mittui chu dan rual a nilo.Ni e,lungngaihna mittui anilo a,hrehawm tawrh vang a ni heklo.Kan hlim em a ni.

Kan Seat-ah chuan kan thu dun a,hlimtakin kan inkawm a,kan kutchu kan invuan tawnreng bawk a.Ani pawh Mimin engkim alo hrilh vek tawh alo ni a,Library a ka awm ringin a rawnkal ve a ni.Kan va han hlim tak em.

Ka dar chu a rawn ngheng a,a luah chuan ka lo chul heuh heuh a,"Nuimawi,ka tan kumkhuain mawi takin nui reng tawh ang che aw"zawite hian ka ti a,ani chuan min rawn enha pah hian"tehrengmai,nangpawh aw,Mimi ai chuan ka tha zawk daih tiraw,"a nui sen sen a","tehrengmai,ani ai chuan aleh singsangsawmsarihin i tha fe zawk,keipawh,ANI AI CHUAN KA THA ZAWK tiraw","sawi ngailo chiang sa"ka nui dun a,a khabe chu tlem ka chawikang a,a hmuisen vam ham mawi taka a nuihna thinah chuan lungchim takin ka fawp ta vawng vawng a.Ruah chu a rawntla tan cherh cherh a,boruak chu arawn inthlak a,a rawn vawt ta hle mai a.Keini pahnih erawh chu ruahsur hnuaiah chuan Library a ka seat ah chuan inpawm chialin kan thudun a.Thenlohna biahthu inhlanin chu kan Graduation day ni chuan kan pahnih inkara hmangaihna thu chu kan thlungdun ta a ni.INTHEN LEH TAWH NGAILO TURIN.

The End.

“Ziaktu : Enga Luiz..

Writter   “Ram Zuun leh `D` Zuun a uai”

He page hi in lo tlawh ve thin dawn nia :